Prakriyapada 37: atha saptaviṃśo'dhyāyaḥ
Prakriyāpāda 37
- Language
- Sanskrit
Contents
- 37.30 — 1 part
atha saptaviṃśo'dhyāyaḥ
37.1
bhuvanavinyāsaḥ
sūta uvāca| śītāntasyācalendrasya kumuñjasyāntareṇa(1) tu
droṇī vihaṅgasaṃghṛṣṭā nānāsatvaniṣevitāḥ
37.2
triyojanaśatāyāma' vistīrṇā śatayojanāḥ
surasāmalapānīyasya tatra sarovaraṃ
37.3
droṇyāyāmapramāṇaistu puṇḍarīkaiḥ sugandhibhiḥ
sahasraśatapatrairhi mahāpadmam̐ralaṅkṛtaṃ
37.4
mahoragairadhyuṣitaṃ mahābhogairdurāsadaiḥ
devadānavagandharvvairupaspṛṣṭaṃ jalaṃ śubhaṃ
37.5
puṇyaṃ tacchrīsaro nāma prakāśaṃ divi ceha ca
prasannajalasampūrṇa śaraṇyaṃ sarvvadehināṃ
37.6
tatra tvekaṃ (2) mahāpadmaṃ madhye padmavanasya ha
koṭipatrapracārantattaruṇādityavarcasaṃ
37.7
nityaṃ vyākośamajaraṃ cāñcalyāccātimaṇḍalaṃ
cārukeśarajālāḍhyaṃ mattaṣaṭpadanāditaṃ
37.8
tasmin padme bhagavatī sākṣācchraurnityameva hi
lakṣmyāḥ padma tadāvāsaṃ mūrttimatyā na saṃśayaḥ
37.8-2
sarasastasya pūrvvasmin tīre siddhaniṣevite
sadā puṣpaphalaṃ ramyaṃ tatra vilvavanaṃ mahat
37.10
śatayojanavistīrṇaṃ triyojanaśatāyataṃ
arddhakrośoccaśikharairmahāvṛkṣaiḥ sahasraśaḥ
37.11
śākhāsahasrakalitairmahāskandhaiḥ samākulaṃ
phalaiḥ suvarṇasaṅkāśairharitaiḥ pāṇḍaraistathā
37.12
amṛtasvādusaddaśairbharīmātraiḥ sugandhibhiḥ
śīryyamāṇaiḥ patadbhiśca kīrṇā bhūmiranantarā
37.13
nāmnā tacchrīvanaṃ nāma sarvalokeṣu viśrutaṃ
gandharvvaiḥ kinnaraidyairttamahānāgaiśca sevitaṃ
37.14
siddhaiścaiva samākīrṇaṃ nityaṃ vilvaphalāśibhiḥ
vividhairbhūtasaṅghaiśca nityameva niṣevitaṃ
37.15
tasmin vane bhagavatī sākṣācchrīnityameva hi
devī sannihitā tatra siddhasaṅghainamaskṛtā
37.16
vikaṅkasryācalendrasya maṇiśailasya cāntare
śatayojanavistīrṇaṃ dviyojanaśatāyataṃ
37.17
vipulañcampakavanaṃ siddhacāraṇasevitaṃ
puṣpalakṣmāvṛtaṃ bhāti jvalanamiva nityadā
37.18
arddhakrośoccaśikharairmahāskandhaiḥ palāśiniḥ
praphullaśākhāśikharaiḥ piñjarabhāti tadvanaṃ
37.16-2
dvibāhupariṇāhaistaistrihastāyāmavistaraiḥ
manaḥśilācūrṇṇanibhaiḥ pāṇḍukesaraśālibhiḥ
37.20
puṣpairmanoharairvyāptaṃ vyākīrṇairgandhaśālibhiḥ
virājate vanaṃ sarvaṃ mattabhramaranāditaṃ
37.21
tadvanaṃ dānavairdevagandharvairyakṣarakṣasaiḥ
kinnarairapsarobhiśca mahānāgaiśca sevitaṃ
37.22
tatrāśramaṃ bhagavataḥ kaśyapasya prajāpateḥ
siddhasādhyagaṇākīrṇaṃ nānā śrutivibhūṣitaṃ
mahānīlakumuñjābhyāmantare'pyacalāvatha
37.23
mahānadyāḥ sukhāyāstu tīre siddhaniṣevitaṃ
pañcāśadyojanāyāmantriṃśadyojanavistaraṃ
ramyaṃ tālavanaṃ taddhi arddhakośocchradastakaṃ
37.24
mahāmūlairmahāsāraiḥ sthirairaviralaiḥ śubhaiḥ
kumudāñjanasaṃsthānaiḥ paridvṛttairmahāphalaiḥ
mṛṣṭagambarasopetairupetaṃ siddhasevitaṃ
37.25
māhendrasya dvipaindrasya tatra vāsa udāhṛtaḥ
airāvatasya bhadrasya sarvalokeṣu viśrutaḥ
37.26
veṇumantasya śailasya sumedhasottaraṇa ca
sahasrayojanāyāmaṃ vistīrṇaṃ śatayojanaṃ
37.27
vṛkṣagulmalatāyuktaiḥ sarvavīrūdbhigoditaṃ (1)
dūrvāprastāra menādya sarvasatvavivarjitaṃ
37.28
tathā niṣadhaśailasya devaśailasya cottare
sahasrayojanāyāmā śatayojanavistṛtā
37.29
sarvā hyekaśilā bhūmiśvakṣauruhivarjitā
āplutā pādamātreṇa hyudakena samantataḥ
37.30
ityetā hyantaradroṇyo nānākārāḥ prakīrttitāḥ
meroḥ pūrveṇa viprendrā yathāvadanupūrvvaśaḥ
37.30.p1
iti śrīmadmahāpurāṇe vāyuprokte bhuvanavinyāso nāma saptatriṃśo'dhyāyaḥ
Linked texts (2)
- Vāyupurāṇa — Vyāsa, Sanskrit
- Varāhapurāṇa — Vyāsa, Sanskrit