Pramāṇa · Search · About · API

Prakriyapada 40: atha catvāriṃśo'dhyāyaḥ

Prakriyāpāda 40

Language
Sanskrit

atha catvāriṃśo'dhyāyaḥ

40.1

bhuvanavinyāsaḥ
sūta uvāca | maryādāḥ parvate śubhre devakūṭe nibodhata
vistīrṇe śikhare tasya kūṭe girivarasya ha

40.2

samantādyojanaśataṃ mahābhavanamaṇḍitaṃ
janmakṣetraṃ suparṇasya vainateyasya dhīmataḥ

40.3

naikairmahāpakṣigaṇairgaruḍaiḥ śīghravikramaiḥ
sampūrṇavīryyasampannairddamanairuragāribhiḥ

40.4

pakṣirājasya bhavanaṃ prathamaṃ tanmahātmanaḥ
mahāvāyupravegasya gālmaliddīpavāsinaḥ

40.5

tasyaiva cārumūrddhastu kūṭeṣu ca maharṣiṣu
dakṣiṇesu vicitreṣu saptasvapi tu śobhinaḥ

40.6

sandhyābhrābhāḥ samuditā rukmaprākāratoraṇāḥ
mahābhavanamālābhiḥ śobhitā devanirmitāḥ

40.7

triṃśadyojanavistīrṇāścatvāriṃśattamāyatāḥ
sapta gandharvanagarā naranārīsamākulāḥ

40.8

āgneyā nāma gandharvā mahābalaparākramāḥ
kuberānucarā dīptāsteṣānte bhavanottamāḥ

40.6-2

tasya cottarakūṭeṣu bhuvanasya mahāgireḥ
harmyaprāsādabaddañca udyānavanaśobhitaṃ

40.10

puramāśīviṣaiḥ pūrṇaṃ mahāprākāratoraṇaṃ
vādivagatanirghoṣairānanditavanāntaraṃ(1)

40.11

duḥprasahyamamitrāṇāṃ viṃśadyojanamaṇḍalaṃ
nagaraṃ saiṃhikeyānāmudīrṇaṃ devavidviṣāṃ
siddhadevarṣicaritaṃ devakūṭe nibodhata

40.12

dvitīye dvijaśārdūlā maryādārvvate śubhe
mahābhavanamālābhirnānāvarṇābhirārutaṃ

40.13

suvarṇamaṇicitrābhiranekābhiralaṅkataṃ
viśālarathyandurddharṣaṃ nityampramuditaṃ śivaṃ

40.14

naranārīgaṇākīrṇaṃ prāṃśuprākāratoraṇaṃ
ṣaṣṭiyojanavistīrṇaṃ śatayojanamāyataṃ

40.15

nagaraṃ kālakeyānāmasurāṇāmdurāsadaṃ
devakūṭataṭe ramye sanniviṣṭaṃ sudurjayaṃ
mahābhracayasaṅkāśaṃ sunāmannāma viśrutaṃ

40.16

tasyaiva dakṣiṇe kūṭe viṃśadyojanavistaraṃ (2)
dviṣaṣṭiyojanāyāmaṃ hemaprākāratoraṇaṃ

40.17

hṛṣṭapuṣṭāvalimānāṃ(3) āvāsāḥ kāmarūpiṇāṃ
autkacānāṃ pramuditaṃ rākṣasānāṃ mahāpuraṃ

40.18

madhyame tu mahākūṭe devakūṭasya vai gireḥ
suvarṇamaṇipāṣāṇaiścitaiḥ ślakṣṇataraiḥ śubhaiḥ
prāsādyatasahasrāyanekārohamamākulaṃ

40.18-2

snigdhaparṇaṃ mahāmūlamanekaskandhavāhanaṃ
ramyaṃ hyaviralacchāyaṃ daśayojanamaṇḍalaṃ

40.20

tatra bhūtavaṭannāma nānābhūtagaṇālayaṃ
mahādevasya prathitaṃ tryambakasya mahātmanaḥ
dīptamāyatanaṃ tatra sarvalokeṣu viśrutaṃ

40.21

varāhagajasiṃhartkṣaśārdūlakarabhānanaiḥ
gṛdhrolūkamakhaiścaiva meṣoṣṭrājamahāmukhaiḥ

40.22

kadambairvikaṭaiḥ sthūlairlambakeśatanūruhaiḥ
nānāvarṇākṛtidharairnānāsaṃsthānasaṃsthitaiḥ

40.23

dīptairanekarūpaiścairbhūtairūpaparākramaiḥ
aśūnyamabhavannityaṃ mahāpāriṣadaistathā

40.24

tatra bhūtapaterbhūtā nityampūjāṃ prayuñjate
jharjharaiḥ śaṅkhapaṭahairbharīḍiṇḍimagomukhaiḥ

40.25

raṇittātsitodbhūtairnityambalitavarjitaiḥ
visphūrjjitaśataistatra pūjāyuktā gaṇeśvarāḥ
prītāḥ purāripramathāstatra krīḍāparāḥ sadā

40.26

siddhadevarṣigandharvvayakṣanāgendrapūjitaḥ
sthāne tasmin mahādevaḥ sākṣāllokaśivaḥ śivaḥ

Linked texts (4)