Pramāṇa · Search · About · API

Prakriyapada 35: atha pañcaviṃśo'dhyāyaḥ

Prakriyāpāda 35

Language
Sanskrit

Contents

atha pañcaviṃśo'dhyāyaḥ

35.1

jambu dvīpavarṇanaṃ
sūta uvāca | yattadvai karṇikāmūlamiti vai saṃprakīrtitaṃ
tadyojanasahastrāṇāṃ saptatīnāmadhaḥ smṛtaṃ

35.2

catvāriṃśattathāṣṭau ca sahasrāṇyatra maṇḍalaṃ
śailarājāvṛtaṃ ramyaṃ merumūlamiti śrutiḥ

35.3

teṣāṃ girisahastrāṇāmanekeṣu mahocchritāḥ
dikṣu sarvāsu paryyantairmaryādāḥ parvatāḥ smṛtāḥ

35.4

nikuñjakandaranadīguhānirbharaśobhitāḥ
bahuprāsādakaṃṭakaistaṭaiśca kusumojjvalaḥ

35.5

nitambapuṣpamālaughaiḥ sānubhirdhātumaṇḍitaiḥ
śikharairhemakapilairnaikaprasravaṇāvṛtaiḥ
śobhitā girayaḥ sarvve puṣṭairatnasamarpitaiḥ

35.6

vihaṅgamaśatasaṃgṛṣṭaiḥ kuñjarairupamairapi
siṃhaśārdūlaśarabhairnaikaiścāmaravāraṇaiḥ
nānāvarṇākṛtidharaiḥ sevitā vividhairnagaiḥ (1)

35.7

saptāśvaharikṛṣṇāṅgamaukaikaṃ daśaparvvataṃ (2)
vāhyābhyantarā ye tu trivāhāstu samāḥ smṛtāḥ

35.8

jaṭharo devakūṭaśca pūrvvasyāṃ diśi parvatau
tau dakṣiṇottarāyāmāvānīlaniṣadhāyatau

35.9

kailāso himavāṃścaiva dakṣiṇottaraparvatau
pūrvapaścāyatauvetāvarṇāvarāntavyavasthitau

35.10

yo'sau merurdijaśreṣṭhāḥ prāṃśuḥ kanakaparvataḥ
viṣkambhaṃ tasya vakṣyāmi tanme nigadataḥ śṛṇu

35.11

mahāpādāstu catvāro meroratha cataddiśaṃ
yairdhṛtatvāt na calati saptaddīpavatī mahī

35.12

daśayojanasāhasra āyāmasteṣu paṭhyate
devagandharvvayakṣāṇāṃ nānāratnopaśobhitāḥ(1)
naikanirjharavaprāḍhyā ramyakandaranirmitāḥ

35.13

nitambapuṣpakādambaiḥ śobhitāścittasānavaḥ
manaḥśilādarībhiśca haritālatalaistathā

35.14

suvarṇamaṇicitrābhirguhābhiśca samantataḥ
śuddhahiṅgulakaprakhyaiḥ kāñcanairdhātumaṇḍitaiḥ

35.15

varakāñcanacitreṇa pravālaiḥ samalaṅkṛtāḥ
rucirāḥ śataparvvāṇaḥ siddhāvāsā mudānvitāḥ
mahāvimānaiḥ śrīmadbhiḥ samantātpariṭīpitāḥ

35.16

pūrveṇa mandaro nāma dakṣiṇe gandhamādanaḥ
vipulaḥ paścime pārśve supārvvaścottare smṛtaḥ

35.17

teṣāṃ sahasraśṛṅgeṣu vajravedūyyavedikāḥ
śākhāsahasrakalitāḥ sumūlāḥ supratiṣṭhitāḥ

35.18

snigdhairnīlairghanaiḥ parṇaiḥ sañchannavividhāyatāḥ
anekaprajanotsevā mahāpuṣpaphalopagāḥ

35.16-2

yakṣagandharvvasevyāśca sevitāḥ siddhacāraṇaiḥ
mahāvṛkṣāḥ samutpannāścatvāro dvīpaketavaḥ

35.20

mandarasya gireḥ śṛṅge mahāvṛkṣaḥ sa keturāṭ
prālambaśākhāśikharaḥ kandaraścaiva pādapaḥ

35.21

mahākumbhapramāṇaistu puṣpairvikacakesaraiḥ
mahāgandhairmanojñaiśca śobhitaḥ sarvvakālajaiḥ

35.22

sahasramadhikaṃ so'tha gandhenāpūrayad diśaḥ
yojanānāṃ samantādvai mandamārutavījitaḥ

35.23

varaketureva prathito bhadrāśvo nāma yo dvijāḥ
yatra sākṣāt hṛṣīkeśaḥ siddhasaṅghairmahīyate

35.24

tasya rudrakadambasya tadā śvetaharo hariḥ
prāptavānamaraśreṣṭhaḥ sa tatra sahitaḥ purā

35.25

tena cālokitaṃ sarvvaṃ dvīpaṃ dvipadanāyakāḥ
yasya nāmnā samākhyāto bhadrāśvo nāmanāmataḥ

35.26

dakṣiṇasyāpi śailasya śikhare devasevitā
jambūḥ sadā puṣpaphalā sadā mālyopaśobhitā

35.27

mahāmūlairmahāskandhaiḥ snigdhavarṇairvibhūṣitā
navaiḥ sadāpuṣpaphalaiḥ śākhābhiścopaśobhitā

35.28

tasyā hyatipramāṇāni svādūni ca mṛdūni ca
phalānyamṛtakalpāni patanti girimūrddhani

35.26-2

tasmādgirivaraprasthāt punaḥ prasyandavāhinī
nadī jambū nadī nāma pravṛttā madhuvāhinī

35.30

tata jāmba nadannāma suvarṇaṃ jvalanaprabhaṃ
devālaṅkāramatulaṃ jāyate pāpanāśanaṃ

35.31

devadānavagandharvā yakṣarākṣasapannagā
yat pivantyamṭataprakhyaṃ madhū jāmbūrasasravaṃ

35.32

sa keturdakṣiṇe dvīpe jambūllokeṣu viśrutā
yasyā nāmnā sa vikhyāto jambū ddīpaḥ sanātanaḥ

35.33

vipulasyāpi śailasya paścimasya mahātmanaḥ
jātaḥ śṭaṅge 'timahānaśvatthasyaiva pādapaḥ

35.34

vilambikharamālādyaḥ suvarṇamaṇivedikaḥ
mahoccaskandhaviṭapo naikasatvaguṇālayaḥ

35.35

kumbhapramāṇaiḥ sukhadaiḥ phalaiḥ sarvvarttujaiḥ śubhaiḥ
sa ketuḥ ketumālānāṃ devagandharvvasevitaḥ

35.36

ketumāleti ca yathā tasya nāma prakīrttitaṃ
tannibodhata viprendrā niruktaṃ nāma karmmataḥ

35.37

kṣīrodamathane vṛtte daityapakṣe parājite
mahāsamarasammardavṛttakṣobhavimardditā

35.38

sahasrākṣeṇa vihitā mālā tasya sutānitā
tasya skandhe samāsaktā hyaśvatthasya vanaspateḥ

35.39

sā tathaiva mahāgandhā hyamlānā sarvvakāmikī
ijyate sumahābhāgā vividhaiḥ siddhacāraṇaiḥ

35.40

tasya ketoḥ sadā mālā devadattā virājate
pavaneneritā divyaṃ vāti gandhaṃ manoramaṃ

35.41

tābhyāṃ nāmāṅkito dvīpaḥ paścime bahuvistaraḥ
ketumāla iti khyāto divi ceha ca sarvvaśaḥ (1

35.42

svapārśvasyottare cāpi śṛṅge jāto mahādrumaḥ
nyagrodho vipulaskandho'nekayojanamaṇḍalaḥ

35.43

mālyadāmakalāpaiśca vividhairgandhaśālibhiḥ
śākhāvilambī śuśubhe siddhacāraṇasevitaḥ

35.44

pravālakumbhasadṛśairmadhupūrṇaiḥ phalaiḥ sadā
sa hyuttarakuruṇāntu ketuvṛkṣaḥ prakāśate

35.45

sanatkumārā varajā mānasāḥ brahmaṇaḥ sutāḥ
sapta tatra mahābhāgāḥ kuravo nāmaviśrutāḥ

35.46

tatra tairāgatajñānaiḥ sattvasthaiḥ puṇyakīrttibhiḥ
akṣayaṃ kṣemamaparaṃ lokaṃ prāptaṃ sanātanaṃ

35.47

teṣāṃ nāmāṅkito dvīpaḥ saptānāṃ vai mahātmanāṃ
divi ceha ca vikhyātā uttarāḥ kuravaḥ sadā

35.47.p1

iti śrīmatsyapurāṇe vāyuprokte jambudvīpavarṇanaṃ nāma pañcatriṃśo'dhyāyaḥ

Linked texts (5)