Prakriyapada 44: atha catuścatvāriṃśo'dhyāyaḥ
Prakriyāpāda 44
- Language
- Sanskrit
Contents
- 44.25 — 1 part
atha catuścatvāriṃśo'dhyāyaḥ
44.1
bhuvanavinyāsaḥ
sūta uvāca| nisarga eṣa vikhyāto bhadrāśvānāṃ yathārthavat
śaṛṇudhvaṃ ketumālānāṃ vistareṇa prakīrttanaṃ(1)
44.2
niṣadhasyācalendrasya paścimasya mahātmanaḥ
paścimena hi yattatra dikṣu sarvāsu kīrttitaṃ
44.3
kulācalānāṃ saptānāṃ nadīnāñca viśeṣataḥ
tathā janapadānāñca vistaraṃ śrotumarhatha
44.4
viśālaḥ kambalaḥ kṛṣṇo jayanto hariparvvataḥ
aśoko varddhamānaśca saptaite kulaparvvatāḥ
44.5
teṣāṃ prasūtiranye'pi parvvatā bahuvistarāḥ
koṭikoṭiśatā jñeyāḥ śataśo'tha sahasraśaḥ
44.6
tairrvvimiśrā janapadā nānājātisamākulāḥ(2)
nānāprakāravijñeyāstvanekanṛpapālitāḥ
44.7
te nāmadheyairviṃkrāntā vividhāḥ prathitā bhuvi
adhyāsitā janapadaiḥ kīrttanaiśca vibhūṣitāḥ
44.8
teṣāṃ sanāmadheyāni rāṣṭrāṇi vividhāni ca
giryyantaraniviṣṭāni sameṣu viṣameṣu ca
44.6-2
yatheha kathitāḥ paurā gomanuṣyakapotakāḥ
tatsukhā bhramarā yūthā māheyācalakūṭakāḥ
44.10
sumaulāḥ stāvakāḥ krauñcāḥ kṛṣṇāṅgamaṇipuñjakāḥ
kaṭakambalamauṣeyāḥ samudrāntarakāstathā
44.11
karambhāvāḥ kucāḥ śvetāḥ suvarṇakaṭakāḥ śubhāḥ
śvetāṅgāḥ kṛṣṇapādāya vihāḥ (1) kapilakarṇikāḥ
44.12
atyākarālagojvālā hīnānā vanapātakāḥ
mahiṣāḥ kumudābhāśca karavāṭāḥ sahotkacāḥ
44.13
śunakāsā mahānāsā vanāsagajabhūmikāḥ
karañjamañjamā vāhāḥ kiṣkiṇḍīpāṇḍubhūmikāḥ
44.14
kuverā dhūmajā jaṅgā vaṅgā rājīvakokilāḥ
vācāṅgāśca mahāṅgāśca madhaureyāḥ(2) surecakāḥ
44.15
pittalāḥ kācalāścaiva śravaṇā mattakāsikāḥ
godāvā vakulā vāṅgā vaṅkakā modakāḥ kalāḥ
44.16
te pivanti mahābhogāḥ prathamāntu mahānadīṃ
suvaprāṃ puṇyasalilāṃ mahānāganiṣevitāṃ
44.17
kambalāṃ tāmasīṃ śyāmāṃ sumedhāṃ vakulāṃ nadīṃ
vikīrṇāṃ śikhimālāñca tathā darbhāvatīmapi
44.18
bhadrānadīṃ śukanadīṃ palāśāyaṃ mahānadīṃ
bhīmāṃ prabhañjanāṃ kāñcīṃ puṇyāñcaiva kuśāvatīṃ
44.18-2
dattāṃ śākavatīñcaiva puṇyodāñca mahānadīṃ
candrāvatīṃ suūlāñca ṛṣabhāñcāpagottamāṃ
44.20
nadau samudramālāñca tathā campāvatīmapi
ekākṣāṃ puṣkalīṃ bāhāṃ suvarṇa nandinīmapi
44.21
kālindīñcaiva puṇyodāṃ bhāratīta mahānadīṃ
sītodāmmyātikāṃ nāṅgīṃ vigāhāñca mahānadī
44.22
pīvarī kumbhakārīñca ruṣāñcaivāpagottamāṃ
mahiṣī mānuṣīṃ daṇḍāṃ tathā nadanadīṃ śubhāṃ
44.23
etāścānyāśca pīyante bahvagro hi saritottamāḥ (1)
devarṣisiddhacaritāḥ puṇyodāḥ pāpahāḥ śubhāḥ
44.24
nānājanapadāsphītaṃ mahāṣagāvibhūṣitaṃ
nānāralaughasampūrṇa nityaṃ pramuditaṃ śivaṃ
44.25
udīrṇa dhanadhānyādhairnaravāsaiḥ samantataḥ
sanniviṣṭaṃ mahāḍīpaṃ paścimaṃ sukṛtātmanāṃ !
nisargaḥ ketumālānāmeṣa vaḥ parikīrttitaḥ
44.25.p1
iti śrīmatsyapurāṇe vāyuprokte bhuvanavinyāso nāma catuścatvāriṃśo'dhyāyaḥ
Linked texts (1)
- Vāyupurāṇa — Vyāsa, Sanskrit