Shivapurana 1.7: saptamo'dhyāyaḥ | samare śambhoranalastambhāviṣkāraḥ

Śivapurāṇa (complete text) 1.7

Language: Sanskrit

1.7.33 — 4 parts

saptamo'dhyāyaḥ | samare śambhoranalastambhāviṣkāraḥ

1.7.1

īśvara uvāca |
vatsakāḥ svasti vaḥ kaccidvartate mama śāsanāt |
jagacca devatāvaṃśaḥ svasvakarmaṇi kiṃ na vā ||

1.7.2

prāgeva viditaṃ yuddhaṃ brahmaviṣṇvormayā surāḥ |
bhavatāmabhitāpena paunaruktyena bhāṣitam ||

1.7.3

iti sasmitayā mādhvyā kumāra paribhāṣayā |
samatoṣayadambāyāḥ sa patistatsuravrajam ||

1.7.4

atha yuddhāṅgaṇaṃ gantuṃ haridhātroradhīśvaraḥ |
ājñāpayadgaṇeśānāṃ śataṃ tatraiva saṃsadi ||

1.7.5

tato vādyaṃ bahuvidhaṃ prayāṇāya pareśituḥ |
gaṇeśvarāśca sannaddhā nānāvāhanabhūṣaṇāḥ ||

1.7.6

praṇavākāramādyantaṃ pañcamaṇḍalamaṇḍitam |
āruroha rathaṃ bhadramambikāpatirīśvaraḥ |
sasūnugaṇamindrādyāḥ sarve'pyanuyayuḥ surāḥ ||

1.7.7

citradhvajavyajanacāmarapuṣpavarṣa-saṅgītanṛtyanivahairapi vādyavargaiḥ |
sammānitaḥ paśupatiḥ parayā ca devyā sākaṃ tayoḥ samarabhūmimagāt sasainyaḥ ||

1.7.8

samīkṣya tu tayoryuddhaṃ nigūḍho'bhraṃ samāsthitaḥ |
samāptavādyanirghoṣaḥ śāntorugaṇaniḥsvanaḥ ||

1.7.9

atha brahmācyutau vīrau hantukāmau parasparam |
māheśvareṇa cāstreṇa tathā pāśupatena ca ||

1.7.10

astrajvālairatho dagdhaṃ brahmaviṣṇvorjagattrayam |
īśo'pi taṃ nirīkṣyātha hyakālapralayaṃ bhṛśam ||

1.7.11

mahānalastambhavibhīṣaṇākṛti-rbabhūva tanmadhyatale sa niṣkalaḥ ||

1.7.12

te astre cāpi sajvāle lokasaṃharaṇakṣame |
nipetatuḥ kṣaṇenaiva hyāvirbhūte mahānale ||

1.7.13

dṛṣṭvā tadadbhutaṃ citramastraśāntikaraṃ śubham |
kimetadadbhutākāramityūcuśca parasparam ||

1.7.14

atīndriyamidaṃ stambhamagnirūpaṃ kimutthitam |
asyordhvamapi cādhaśca āvayorlakṣyameva hi ||

1.7.15

iti vyavasthitau vīrau militau vīramāninau |
tatparau tatparīkṣārthaṃ pratasthāte'tha satvaram ||

1.7.16

āvayormiśrayostatra kāryamekaṃ na sambhavet |
ityuktvā sūkaratanurviṣṇustasyādimīyivān ||

1.7.17

tathā brahmā haṃsatanustadantaṃ vīkṣituṃ yayau |
bhittvā pātālanilayaṃ gatvā dūrataraṃ hariḥ ||

1.7.18

nāpaśyattasya saṃsthānaṃ stambhasyānalavarcasaḥ |
śrāntaḥ sa sūkarahariḥ prāpa pūrvaṃ raṇāṅgaṇam ||

1.7.19

atha gacchaṃstu vyomnā ca vidhistāta pitā tava |
dadarśa ketakīpuṣpaṃ kiñcidvicyutamadbhutam ||

1.7.20

atisaurabhyamamlānaṃ bahuvarṣacyutaṃ tathā |
anvīkṣya ca tayoḥ kṛtyaṃ bhagavān parameśvaraḥ ||

1.7.21

parihāsaṃ tu kṛtavānkampanāccalitaṃ śiraḥ |
tasmāttāvanugṛhṇātuṃ cyutaṃ ketakamuttamam ||

1.7.22

kiṃ tvaṃ patasi puṣpeśa puṣparāṭ kena vai dhṛtaḥ |
ādimasyāprameyasya stambhamadhyāccyutaściram ||

1.7.23

na sampaśyāmi tasmāttvaṃ jahyāśāmantadarśane |
asyāntasya ca sevārthaṃ haṃsamūrtirihāgataḥ ||

1.7.24

itaḥ paraṃ sakhe me'dya tvayā kartavyamīpsitam |
mayā saha tvayā vācyametadviṣṇośca sannidhau ||

1.7.25

stambhānto vīkṣito dhātrā tatra sākṣyahamacyuta |
ityuktvā ketakaṃ tatra praṇanāma punaḥ punaḥ |
asatyamapi śastaṃ syādāpadītyanuśāsanam ||

1.7.26

samīkṣya tatrācyutamāyataśramaṃ pranaṣṭaharṣaṃ tu nanarta harṣāt |
uvāca cainaṃ paramārthamacyutaṃ ṣaṇḍhāttavādaḥ sa vidhistato'cyutam ||

1.7.27

stambhāgrametat samudīkṣitaṃ hare tatraiva sākṣī nanu ketakaṃ tvidam |
tato'vadattatra hi ketakaṃ mṛṣā tatheti taddhātṛvacastadantike ||

1.7.28

hariśca tatsatyamitīva cintayaṃ-ścakāra tasmai vidhaye namaḥ svayam |
ṣoḍaśairupacāraiśca pūjayāmāsa taṃ vidhim ||

1.7.29

vidhiṃ prahartuṃ śaṭhamagnaliṅgataḥ sa īśvarastatra babhūva sākṛtiḥ |
samutthitaḥ svāmivilokanāt punaḥ prakampapāṇiḥ parigṛhya tatpadam ||

1.7.30

ādyantahīnavapuṣi tvayi mohabuddhyā bhūyān vimarśa iha nāvati kāmanotthaḥ |
sa tvaṃ prasīda karuṇākara kaśmalaṃ nau mṛṣṭaṃ kṣamasva vihitaṃ bhavataiva kelyā ||