Pramāṇa · Search · About · API

Prakriyapada 43: atha dvicatvāriṃśo'dhyāyaḥ

Prakriyāpāda 43

Language
Sanskrit

Contents

atha dvicatvāriṃśo'dhyāyaḥ

43.1

bhuvanavinyāsaḥ
sūta uvāca | gandhamādanapārśve tu sphītā copari gaṇḍikā
dvātriṃśataṃ (1) sahasrāṇi yojane pūrvvapaścimā

43.2

asyāyāmaścatustriṃśatsahasrāṇi pramāṇataḥ
tatra te śubhakarmmāṇaḥ ketumālāḥ pariśrutāḥ

43.3

tatra kālā narāḥ sarvve mahāsattvā mahābalāḥ
striyaścotpalapatrābhāḥ sarvvāstāḥ priyadarśanāḥ

43.4

tatra divyo mahāvṛkṣaḥ panasaḥ ṣaḍrasāgrayaḥ
īśvaro brahmaṇaḥ putraḥ kāmacārī manojavaḥ
tasya pītvā phalarasaṃ jīvanti hi samāyutaṃ

43.5

pārśve mālyavataścāpi pūrve pūrvā tu gaṇḍikā
āyāmato'tha vistārādyathaivāparagaṇḍikā

43.6

bhadrāśvāstatra vijñeyā nityaṃ muditamānasāḥ
bhadraṃ sālavanaṃ tatra kālāsrāśca mahādrumāḥ

43.7

tatra te puruṣāḥ śve tā mahāsattvā mahābalāḥ
striyaḥ kumudavarṇābhāḥ sundaryyaḥ priyadarśanāḥ

43.8

candraprabhāścandravarṇāḥ pūrṇacandranibhānanāḥ
candraśītalagātrāśca striyaścotpalagandhikāḥ

43.6-2

daśavarṣasahasrāṇi teṣāmāyurnirāmayaṃ
kālāmrasya rasaṃ pītvā sarvvadā sthirayauvanāḥ

43.10

ṛṣaya ūcuḥ | pramāṇaṃ varṇamāyuśca yāthātathye na kīrtitaṃ
caturṇāmapi dvīpānāṃ samāsaca tu vistarāt

43.11

sūta uvāca | bhadrāśvānāṃ yathā cihnaṃ kīrtitaṃ kīrtivarddhanāḥ
tacchṛṇudhvantu kātsnryena pūrvvasiddhairudāhṛtaṃ

43.12

devakūṭasya sarvasya prathitasyeha yatparaṃ
pūrvveṇa dikṣu sarvāsu yathāvacca prakīrtitaṃ

43.13

kulācalānāṃ pañcānāṃ nadīnāñca viśeṣataḥ
tathā janapadānāñca yathā dṛṣṭaṃ yathā śrutaṃ

43.14

śaivālo varṇamālāyaḥ korañjaścācalottamaḥ
śvetavarṇaśca nīlaśca pañcaite kulaparvatāḥ

43.15

teṣāṃ prasṛtiranyepi parvatā bahuvistarāḥ
koṭikoṭiḥ kṣitau jñeyāḥ śataśo'tha sahasraśaḥ

43.16

tairvimiśrā janapadairnānāsatvasamākulāḥ
nānāprakārajātīyāstvanekanṛpapālitāḥ

43.17

nāmadheyaiśca vikrāntaiḥ śrīmadbhiḥ puruṣarṣabhaiḥ
adhyāsitā janapadāḥ kīrtanīyāśca śobhitāḥ

43.18

teṣāntu nāmadheyāni rāṣṭrāṇi vividhāni ca
giryyantaraniviṣṭāni sameṣu viṣameṣu ca

43.18-2

tathā sumaṅgalāḥ śuddhāścandrakāntāḥ sunandanāḥ
brajakā nīlaśaileyāḥ sauvīrā vijayasthalāḥ

43.20

mahākhalāḥ sakāmāśca mahākeśāḥ sumūrddhajāḥ
vātaraṃhāḥ sopasaṅgāḥ parivāyāḥ parācakāḥ

43.21

sambhavaktā mahānetrāḥ saivālāstanapāstathā
kumudāḥ śākamaṇḍāśca uttarasaṅkīrṇabhaumakāḥ

43.22

sodakā vatsakāścaikā vārāhā hāravāmakāḥ
śaṅkhāryā bhāvimandrāśca uttarā haimabhaumakāḥ

43.23

kṛṣṇabhaumāḥ subhaumāśca mahābhaumāśca kīrtitāḥ
ete cānye ca vikhyātā nānājanapadā mayā

43.24

te pivanti mahāpuṇyāṃ mahāgaṅgāṃ mahānadīṃ
ādau trailokyavikhyātā śītā śītāmbuvāhinī

43.25

tathā ca haṃsavagatirmahācakrā ca nimnagā
cakrā vakrā ca kaṅkī ca surasā cāpagottamā

43.26

śākhāvatī cendranadī roghā maṅkāravāhinī
kāverī haritoyā ca somāvarttā śatahradā

43.27

vanamālā vasumatī pampā pampāvatī śubhā
suvarṇā pañcavarṇā ca tathā puṇyā vapuṣmatī

43.28

maṇivaprā suvaprā ca brahmabhāgā śilāśinī
kṛṣṇatoyā ca puṇyodā tathā nāgapadī śubhā

43.29

śaivālinī maṇitaṭā cārodā cāruṇāvatī
tathā viṣṇupadī caiva mahāpuṇyā mahānadī

43.30

hiraṇyavāhinīlā ca (1) skandamālā surāvatī
vāmodā ca patākā ca vetālī ca mahānadī

43.31

etā gaṅgā mahānadyo nāyikā. parikīrttitāḥ
kṣudranadyastvasaṃkhyātāḥ śataśo'tha sahasraśaḥ

43.32

pūrvvadvīpasya vāhinyaḥ puṇyavatyaśca kīrttitāḥ
kīrttanenāpi caitāsāṃ pūtaḥ syāditi me matiḥ

43.33

samṛddharāṣṭraṃ sphītañca nānājanapadākulaṃ
nānāmṛkṣavanoddeśaṃ nānānagasuveṣṭitaṃ (1)

43.34

naranārīgaṇākīrṇaṃ(2) nityaṃ pramuditaṃ śivaṃ
bahudhānyavanopetaṃ nānārūpatipālitaṃ
upetaṃ kīrttanaśatairnānāratnākarākaraṃ

43.35

tasmindeśe samākhyātā hemaśaṅkhadalaprabhāḥ
mahākāyā mahāvīryyāḥ puruṣāḥ puruṣarṣabhāḥ

43.36

sambhāṣaṇaṃ darśanañca samasthānopasevanaṃ
devaiḥ saha mahābhāgāḥ kurvvate tatra vai prajāḥ

43.37

daśavarṣasahasrāṇi teṣāmāyuḥ prakīrttitaṃ
dharmādharmaviśeṣaśca na teṣvasti mahātmasu
ahiṃsā satyavākyañca prakṛtyaiva hi vartate

43.38

te bhaktyā śaṅkaraṃ devaṃ gaurīṃ paramavaiṣṇavīṃ(3)
ijyāpūjānamaskārāṃstābhyāṃ nityaṃ prayuñjate

43.38.p1

iti śrīmadbhāpurāṇe vāyuprokta bhuvanavinyāso nāma tricatvāriṃśo'dhyāyaḥ

Linked texts (8)