[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 3 # Prakriyapada 3: atha tṛtīyo'dhyāyaḥ Prakriyāpāda 3 - **Language:** Sanskrit ### atha tṛtīyo'dhyāyaḥ ### [3.1](https://indike.org/pramana/in.purana.prakriyapada.3.1) prajāpatisṛṣṭikathanaṃ sūta uvāca | maheśvarāyottamavīryyakarmaṇe surarṣabhāyāmitabuddhitejase sahasrasūryyānalavarcase namastrilokasaṃhāravisṛṣṭaye namaḥ ### [3.2](https://indike.org/pramana/in.purana.prakriyapada.3.2) prajāpatīn lokanamaskṛtāṃstathā svayambhurudraprabhṛtīn maheśvarān bhṛguṃ marīciṃ parameṣṭhinaṃ manuṃ rajastamodharmamathāpi kaśyapaṃ ### [3.3](https://indike.org/pramana/in.purana.prakriyapada.3.3) vaśiṣṭhadakṣātripulastyakarddamān ruciṃ vivasvantamathāpi ca kratuṃ munintathaivāṅgirasaṃ prajāpatiṃ praṇamya mūrddhnā pulahañca bhāvataḥ ### [3.4](https://indike.org/pramana/in.purana.prakriyapada.3.4) tathaiva cakrodhanamevikābhitaṃ prajāvihaṅgānpi tṛkāṃstathāparān purātanāmapyaparāṃśca śāśvatāṃstathaiva cānyān saṃgaṇānavasthitān ### [3.5](https://indike.org/pramana/in.purana.prakriyapada.3.5) tathaiva cānyānapi dhaiyyaśobhinaḥ munīn sahasrāyuśataḥpurogamān tapaḥśubhācāraṛṣīn dayānvitān praṇamya vakṣye kalipāpanāśinīṃ ### [3.6](https://indike.org/pramana/in.purana.prakriyapada.3.6) prajāpateḥ sṛṣṭimimānanuttamo sureśadevarṣigaṇairalaṅkṛtāṃ śubhāmatulyāmamahāṛṣipriyāṃ prajāpatīnāmapi colkhanāciṃṣāṃ viśuddhavāgbuddhiśarīratejasāṃ ### [3.7](https://indike.org/pramana/in.purana.prakriyapada.3.7) tapobhṛtāṃ brahmadinādikālīkīṃ prabhūtamāviṣkṛtapauruṣaśriyaṃ śrutau smṛtau ca prasṛtāmudāhṛtāṃ parāṃ parāṇāmanilaprakīrttitāṃ ### [3.8](https://indike.org/pramana/in.purana.prakriyapada.3.8) samāsabandhairniyataiyyathātathaṃ viśabdenenāpi manaḥpraharṣiṇīṃ yasyāñca brahma prathamā pravṛttiḥ prādhānikī ceśvarakāritā ca ### [3.6-2](https://indike.org/pramana/in.purana.prakriyapada.3.6-2) yattatprakṛtaṃ kāraṇamaprameyaṃ brahma pradhānaṃ prakṛtiprasūti ātmā guhā yonirathāpi cakṣuḥ cettraṃ tathaivāmṛtamakṣarañca ### [3.10](https://indike.org/pramana/in.purana.prakriyapada.3.10) śukraṃ tapaḥ satvamatiprakāśaṃ tadvyaṣṭi nityaṃ puruṣaṃ dvitīyaṃ tamaprameyaṃ puruṣeṇa yuktaṃ svayambhuvā lokapitāmahena ### [3.11](https://indike.org/pramana/in.purana.prakriyapada.3.11) utpādakatvādadrajasotirekāt kālasya yogānniyamāvadheca kṣetrajñayuktān niyatānvikārān lokasya 'santānavivṛddhihetūn prakṛtyavasthā suṣuve tathāṣṭau saṅkalpamātreṇa maheśvarasya ### [3.12](https://indike.org/pramana/in.purana.prakriyapada.3.12) devāsurādridrumasāgarāṇāṃ manuprajeśvarrṣipitṛdvijānāṃ piśācayakṣoragarākṣasānāṃ tārāgrahārkakṣaniśācarāṇāṃ ### [3.13](https://indike.org/pramana/in.purana.prakriyapada.3.13) māsattusaṃvatsararātrāhnānāṃ dikkālayogādiyugāyanānāṃ vanauṣadhīnāmapi vīrudhāñca jalaukasāmapsarasāṃ paśūnāṃ ### [3.14](https://indike.org/pramana/in.purana.prakriyapada.3.14) vidyutsarinmeghavihaṅgamānāṃ yattatsūkṣmagaṃ yadbhūvi yaddiyatsthaṃ yattasthāvaraṃ yacca yadasti kiñcit sarvvasya tasyāsti gatirvibhaktirābrahmāṇo yāvadiyaṃ prasūtiḥ ### [3.15](https://indike.org/pramana/in.purana.prakriyapada.3.15) chandāṃsi vedāḥ saṛco yajūṃṣi sāmāni somaśca tathaiva yajñaḥ ājīvyameṣāṃ yadabhaupsitañca devasya tasyaiva ca vai prajāpateḥ ### [3.16](https://indike.org/pramana/in.purana.prakriyapada.3.16) vaivasvatasyāsya manoḥ purastāt sambha tiruktā prasavaśca teṣāṃ yeṣāmidaṃ puṇyakṛtāṃ prabhūtyā lokatrayaṃ lokanamaskṛtānāṃ sureśadevarṣimamupradhīnāmāpūritañcoparibhūṣitañca ### [3.17](https://indike.org/pramana/in.purana.prakriyapada.3.17) rudrasya śāpāt punarudbhavañca dakṣasya cāpyatra manuṣyaloke vāsaḥ kṣitau vā niyamādbhavasya dakṣasya cātra pratiśāpalābhaḥ ### [3.18](https://indike.org/pramana/in.purana.prakriyapada.3.18) manvantarāṇāṃ parivarttanāni yugeṣu sambhūtivikalpanañca ṛṣitvamārṣasya ca saṃpravṛddhiryathāyugādiṣvapi caitadatra ### [3.18-2](https://indike.org/pramana/in.purana.prakriyapada.3.18-2) ye dvāpareṣu prathayanti vedān vyāsāśca te'tra kramaśro nibaddhāḥ kalpasya saṃkhyā bhuvanasya saṃkhyā brāhmasya cāpyatra dinasya saṃkhyā ### [3.20](https://indike.org/pramana/in.purana.prakriyapada.3.20) aṇḍodbhiraja (1) svedajarāyujānāṃ dharmātmanāṃ svarganivāsināṃ vā ye yātanāsthānagatāśca jīvāstarkeṇa teṣāmapi ca pramāṇaṃ ### [3.21](https://indike.org/pramana/in.purana.prakriyapada.3.21) ātyantikaḥ prākṛtikaśca yo'yaṃ naimittikaśca pratisargahetuḥ bandhaśca mokṣaśca viśiṣya tatra proktā ca saṃsāragatiḥ parā ca ### [3.22](https://indike.org/pramana/in.purana.prakriyapada.3.22) prakṛtyavastheṣu ca kāraṇeṣu yā ca sthitiryā ca punaḥ pravṛttiḥ tacchāstrayuktyā svamatiprayatnāt samastamāviṣkṛtadhīdhṛtibhyaḥ viprā ṛṣibhyaḥ samudāhṛtaṃ yat yathātathantacchṛṇutocyamānaṃ --- Source: [https://indike.org/pramana/in.purana.prakriyapada.3](https://indike.org/pramana/in.purana.prakriyapada.3) · Pramāṇa