[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Vāyupurāṇa](https://indike.org/pramana/in.purana.vayu) › [Prakriyapada](https://indike.org/pramana/in.purana.vayu.prakriyapada) › 55 # Prakriyapada 55: atha catuḥpañcāśo'dhyāyaḥ Prakriyāpāda 55 - **Language:** Sanskrit ## Contents - [55.116](https://indike.org/pramana/in.purana.vayu.prakriyapada.55.116) — 1 part ### atha catuḥpañcāśo'dhyāyaḥ ### [55.1](https://indike.org/pramana/in.purana.vayu.prakriyapada.55.1) nīlakaṇṭhastavaḥ ṛṣaya ūcuḥ | kasmin deśe mahāpuṇyametadākhyānamuttamaṃ vṛttaṃ brahmapurogāṇāṃ kasmin kāle mahādyute etadākhyāhi naḥ samyag yathā vṛttaṃ tapodhana ### [55.2](https://indike.org/pramana/in.purana.vayu.prakriyapada.55.2) sūta uvāca | yathā śrutaṃ mayā pūrvaṃ vāyunā jagadāyunā (1) kathyamānaṃ dvijaśreṣṭhāḥ satre varṣasahasrake ### [55.3](https://indike.org/pramana/in.purana.vayu.prakriyapada.55.3) nīlatā yena kaṇṭhasya devadevasya śūlinaḥ tadahaṃ kīrttayiṣyāmi śṛṇudhvaṃ saṃśitavratāḥ ### [55.4](https://indike.org/pramana/in.purana.vayu.prakriyapada.55.4) uttare śailarājasya sarāṃsi sarito hradaḥ puṇyodyāneṣu tīrtheṣu devatāyataneṣu ca giriśṛṅgeṣu tuṅgeṣu gahvaropavaneṣu ca ### [55.5](https://indike.org/pramana/in.purana.vayu.prakriyapada.55.5) devabhaktā mahātmāno munayaḥ saṃśitavratāḥ stuvanti ca mahādevaṃ yatra yatra yathāvidhi ### [55.6](https://indike.org/pramana/in.purana.vayu.prakriyapada.55.6) ṛgyajuḥsāmavedaiśca nṛtyagītārccanādibhiḥ oṃkāreṇa namaskārairarcayanti sadā śivaṃ ### [55.7](https://indike.org/pramana/in.purana.vayu.prakriyapada.55.7) pravṛtte jyotiṣāṃ cakre madhyavyāpte divākare daivatā niyatātmānaḥ sarve tiṣṭhanti tāṃ kathāṃ atha niyamapravṛttāśca prāṇaśeṣavyavasthitāḥ ### [55.8](https://indike.org/pramana/in.purana.vayu.prakriyapada.55.8) namaste nīlakaṇṭhāya ityuvāca mahāgatiḥ tacchrutvā bhāvitātmāno munayaḥ śaṃsitavratāḥ vālakhilyetivikhyātāḥ pataṅgasahacāriṇaḥ ### [55.9](https://indike.org/pramana/in.purana.vayu.prakriyapada.55.9) aśītisahasrāṇi munīnāmūrddharetasāṃ tasmāt pṛcchanti vai vāyuṃ vāyuparṇākhubhojanāḥ ### [55.10](https://indike.org/pramana/in.purana.vayu.prakriyapada.55.10) ṛṣaya ūcuḥ | nīlakaṇṭhetidyat proktaṃ tvayā pavanasattama etadguhyaṃ pavitrāṇāṃ puṇyaṃ puṇyakṛtāṃ varāḥ ### [55.11](https://indike.org/pramana/in.purana.vayu.prakriyapada.55.11) tadvayaṃ śrotumicchāmastvatprasādāt prabhañjana nīlatā yena kaṇṭhasya kāraṇenāmbikāpateḥ ### [55.12](https://indike.org/pramana/in.purana.vayu.prakriyapada.55.12) śrotumicchāmahe samyaktva vaktāhiśeṣataḥ yāvadvācaḥ pravarttante sārthāstāśca tvayeritāḥ ### [55.13](https://indike.org/pramana/in.purana.vayu.prakriyapada.55.13) varṇasthānagate vāyau vāgvidhiḥ saṃpravarttate jñānaṃ pūrvvamathotsāhastvatto vāyo pravarttate ### [55.14](https://indike.org/pramana/in.purana.vayu.prakriyapada.55.14) tvayi niṣpandamāne tu śeṣā varṇapravṛttayaḥ yatra vāco nivarttante dehabandhāśca durlabhāḥ ### [55.15](https://indike.org/pramana/in.purana.vayu.prakriyapada.55.15) tatrāpi te'sti sadbhāvaḥ sarvvagastvaṃ sadānila nānyaḥ sarvvagato devastvadṛte'sti samīragā ### [55.16](https://indike.org/pramana/in.purana.vayu.prakriyapada.55.16) eṣa vai jīvalokaste pratyakṣaḥ sarvvato'nila vettha vācaspatiṃ devaṃ manonāyakamośvaraṃ ### [55.17](https://indike.org/pramana/in.purana.vayu.prakriyapada.55.17) brūhi tat kaṇṭhadeśasya kiṃkṛtā rūpavikriyā śrutvā vākyantatasteṣāmṛṣīṇāṃ bhāvitātmanāṃ pratyuvāca mahātejā vāyurlokanamasakṛtaḥ ### [55.18](https://indike.org/pramana/in.purana.vayu.prakriyapada.55.18) vāyuruvāca| purā kṛtayuge vipro vedanirṇayatatparaḥ vasiṣṭho nāma dharmmātmā mānaso vai prajāpateḥ ### [55.16-2](https://indike.org/pramana/in.purana.vayu.prakriyapada.55.16-2) papraccha kārttikeyaṃ vai mayūravaravāhanaṃ mahiṣāsuranārīṇāṃ nayanāñjanataskaraṃ ### [55.20](https://indike.org/pramana/in.purana.vayu.prakriyapada.55.20) mahāsenaṃ mahātmānaṃ meghastanitanisvanaṃ umāmanaḥpraharṣeṇa bālakaṃ rudrarūpiṇaṃ ### [55.21](https://indike.org/pramana/in.purana.vayu.prakriyapada.55.21) krauñcajīvitaharttāraṃ pārvatīhṛdi nandanaṃ vasiṣṭhaḥ pṛcchate bhaktyā kārttikeyaṃ mahābalaṃ ### [55.22](https://indike.org/pramana/in.purana.vayu.prakriyapada.55.22) vasiṣṭha uvāca| namaste haranandāya umāgarbha namo'stu te namaste agnigarbhāya gaṅgāgarbha namo'stu te ### [55.23](https://indike.org/pramana/in.purana.vayu.prakriyapada.55.23) namaste śaragarbhāya namaste kṛttikāsuta namo dvādaśanetrāya ṣaṇmukhāya tamo'stu te ### [55.24](https://indike.org/pramana/in.purana.vayu.prakriyapada.55.24) namaste śaktihastāya divyaghaṇṭāpatākine evaṃ stutvā mahāsenaṃ papraccha śikhivāhanaṃ ### [55.25](https://indike.org/pramana/in.purana.vayu.prakriyapada.55.25) yadetad dṛśyate varṇaṃ śubhaṃ śubhrāñjanaprabhaṃ tatkimarthaṃ samutpannaṃ kaṇṭhe kundendusaṃprabhe ### [55.26](https://indike.org/pramana/in.purana.vayu.prakriyapada.55.26) etadācāya bhaktāya dāntāya brūhi pṛcchate (1) kathāṃ maṅgalasaṃyuktāṃ pavitrāṃ pāpanāśinīṃ matpriyārthaṃ mahābhāga vaktumarhasyaśeṣataḥ ### [55.27](https://indike.org/pramana/in.purana.vayu.prakriyapada.55.27) śrutvā vākyaṃ tatastasya vasiṣṭhasya mahātmanaḥ pratyuvāca mahātejāḥ surāribalasūdanaḥ ### [55.28](https://indike.org/pramana/in.purana.vayu.prakriyapada.55.28) śṛṇuṣva vadatāṃ śreṣṭha kathyamānaṃ vaco mama umotsaṅga-niviṣṭena mayā pūrvaṃ yathā śrutaṃ ### [55.29](https://indike.org/pramana/in.purana.vayu.prakriyapada.55.29) pārvatyā saha saṃvādaḥ sarvasya ca mahātmanaḥ tadahaṅkīrttayiṣyāmi tvatpriyārthaṃ mahāmune ### [55.30](https://indike.org/pramana/in.purana.vayu.prakriyapada.55.30) kailāsaśikhare ramye nānādhātuvicitrite nānādrumalatākīrṇe cakravākopaśobhite ### [55.31](https://indike.org/pramana/in.purana.vayu.prakriyapada.55.31) ṣaṭpadodgītabahule dhārāsampātanādite mattakrauñcamayarāṇāṃ nādairudghuṣṭa kandare (1) ### [55.32](https://indike.org/pramana/in.purana.vayu.prakriyapada.55.32) apsarogaṇasaṅkīrṇe kinnaraiścopaśobhite jīvañjīvakajātīnāṃ voraṅgirupaśobhite ### [55.33](https://indike.org/pramana/in.purana.vayu.prakriyapada.55.33) kokilārāvamadhure siddhacāraṇasevite saurabheyīninādāḍhye meghastanitanisvane ### [55.34](https://indike.org/pramana/in.purana.vayu.prakriyapada.55.34) vināyakamayodvigne kuñjarairyuktakandare vīṇāvāditranirghoṣaiḥ śrotrendriyamanoramaiḥ ### [55.35](https://indike.org/pramana/in.purana.vayu.prakriyapada.55.35) dolālambitasampāte vanitāsaṅgasevite dhvajairlambitadolānāṃ ghaṇṭānāṃ ninadākule ### [55.36](https://indike.org/pramana/in.purana.vayu.prakriyapada.55.36) mukhamarddalavāditrairbalināṃ sphoṭitaistathā krīr̤āravavicārāṇāṃ nirghoṣaiḥ pūrṇamandire (2) ### [55.37](https://indike.org/pramana/in.purana.vayu.prakriyapada.55.37) hāsaiḥ santrāsajananairrvikarālamukhaistathā dehagandhairvicitraiśca prakrīr̤itagaṇeśvaraiḥ ### [55.38](https://indike.org/pramana/in.purana.vayu.prakriyapada.55.38) vajrasphaṭikasopānacitrapaṭṭiśilātalaiḥ vyāghrasiṃhamukhaiścānyairgajavājimukhaistathā ### [55.39](https://indike.org/pramana/in.purana.vayu.prakriyapada.55.39) bir̤ālavadanaiścograiḥ kroṣṭukākāramūrttibhiḥ hrasvaidīrghaiḥ kṛśaiḥ sthūlairlambodaramahodaraiḥ ### [55.40](https://indike.org/pramana/in.purana.vayu.prakriyapada.55.40) hrasvajaṅghaiśca lamboṣṭhai stālajaṅghaistathāparaiḥ gokarṇairekakarṇaiśca mahākarṇairakarṇakaiḥ ### [55.41](https://indike.org/pramana/in.purana.vayu.prakriyapada.55.41) bahupādairmahāpādairekapādairapādakaiḥ bahuśīrṣairmahāśīrṣairekaśīrṣairaśīrṣakaiḥ ### [55.42](https://indike.org/pramana/in.purana.vayu.prakriyapada.55.42) bahunetrairmahānetrairekanetrairanetrakaiḥ evaṃvidhairmahāyogibhūtairbhūtapatirvṛtaḥ ### [55.43](https://indike.org/pramana/in.purana.vayu.prakriyapada.55.43) viśuddhamuktāmaṇiratnabhūṣite śilātale hemamaye manorame sukhopaviṣṭaṃ madanāṅganāśanaṃ provāca vākyaṃ girirājaputrī ### [55.44](https://indike.org/pramana/in.purana.vayu.prakriyapada.55.44) devyuvāca | bhagavan bhūtabhavyeśa govṛṣāṅkita śāsana tava kaṇṭhe mahādeva bhrājate'mbudasannibhaṃ ### [55.45](https://indike.org/pramana/in.purana.vayu.prakriyapada.55.45) nātyulbaṇaṃ nātiśubhraṃ nīlāñjanacayopamaṃ kimidandīṣyate deva kaṇṭhe kāmāṅganāśana ### [55.46](https://indike.org/pramana/in.purana.vayu.prakriyapada.55.46) ko hetuḥ kāraṇaṃ kiñca kaṇṭhe nīlatvamīśvara etatsarvvaṃ yathānyāyaṃ brūhi kautūhalaṃ hi me ### [55.47](https://indike.org/pramana/in.purana.vayu.prakriyapada.55.47) śrutvā vākyaṃ tatastasyāḥ pārvvatyāḥ pārvvatīpriyaḥ kathāṃ maṅgalasaṃyuktāṃ kathayāmāsa śaṅkaraḥ ### [55.48](https://indike.org/pramana/in.purana.vayu.prakriyapada.55.48) mathyamāne'mṛte pūrvvaṃ kṣīrode suradānavaiḥ agre samutthitaṃ tasmin viṣaṅkālānalaprabhaṃ ### [55.49](https://indike.org/pramana/in.purana.vayu.prakriyapada.55.49) taṃ dṛṣṭvā surasaṅghāśca daityāścaiva varānane vipannavadanāḥ sarvve gatāste brahmaṇo'ntikaṃ ### [55.50](https://indike.org/pramana/in.purana.vayu.prakriyapada.55.50) dṛṣṭvā suragaṇān bhītān brahmovāca mahādyutiḥ kimarthaṃ bho mahābhāgā bhītā udvignacetasaḥ ### [55.51](https://indike.org/pramana/in.purana.vayu.prakriyapada.55.51) mayāṣṭaguṇamaiśvaryyaṃ bhavatāṃ samprakalpitaṃ kena vyāvarttitanaiśvaryyā yūyaṃ vai surasattamāḥ ### [55.52](https://indike.org/pramana/in.purana.vayu.prakriyapada.55.52) trailokyaśekharā yūyaṃ sarvve vai vigatajvarāḥ prajāsarge na so'stīha ājñāṃ yo me nivarttayet ### [55.53](https://indike.org/pramana/in.purana.vayu.prakriyapada.55.53) vimānagāminaḥ sarve sarve svacchandagāminaḥ adhyātma cādhibhūte ca adhideve ca nityaśaḥ prajāḥ karmmavipākena śaktā yūyaṃ pravarttituṃ ### [55.54](https://indike.org/pramana/in.purana.vayu.prakriyapada.55.54) tat kimarthaṃ bhayodvignā mṛgāḥ siṃhārdditā iva • kiṃ duḥkhaṃ kena santāpaḥ kuto vā bhayamāgataṃ etatsarvaṃ yathānyāyaṃ śīghramākhyātumarhatha ### [55.55](https://indike.org/pramana/in.purana.vayu.prakriyapada.55.55) śrutvā vākyaṃ tatastasya brahmaṇo vai mahātmanaḥ ūcuste ṛṣibhiḥ sārddha suradaityendradānavāḥ ### [55.56](https://indike.org/pramana/in.purana.vayu.prakriyapada.55.56) surāsurairmathyamāne pāthodhī ca mahātmabhiḥ bhujaṅgabhṛṅgasaṅkāśaṃ nīlajīmūtasannibhaṃ prādurbhūtaṃ viṣaṃ ghoraṃ sambarttāgnisamaprabhaṃ ### [55.57](https://indike.org/pramana/in.purana.vayu.prakriyapada.55.57) kālamṛtyurivodbhūtaṃ yugāntādityavarcasaṃ trailokyātsādi sūryyābhaṃ prasphurantaṃ (1) samantataḥ ### [55.58](https://indike.org/pramana/in.purana.vayu.prakriyapada.55.58) viṣeṇottiṣṭhamānena kālānalasamatviṣā nirdagdho raktagaurāṅgaḥ kṛtakṛṣṇo janārddanaḥ ### [55.58-2](https://indike.org/pramana/in.purana.vayu.prakriyapada.55.58-2) dṛṣṭvā taṃ raktagaurāṅgaṃ kṛtakṛṣṇaṃ janārddanaṃ bhītāḥ sarve vayaṃ devāstvāmeva śaraṇaṅgatāḥ ### [55.60](https://indike.org/pramana/in.purana.vayu.prakriyapada.55.60) surāṇāmasurāṇāñca śrutvā vākyaṃ pitāmahaḥ pratyuvāca mahātejā lokānāṃ hitakāmyayā ### [55.61](https://indike.org/pramana/in.purana.vayu.prakriyapada.55.61) śa‍ṛṇudhvaṃ daivataḥ sarve ṛṣayaśca tapodhanāḥ yattadagre samutpannaṃ mathyamāne mahodadhau ### [55.62](https://indike.org/pramana/in.purana.vayu.prakriyapada.55.62) viṣaṃ kālānalaprakhyaṃ kālakūṭetiviśrutaṃ yena prodbhūtamātreṇa kṛtakṛṣṇo janārdanaḥ ### [55.63](https://indike.org/pramana/in.purana.vayu.prakriyapada.55.63) tasya viṣṇorahañcāpi sarvve te surapuṅgavāḥ na śaknuvanti vai soḍhuṃ vegamanye tu śaṅkarāt ### [55.64](https://indike.org/pramana/in.purana.vayu.prakriyapada.55.64) ityuktā padmagarbhābhaḥ padmayonirayonijaḥ tatastotuṃ samārabdho brahmā lokapitāmahaḥ ### [55.65](https://indike.org/pramana/in.purana.vayu.prakriyapada.55.65) namastubhyaṃ virūpākṣa namaste'nekacakṣuṣe namaḥ pinākahastāya vajrahastāya vai namaḥ ### [55.66](https://indike.org/pramana/in.purana.vayu.prakriyapada.55.66) namastrailokyanāthāya bhūtānāmpataye namaḥ namaḥ surārisaṃhartre tāpasāya vicakṣuṣe (1) ### [55.67](https://indike.org/pramana/in.purana.vayu.prakriyapada.55.67) brahmaṇe caiva rudrāya viṣṇave caiva te namaḥ sāṅkhyāya caiva yogāya bhūtagrāmāya vai namaḥ ### [55.68](https://indike.org/pramana/in.purana.vayu.prakriyapada.55.68) manmathāṅgavināśāya kālakālāya vai namaḥ rudrāya ca suraiśāya devadevāya te namaḥ (2) ### [55.66-2](https://indike.org/pramana/in.purana.vayu.prakriyapada.55.66-2) kaparddine karālāya śaṅkarāya kapāline (3) pirūpāyaikarūpāya śivāya varadāya ca ### [55.90](https://indike.org/pramana/in.purana.vayu.prakriyapada.55.90) tripuraghnāya vandyāya (1) mātṛṇāmpataye namaḥ buddhāya caiva śuddhāya muktāya kevalāya ca ### [55.91](https://indike.org/pramana/in.purana.vayu.prakriyapada.55.91) namaḥ kamatahastāya digvāsāya śikhaṇḍine lokatrayavidhātre ca candrāya (2) varuṇāya ca ### [55.72](https://indike.org/pramana/in.purana.vayu.prakriyapada.55.72) agyāya caiva cognāya vipāyāne kacakṣuṣe rajase caiva savāya tamase'vyaktayomaye ### [55.93](https://indike.org/pramana/in.purana.vayu.prakriyapada.55.93) nityāyānityarūpāya nityānilāya vai namaḥ vyaktāya caivāvyaktāya vyaktāvyaktāya vai namaḥ ### [55.94](https://indike.org/pramana/in.purana.vayu.prakriyapada.55.94) cintyāya caivācintyāya cintyācintyāya vai namaḥ bhaktānāmārttināśāya naranārāyaṇāya ca (3) ### [55.75](https://indike.org/pramana/in.purana.vayu.prakriyapada.55.75) umāpriyāya śarvāya nandicakrāṅkitāya ca (4) pattamāsārddhamāsāya namaḥ saṃvatsarāya ca ### [55.76](https://indike.org/pramana/in.purana.vayu.prakriyapada.55.76) bahurūpāya muṇḍāya daṇḍine'tha varūthine namaḥ kapālahastāya digvātāya śikhaṇḍine ### [55.77](https://indike.org/pramana/in.purana.vayu.prakriyapada.55.77) dhvajine rathine caiva yamine brahmacāriṇe ṛgyajuḥsāmavedāya puruṣāyeśvarāya ca ityevamādicaritaistubhyaṃ deva namo'stu te ### [55.78](https://indike.org/pramana/in.purana.vayu.prakriyapada.55.78) śrīmahādeva uvāca| evaṃ stutastato devaiḥ praṇipatya varānane (5) ### [55.79](https://indike.org/pramana/in.purana.vayu.prakriyapada.55.79) jñātvā tu bhaktiṃ mama devadevo gaṅgājalāplāvitakeśadeśaḥ sūkṣmo'tiyogātiśayādacintyo na hi srutau vyaktamupaiti candraḥ ### [55.80](https://indike.org/pramana/in.purana.vayu.prakriyapada.55.80) evaṃ bhagavatā pūrvvaṃ brahmaṇā lokakarttṛṇā stuto'haṃ vividhaistotrairvedavedāṅga sambhavaiḥ ### [55.81](https://indike.org/pramana/in.purana.vayu.prakriyapada.55.81) tataḥ prīto'hyahantasmai brahmaṇe sumahātmane tato'haṃ sūkṣmayā vācā pitāmahamathābruvaṃ ### [55.82](https://indike.org/pramana/in.purana.vayu.prakriyapada.55.82) bhagavan bhūtabhavyeśa lokanātha jagatpate kiṃ kāryyaṃ te mayā brahman karttavyaṃ vada suvrata ### [55.83](https://indike.org/pramana/in.purana.vayu.prakriyapada.55.83) śrutvā vākyaṃ tato brahmā pratyuvācāmbujekṣaṇaḥ bhūtabhavyabhavannātha śrūyatāṃ kāraṇeśvara ### [55.84](https://indike.org/pramana/in.purana.vayu.prakriyapada.55.84) surāsurairmathyamāne payodhāmvujekṣaṇa bhagavanmeghasaṅkāśaṃ nīlajīmūtasannibhaṃ ### [55.85](https://indike.org/pramana/in.purana.vayu.prakriyapada.55.85) prādurbhūtaṃ viṣaṅghoraṃ samvarttāgnisamaprabhaṃ kālamṛtyukhivodbhūtaṃ yugāntādityavarcasaṃ ### [55.86](https://indike.org/pramana/in.purana.vayu.prakriyapada.55.86) trailokyotsādi sūryābhaṃ visphurantaṃ samantataḥ agre samutthitaṃ tasmin viṣaṅkālānalaprabham ### [55.87](https://indike.org/pramana/in.purana.vayu.prakriyapada.55.87) taṃ dṛṣṭvā tu vayaṃ sarvve bhītāḥ sambhrāntacetasaḥ tat pivasva mahādeva lokānāṃ hitakāmyayā bhavānahyāsya bhoktā vai bhavāṃścaiva varaḥ prabhuḥ ### [55.88](https://indike.org/pramana/in.purana.vayu.prakriyapada.55.88) tvāmṛte'nyo mahādeva viṣaṃ soḍhuṃ na vidyate nāsti kaścit pumān śaktastvai lokeṣu ca gīyate ### [55.89](https://indike.org/pramana/in.purana.vayu.prakriyapada.55.89) evaṃ tasya vacaḥ śrutvā brahmaṇaḥ parameṣṭhinaḥ vāḍhamityeva tadvākyaṃ pratigṛhya varānane ### [55.90-2](https://indike.org/pramana/in.purana.vayu.prakriyapada.55.90-2) tato'haṃ pātumārabdho viṣamantakasannibhaṃ pivato me mahāghoraṃ viṣaṃ surabhayaṅkaraṃ kaṇṭhaḥ samabhavattūrṇa kṛṣṇo me varavarṇini ### [55.91-2](https://indike.org/pramana/in.purana.vayu.prakriyapada.55.91-2) taṃ dṛṣṭotpalapatrābhaṃ kaṇṭhe saktamivoragaṃ takṣakaṃ nāgarājānaṃ lelihānamivasthitaṃ ### [55.92](https://indike.org/pramana/in.purana.vayu.prakriyapada.55.92) athovāca mahātejā brahmā lokapitāmahaḥ śobhase tvaṃ mahādeva kaṇṭhenānena suvrata ### [55.93-2](https://indike.org/pramana/in.purana.vayu.prakriyapada.55.93-2) tatastasya vacaḥ śrutvā mayā girivarātmaje paśyatāṃ devasaṅghānāṃ daityānāñca varānane ### [55.94-2](https://indike.org/pramana/in.purana.vayu.prakriyapada.55.94-2) yakṣagandharvvabhūtānāṃ piśācoragarakṣasāṃ dhṛtaṃ kaṇṭhe viṣaṃ ghoraṃ nīlakaṇṭhastato'hyahaṃ ### [55.95](https://indike.org/pramana/in.purana.vayu.prakriyapada.55.95) tat kālakūṭaṃ viṣamugratejaḥ kaṇṭhe mayā parvvatarājaputri niveśyamānaṃ saradai ragaddhau dṛṣṭvā paraṃ vismayamājagāma ### [55.96](https://indike.org/pramana/in.purana.vayu.prakriyapada.55.96) tataḥ suragaṇāḥ sarvve sadaityoragarākṣasāḥ ūcuḥ prāñjalayo bhūtvā mattamātaṅgagāmini ### [55.97](https://indike.org/pramana/in.purana.vayu.prakriyapada.55.97) aho balaṃ vīryyaparākramaste aho punaryogabalaṃ tavaiva aho prabhutvaṃ tava devadeva gaṅgājalāsphālitamuktakeśa ### [55.68-2](https://indike.org/pramana/in.purana.vayu.prakriyapada.55.68-2) tvameva viṣṇuścaturānanastvaṃ tvameva sūryyasvarada̱stvameva tvameva sūryyo rajanīkaraśca tvameva bhūmiḥ salilaṃ tvameva ### [55.86-2](https://indike.org/pramana/in.purana.vayu.prakriyapada.55.86-2) tvameva yajño niyamastvameva tvameva bhūtaṃ bhavitā tvameva tvameva cādinidhanaṃ tvameva sthūlaśca sūkṣmaḥ (1) puruṣastvameva ### [55.100](https://indike.org/pramana/in.purana.vayu.prakriyapada.55.100) tvameva sūkṣmasya parasya sūkṣmaḥ tvameva vahniḥ pavanastvameva tvameva sarvvasya carācarasya lokasya karttā pralaye ca goptā ### [55.101](https://indike.org/pramana/in.purana.vayu.prakriyapada.55.101) itīdamuktā vacanaṃ surendrāḥ pragṛhya somaṃ praṇipatya mūrddhā gatā vimānairanigṛhya vegairmhātmano merumupetya sarvve ### [55.102](https://indike.org/pramana/in.purana.vayu.prakriyapada.55.102) ityetatparamaṃ guhyaṃ puṇyātpuṇyamahattaram (2) nīlakaṇṭheti yatproktaṃ vikhyātaṃ lokaviśrutaṃ (3) ### [55.103](https://indike.org/pramana/in.purana.vayu.prakriyapada.55.103) svayaṃ svayambhuvā proktāṃ puṇyāṃ pāpapraṇāśanīṃ yastu dhārayate nityamenāṃ brahmodbhavāṃ kathāṃ tasyāhaṃ saṃpravakṣyāmi phalaṃ vai vipulaṃ mahat ### [55.104](https://indike.org/pramana/in.purana.vayu.prakriyapada.55.104) viṣaṃ tasya varārohe sthāvaraṃ jaṅgamantathā gātraṃ prāpya ca suśroṇi kṣipraṃ tatpratihanyate ### [55.105](https://indike.org/pramana/in.purana.vayu.prakriyapada.55.105) śamayatyaśubhaṃ ghoraṃ duḥsvapnañcāpakarṣati strīṣu vallabhatāṃ yāti sabhāyāṃ pārthivasya ca ### [55.106](https://indike.org/pramana/in.purana.vayu.prakriyapada.55.106) vivāde jayamāpnoti yuddhe śūratvameva ca gacchataḥ cemamadhvānaṃ gṛhe ca nityasampadaḥ ### [55.107](https://indike.org/pramana/in.purana.vayu.prakriyapada.55.107) śarīrabhede vakṣyāmi gatiṃ tasya varānane nīlakaṇṭho haritśmaśruḥ śaśāṅkaṅkitamūrddhajaḥ ### [55.108](https://indike.org/pramana/in.purana.vayu.prakriyapada.55.108) tvacastriśūlapāṇiśca vṛṣayānaḥ pinākadhṛk nanditulyabalaḥ śrīmān nanditulyaparākramaḥ ### [55.106-2](https://indike.org/pramana/in.purana.vayu.prakriyapada.55.106-2) vicarannacirāt sarvvān sarvvalokānājñā na hanyate gatistasya anilasya yathā'mbare mama tulyabalo bhūtvā tiṣṭhatyābhūtasaṃplavaṃ ### [55.110](https://indike.org/pramana/in.purana.vayu.prakriyapada.55.110) mama bhaktā varārohe ye ca śṛṇvanti mānavāḥ teṣāṃ gatiṃ pravakṣyāmi iha loke paratra ca ### [55.111](https://indike.org/pramana/in.purana.vayu.prakriyapada.55.111) brāhmaṇo vedamāpnoti kṣatriyo jayate mahīṃ vaiśyastu labhate lābhaṃ śūdraḥ sukhamavāpnuyāt ### [55.112](https://indike.org/pramana/in.purana.vayu.prakriyapada.55.112) vyādhito mucyate rogādbaddho mucyeta bandhanāt gurviṇī labhate putraṃ kanyā vindati satpatiṃ naṣṭañca labhate sarvvaṃ iha loke paratra ca ### [55.113](https://indike.org/pramana/in.purana.vayu.prakriyapada.55.113) gavāṃ śatasahasrasya samyagdattasya yatphalaṃ tatphalaṃ bhavati śrutvā vibhordivyāmimāṃ kathāṃ ### [55.114](https://indike.org/pramana/in.purana.vayu.prakriyapada.55.114) pādaṃ vā yadi vāpyarddha ślokaṃ ślokārddhameva vā yastu dhārayate nityaṃ rudralokaṃ sa gacchati ### [55.115](https://indike.org/pramana/in.purana.vayu.prakriyapada.55.115) kathāmimāṃ puṇyaphalādiyuktāṃ nivedya devyāḥ śaśiśekharamūrddhajaḥ vṛṣasya pṛṣṭhena sahomayā prabhurjagāma kiṣkindhaguhāṃ guhapriyaḥ ### [55.116](https://indike.org/pramana/in.purana.vayu.prakriyapada.55.116) krāntaṃ mayā pāpaharaṃ mahāpaḍhaṃ nivedya tebhyaḥ pradadau prabhañjanaḥ adhītya sarvvantvakhilaṃ sulakṣaṇaṃ jagāma ādityapathaṃ dvijottamaḥ ### [55.116.p1](https://indike.org/pramana/in.purana.vayu.prakriyapada.55.116.p1) iti śrīmadbhāpurāṇe vāyuprokte nīlakaṇṭhastavo nāma catuḥpañcāśo'dhyāyaḥ ## Linked texts (6) - [Brahmāṇḍapurāṇa](https://indike.org/pramana/in.purana.brahmanda.1.25.4) — Vyāsa, Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.7.12.584_129) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.bhagavata.satsandarbha.1.4.399) — Jīva Gosvāmin 1555, Sanskrit - [Ambikākhaṇḍa](https://indike.org/pramana/in.purana.upa.sakta.ambikakhanda.120.6) — Sanskrit - [Skanda Purāṇa (Kumāra Kavi)](https://indike.org/pramana/in.purana.other.skandapurana.65.1) — Kumāra Kavi, Sanskrit - [Sahyādrikhaṇḍa](https://indike.org/pramana/in.purana.sthala.maharastra.sahyadrikhanda.65.1) — Sanskrit --- Source: [https://indike.org/pramana/in.purana.vayu.prakriyapada.55](https://indike.org/pramana/in.purana.vayu.prakriyapada.55) · Pramāṇa