[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 53 # Prakriyapada 53: atha dvipañcāśo'dhyāyaḥ Prakriyāpāda 53 - **Language:** Sanskrit ## Contents - [53.86-4](https://indike.org/pramana/in.purana.prakriyapada.53.86-4) — 1 part ### atha dvipañcāśo'dhyāyaḥ ### [53.1](https://indike.org/pramana/in.purana.prakriyapada.53.1) jyotiḥpracāraḥ sūta uvāca| sa ratho'dhiṣṭhito devairādityairṛṣibhistathā gandharvvairapsarobhiśca grāmaṇīsarparākṣasaiḥ ### [53.2](https://indike.org/pramana/in.purana.prakriyapada.53.2) ete vasanti vai sūryye dvau dvau māsau krameṇa tu dhātāryyamā pulastyaśca pulahaśca prajāpatiḥ ### [53.3](https://indike.org/pramana/in.purana.prakriyapada.53.3) urago vāsukiścaiva saṅkīrṇṇaśca tāvubhau tumbururnāradaścaiva gandharvvau gāyatāṃ varau ### [53.4](https://indike.org/pramana/in.purana.prakriyapada.53.4) ṛtusthalyapsarāścaiva tathā vai puñjikasthalī grāmaṇī rathakṛcchraśca tapauryyaścaiva tāvubhau ### [53.5](https://indike.org/pramana/in.purana.prakriyapada.53.5) rakṣo hetiḥ prahetiśca yātudhānāvudāhṛtau madhumādhavayoreṣa gaṇo vasati bhāskare ### [53.6](https://indike.org/pramana/in.purana.prakriyapada.53.6) vāsantau graiṣmikau māsau mitraśca varuṇaśca ha ṛṣiratrirvvaśiṣṭhaśca takṣakau rambha eva ca ### [53.7](https://indike.org/pramana/in.purana.prakriyapada.53.7) menakā sahajanyā ca gandharvvau ca hahā huhuḥ rathasvanaśca grāmaṇyo rathacitraśca tāvubhau ### [53.8](https://indike.org/pramana/in.purana.prakriyapada.53.8) pauruṣeyo dhavaścaiva yātudhānāvudāhṛtau ete vasanti vai sūryye māsayoḥ śuciśukrayoḥ ### [53.6-2](https://indike.org/pramana/in.purana.prakriyapada.53.6-2) tataḥ sūryye punastvanyā nivasantīha devatāḥ indraścaiva vivasvāṃśca aṅgirā bhṛgureva ca ### [53.10](https://indike.org/pramana/in.purana.prakriyapada.53.10) elāparṇastathā sarpaḥ śaṅkhapālaśca tāvubhau viśvāvasuryyasenau ca prātaścaivāruṇaśca ha ### [53.11](https://indike.org/pramana/in.purana.prakriyapada.53.11) pramloceti ca vikhyātā nimloceti ca te ubhe yātudhānastathā sarpo vyāghraḥ śvetaśca tāvubhau nabhonabhasyayoreṣa gaṇo vasati bhāskare ### [53.12](https://indike.org/pramana/in.purana.prakriyapada.53.12) śaradṛtau punaḥ śubhrā vasanti munidevatāḥ paryyanyaścātha pūṣā ca bharadvājaḥ sagautamaḥ ### [53.13](https://indike.org/pramana/in.purana.prakriyapada.53.13) viśvāvasuśca gandharvvāstathaiva surabhiśca yaḥ ! viśvācī ca ghṛtācī ca ubhe te śubhalakṣaṇe ### [53.14](https://indike.org/pramana/in.purana.prakriyapada.53.14) nāga airāvataścaiva visrutaśca dhanañjayaḥ senajicca suṣeṇaśca senānīrgrāmaṇīśca tau ### [53.15](https://indike.org/pramana/in.purana.prakriyapada.53.15) āpo vātaśca tāveto yātudhānāvubhau smṛtau vasantyete tu vai sūryye māsayoḥ iṣorjayoḥ ### [53.16](https://indike.org/pramana/in.purana.prakriyapada.53.16) haimantikau tu dvau māsau vasanti tu divākare aṃśo bhagaśca dvāvetau kaśyapasya ṛtūśca ha ### [53.17](https://indike.org/pramana/in.purana.prakriyapada.53.17) bhujaṅgaśca mahāpadmaḥ sarpaḥ karkoṭakastathā citrasenaśca gandharvva ūrṇāyuścaiva tāvubhau ### [53.18](https://indike.org/pramana/in.purana.prakriyapada.53.18) urvvaśī vipracittiśca tathaivāpsarasau śubhe tārkṣyaścāriṣṭanemiśca senānīrgrāmaṇīśca tau ### [53.18-2](https://indike.org/pramana/in.purana.prakriyapada.53.18-2) vidyutsphūrjaśca tāvugrau yātudhānāvudāhṛtau sahe caiva sahasye ca vasantye te divākare ### [53.20](https://indike.org/pramana/in.purana.prakriyapada.53.20) tataḥ śaiśirayoścāpi māsayornivasanti vai tvaṣṭā viṣṇurjamadagnirviśvāmitrastathaiva ca ### [53.21](https://indike.org/pramana/in.purana.prakriyapada.53.21) kādraveyau tathā nāgau kambalāśvatarāvubhau gandharvo dhṛtarāṣṭraśca sūryyavarcāstathaiva ca ### [53.22](https://indike.org/pramana/in.purana.prakriyapada.53.22) tilottamāpsarāścaiva devī rambhā manoramā ṛtajitsatyajitścaiva grāmaṇyau lokaviśrutau ### [53.23](https://indike.org/pramana/in.purana.prakriyapada.53.23) brahmopetastathā dakṣo yajñopetaśca sa smṛtaḥ ete devā vasantyarke dvau māsau tu krameṇa tu ### [53.24](https://indike.org/pramana/in.purana.prakriyapada.53.24) sthānābhimānino hyete gaṇā dvādaśa saptakāḥ sūryyamāpyāyayantye te tejasā teja uttamaṃ ### [53.25](https://indike.org/pramana/in.purana.prakriyapada.53.25) prathitaistairvvacobhistu stuvanti munayo raviṃ gandharvāpsarasaścaiva gītanṛtyairupāsate ### [53.26](https://indike.org/pramana/in.purana.prakriyapada.53.26) grāmaṇīyakṣabhūtāstu kurvvate bhīmasaṃgrahaṃ (1) sarpā vahanti sūryyañca yātudhānānukyānti ca (2) bālakhilyā nayantyastaṃ paricāryyodayādraviṃ ### [53.27](https://indike.org/pramana/in.purana.prakriyapada.53.27) eteṣāmeva devānāṃ yathāvīryyaṃ yathātapaḥ yathāyogaṃ yathāsatyaṃ yathādharmmaṃ yathābalaṃ ### [53.28](https://indike.org/pramana/in.purana.prakriyapada.53.28) yathā tapatyasau sūryyasteṣāṃ miḍsta tejasā ityete vai vasantīha dvau dvau māsau divākare ### [53.29](https://indike.org/pramana/in.purana.prakriyapada.53.29) ṛṣayo devagandharvvāḥ pannagāpsarasāṅgaṇāḥ grāmaṇyaśca tathā yakṣā yātudhānāśca bhūyaśaḥ ### [53.30](https://indike.org/pramana/in.purana.prakriyapada.53.30) ete tapanti varṣanti bhānti vānti sṛjanti ca bhūtānāmaśubhaṅkarma vyapohantīha kīrtitāḥ ### [53.31](https://indike.org/pramana/in.purana.prakriyapada.53.31) mānavānāṃ śubhaṃ hyete haranti duritātmanāṃ duritaṃ hi pracārāṇāṃ vyapohanti kvacit kacit ### [53.32](https://indike.org/pramana/in.purana.prakriyapada.53.32) vimāne'vasthitā divye kāmagā vātaraṃhasaḥ ete sahaiva sūryeṇa bhramanti divamānugāḥ ### [53.33](https://indike.org/pramana/in.purana.prakriyapada.53.33) varṣantaśca tapantaśca hlādayantaśca vai prajāḥ gopāyanti tu bhūtāni sarvvānīhāmanuccanāt ### [53.34](https://indike.org/pramana/in.purana.prakriyapada.53.34) sthānābhimānināmetat sthānaṃ manvantareṣu vai atītānāgatānāṃ vai varttante sāmpratantu ye ### [53.35](https://indike.org/pramana/in.purana.prakriyapada.53.35) evaṃ vasanti vai sūryyaṃ saptakāste caturdiśaṃ caturddaśasu sargeṣu gaṇā manvantareṣu ca ### [53.36](https://indike.org/pramana/in.purana.prakriyapada.53.36) grīṣme 'hame ca varṣāsu suṣummāno gharmaṃ himañca varṣañca dinaṃ niśāñca kālena gacchatyṛtuvaśāt pari0ttararaśmirddevān pitṝṃśca manujāṃśca tarpayan vai ### [53.37](https://indike.org/pramana/in.purana.prakriyapada.53.37) prīṇāti devānamṛtena sūryyaḥ somaṃ suṣumnena vivarddhayitvā śukle tu pūrṇe divasakrameṇa taṃ kṛṣṇapakṣe vibudhāḥ pivanti ### [53.38](https://indike.org/pramana/in.purana.prakriyapada.53.38) pītantu somaṃ dvikalāvaśiṣṭaṃ kṛṣṇakṣaye raśmibhistaṃ carantaṃ sudhāmṛtaṃ tatpitaraḥ pivanti devāśca saumyāśca tathaiva kavyaṃ ### [53.36-2](https://indike.org/pramana/in.purana.prakriyapada.53.36-2) sūryeṇa gobhista samudgatābhiradbhiḥ punaścaiva samuddhṛ̱tābhiḥ hṛṣṭātivṛddhābhirathauṣadhībhirmartyāḥ kṣudhamannapānairjayanti ### [53.40](https://indike.org/pramana/in.purana.prakriyapada.53.40) amṛtena tṛptistvarddhamāsaṃ surāṇāṃ (1)' māsārddhatṛptiḥ svadhayā pitṝṇāṃ annena śaśvat dadhāti martyān sūryyaḥ svayaṃ tacca bibharti gobhiḥ ### [53.41](https://indike.org/pramana/in.purana.prakriyapada.53.41) ayaṃ haristairharibhisturaṅgamairayan hi cāpo haratīti raśmibhiḥ visargakāle visṛjaṃśca tāḥ punaḥ bibharti śaśvat savitā carācaraṃ ### [53.42](https://indike.org/pramana/in.purana.prakriyapada.53.42) harirharidbhirjihmiyate turaṅgamaiḥ pivatyathāpo haribhiḥ sahasradhā tāḥ pramuñcatyapi tāstvasau hariḥ sa mucyamāno haribhisturaṅgamaḥ ### [53.43](https://indike.org/pramana/in.purana.prakriyapada.53.43) ityeṣa ekacakreṇa sūryyastūrṇaṃ rathena tu bhadraistairakṣatairaṇvaiḥ sarpate'sau divi kṣaye ### [53.44](https://indike.org/pramana/in.purana.prakriyapada.53.44) ahorātrādrathenā'sau ekacakreṇa tu bhraman saptadvīpasamudrāntaṃ saptabhiḥ saptabhirhayaiḥ ### [53.45](https://indike.org/pramana/in.purana.prakriyapada.53.45) chandobhiraśvarūpaistairyātaścakrāntaḥ sthitaiḥ kāmarūpaiḥ sakṛdyuktairamitaistairmanojavaiḥ ### [53.46](https://indike.org/pramana/in.purana.prakriyapada.53.46) haritairavyayaiḥ piṅgai rīśvarairbrahmavādibhiḥ aśītimaṇḍalaśataṃ kramantyabdena te hayāḥ ### [53.47](https://indike.org/pramana/in.purana.prakriyapada.53.47) bāhyamabhyantarañcaiva maṇḍalaṃ divasakramāt kalpādau samprayuktāste vahantyābhūtasamplavāt āvṛtā vālakhilyaiste bhramante rācyahāṇi tu ### [53.48](https://indike.org/pramana/in.purana.prakriyapada.53.48) prathitairvva vobhiragryaiḥ stūyamāno maharṣibhiḥ sevyate gītanṛtyaiśca gandharvvairapsarogaṇaiḥ pataṅgaḥ patageratthairbhramamāṇo divaspatiḥ ### [53.49](https://indike.org/pramana/in.purana.prakriyapada.53.49) vīthyāśrayāṇi ṛkṣati nakṣatrāṇi tathā gaṇo hrāsavṛddhau tathaivāsya raśmīnāṃ sūryyavat smṛte ### [53.50](https://indike.org/pramana/in.purana.prakriyapada.53.50) tricakrāmaṇayāñcettho vijñeyaḥ śaśino rathaḥ apāṅgarbhasamutpanno rathaḥ sāśvaḥ sasārathiḥ śatāraiśca tribhiścakrairyuktaḥ śuklairhayottamaiḥ ### [53.51](https://indike.org/pramana/in.purana.prakriyapada.53.51) daśabhistu kundairdivyairasaṅgestairmanojavaiḥ sakṛdyuto rathe tasmin vahante cāyugakṣayāt ### [53.52](https://indike.org/pramana/in.purana.prakriyapada.53.52) saṃgṛhīte rathe tasmin kṣitasutaḥ savāstu vai aśvāstvekavarṇāṃsto vahante śaṅkhavarcasaṃ ### [53.53](https://indike.org/pramana/in.purana.prakriyapada.53.53) yayuśca vimanāthaiva vṛṣo rājo balī hayaḥ aśvo jāmasturaṇyaśca haṃso vyomo mṛgastathā ### [53.54](https://indike.org/pramana/in.purana.prakriyapada.53.54) ityete nāmabhiḥ sarvve daśa candramaso hayāḥ ete candramasandaivaṃ vahanti divasakṣayāt ### [53.55](https://indike.org/pramana/in.purana.prakriyapada.53.55) devaiḥ parissṛtaḥ saumyaḥ pitṛbhiścaiva gacchati1 somasya śuklapakṣādau bhāskare purataḥ sthite āpūrthyate purastāntaḥ satataṃ divasakramāt ### [53.56](https://indike.org/pramana/in.purana.prakriyapada.53.56) devaiḥ pītaṃ kṣaye somamāpyāyayati nityadā pītaṃ pañcadaśāhantu raśminekena bhāskaraḥ ### [53.57](https://indike.org/pramana/in.purana.prakriyapada.53.57) āpūryan suṣumnena bhāgaṃ bhāgamahaḥkramāt suṣumnāpyāyamānasya śuklā varddhanti vai kalāḥ ### [53.58](https://indike.org/pramana/in.purana.prakriyapada.53.58) tasmātprasanti vai labhyo śukla āpyāyayanti ca ityevaṃ sūryyavīryeṇa candrasyāpyāyitā tanuḥ ### [53.59](https://indike.org/pramana/in.purana.prakriyapada.53.59) paurṇamāsyāṃ sa dṛśyeta śuklaḥ sampūrṇamaṇḍalaḥ evamāpyāyitaḥ somaḥ śuklapakṣe dinakramāt ### [53.60](https://indike.org/pramana/in.purana.prakriyapada.53.60) tato dvitīyāprabhṛti bahulasya caturdaśī apāṃ sāramayasyendorasamācātmakasya ca pivantyambumayaṃ devā madhu saumyaṃ sudhāmayaṃ ### [53.61](https://indike.org/pramana/in.purana.prakriyapada.53.61) sambhṛtañcārdhamāsena amṛtaṃ sūryyatejasā bhakṣyārthamamṛtaṃ saumyaṃ paurṇamāsyāmupāsate ### [53.62](https://indike.org/pramana/in.purana.prakriyapada.53.62) ekarātraṃ suraiḥ sarvaiḥ pitṛbhiśca maharṣibhiḥ somasya kṛṣṇapakṣādau bhāskarābhimukhasya ca ### [53.63](https://indike.org/pramana/in.purana.prakriyapada.53.63) prakṣīyate purastāttaḥ pīyamānāḥ kalāḥ kramāt kṣīyante tasmāt kṛṣṇe yāḥ śukle hyāpyāyayanti tāḥ ### [53.64](https://indike.org/pramana/in.purana.prakriyapada.53.64) evaṃ dinakramātīte vibudhāstu niśākaraṃ pītvā'rdhamāsaṅgacchanti amāvāsyāṃ surottamāḥ pitaraścopatiṣṭhanti amāvāsyāṃ niśākaraṃ ### [53.65](https://indike.org/pramana/in.purana.prakriyapada.53.65) tataḥ pañcadaśe bhāge kiñcicchiṣṭe kalātmake aparāhne pitṛgaṇairjaghanyaḥ paryupāsyate ### [53.66](https://indike.org/pramana/in.purana.prakriyapada.53.66) pivanti dvikalākālaṃ śiṣṭā tasya tu yā kalā' niḥsṛtaṃ tadamāvāsyānnabhassibhyaḥ sudhāsmṛtaṃ tāṃ svadhāṃ māsaptṛptau tu pītvā gacchanti te'mṛtaṃ ### [53.67](https://indike.org/pramana/in.purana.prakriyapada.53.67) saumyā varhiṣadañcaiva agniṣvāttāstathaiva ca kavyāścaiva (1) tu ye proktāḥ pitaraḥ sarvva eva te ### [53.68](https://indike.org/pramana/in.purana.prakriyapada.53.68) saṃvatsaraḥstu vai kavyāḥ (2) pañcābdā ye dvijaiḥ smṛtāḥ saumyāstu ṛtavo jñeyā māsā vārhaṣadaḥ smṛtāḥ agniṣvāttāstvarttavaścaiva pitṛsargā hi vai dvijāḥ ### [53.69](https://indike.org/pramana/in.purana.prakriyapada.53.69) pitṛbhiḥ pīyamānasya pañcadaśyāṃ kalā tu vai yāvanna cīyate tasya bhāgaḥ pañcadaśastu saḥ ### [53.70](https://indike.org/pramana/in.purana.prakriyapada.53.70) amāvasyāntadā tasya cantamāpūryyate paraṃ sañcayo vai pañcādau ṣoḍaśyāṃ śaśinaḥ smṛtau ### [53.71](https://indike.org/pramana/in.purana.prakriyapada.53.71) evaṃ sūryyanimitteṣā kṣayavṛddhiniśākare tārāgrahāṇāṃ vakṣyāmi kharbhānīya rathaṃ punaḥ ### [53.72](https://indike.org/pramana/in.purana.prakriyapada.53.72) toyatejomayaḥ śubhraḥ somaputrasya vai rathaḥ yukto hayaiḥ piṅgakaistu aṣṭābhirvātaraṃhasaiḥ (3) ### [53.73](https://indike.org/pramana/in.purana.prakriyapada.53.73) savarūthaḥ sānukarṣaḥ sūto divyo rathe mahān sopāmaṅkapatākastu sadhvajo meghasannibhaḥ (4) ### [53.74](https://indike.org/pramana/in.purana.prakriyapada.53.74) bhārgavasya rathaḥ śrīmān tejasā sūryyasannibhaḥ pṛthivīsambhavairyukto nānāvarṇairhayottamaiḥ ### [53.75](https://indike.org/pramana/in.purana.prakriyapada.53.75) śvetaḥ piṅgaṅgaḥ māraṅgī nīlaḥ pīto vilohitaḥ kṛṣṇaśca haritaścaiva pṛṣataḥ pṛthivāreva ca daśabhistairmahābhāgairaśvairvātavegitaiḥ ### [53.76](https://indike.org/pramana/in.purana.prakriyapada.53.76) aṣṭāśvaḥ kāñcanaḥ śrīmān somasyāpi ratho'bhavat asaṅgerlohitairaśvaiḥ sarvvagairagnisambhavaiḥ sarpate'sau kumāro vai ṛjuvakrānucakragaḥ ### [53.77](https://indike.org/pramana/in.purana.prakriyapada.53.77) tatasvāṅgiraso vidvān devācāryoṃ bṛhaspatiḥ śoṇairaśvaiḥ kāñcanena syandanena prasarpati ### [53.78](https://indike.org/pramana/in.purana.prakriyapada.53.78) yuktastu vājibhirdivyairaṣṭābhirvātamammitaiḥ nakṣatre'bdannivamati savegestena gacchati ### [53.79](https://indike.org/pramana/in.purana.prakriyapada.53.79) tataḥ śanaiścaro'pyaśvaiḥ śavalairvyāmasambhavaiḥ kārṣṇāyasaṃ samāruhya syandanaṃ yāti vai śanaiḥ ### [53.80](https://indike.org/pramana/in.purana.prakriyapada.53.80) svarbhānostu tathaivāśvāḥ kṛṣṇā hyaṣṭau manojavāḥ rayantamomayaṃstasya sañjuktā vahantuāt ### [53.81](https://indike.org/pramana/in.purana.prakriyapada.53.81) ādityānniḥsṛto rāhuḥ somaṃ gacchati parvvasu ādityameti somācca punaḥ saureṣu parvasu ### [53.82](https://indike.org/pramana/in.purana.prakriyapada.53.82) atha keturathasyāśvā aṣṭāṣṭau vātaraṃhasaḥ palāladhūmasaṅgāśāḥ śavalā rāsabhāruṇāḥ ### [53.83](https://indike.org/pramana/in.purana.prakriyapada.53.83) ete vāhā grahāṇāṃ vai mayā proktāḥ (1) rathaiḥ saha sarvve dhruvanibaddhāste prabaddhā vātaraśmibhiḥ ### [53.84](https://indike.org/pramana/in.purana.prakriyapada.53.84) ete vai bhrāmyamāṇāstu yathā yogaṃ bhramanti vai vāyavyābhiradṛśyābhiḥ prabaddhā vātaraśmibhiḥ ### [53.85](https://indike.org/pramana/in.purana.prakriyapada.53.85) paribhramanti tadvaddhāścandrasūryyagrahā divi bhramantamanugacchanti dhruvante jyotiṣāṃ gaṇāḥ ### [53.86](https://indike.org/pramana/in.purana.prakriyapada.53.86) yathā nadyudake naustu salilena sahohyate tathā devālyā hyete uhyante vātaraśmibhiḥ tasmātsarvveṇa dṛśyante vyomni devagaṇāstu te ### [53.87](https://indike.org/pramana/in.purana.prakriyapada.53.87) yāvatyaścaiva tārāstu tāvanto vātaraśmayaḥ sarvvā dhruvanibaddhāstā bhramantyo bhrāmayanti taṃ ### [53.88](https://indike.org/pramana/in.purana.prakriyapada.53.88) tailapor̤ākaraṃ cakraṃ bhramadvāmayate yathā tathā bhramanti jyotīṃṣi vātabaddāni sarvvaśaḥ ### [53.86-2](https://indike.org/pramana/in.purana.prakriyapada.53.86-2) alātacakravadyānti vātacakreritāni tu yasmājjyotīṃṣi vahate pravahaṃstena sa smṛtaḥ ### [53.60-2](https://indike.org/pramana/in.purana.prakriyapada.53.60-2) evaṃ dhruvanibaddho'sau sarpate jyotiṣāṃ gaṇaḥ saiṣa tārāmayo jñeyaḥ śiśumāro dhruvo divi yadahnā kurute pāpaṃ dṛṣṭvā taṃ niśi mucyate ### [53.61-2](https://indike.org/pramana/in.purana.prakriyapada.53.61-2) yāvatyaścaiva tārāstāḥ śiśumāśritā divi tāvantyeva tu varṣāṇi jīvantyabhyadhikāni (1) tu ### [53.62-2](https://indike.org/pramana/in.purana.prakriyapada.53.62-2) śāśvataḥ śiśumāro'sau vijñeyaḥ pravibhāgaśaḥ uttānapādastasyātha vijñeyo hyuttaro hanuḥ ### [53.63-2](https://indike.org/pramana/in.purana.prakriyapada.53.63-2) yajño'dharastu vijñeyo dharmmo mūrddhānamāśritaḥ hṛdi nārāyaṇaḥ sādhyaḥ aśvinau pūrvvapādyoḥ ### [53.64-2](https://indike.org/pramana/in.purana.prakriyapada.53.64-2) varuṇaścāryyamā caiva paścime tasya sakthini śiśnaḥ saṃvatsarastasya mitro'pāne samāśritaḥ ### [53.65-2](https://indike.org/pramana/in.purana.prakriyapada.53.65-2) pucche'gniśca mahendraśca marīciḥ kaśyapo dhruvaḥ tārakāḥ śiśumāraśca nāstameti catuṣṭayaṃ ### [53.86-3](https://indike.org/pramana/in.purana.prakriyapada.53.86-3) nakṣatracandrasūryāśca grahāstārāgaṇaiḥ sahaḥ ummukhābhimukhāḥ sarve cakrībhūtāśritā divi ### [53.87-2](https://indike.org/pramana/in.purana.prakriyapada.53.87-2) dhruveṇādhiṣṭhitāḥ sarve dhruvameva pradakṣiṇam prayāntīha varaṃ śreṣṭhamedhībhūtaṃ dhruvandivi ### [53.88-2](https://indike.org/pramana/in.purana.prakriyapada.53.88-2) dhruvānnikaṣyapānāntu varaścāsau dhruvaḥ smṛtaḥ eka eva bhramatyeṣa meruparvatamūrddhani ### [53.86-4](https://indike.org/pramana/in.purana.prakriyapada.53.86-4) jyotiṣāñcakrametaddhi sadā karṣatyavāṅmukhaḥ merumālokayatyeṣa prayāṃtīha pradakṣiṇaṃ ### [53.86-4.p1](https://indike.org/pramana/in.purana.prakriyapada.53.86-4.p1) iti śrīmadbhāpurāṇe vāyuprokte dhruvacaryyā nāma dvipañcāśo'dhyāyaḥ ## Linked texts (9) - [Vāyupurāṇa](https://indike.org/pramana/in.purana.vayu.1.52.5) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.23.8) — Vyāsa, Sanskrit - [Matsyapurāṇa](https://indike.org/pramana/in.purana.matsya.126.15) — Vyāsa, Sanskrit - [Liṅgapurāṇa](https://indike.org/pramana/in.purana.linga.1.55.51) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.20.34) — Sanskrit - [Viṣṇupurāṇa (critical edition)](https://indike.org/pramana/in.purana.visnu*crit.2.12.22) — Sanskrit - [Matsya](https://indike.org/pramana/in.astro.samhita.matsya.126.15) — Sanskrit - [Liṅga](https://indike.org/pramana/in.purana.linga-anon.61.53) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.61.53) — Ativīrarāma Pāṇṭiyar 1500, Sanskrit --- Source: [https://indike.org/pramana/in.purana.prakriyapada.53](https://indike.org/pramana/in.purana.prakriyapada.53) · Pramāṇa