Pramāṇa · Search · About · API

Prakriyapada 39: athaikonacatvāriṃ śo'dhyāyaḥ

Prakriyāpāda 39

Language
Sanskrit

Contents

athaikonacatvāriṃ śo'dhyāyaḥ

39.1

bhuvanavinyāsaḥ
sūta uvāca | ataḥ paraṃ pravakṣyāni yasmin yasmin dilokaye
ye sanniviṣṭā devānāṃ vividhānāṃ gṛhottamāḥ

39.2

tatra yo'sau mahāgailaḥ śītāntaḥ naikaviddharaḥ
naikadhātuśataiścitrainaiṃkaratnākarākaraḥ

39.3

nitambaiḥ puṣpaśālambe naikasatvaguṇālayaḥ
mahārhamaṇicitrābhirhemaśṛṅgairalaṅkṛtaḥ

39.4

nitambaiḥ ṣaṭpadodgītaiḥ pravālairhemacitrakaiḥ
taṭaiḥ kusumasamaṅgīṇairmattabhramaranāditaiḥ

39.5

latāsrambaiścitatradbhiścitrairdhātuśatārcitaiḥ
sānubhoratnacitraiśca puṣpaḍhaiśca vibhūṣitaḥ

39.6

vimalasvādupānīyairnaikaprasravaṇairyutaḥ
nikuñjaiḥ kusumotkīrṇairanekaiśca vibhūṣitaḥ

39.7

puṣpoḍupavahābhiśca sravantībhiralaṅkṛtaḥ
kinnarācaritābhiśca darībhiḥ(1) sarvatastataḥ

39.8

yakṣagandharvacaritairanekaiḥ kandarodaraiḥ
śobhitaśca sukhāsevyaiścitrairgahanasaṅkaṭaiḥ

39.6-2

nānāsatvagaṇākīrṇaiḥ supānīyaiḥ sukhāśrayaiḥ
nānāpuṣpaphalopetaiḥ pādapaiḥ samalaṅkṛtaḥ

39.10

tasmin guhāśrayākīrṇe anekodarakandare
krīr̤āvanaṃ mahendrasya sarvakāmaguṇairyutaṃ

39.11

tatra taddevarājasya pārijātavanaṃ mahat
prakāśaṃ triṣu lokeṣu gīyate śrutiniścayāt

39.12

taruṇādityasaṅkāśairmahāgarbhairmanoharaiḥ
puṣpairbhāti nagaśreṣṭhaḥ sudīpta iva sarvaśaḥ

39.13

samagraṃ yojanaśataṃ taṃ gandhamanilo vavau
pārijātakaruṣpāṇāṃ māhendravananirgataḥ

39.14

vaidūryyanālaiḥ kamalaiḥ sauvarṇairvajrakesaraiḥ
sarvagandhabalopetairmattaṣaṭpadanāditaiḥ

39.15

vyākośairvikacaiścāpi śatapatrairmanoharaiḥ
sapaṅkajairmahāpadmairvāpyastatra vibhūṣitāḥ

39.16

virejurantarambūsthāḥ sauvarṇamaṇibhūṣitāḥ
parispandekṣaṇā nityaṃ mīnayūthāḥ sahasraśaḥ

39.17

kūrmairanekasaṃsthānairhemaratnapariṣkṛtaiḥ
cañcūryyamāṇaiḥ salilairbhāti citraṃ samantataḥ

39.18

nānāvarṇaiśca śakunairnānāratnatanūruhaiḥ(1)
suvarṇapuṣpaiścāmīkairmaṇituṇḍairdvijātibhiḥ

39.16-2

valgusvaraiḥ sadomattaiḥ sampatadbhiḥ samantataḥ
śuśubhe tadvanaṃ ramyaṃ sahasrākṣasya dhīmataḥ

39.20

mattabhramarasannādairvihaṅgānāñca kūjitaiḥ
nityamānanditavanaṃ tasmāt krīr̤āvanaṃ mahat

39.21

suvarṇapārśvaiśca nagairmaṇimuktāpuraskṛtaiḥ
maṇibhṛṅgalakalāpannaiḥ patadbhiśca samantataḥ

39.22

śākhāmṛgaiśca citrāṅgernānāvratatanūruhaiḥ
nānāvarṇaprakāraiśca satvairanyaiḥ samākulaṃ

39.23

muñcanti puṣpavarṣañca tatra vāsralatā drumāḥ
pārijātakapuṣpāṇāṃ mandamārutakampitāḥ

39.24

śayanāsananiryyūhaiḥ stauṇairatnavibhūṣitaiḥ
vihārabhūmayastatra dvijāḥ śakravane śubhāḥ
na ca śīto na cāpyuṣṇo ravistatra samaḥ sadā

39.25

nityamunmādajanano madhumādhavasambhavaḥ
vāti cāpyanilastatra nānāpuṣpādhivāsitaḥ
nityaṃ saṅgasukhālhādī śramaklamavināśanaḥ

39.26

tasminnindravane śubhre devadānavapannagāḥ
yakṣarākṣasaguhyāśca gandharvāścāmitaujasaḥ

39.27

vidyādharāśca siddhāśca kinnarāśca mudānvitāḥ
tathāpsarogaṇāścaiva nityaṃ krīr̤āparāyaṇāḥ

39.28

tasya parvatarājasya pūrve pārśve mahocchritaṃ
kumuñjaṃ(1) śailarājānaṃ naikanirbharakandaraṃ

39.29

tasya dhātuvicitreṣu kūṭeṣu bahuvistarāḥ
aṣṭau puryo hyudīrṇāśca dānavānāṃ mahātmanāṃ

39.30

vajrake parvate cāpi anekaśikharodaraiḥ
udīrṇā rākṣasāvāsā naranārīsamākulāḥ

39.31

nīlakā nāma te ghorā rākṣasāḥ kāmarūpiṇaḥ
tatra te'bhiratā nityaṃ mahābalaparākramāḥ

39.32

mahānīlepi śailendre purāṇi daśa pañca ca
hayānanānāṃ vikhyātāḥ(1) kinnarāṇāṃ mahātmanāṃ

39.33

devaseno mahāvāhurbalamindrādayastathā
tatra kinnararājāno daśa pañca ca garvitāḥ

39.34

suvarṇapārśvaiḥ prāyeṇa nānāvarṇasamākulaiḥ
bilapraveśairnagaraiḥ śailendraḥ so'bhyalaṅkṛtaḥ

39.35

atidāruṇā dṛṣṭiviṣā hyagnikopā durāsadāḥ
mahoragaśatāstatra suvarṇavagravartinaḥ

39.36

sunāge'pi mahāśaile daityāvāsāḥ sahasraśaḥ
harmyaprāsādakalilāḥ prāṃśuprākāratoraṇāḥ

39.37

veṇumante mahāśaile vidyādharapuratrayaṃ
triṃśadyojanavistīrṇaṃ pañcāśadyojanāyataṃ

39.38

ulūko romaśaścaiva mahānīlaśca vīryavān
vidyādharavarāstatra śakratulyaparākramāḥ

39.36-2

baikaṅke śailaśikhare hyantaḥkandaranirbhare
mahokṣaśṛṅge rucire ratnadhātuvicitrite

39.40

tatrāste gāruḍinityaṃ uragārirdurāsadaḥ
mahāvāyujavassanṅaḥ suprīvo nāma vīryavān

39.41

mahāpramāṇairvikrāntairmahābalaparākramaiḥ
sa śailo hyāhataḥ sarvvaḥ pakṣibhiḥ pannagāribhiḥ

39.42

karañje'bhirato nityaṃ sākṣādbhūtapatiḥ prabhuḥ
vṛṣabhāṅko mahādevaḥ śaṅkaro yogināṃ prabhuḥ

39.43

nānāveṣadharairbhūtaiḥ pramathaiśca durāsadaiḥ
karañje sānavaḥ sarvve hyāvakīrṇāḥ samantataḥ

39.44

vasudhāre vasumatāṃ vasūnāmamitaujasāṃ
aṣṭāvāyatanānyahuḥ pūjitāni mahātmanāṃ

39.45

ratnadhātau(1) girivare ṛṣīṇāñca mahātmanāṃ
samāśramāṇi puṇyāni siddhāvāsayutāni ca

39.46

mahāprajāpateḥ sthānaṃ hemaśṛṅge nagottame
caturvvaktrasya devasya sarvvabhūtanamaskṛtaṃ

39.47

gajaśaile bhagavato nānābhūtagaṇāvṛtāḥ
rudrāḥ pramuditā nityaṃ sarvvabhūtanamaskṛtāḥ

39.48

sumeghe dhātucitrāḍhye śailendre meghasannibhe
naikodaradarīvapranikuñjaiścopaśobhite

39.49

ādityānāṃ vasūnāñca rudrāṇāñcāmitaujasāṃ
tatrāyatanavinyāsā ramyāścaivāśvinorapi

39.50

sthānāni siddhairddevānāṃ sthāpitāni nagottame
tatra pūjāparā nityaṃ yakṣagandharvvakinnarāḥ

39.51

gandharvvanagarai sphītā hemakakṣe nagottame
aśotyamarapuryyābhā mahāprākāratoraṇā

39.52

siddhā hyapattanā nāma gandharvā yuddhaśālinaḥ
yeṣāmadhipatirdevo rājarājaḥ kapiñjalaḥ

39.53

anale rākṣasāvāsāḥ pañcakūṭe'pi dānavāḥ
ūrjitā devaripavo mahābalaparākramāḥ

39.54

śataśṛṅge puraśataṃ yakṣāṇāmamitaujasāṃ
tāmrābhe kādraveyasya takṣakasya purottamaṃ

39.55

viśākhe parvataśreṣṭhe naikavapradarīśubhe
guhāniratavāsasya guhasyāyatanaṃ mahat

39.56

śvetodare mahāśaile mahābhavanamaṇḍite
puraṃ garuḍaputrasya sunābhasya mahātmanaḥ

39.57

piśācake girivare harmyaṃ prāsādamaṇḍitaṃ
yakṣagandharvvacaritaṃ kuverabhavanaṃ mahat

39.58

harikūṭe harirdevaḥ sarvabhūtanamaskṛtaḥ
prabhāvāttasya śailo'sau mahānābhaḥ prakāśate

39.59

kumude kinnarāvāsā añjane ca mahoragāḥ
kṛṣṇe gandharvanagarā mahābhavanaśālinaḥ

39.60

pāṇḍure cāruśikhare mahāprākāratoraṇe
vidyādharapurantatra mahābhavanamālinaṃ

39.61

sahasraśikhare śaile daityānāmugrakarmmaṇāṃ
purāṇi samudīrṇānāṃ sahasraṃ hemamālināṃ

39.62

mukuṭe pannagāvāsā anekāḥ parvatottamāḥ
puṣyake vai munigaṇā nityameva mudāyutāḥ

39.63

vaivasvatasya somasya vāyornāgādhipasya ca
supadme parvatavare catvāryyāyatanāni ca

39.64

gandharvaiḥ kinnarairyakṣairnāgairvidyādharottamaiḥ
siddhairhiteṣu sthāneṣu nityamiṣṭaḥ prapūjyate

39.64.p1

iti śrīmaddāpurāṇe vāyuprokte bhuvanavinyāso nāmaikonacatvāriṃśo'dhyāyaḥ

Linked texts (5)