[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Prakriyapada](https://indike.org/pramana/in.purana.prakriyapada) › 7 # Prakriyapada 7: atha saptamo'dhyāyaḥ Prakriyāpāda 7 - **Language:** Sanskrit ## Contents - [7.74](https://indike.org/pramana/in.purana.prakriyapada.7.74) — 1 part ### atha saptamo'dhyāyaḥ ### [7.p1](https://indike.org/pramana/in.purana.prakriyapada.7.p1) samāptaḥ prakriyāpādaḥ ### [7.1](https://indike.org/pramana/in.purana.prakriyapada.7.1) pratisandhikīrttanaṃ ityeṣa prathamaḥ pādaḥ prakriyārthaḥ prakīrttitaḥ śrutvā tu saṃhṛṣṭamanāḥ kāśyapeyaḥ sanātanaḥ ### [7.2](https://indike.org/pramana/in.purana.prakriyapada.7.2) sambodh‍ya sūtaṃ vacasā papracchāyottarāṃ kathāṃ ataḥprabhṛti kalpajña pratisandhiṃ pracakṣva naḥ ### [7.3](https://indike.org/pramana/in.purana.prakriyapada.7.3) samatītasya kalpasya varttamānasya cobhayoḥ kalpayorantaraṃ yacca pratisandhiścaryastayoḥ etadveditumicchāmaḥ atyantakuśalo'hyasi ### [7.4](https://indike.org/pramana/in.purana.prakriyapada.7.4) lomaharṣaṇa uvāca| atra'vo'haṃ pravakṣyāmi pratisandhiśca yastayoḥ samatītasya kalpasya varttamānasya cobhayoḥ ### [7.5](https://indike.org/pramana/in.purana.prakriyapada.7.5) manvantarāṇi kalpeṣu yeṣu yāni ca suvratāḥ yaścāyaṃ varttate kalpo vārāhaḥ sāmprataḥ śubhaḥ ### [7.6](https://indike.org/pramana/in.purana.prakriyapada.7.6) asmāt kalpācca yaḥ kalpaḥ pūrvvo'tītaḥ sanātanaḥ tasya cāsya ca kalpasya madhyāvasthāṃnibodhata ### [7.7](https://indike.org/pramana/in.purana.prakriyapada.7.7) pratyāhṛte pūrvvakalpe pratisandhiśca tatra vai anyaḥ pravarttate kalpo janāllokāt punaḥ punaḥ ### [7.8](https://indike.org/pramana/in.purana.prakriyapada.7.8) vyucchinnāt pratisandhestu kalpāt kalpaḥ parasparaṃ vyucchidyante kriyāḥ sarvvvāḥ kalpānte sarvvaśastadā tasmāt kalpātta kalpasya pratisandhirnigadyate ### [7.6-2](https://indike.org/pramana/in.purana.prakriyapada.7.6-2) manvantarayugākhyānāmapyucchinnāśca sandhayaḥ parasparaḥ pravarttante manvantarayugaiḥ saha ### [7.10](https://indike.org/pramana/in.purana.prakriyapada.7.10) uktā ye prakriyārthena pūrvvakalpāḥ samāsataḥ teṣāṃ parārdhakalpānāṃ pūrvo hyāsāttu yaḥ paraḥ āsīt kalpo vyatīto vai parārḍena parastu saḥ ### [7.11](https://indike.org/pramana/in.purana.prakriyapada.7.11) anye bhaviṣyā ye kalpā aparārddhādguṇīkṛtāḥ prathamaḥ sāmprataste ṣāṃ kalpo'yaṃ varttate dvijāḥ ### [7.12](https://indike.org/pramana/in.purana.prakriyapada.7.12) yasmin pūrvvaḥ parārddhe tu dvitīye para ucyate etāvān sthitikālaśca pratyāhārastataḥ smṛtaḥ ### [7.13](https://indike.org/pramana/in.purana.prakriyapada.7.13) asmāt kalpāttu yaḥ pūrvvaṃ kalpo'tītaḥ sanātanaḥ caturyugasahasrānte ahomanvantaraiḥ purā ### [7.14](https://indike.org/pramana/in.purana.prakriyapada.7.14) kṣīṇe kalpe tadā tasmin dāhakāle hyupasthite tasmin kalpe tadā devā āsanvaimānikāstu ye ### [7.15](https://indike.org/pramana/in.purana.prakriyapada.7.15) nakṣatragrahacārāstu candrasūryyagrahāśca ye aṣṭāviṃśatirevaitāḥ koṭyastu sukṛtātmanāṃ ### [7.16](https://indike.org/pramana/in.purana.prakriyapada.7.16) manvantare tathaikasmin caturddaśasu vai tathā trīṇi koṭiśatānyāsan koṭyo dvinavatistathā aṣṭādhikāḥ saptaśatāḥ sahasrāṇāṃ smṛtāḥ purā ### [7.17](https://indike.org/pramana/in.purana.prakriyapada.7.17) vaimānikānāṃ devānāṃ kalpe'tīte tu ye'bhavan ekaikasmiṃstu kalpe vai devā vaimānikāḥ smṛtāḥ ### [7.18](https://indike.org/pramana/in.purana.prakriyapada.7.18) atha manvantareṣvāsaṃścaturddaśasu vai divi devāśca pitaraścaiva munayo manavastathā ### [7.18-2](https://indike.org/pramana/in.purana.prakriyapada.7.18-2) teṣāmanucarā ye ca manuputrāstathaiva ca varṇyāyamibhirīḍāñca tasmin kāle tu ye surāḥ manvantareṣu ye hyāsan devaloke divaukasaḥ ### [7.20](https://indike.org/pramana/in.purana.prakriyapada.7.20) te taiḥ saṃyojakaiḥ sārddhaṃ prāpte saṅkalpane tathā tulyaniṣṭhāstu te sarvve prāpte hyābhūtasaṃplave ### [7.21](https://indike.org/pramana/in.purana.prakriyapada.7.21) tataste vaśyabhāvitvādṛbuddhā paryāyamātmanaḥ trailokyavāsino devāstasmin prāpte hyupaplave ### [7.22](https://indike.org/pramana/in.purana.prakriyapada.7.22) tenotsukyaviṣādena tyaktā sthānāni bhāvataḥ maharlokāya saṃvignāstataste dadhire matiṃ ### [7.23](https://indike.org/pramana/in.purana.prakriyapada.7.23) te yuktā upapadyante mahasi svaiḥ śarīrakaiḥ viśuddhibahulāḥ sarvve mānasīṃ siddhimāsthitāḥ ### [7.24](https://indike.org/pramana/in.purana.prakriyapada.7.24) taiḥ kalpavāsibhiḥ sārddhaṃ mahānāsāditastu yaiḥ brāhmaṇaiḥ kṣatriyairvaiśyaistathaktaiścāparairjjanaiḥ ### [7.25](https://indike.org/pramana/in.purana.prakriyapada.7.25) matvā tu te maharlokaṃ devasaṅghāścatuddyaṃ tataste janalokāya sodvegā dadhire matiṃ ### [7.26](https://indike.org/pramana/in.purana.prakriyapada.7.26) viśuddhibahulāḥ sarvve mānasīṃ siddhimāsthitāḥ taiḥ kalpavāsibhiḥ sārddhaṃ mahānāsāditastu yaiḥ ### [7.27](https://indike.org/pramana/in.purana.prakriyapada.7.27) daśakatva ivāṅṛtya tasmādgacchanti svastapaḥ tatra kalpān daśa sthitvā satyaṃ gacchanti vai punaḥ etena kramayogena yānti kalpanivāsinaḥ ### [7.28](https://indike.org/pramana/in.purana.prakriyapada.7.28) evaṃ devayugānāntu sahasrāṇi parasparāt gatāni brahmalokaṃ vai aparāvarttinī gatiṃ ### [7.29](https://indike.org/pramana/in.purana.prakriyapada.7.29) ādhipatyaṃ vinā te vai aiśvaryyeṇa tu tatsamāḥ bhavanti brahmaṇasta tyā rūpeṇa viṣayeṇa ca ### [7.30](https://indike.org/pramana/in.purana.prakriyapada.7.30) tatra te hyavatiṣṭhanti prītiyuktāḥ prasaṅgatyāt ānandaṃ brahmaṇaḥ prāpya mucyante brahmaṇā saha ### [7.31](https://indike.org/pramana/in.purana.prakriyapada.7.31) avaśyambhāvinā'rthena prākṛtenaiva te svayaṃ nānātvenābhisambaddhāstadā tatkālabhāvinaḥ ### [7.32](https://indike.org/pramana/in.purana.prakriyapada.7.32) svarūpato buddhipūrvaṃ yathā bhavati jāgrataḥ tatkālabhāvi teṣāntu tathā jñānaṃ pravarttate ### [7.33](https://indike.org/pramana/in.purana.prakriyapada.7.33) pratyāhāre tu bhedānāṃ yeṣāṃ niṣṭhābhisaṃkṣaṇāṃ taiḥ sārddhaṃ pratisṛjyante kāryāṇi karaṇāni ca ### [7.34](https://indike.org/pramana/in.purana.prakriyapada.7.34) nānātvadarśanātteṣāṃ brahmalokanivāsināṃ vinaṣṭasvādhikārāṇāṃ svena dharmeṇa tiṣṭhatāṃ ### [7.35](https://indike.org/pramana/in.purana.prakriyapada.7.35) te tulyalakṣaṇāḥ siddhāḥ śuddhātmāno nirañjanāḥ prakṛtau kāraṇātītāḥ svātmanyeva vyavasthitāḥ ### [7.36](https://indike.org/pramana/in.purana.prakriyapada.7.36) prakhyāpayitvā (1) hyātmānaṃ prakṛtisteṣu sarvvaśaḥ puruṣāvyavahṛtatvena pratītā na pravarttate ### [7.37](https://indike.org/pramana/in.purana.prakriyapada.7.37) pravarttate punaḥ sarge teṣāṃ vā kāraṇaṃ punaḥ saṃyoge prākṛte teṣāṃ yuktānāṃ tattvadarśināṃ ### [7.38](https://indike.org/pramana/in.purana.prakriyapada.7.38) atrāpavargiṇāṃ teṣāmapunarmārgagāmināṃ abhāvaḥ punarutpattau śāntānāmarciṣāmiva ### [7.39](https://indike.org/pramana/in.purana.prakriyapada.7.39) tatasteṣu gateṣūrddhaṃ trailokyatvāsumahātmasu taiḥ sārddhaṃ ye maharlokāttadā nāsāditā janāḥ tacchiṣṭāsteha tiṣṭhanti kalpādehamupāsate ### [7.40](https://indike.org/pramana/in.purana.prakriyapada.7.40) gandharvādyāḥ piśācāntā mānuṣā brāhmaṇādayaḥ paśavaḥ pakṣiṇaścaiva sthāvarāḥ sasarīsṛpāḥ ### [7.41](https://indike.org/pramana/in.purana.prakriyapada.7.41) tiṣṭhatsu teṣu tatkālaṃ pṛthivītalavāsiṣu sahasraṃ yattu raśmīnāṃ sūryyasyeha vibhāsate te saptadaśmayo bhūtvā hyekaiko jāyate raviḥ ### [7.42](https://indike.org/pramana/in.purana.prakriyapada.7.42) krameṇottiṣṭhamānāste caun lokān pradahantyuta jaṅgamaṃ sthāvarañcaiva nadīḥ sarvvāśca parvvatān pūrvaṃ śuṣkā hyanāvṛṣṭyā sūryyaistaiśca pradhūpitāḥ ### [7.43](https://indike.org/pramana/in.purana.prakriyapada.7.43) tadā te viviśuḥ sarvve nirdagdhāḥ sūryyaraśmibhiḥ jaṅgamāḥ sthāvarāḥ sarvve dharmmādharmmātmakāstu vai ### [7.44](https://indike.org/pramana/in.purana.prakriyapada.7.44) dagdhadehāstataste vai gatāḥ pāpayugātyaye yonyā tayā hyanirmuktāḥ śubhapāpānubandhayā ### [7.45](https://indike.org/pramana/in.purana.prakriyapada.7.45) tataste hyupapadyante tulyarūpā jane janāḥ viśuddhibahulāḥ sarvve mānasīṃ siddhimāsthitāḥ ### [7.46](https://indike.org/pramana/in.purana.prakriyapada.7.46) uṣitvā rajanīṃ tatra brahmaṇo'vyaktajanmanaḥ punaḥ sarge bhavantīha brahmaṇo mānasīprajāḥ ### [7.47](https://indike.org/pramana/in.purana.prakriyapada.7.47) tatasteṣu pravṛtteṣu jane trailokyavāsiṣu nirdagdheṣu ca lokeṣu teṣu sūryaistu saptabhiḥ dṛṣṭvā kṣitau plāvitāyāṃ viśīrṇeṣvapi layeṣu ca ### [7.48](https://indike.org/pramana/in.purana.prakriyapada.7.48) samudrāścaiva meghāśca āpaḥ sarvvāśca pārthivāḥ vrajantyekārṇavatvaṃ hi salilākhyāstadāśritāḥ ### [7.49](https://indike.org/pramana/in.purana.prakriyapada.7.49) ogatāgatikaṃ tadvai yadā tu salilaṃ bahu saṃcchādyemāṃ sthitāṃ bhūmimarṇavākhyā tadā ca sā ### [7.50](https://indike.org/pramana/in.purana.prakriyapada.7.50) ābhāti yasmānnābhānti bhāsanto vyāptidīptiṣu sarvvataḥ samanuplāvaya tāsāmbho vibhāvyate ### [7.51](https://indike.org/pramana/in.purana.prakriyapada.7.51) tadambhastanute yasmāt sarvvāṃ pṛthvīṃ samantataḥ dhātū ṃstanoti vistāre tenāmbhāstanavaḥ smṛtāḥ ### [7.52](https://indike.org/pramana/in.purana.prakriyapada.7.52) aramityeṣa śīghrantu nipātaḥ kavibhiḥ smṛtaḥ ekārṇave bhavantyāpo na śīghrāstena te narāḥ ### [7.53](https://indike.org/pramana/in.purana.prakriyapada.7.53) tasmin yugasahasrānte saṃsthite brahmaṇo'hani rajanyāṃ varttamānāyāntāvattatsalilātmanā ### [7.54](https://indike.org/pramana/in.purana.prakriyapada.7.54) tatastu salile tasminnaṣṭe'gnau pṛthivītale praśāntavāte'ndhakāre nirāloke samantataḥ ### [7.55](https://indike.org/pramana/in.purana.prakriyapada.7.55) yenaivādhiṣṭhitaṃ hyetad brahmā sa puruṣaḥ prabhuḥ vibhāgamasya lokasya punarvvai kattumicchati ### [7.56](https://indike.org/pramana/in.purana.prakriyapada.7.56) ekārṇave tadā tasminnaṣṭe sthāvarajaṅgame tadā sa bhavati brahmā sahasrākṣaḥ sahasrapāt ### [7.57](https://indike.org/pramana/in.purana.prakriyapada.7.57) sahasraśīrṣā puruṣo rukmavarṇo hyatīndriyaḥ brahmā nārāyaṇākhyastu suṣvāpa salile tadā ### [7.58](https://indike.org/pramana/in.purana.prakriyapada.7.58) sattvādrekāt prabuddhastu śūnyaṃ lokamavekṣya ca imañcodāharantyatra śloka nārāyaṇaṃ prati ### [7.59](https://indike.org/pramana/in.purana.prakriyapada.7.59) āpo nārākhyāstanava ityapānnāma śuśrumaḥ āpūrryya nābhiṃ tatrāste tena nārāyaṇaḥ smṛtaḥ ### [7.60](https://indike.org/pramana/in.purana.prakriyapada.7.60) sahasraśīrṣāḥ sumanāḥ sahasrapāt sahasravattvarvvadanaḥ sahasrabhuk sahasrabāhuḥ prathamaḥ prajāpatistayopathe yaḥ puruṣo nirucyate ### [7.61](https://indike.org/pramana/in.purana.prakriyapada.7.61) ādityavarṇo bhuvanasya goptāeko hyapūrvvaḥ prathamamturāṣāṭ |' hiraṇyagarbhaḥ puruṣo mahātmā sa paṭhyate vai tamasaḥ parastāt ### [7.62](https://indike.org/pramana/in.purana.prakriyapada.7.62) kalpādau rajasodrikto brahmā bhūtvā'sṛjat prajāḥ kalpānte tamasodrikto kālo bhūtvā'grasat punaḥ ### [7.63](https://indike.org/pramana/in.purana.prakriyapada.7.63) sa vai nārāyaṇāravyastu sattvodrikto'rṇave svapan tridhā vibhajya cātmānaṃ trailokye samavarttata ### [7.64](https://indike.org/pramana/in.purana.prakriyapada.7.64) sṛjate grasate caiva vīkṣate ca tribhistu tān ekārṇave tadā loke naṣṭe sthāvarajaṅgame ### [7.65](https://indike.org/pramana/in.purana.prakriyapada.7.65) caturyugasahasrānte sarvvataḥ salilāhate brahmā nārāyaṇākhyastu aprakāśārṇave svapan ### [7.66](https://indike.org/pramana/in.purana.prakriyapada.7.66) caturvidhāḥ prajā grasvā brāhmayāṃ rātryāṃ mahārṇave paśyanti taṃ maharlokāt suptaṃ kālaṃ maharṣayaḥ ### [7.67](https://indike.org/pramana/in.purana.prakriyapada.7.67) bhṛgvādayo yathā sapta kalpe hyasmin maharṣayaḥ tato vivarttamānaistairmahān parigataḥ paraḥ ### [7.68](https://indike.org/pramana/in.purana.prakriyapada.7.68) gatyarthāt ṛṣayo dhātornāmanirvvittirāditaḥ tasmādṛṣiparatvena mahāṃstasmānmaharṣayaḥ ### [7.66-2](https://indike.org/pramana/in.purana.prakriyapada.7.66-2) maharlokasthitairdṛṣṭaḥ kālaḥ suptastadā ca taiḥ satyādyā sapta ye hyāsan kalpe'tīte maharṣayaḥ ### [7.70](https://indike.org/pramana/in.purana.prakriyapada.7.70) evaṃ brāhmīṣu rātrīṣu vyatītāsu sahasraśaḥ dṛṣṭavantastathā hyanye suptaṃ kālaṃ maharṣayaḥ ### [7.71](https://indike.org/pramana/in.purana.prakriyapada.7.71) kalpādyādau tu bahuśo yajñāt saṃsthāścatasṛṇa kalpayāmāsa vai brahmā tasmātkālo nirucyate ### [7.72](https://indike.org/pramana/in.purana.prakriyapada.7.72) sa sraṣṭā sarvvabhūtānāṃ kalpādiṣu punaḥ punaḥ vyaktā'vyakto mahādevastasya sarvvamidaṃ jagat ### [7.73](https://indike.org/pramana/in.purana.prakriyapada.7.73) ityeṣa pratisandhivvaḥ kīrttitaḥ kalpayorhra yoḥ sāmpratātautayormmadhye prāgavasthā bamūva yā ### [7.74](https://indike.org/pramana/in.purana.prakriyapada.7.74) kīrttitā tu samāsena kalpe kalpe yathā tatha, : sāmpratante pravakṣyāmi kalpametaṃ nibodhata ### [7.74.p1](https://indike.org/pramana/in.purana.prakriyapada.7.74.p1) iti śrīmaddāpurāṇe vāyuprokte pratisandhikīrttanaṃ nāma saptamo'dhyāyaḥ ## Linked texts (4) - [Vāyupurāṇa](https://indike.org/pramana/in.purana.vayu.1.7.1) — Vyāsa, Sanskrit - [Brahmāṇḍapurāṇa](https://indike.org/pramana/in.purana.brahmanda.1.6.3) — Vyāsa, Sanskrit - [Sāmbapurāṇa](https://indike.org/pramana/in.purana.upa.surya.samba.6.21) — Sanskrit - [Skandamahāpurāṇa (vulgate)](https://indike.org/pramana/in.purana.skanda*vulgate.2.2.26.92) — Sanskrit --- Source: [https://indike.org/pramana/in.purana.prakriyapada.7](https://indike.org/pramana/in.purana.prakriyapada.7) · Pramāṇa