Pramāṇa · Search · About · API

Purushottamakhanda 11

Puruṣottamakhaṇḍa 11

Language
Sanskrit

11.1

jaiminiruvāca
nāradādbrahmaṇaḥ putrādgavadbhaktimuttamām
śrutvetthaṃ paramaprīta indradyumno'pyuvāca tam

11.2

indradyumna uvāca
sādhusaṅgastu vidvadbhirbhavavyādhivināśanaḥ
mamopadiṣṭo bhagavanso'bhūtsāṃpratameva me

11.3

yena sākṣātkṛto viṣṇuḥ paramātmā parātparaḥ
sa tvaṃ yanmandirāyātastvadanyaḥ sādhuratra kaḥ

11.4

tvatsannidhānādbhagavaṃstamo me nāśamabhyagāt
yanme tvarayate cittamarcituṃ nīlamādhavam

11.5

vetsi brahmāṇḍavṛttāntaṃ paryaṭansārvalaukikaḥ
tadāvāṃ rathamāsthāya yāsyāvo' nīlaparvatam

11.6

puruṣottamasaṃjñasya kṣetrasyālaṃkṛtaṃ śubham
tatra tīrthāni santīti bahubhiḥ kathitāni me
tvadvākyādyadi jānāmi bhaveyuḥ saphalāni me

11.7

hanta te darśayiṣyāmi kṣetraṃ kṣetrasthitāni ca
tīrthāni śaktīḥ śambhūṃśca kṣetramāhātmyameva ca

11.8

sākṣāddrakṣyasi deveśaṃ bhaktasyātmasamarpakam
tavānugrahataḥ śrīśaṃ caturddhā saṃvyavasthitam

11.9

yasya saṃdarśanānmartyo jāyate ³bhaktibhājanam
evaṃ kathānte tau prītāvahaḥkṛtyaṃ samāpya ca

11.10

yātrānukūlaṃ vijñāya ⁴ pañcamyāṃ bhṛguvāsare ⁵
⁶jyeṣṭhakṛṣṇetare pakṣe puṣyarkṣe lagna uttame
ekatra śayitau rātriṃ ninyaturnṛpanāradau

11.11

tataḥ prabhāte vimala indradyumno nṛpottamaḥ
ghoṣaṇāṃ kārayāmāsa ⁷rāṣṭrasya saha bandhubhiḥ

11.12

yathāvibhavataḥ sainyairnīlādrigamanaṃ prati
yāvajjīvaṃ tatra vāsaṃ kariṣyāmo viniścitam

11.13

yā vṛttiḥ kalpitā yasya sa tayā tatra jīvatu
rājānaḥ sāvarodhāśca sāmātyāḥ saparicchadāḥ

11.14

rathairgajaisturaṃgaiśca koṣaiḥ saha padātibhiḥ
vrajantu sajjitāstatra brāhmaṇāḥ sāgnihotriṇaḥ

11.15

vaṇijaḥ saha bhāṇḍaiśca sapaṇyāḥ paṇyajīvinaḥ
rāṣṭrakarmaṇi niṣṇātāḥ kuśalā rājavartmasu

11.16

jyotirvido nṛtyavido daṇḍanītau pravīṇakāḥ
nṛtyagāyanavāditracaturvidhasubuddhayaḥ

11.17

gajavājinarāṇāṃ ca bhaiṣajye śāstra uttame
kuśalā dṛṣṭakarmāṇo vidyāsvaṣṭādaśasvapi

11.18

upāṅgavidyāsu tathā kuhakārthakutūhalāḥ
vāṭasāhasikāścorāstathānye paśyatoharāḥ

11.19

vicitrakathanājīvāścāṭukārāśca māgadhāḥ
śāstropajīvinaścaiva tathānye śastrahārakāḥ

11.20

dyūtakārāśca puṃścalyo veśyā veśānugā viṭāḥ
kṛṣīvalāśca gomeṣacchāgoṣṭrakhararakṣakāḥ

11.21

śakuntapālāśca kapivyāghraśārdūlarakṣakāḥ
āhituṇḍikagorakṣyaśavarā mlecchajātayaḥ

11.22

anye ca ye mālavadeśajātā
ājñāṃ madīyāmanupālayanti
te yāntu sarve vasatau hi nīlācale yathāsvaṃ kṛtavāstubhāgāḥ

11.23

evamājñāpya nṛpatiryātrāyāṃ ca kṛtakṣaṇaḥ
nāradena 9samāgatya daivajñamidamāha saḥ

11.24

sāṃvatsaramuhūrtaṃ me nirṇītaṃ te yathā purā
tāvanmāṅgalikaṃ vastujātaṃ samyagupānaya

11.25

purohitamatenāsminkṣaṇe yāvadvimṛgyate
tenādiṣṭaḥ sa gaṇakaḥ purohitasahāyavān

11.26

ājahāra samastāni māṅgalyāni dvijottamāḥ
atrāntare sa rājarṣirdivyasiṃhāsane sthitaḥ10

11.27

yātrābhiṣekamāṅgalyaṃ vipraiḥ prāganubhāvitam11
śrīsūktavahnisūktābhyāṃ sūktenābdaivatena ca

11.28

pāvamānyādisūktena12 pṛthaṅmāṅgalyavarddhakaiḥ
tīrthādgirauṣadhībhiśca sarvagandhaiḥ13 pṛthakpṛthak

11.29

abhiṣiktastato rājā cīnāṃśukahatāmbhasā
rarāja vapuṣā dīpto nirdhūmaḥ pāvako yathā

11.30

āmuktaśuklavasanaḥ svācāntaḥ sapavitrakaḥ
nāndīmukhānpitṛgaṇānpūjayitvā yathāvidhi

11.31

jayārāṣṭrabhṛto hutvā¹⁴ gaṇahomāṃśca yatnataḥ
śaṃkhadhvanisugandhāḍhyaṃ śvetavarṇaṃ vidhūmakam

11.32

vahniṃ pradakṣiṇaṃ cakre dakṣiṇāvartinārciṣā¹⁵
sākṣātkāreṇa dadataṃ jayaṃ rājñe jayārthine

11.33

navagrahamakhānte ca¹⁶ grahakumbhena sevitaḥ
grahāṇāṃ¹⁷dauṣṭyanāśāya sausthyasyāpi vivṛddhaye

11.34

jyotiḥśāstroditairmantrairdaivajñavidhicoditaiḥ
tato māṅgalyanepathyavidhānamupacakrame

11.35

cīnāṃśukaprāvaraṇe pidhāya¹⁸ kavacaṃ nijam
śiroveṣṭanakaṃ śubhraṃ suratnamukuṭojjvalam

11.36

sāvataṃse śrutiyuge ratnakuṇḍalabhūṣite
graiveyakaṃ mahārghaṃ tu hāraṃ taralabhūṣitam

11.37

dadhārātha nṛpaśreṣṭhaḥ keyūrāṅgadamudrikāḥ
madhyena trivalīsaktaṃ svarṇasūtraṃ trivṛddhadhau

11.38

hiraṇyakiṃkiṇīyuktamuktātoraṇamālikam
nānāratnaiḥ sughaṭitāṃ dadhārātha sumekhalām

11.39

anarghye pādakaṭake pādayoḥ saṃnyaveśayat
sammukhādarśitādarśe dadṛśe svaṃ vibhūṣitam

11.40

maṅgalāropaṇārthāya haimapīṭhamupāviśat
prāṅmukhaḥ śrīdharaṃ devaṃ saṃsmaranmadhusūdanam

11.41

maṅgalāyatanaṃ viṣṇuṃ sarvamaṅgalyakāraṇam¹⁹
smaraṇādasya naśyanti pātakāni bahūnyapi

11.42

saumanasyāmatho mālāmārttavīṃ gandhasambhūtām
dadhāra prathamaṃ rājā mantritāṃ svapurodhasā

11.43

mṛdaṃ dīpaṃ phalaṃ dūrvā²¹ dadhi gorocanāṃ tataḥ
mantrābhimantritānsarvānsiddhārthairabhirakṣitaḥ

11.44

ātmānaṃ dadṛśe rājā saurabheye haviṣyatha
mukure mantrite paścātsvaṃ dṛṣṭvā nṛpakesarī

11.45

bahvṛcaiḥ śāntighoṣeṇa samudīrṇaśubhāyatiḥ
yājuṣkaiḥ pathisūktena²² vrajanmārge'bhirakṣitaḥ

11.46

paurāṇairmaṅgalairvākyaiḥ kṛtavīryadhṛtirnṛpaḥ
māgadhaiḥ stutipāṭhena prādurbhūtaparākramaḥ

11.47

pārijātaharaṃ satyāsahitaṃ23 garuḍadhvajam
dhyāyanhṛtpaṅkaje rājā dakṣiṇaṃ pādamuddhau

11.48

pradakṣiṇīkṛtya muniṃ nāradaṃ purataḥ sthitam
madhyadvāramupāgacchadvetrapāṇibhirāvṛtaḥ

11.49

ādiṣṭapadamārgo'sāvagnihotrapuraḥ saraḥ
tatrāpaśyatsthitānviprānātmano dakṣiṇena vai

11.50

māṅgalyasūktaṃ24 paṭhataḥ śubhrābhānpāṇḍurāṃśukān
lājāḥ sapuṣpā rājāgre kṣipataḥ śaṃsataḥ śubham

11.51

vāmapārśvasthitā veśyāścāmaravyagrapāṇayaḥ
śubhrālaṃkāravasanāḥ smerapadmānanāḥ śubhāḥ

11.52

brāhmaṇān pūjayāmāsa bhaktinamro dvijottamāḥ
vastrālaṃkāramālyaiśca sugandhairanulepanaiḥ

11.53

toṣayāmāsa tānviprān bhagavadbuddhibhāvitān
veśyābhyo māgadhebhyaśca dīnānāthebhya eva ca

11.54

rājānumatyā sacivo yathārhaṃ pradadau dhanam
śvetānpārāvatānhaṃsāñchvetāśca śvetakuñjaram

11.55

sacūtapallavaṃ śvetamālāphalavibhūṣitam
kadalīkāṇḍasannaddhatoraṇādhaḥsthitaṃ nṛpaḥ

11.56

pūrṇakumbhaṃ sa paśyanvai maṅgalāni bahūni ca26
sitātapatreṇa śiraḥpradeśe vāritātapaḥ

11.57

yugapatpūryamāṇaistu kambubhiḥ śatasaṃkhyakaiḥ
saṃmiśritāni śuśrāva vāditrāṇi bahūni saḥ

11.58

tathā maṅgalagītāni jayaśabdāṃśca bhūpatiḥ
tato viveśa prāsādaṃ nṛsiṃhamavalokitum

11.59

yaṃ smṛtvā jāyate martyaḥ sarvakalyāṇabhājanam
dṛṣṭvā sa dūrānnṛhariṃ divyasiṃhāsanasthitam

11.60

praṇamya sāṣṭāvayavaṃ santoṣyopaniṣadgirā27
dakṣapārśvasthitāṃ durgāṃ sarvadurgatimocanīm

11.61

vavande caraṇābhyāśe paśyantīṃ kṛpayā nṛpaḥ
tataḥ purodhā devāṅgādavaropya śubhāṃ srajam

11.62

āsañjayāmāsa gale sugandhenānulepayat
nīrājayāmāsa rājñaḥ śiraścāveṣṭayanmudā

11.63

punaḥ pradakṣiṇīkṛtya tau devau nṛpasattamaḥ
śivikāyāṃ samāropya pratasthe ca puraskṛtau

11.64

prādurbhūya bahirdvāre rathaṃ dṛṣṭvā susajjitam
turaṅgamairvātajavairdaśabhiḥ pariyojitam

11.65

pradakṣiṇīkṛtya nṛpo nāradena samāviśat
ḍhakkāmṛdaṅganikkāṇabherīpaṇavagomukhāḥ29

11.66

madhurīcarcarīśaṃkhā avādyanta sahasraśaḥ
syandanāḥ koṭiśastatra nṛpāṇāmanujīvinām

11.67

cakāsire śreṇīkṛtā indradyumnarathābhitaḥ
nānāpraharaṇopetāḥ patākābhiralaṃkṛtāḥ

11.68

dhvajocchritāḥ svarṇaraupyaiḥ kiṃkiṇījāladarpaṇaiḥ
yantrairnānāvidhairyuktā gaṃbhīrasnigdhaniḥsvanāḥ

11.69

padātīnāṃ kuñjarāṇāṃ hayānāṃ vātaraṃhasām
parisaṃsphoṭanairhastibṛṃhitairhayaheṣitaiḥ

11.70

bahulai rathanirghoṣairmiśritāvādyaniḥsvanāḥ
yugāntārṇavanisvānatulyāḥ śuśruvire janaiḥ

11.71

tasminkṣaṇe paurajanāḥ svasvasaṃbhārasajjitāḥ
aśvakai rāsabhairuṣṭrairvāhikaiḥ³⁰ pratitasthire

11.72

āndolikāśca palyaṃkāḥ koṭiśaśca turaṅgakāḥ
śreṇībhūtāśca dṛśyante rāṣṭraprasthānasaṃkule

11.73

rājāvarodhāḥ śataśo vṛtā varṣavaraistataḥ
nānāyānasamārūḍhāḥ pālitāścādhikāribhiḥ

11.74

mahāsainyaiśca saṃruddhā rājāgārādviniryayuḥ
yajvānaścāgnihotrāṇi śamyārūḍhāni vṛndaśaḥ

11.75

śakaṭeṣu samāropya sapatnīkāḥ pratasthire
tathā pustakabhārāṃśca devatācarmākaraṇḍakān

11.76

idhmabarhikuśānpātrīḥ sambhārānhomasaṃbhṛtān
vāhayāmāsuranyaiśca śakaṭāvāhakadvijaiḥ

11.77

sāmantāmātyabhṛtyāśca purodhā ṛtvijaśca ye
rājñaḥ prakṛtadāsāśca upacāraniyoginaḥ

11.78

sarvopacārasambhārānāsate'nye prayāyinaḥ
koṣāgāraniyuktāśca koṣajātamaśeṣataḥ

11.79

samādāya yayustūrṇaṃ rājño'vasarasevakāḥ
mālākārādayaḥ sarve paṇyajīvādayastathā

11.80

svaṃ svaṃ paṇyaṃ samādāya yayū rājaniyoginaḥ
śreṣṭhaśreṇyādayaḥ sarve purakharvaṭavāsibhiḥ

11.81

samaṃ viniryayuḥ svasvavyavahāravilāsakāḥ
indradyumnasya nṛpateryātrāṃ samayavāditān

11.82

bherīmṛdaṅgapaṭahānvyaśnuvānāndigantaram
śrutvā janapadāvāsijanāḥ sarve sasambhramāḥ

11.83

rājājñāṃ mūrdhni saṃmānya nirgatā nīlaparvatam
yasya yaśca ṛjuḥ paṃthāḥ sa ca tenaiva jagmivān

11.84

na rājamārgaṃ prajāvadvyamṛgyanta nṛpājñayā
nīlādriprāptimārgeṇa durgameṇāpi te yayuḥ

11.85

indradyumno'pi rājendraḥ samastapuravāsibhiḥ
caturaṅganīkinībhiḥ saharṣābhiśca veṣṭitaḥ

11.86

śreṇībhūta kṣitipatisyandanāvalimadhyage
rathe rarāja rājarṣiḥ śakratulyaparicchadaḥ

11.87

purastrīmaṅgalācāragītalājaprasūnakaiḥ
maṅgalācāraśobhābhiḥ prasannaśubhacetanaḥ

11.88

31vātaraṃhairhayairyuktarathena prayayau mudā
anukūlānilaprodyadghanacchāyasuśītale

11.89

nīrajaske mahīpṛṣṭhe samīkṛtacatuṣpathe
deśādhvanīnaiḥ puruṣaiḥ kānanāntaravedibhiḥ

11.90

ādiṣṭavartmā nṛpatirmārgasyobhayapārśvagān
deśānaraṇyāni muhuḥ paśyannānandalocanaḥ

11.91

sīmāmutkaladeśasya vibhajantīṃ vanāntare
mārgasthāṃ caṇḍikāṃ32 prāpa carcitāṃ muṇḍamālayā

11.92

avatīrya rathādrājā vinato nāradājñayā
sāṣṭāṅgapātaṃ tāṃ natvā tuṣṭāvānanyacetanaḥ33

11.92-2

vahām̐para rājā nāradajī ke ādeśānusāra ratha se avataraṇa pūrvaka devī
ko vinamra bhāvase sāṣṭāṃga praṇipāta karake stava karane lage

11.93

indradyumna uvāca
namaste tridiveśāni sarvāpadvinivāriṇi
brahmaviṣṇuśivādyābhiḥ kalpanābhirudīrite

11.94

kāraṇaṃ jagatāmādye prasīda parameśvari
tvayā vinā jagatnaitatkṣaṇamutsahate śive

11.95

siddhayaḥ sarvakāryāṇāṃ maṅgalāni ca śāśvate
tvatpādārādhanaphalaṃ martyaloke hi nānyathā

11.96

carācarapaterviṣṇoḥ śaktistvaṃ parameśvari
yayā sṛjatyavati ca jagatsaṃharate vibhuḥ

11.97

carācaraguruṃ devaṃ nīlācalanivāsinam
anugṛhṇīṣva māṃ devi yathā paśye svacakṣuṣā

11.98

jaiminiruvāca
nāradasyopadeśena stutvā devīṃ narādhipaḥ
āruroha rathaṃ tūrṇaṃ vivasvānudayaṃ yathā

11.99

tata: pratasthe tarasā sa rājā śrāntavāhana:
citrotpalāmahānadyāstīre vimalakānane

11.100

dhātukandaravikhyāte nyaveśayadanīkinīm
aparāhṇakriyāṃ kartuṃ yāvadāhnikamādṛta:

11.101

jalāvataraṇe nadyāṃ viveśa svapurodhasā
pūrvaṃ saṃśodhite prājñairviṣakaṇṭakadasyuke³⁴

11.102

snātvā saṃtarpya devāṃśca pitṛnatha viśāṃpatiḥ
saṃpūjya vidhivadviṣṇuṃ nṛpatīnprakṛtīrathaḥ³⁵

11.103

saṃmānayāmāsa nṛpaḥ saṃniveśāsanādibhiḥ
nāradena saha śrīmānpraviśyāntaḥpuraṃ tataḥ

11.104

sudhārasyāni bhojyāni bubhuje prītamānasaḥ
paścimādriṃ tato yāte vivasvati viśāṃpatiḥ

11.105

sāyaṃvidhiṃ samāpyāśu śītabhānau samudyate
anujīviviśāṃ nāthaḥ sabhāmadhya upāviśat

11.106

tatra tasminnarapatirbabhau sāmrājyalakṣaṇaḥ
saṃpūrṇamaṇḍalaścandro jyotiṣāmivaśāradaḥ

11.107

kavayaḥ kavayāṃcakruḥ kīrtiṃ tasya sudhāmalām
jagurgāthāṃ sugrathitāṃ gāyakāḥ kalasusvarāḥ

11.107-2

kavigaṇa sudhātulya nirmala tadīya kīrttigāthā racanā karake sunāne lage | gāyakagaṇa rājākī vijayagāthā kramabaddha rūpa se madhura svara se gāne lage

11.108

rūpayauvanalāvaṇyagarvitā gaṇikāstataḥ
layatālāṅgahāraiśca36 suśuddhairnartuḥ puraḥ

11.113

indradyumna uvāca
bhagavanvedavedāṅga nidhāna bhagavatpriya
tvameva caritaṃ viṣṇorjānāsi jñānacakṣuṣā

11.114

hareścāritrasudhayā37 dṛr̤hapaṅkamalīmasam
kṣālayāntarmama mune yadyanukrośako mayi

11.115

itthamālāpasaṃmiśre munirājñoḥ38 kathāntare
praviveśa nṛpaṃ dvāḥstha utkaleśapraveśakaḥ39

11.116

uvāca devadvārānte tiṣṭhatyutkalabhūmipaḥ
sopāyano devapādapadmaṃ draṣṭuṃ sa maulikaḥ

11.117

vijñāpitaḥ sa rājarṣirdvāsthenaivaṃ sasaṃbhramaḥ
uvāca taṃ hi bho viprāḥ śrutvā taddeśamaṇḍalam

11.118

kṣetraṃ śrīpuruṣeśasya tadvārttārvarṇanotsukaḥ⁴⁰
praveśayāvilambaṃ taṃ dhīmanuḍramahīpatim⁴¹

11.119

sa hi nīlagirau viṣṇuṃ samārādhya sunirmalaḥ
tasya⁴² saṃdarśanātsarve bhaviṣyāmo hatāṃhasaḥ

11.120

śrutvā tadvacanaṃ sadyo dvārapālo mahīpatim
praveśayāmāsa sabhāmindradyumnasya⁴³ bhūpateḥ

11.121

praviśyoḍrapatistūrṇaṃ⁴⁴ sacivairvaiṣṇavaiḥ saha
nanāmāṃghriyugaṃ vandyamindradyumnasya⁴⁵ sādaram

11.122

tamutthāpya ca rājendraḥ puraskṛtya sa vaiṣṇavam
svāsanānte niveśyātha proce sapraśrayaṃ vacaḥ

11.123

rājansarvatra kuśalī bhavānudrapate⁴⁶ kila
api devo vijayate nīlādriśikharālayaḥ

11.124

kaccitte nirmalā buddhirbhagavatpādapadmayoḥ
upaiti samacittasya sarvabhūteṣu te harau

11.125

⁴⁷udrādhīśastadā tasya vacaḥ śrutvā kṛtāṃjaliḥ
uvāca praśritaṃ vākyaṃ harṣavismayacañcalaḥ⁴⁸

11.126

svāminsarvatra kuśalaṃ tvatpādānugrahānmama
sūrye tapatyandhakāraḥ kathaṃ vā prabhaviṣyati

11.127

nisargaguṇasaṃsargavaśīkṛtamahībhujā
tvayā sanāthā pṛthivī jiṣṇunevāmarāvatī

11.128

sadā dharmaśratuṣpādastvayi śāsati medinīm
niṣedhācaraṇaṃ rājan kevalaṃ śrūyate śrutau

11.129

rājanītiṣu ye rājñāṃ guṇāḥ samuditāstvayi
ta 49ekaikaṃ kṣitibhujāṃ gatā dārṣṭāntikaṃ vibho

11.130

etāvadapi sāmrājyaṃ durlabhaṃ te nṛpottama
aṣṭādaśadvīpavatī kṣitirekagṛhopamā

11.131

yadi tvāṃ nāsṛjad brahmā vatsalaṃ sarvajantuṣu
kathaṃ śokavihīnāḥ syurmṛteṣvātmajabandhuṣu

11.132

sādhāraṇā nṛpatayo viṣṇoraṃśā iti śrutiḥ
bhavāṃstu sākṣād⁵⁰ bhagavān ko'nya īdṛgguṇākaraḥ

11.133

dakṣiṇodadhitīre'sti nīlādriḥ kānanāvṛtaḥ
na tatra lokasaṃcārasadāste nā'pi⁵¹ devatāḥ

11.134

vātyayā bālukākīrṇaḥ sāṃprataṃ śrūyate tu saḥ
tadvaśānmama rājye'pi durbhikṣamarakādikam⁵²

11.135

tvayyāgate tu sarvasminkuśalaṃ no⁵³ bhaviṣyati
ityuktavantaṃ nṛpatirutkaleśaṃ dvijottamāḥ

11.136

visarjayāmāsa tadā sanniveśāya mānayan
nāradaṃ prekṣya nirviṇṇaḥ kimetaditi bho mune

11.137

yadarthaṃ me śramastaṃ ca viphalaṃ hi vitarkaye⁵⁴
ityuktavantaṃ taṃ prāha nārado vai⁵⁵ trikālavit

11.138

na kāryo vismayaste'tra bhāgyavānvaiṣṇavottamaḥ
vaiṣṇavānāṃ na vāñchā hi viphalā jāyate kvacit

11.139

avaśyaṃ prekṣase rājanbibhrataṃ pārthivaṃ vapuḥ
kāraṇaṃ jagatāmādiṃ nārāyaṇamanāmayam

11.140

tvadanugrahahetorvai kṣitāvavatariṣyati
jagaccarācaraṃ sarvaṃ viṣṇorvaśamupāgatam

11.141

na kasyāpi vaśe 56so'sti paramātmā sanātanaḥ
kevalaṃ bhaktivaśago bhagavānbhaktavatsalaḥ

11.142

brahmādikīṭaparyantaṃ prasūtaṃ⁵⁷ yasya māyayā
sa kathaṃ paratantraḥ syādṛte bhaktajanānnṛpa

11.143

dharmārthakāmamokṣāṇāṃ mūlaṃ bhaktirmuradviṣaḥ
saiva tadgrahaṇopāyastāmṛte nāsti kiñcana

11.144

eka eva yadā viṣṇurbahudhā svasya māyayā
tamṛte paramātmānaṃ sukhaheturna vidyate

11.145

ye'pyanye ⁵⁸śivasūryādyāstaistaiḥ karmabhirādvṛtāḥ
yacchanti pūjitāḥ kāmaṃ te'pi viṣṇuparāyaṇāḥ

11.146

antaryāmī sa bhagavāndevānāmapi hṛtsthitaḥ
yāvatphalaṃ prerayati tāvadeva dadatyamī

11.147

vaiṣṇavastvaṃ ca rājendra padmayoneśca pañcamaḥ
aṣṭādaśānāṃ vidyānāṃ pārago vṛttasaṃsthitaḥ

11.148

nyāyena rakṣitā pṛthvī viśeṣādbrāhmaṇārcakaḥ
avaśyaṃ drakṣyasi kṣetre vaikuṇṭhaṃ carmacakṣuṣā

11.149

pitāmaho'pyatra kārye bhavato māṃ niyuktavān
sarvaṃ te kathayiṣyāmi prāpte kṣetrottame nṛpa

11.150

sāṃprataṃ rātriśeṣā hi tṛtīyaṃ yāmamṛcchati
svānsvānniveśānnirgantuṃ rājña ājñāpayādhunā
tvamapyaṃtargṛhaṃ yāhi nidrāyā vaśamāgataḥ

Linked texts (7)