[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 2 # Prakriyapada 2: atha dvitīyo'dhyāyaḥ Prakriyāpāda 2 - **Language:** Sanskrit ## Contents - [2.41](https://indike.org/pramana/in.purana.prakriyapada.2.41) — 1 part ### atha dvitīyo'dhyāyaḥ ### [2.1](https://indike.org/pramana/in.purana.prakriyapada.2.1) dvādaśavārṣikasatranirūpaṇaṃ śuka uvāca pratyabruvan punaḥ sūtamṛṣayaste tapodhanāḥ kutra satraṃ samabhavat teṣāmadbhutakarmaṇām ### [2.2](https://indike.org/pramana/in.purana.prakriyapada.2.2) kiyantañcaiva tatkālaṃ kathañca samavarttata ācacakṣva purāṇañca kathaṃ tebhyaḥ prasaṅgajaḥ ### [2.3](https://indike.org/pramana/in.purana.prakriyapada.2.3) ācakṣva vistareṇedamparaṃ kautūhalaṃ hi naḥ iti sannoditaḥ sūtaḥ pratyuvāca śubhaṃ vacaḥ ### [2.4](https://indike.org/pramana/in.purana.prakriyapada.2.4) śṛṇudhvaṃ yatra te dhīrā ījire satramuttamaṃ yāvantañcābhavat kālaṃ yathā ca samavarttata ### [2.5](https://indike.org/pramana/in.purana.prakriyapada.2.5) sisṛkṣamāṇā viśvaṃ hi yatra viśvasṛjaḥ purā satraṃ hi ījire puṇyaṃ sahasraṃ parivatsarān ### [2.6](https://indike.org/pramana/in.purana.prakriyapada.2.6) tapo'ṣṭahapatiryyatra brahmā brahmā'bhavatsvayaṃ ilāyā yatra patnītvaṃ śamitre yatra buddhimān mṛtyuścakre mahātejāstasmin satre mahātmanāṃ ### [2.7](https://indike.org/pramana/in.purana.prakriyapada.2.7) vibudhā ījire tatra sahasraṃ parivatsarān bhramato dharmacakrasya yatra nemiraśīryyata karmaṇā tena vikhyātaṃ naimiṣaṃ munipūjitaṃ ### [2.8](https://indike.org/pramana/in.purana.prakriyapada.2.8) yatra sā gomatī puṇyā siddhacāraṇasevitā rohiṇī suṣuve tatra tataḥ saumyo'bhavat sutaḥ ### [2.6-2](https://indike.org/pramana/in.purana.prakriyapada.2.6-2) śaktirjyeṣṭhaḥ samabhavat vaśiṣṭhasya mahātmanaḥ arundhatyāḥ sutā yatra śatamṛttamatejasaḥ ### [2.10](https://indike.org/pramana/in.purana.prakriyapada.2.10) kalmāṣapādo nṛpatiryyatra śaptaśca śaktiṇā yatra vairaṃ samabhavadviśvāmitravaśiṣṭhayoḥ ### [2.11](https://indike.org/pramana/in.purana.prakriyapada.2.11) adṛśyantyāṃ samabhavanmuniyyam̐ca parāśaraḥ parābhavo vaśiṣṭhasya yasmin jātepyavarttata ### [2.12](https://indike.org/pramana/in.purana.prakriyapada.2.12) tatra te ījire satraṃ naimiṣe brahmavādinaḥ naimiṣe ījire yatra naimiṣeyāstataḥ smṛtāḥ ### [2.13](https://indike.org/pramana/in.purana.prakriyapada.2.13) tatsatabhavatteṣāṃ samāḥ ṣaḍdaśa dhīmatāṃ purūravasi vikrānte praśasati vasundharāṃ ### [2.14](https://indike.org/pramana/in.purana.prakriyapada.2.14) aṣṭādaśa samudrasya dvīpānabhyagamatpurūravaḥ ! tutoṣa naiva ratnānāṃ lobhāditi hi naḥ śrutaṃ ### [2.15](https://indike.org/pramana/in.purana.prakriyapada.2.15) urvvaśī cakame yacca devahūtipracoditā ājahāra ca tatsatraṃ sarvebhyāsahasaṅgataḥ ### [2.16](https://indike.org/pramana/in.purana.prakriyapada.2.16) tasminnarapatau satraṃ naimiṣeyāḥ pracakrire yaṃ garbhaṃ suṣuve gaṅgā pāvakāddīptatejasaṃ tadulbaṃ parvvatenyastaṃ hiraṇyaṃ pratyapadyata ### [2.17](https://indike.org/pramana/in.purana.prakriyapada.2.17) hiraṇmayantataścakre yajñavāṭaṃ mahātmanāṃ viśvakarmmā svayaṃ devo bhāvayan lokabhāvanaṃ ### [2.18](https://indike.org/pramana/in.purana.prakriyapada.2.18) bṛhaspatistatastatra teṣāmamitatejasāṃ aiḍaḥ purūravā bheje taṃ deśaṃ mṛgayāṃ caran ### [2.16-2](https://indike.org/pramana/in.purana.prakriyapada.2.16-2) taṃ dṛṣṭvā mahadāścaryyaṃ yajñavāṭaṃ hiraṇmayaṃ lobhena hatavijñānastadādātuṃ pracakrame ### [2.20](https://indike.org/pramana/in.purana.prakriyapada.2.20) naimiṣeyāstatastasya cukrudhurnṛpaterbhṛśaṃ nijaghnuśvāpi saṃkruddhāḥ kuśavajrairmanīṣiṇaḥ tato niśamya rājānaṃ munayo daivacoditāḥ ### [2.21](https://indike.org/pramana/in.purana.prakriyapada.2.21) kuśavajrairviniṣpiṣṭaḥ sa rājā vyajahāttanaṃ aurvvaśeyaṃ tatastasya putrañcakrurnṛpaṃ bhuvi ### [2.22](https://indike.org/pramana/in.purana.prakriyapada.2.22) nahuṣasya mahātmānaṃ pitaraṃ yaṃ pracakṣate sa teṣu varttate samyak dharmmaśīlo mahīpatiḥ āyurāgegyamatulyaṃ tasmin sa narasattamaḥ ### [2.23](https://indike.org/pramana/in.purana.prakriyapada.2.23) sāntvayitvā ca rājānaṃ tato brahmavidāṃvarāḥ satramārebhire kartuṃ yathāvaḍarmmabhūtaye ### [2.24](https://indike.org/pramana/in.purana.prakriyapada.2.24) babhūva satraṃ tatteṣāṃ bahvāścaryyaṃ mahātmanāṃ viśvaṃ sisṛkṣamāṇānāṃ purā viśvasṛjāmiva ### [2.25](https://indike.org/pramana/in.purana.prakriyapada.2.25) vaikhānasaiḥ prayasakhairvālakhilyaimarīcipaiḥ anyaiśca munibhirjuṣṭaṃ sūryyavaiśvānaraprabhaiḥ ### [2.26](https://indike.org/pramana/in.purana.prakriyapada.2.26) pitṛdevāpsaraḥsiddhairgandharvvoragacāraṇaiḥ sambhāraistu śubhairjuṣṭantairevendramado yathā ### [2.27](https://indike.org/pramana/in.purana.prakriyapada.2.27) stotrasatvagrahairdevān pitṝn pitryaiśca karmmabhiḥ ānarcuśca yathājāti gandharvvādīn yathāvidhi ### [2.28](https://indike.org/pramana/in.purana.prakriyapada.2.28) ārādhayitumicchantastataḥ karmmāntareṣvatha jaguḥ sāmāni gandharvvā nanṛtuścāpsarogaṇāḥ ### [2.29](https://indike.org/pramana/in.purana.prakriyapada.2.29) vyaḥjahurmuunayo vācaṃ citrāttarapadāṃ śubhāṃ manvāditattvavidvāṃso jagaduśca parasparaṃ ### [2.30](https://indike.org/pramana/in.purana.prakriyapada.2.30) vitaṇḍāvacanāścaike nijaghnuḥ prativādinaḥ ṛṣayastatra vidvāṃsaḥ sāṅkhyārthanyāyakovidāḥ ### [2.31](https://indike.org/pramana/in.purana.prakriyapada.2.31) na tatra duritaṃ kiñcidvidadhurbrahmarākṣasāḥ na ca yajñahano daityā na ca yajñamuṣo'surāḥ ### [2.32](https://indike.org/pramana/in.purana.prakriyapada.2.32) prāyaścittaṃ duriṣṭaṃ vā na tatra samajāyata śaktiprajñākriyāyogairvidhirāsīt susuṣṭhitaḥ ### [2.33](https://indike.org/pramana/in.purana.prakriyapada.2.33) evaṃ vitenire(1) satraṃ dvādaśābdaṃ manīṣiṇaḥ bhṛgvādyā ṛṣayo dhīrā jyotiṣṭomān pṛthak pṛthak cakrire pṛṣṭhagamanān sarvvānyuttardākṣiṇān ### [2.34](https://indike.org/pramana/in.purana.prakriyapada.2.34) samāgatāste sarvve vāyumeva mahādhiyaṃ papracchuramitātmānaṃ bharvāṅgeyedahaṃ dvijāḥ praṇoditaśca vaṃgārthe sa ca tānabravītprabhuḥ ### [2.35](https://indike.org/pramana/in.purana.prakriyapada.2.35) śiśuḥ svayambhuvo devaḥ sarvvapratyagdṛgavyaśī aṇimādibhiraṣṭābhiraiśvaryyairyyaiḥ samanvitaḥ ### [2.36](https://indike.org/pramana/in.purana.prakriyapada.2.36) tiryyagyonyādibhirddharmaiḥ sarvvalokānvibhartti yaḥ saptaskandhādikaṃ śaśvat plavate yojanāddaraḥ ### [2.37](https://indike.org/pramana/in.purana.prakriyapada.2.37) viṣaye nigatā yasya saṃsthitāḥ saptakā gaṇāḥ vyūhāṃstvanyāṇāṃ bhūtānāṃ kurvvan yaśca mahābalaḥ tejanasyādya pañcānandātomaṃ śarīriṇāṃ ### [2.38](https://indike.org/pramana/in.purana.prakriyapada.2.38) prāṇādyāvṛttayaḥ pañca karaṇānāñca vṛttibhiḥ preryyamāṇāḥ śarīrāṇāṃ kurvvate yāstu dhāraṇaṃ ### [2.36-2](https://indike.org/pramana/in.purana.prakriyapada.2.36-2) ākāśayonirdviguṇaḥ śabdasparśasamanvitaḥ taijasaprakṛtiśīto'pyayaṃ bhāvo manīṣibhiḥ ### [2.40](https://indike.org/pramana/in.purana.prakriyapada.2.40) tatrābhimānī bhagavān vāyuśakti kriyātmakaḥ vātāraṇiḥ samākhyātaḥ śabdaśāstraviśāradaḥ ### [2.41](https://indike.org/pramana/in.purana.prakriyapada.2.41) bhāratyā ślakṣṇayā sarvvān munīn prahlādayanniva ' purāṇajñaḥ sumanasaḥ purāṇaśrayayuktayā ### [2.41.p1](https://indike.org/pramana/in.purana.prakriyapada.2.41.p1) iti śrīmahāpurāṇe vāyuprokte dvādaśavārṣikasatranirūpaṇaṃ nāma dvitīyo'dhyāyaḥ ## Linked texts (2) - [Vāyupurāṇa](https://indike.org/pramana/in.purana.vayu.1.2.2) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.2.2) — Vyāsa, Sanskrit --- Source: [https://indike.org/pramana/in.purana.prakriyapada.2](https://indike.org/pramana/in.purana.prakriyapada.2) · Pramāṇa