[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.28 # Shivapurana 2.2.28: aṣṭāviṃśo'dhyāyaḥ | satīyātrāvarṇanam Śivapurāṇa (complete text) 2.2.28 - **Language:** Sanskrit ## Contents - [2.2.28.43](https://indike.org/pramana/in.purana.siva*complete-2.2.2.28.43) — 5 parts ### aṣṭāviṃśo'dhyāyaḥ | satīyātrāvarṇanam ### [2.2.28.1](https://indike.org/pramana/in.purana.siva*complete-2.2.2.28.1) brahmovāca | yadā yayurdakṣamakhamutsavena surarṣayaḥ | tasminnevāntare devī parvate gandhamādane || ### [2.2.28.2](https://indike.org/pramana/in.purana.siva*complete-2.2.2.28.2) dhārāgṛhe vitānena sakhībhiḥ parivāritā | dākṣāyaṇī mahākrīḍāścakāra vividhāḥ satī || ### [2.2.28.3](https://indike.org/pramana/in.purana.siva*complete-2.2.2.28.3) krīḍāsaktā tadā devī dadarśātha mudā satī | dakṣayajñe prayāntīṃ tāṃ rohiṇyāpṛcchya satvaram || ### [2.2.28.4](https://indike.org/pramana/in.purana.siva*complete-2.2.2.28.4) dṛṣṭvā sīmantayā bhūtāṃ vijayāṃ prāha sā satī | svasakhīṃ pravarāṃ prāṇapriyāṃ sā hi hitāvahām || ### [2.2.28.5](https://indike.org/pramana/in.purana.siva*complete-2.2.2.28.5) satyuvāca | he sakhīpravare prāṇapriye tvaṃ vijaye mama | kva gamiṣyati candro'yaṃ rohiṇyā pṛccha satvaram || ### [2.2.28.6](https://indike.org/pramana/in.purana.siva*complete-2.2.2.28.6) brahmovāca | tathoktā vijayā satyā gatvā tatsannidhau drutam | kva gacchasīti papraccha śaśinaṃ taṃ yathocitam || ### [2.2.28.7](https://indike.org/pramana/in.purana.siva*complete-2.2.2.28.7) vijayoktamathākarṇya svayātrāṃ pūrvamādarāt | kathitaṃ tena tatsarvaṃ dakṣayajñotsavādikam || ### [2.2.28.8](https://indike.org/pramana/in.purana.siva*complete-2.2.2.28.8) tacchrutvā vijayā devīṃ tvaritā jātasambhramā | kathayāmāsa tatsarvaṃ yaduktaṃ śaśinā satīm || ### [2.2.28.9](https://indike.org/pramana/in.purana.siva*complete-2.2.2.28.9) tacchrutvā kālikā devī vismitābhūtsatī tadā | vimṛśya kāraṇaṃ tatrājñātvā cetasyacintayat || ### [2.2.28.10](https://indike.org/pramana/in.purana.siva*complete-2.2.2.28.10) dakṣaḥ pitā me mātā ca vīriṇī nau kutaḥ satī | āhvānaṃ na karoti sma vismṛtā māṃ priyāṃ sutām || ### [2.2.28.11](https://indike.org/pramana/in.purana.siva*complete-2.2.2.28.11) pṛccheyaṃ śaṅkaraṃ tatra kāraṇaṃ sarvamādarāt | cintayitveti sāsīdvai tatra gantuṃ suniścayā || ### [2.2.28.12](https://indike.org/pramana/in.purana.siva*complete-2.2.2.28.12) atha dākṣāyaṇī devī vijayāṃ pravarāṃ sakhīm | sthāpayitvā drutaṃ tatra samagacchacchivāntikam || ### [2.2.28.13](https://indike.org/pramana/in.purana.siva*complete-2.2.2.28.13) dadarśa taṃ sabhāmadhye saṃsthitaṃ bahubhirgaṇaiḥ | nandyādibhirmahāvīraiḥ pravarairyūthayūthapaiḥ || ### [2.2.28.14](https://indike.org/pramana/in.purana.siva*complete-2.2.2.28.14) dṛṣṭvā taṃ prabhumīśānaṃ svapatiṃ sātha dakṣajā | praṣṭuṃ tatkāraṇaṃ śīghraṃ prāpa śaṅkarasannidhim || ### [2.2.28.15](https://indike.org/pramana/in.purana.siva*complete-2.2.2.28.15) śivena sthāpitā svāṅke prītiyuktena svapriyā | pramoditā vacobhiḥ sā bahumānapuraḥsaram || ### [2.2.28.16](https://indike.org/pramana/in.purana.siva*complete-2.2.2.28.16) atha śambhurmahālīlaḥ sarveśaḥ sukhadaḥ satām | satīmuvāca tvaritaṃ gaṇamadhyastha ādarāt || ### [2.2.28.17](https://indike.org/pramana/in.purana.siva*complete-2.2.2.28.17) śambhuruvāca | kimarthamāgatātra tvaṃ sabhāmadhye savismayā | kāraṇaṃ tasya suprītyā śīghraṃ vada sumadhyame || ### [2.2.28.18](https://indike.org/pramana/in.purana.siva*complete-2.2.2.28.18) brahmovāca | evamuktā tadā tena maheśena munīśvara | sāñjaliḥ supraṇamyāśu satyuvāca prabhuṃ śivā || ### [2.2.28.19](https://indike.org/pramana/in.purana.siva*complete-2.2.2.28.19) satyuvāca | piturmama mahān yajño bhavatīti mayā śrutam | tatrotsavo mahānasti samavetāḥ surarṣayaḥ || ### [2.2.28.20](https://indike.org/pramana/in.purana.siva*complete-2.2.2.28.20) piturmama mahāyajñe kasmāttava na rocate | gamanaṃ devadeveśa tatsarvaṃ kathaya prabho || ### [2.2.28.21](https://indike.org/pramana/in.purana.siva*complete-2.2.2.28.21) suhṛdāmeṣa vai dharmaḥ suhṛdbhiḥ saha saṅgatiḥ | kurvanti yanmahādeva suhṛdaḥ prītivardhinīm || ### [2.2.28.22](https://indike.org/pramana/in.purana.siva*complete-2.2.2.28.22) tasmātsarvaprayatnena mayā gaccha saha prabho | yajñavāṭaṃ piturme'dya svāmin prārthanayā mama || ### [2.2.28.23](https://indike.org/pramana/in.purana.siva*complete-2.2.2.28.23) brahmovāca | tasyāstadvacanaṃ śrutvā satyā devo maheśvaraḥ | dakṣavāgiṣuhṛdviddho babhāṣe sūnṛtaṃ vacaḥ || ### [2.2.28.24](https://indike.org/pramana/in.purana.siva*complete-2.2.2.28.24) maheśvara uvāca | dakṣastava pitā devi mama drohī viśeṣataḥ || ### [2.2.28.25](https://indike.org/pramana/in.purana.siva*complete-2.2.2.28.25) yasya ye māninaḥ sarve sasurarṣimukhāḥ pare | te mūḍhā yajanaṃ prāptāḥ pituste jñānavarjitāḥ || ### [2.2.28.26](https://indike.org/pramana/in.purana.siva*complete-2.2.2.28.26) anāhūtāśca ye devi gacchanti paramandiram | avamānaṃ prāpnuvanti maraṇādadhikaṃ tathā || ### [2.2.28.27](https://indike.org/pramana/in.purana.siva*complete-2.2.2.28.27) parālayaṃ gato'pīndro laghurbhavati tadvidhaḥ | kā kathā ca pareṣāṃ vai rīḍhā yātrā hi tadvidhā || ### [2.2.28.28](https://indike.org/pramana/in.purana.siva*complete-2.2.2.28.28) tasmāttvayā mayā cāpi dakṣasya yajanaṃ prati | na gantavyaṃ viśeṣeṇa satyamuktaṃ mayā priye || ### [2.2.28.29](https://indike.org/pramana/in.purana.siva*complete-2.2.2.28.29) tathāribhirna vyathate hyardito'pi śarairjanaḥ | svānāṃ duruktibhirmarmatāḍitaḥ sa yathā mataḥ || ### [2.2.28.30](https://indike.org/pramana/in.purana.siva*complete-2.2.2.28.30) vidyādibhirguṇaiḥ ṣaḍbhirasadanyaiḥ satāṃ smṛtau | hatāyāṃ bhūyasāṃ dhāma na paśyanti khalāḥ priye || ### [2.2.28.31](https://indike.org/pramana/in.purana.siva*complete-2.2.2.28.31) brahmovāca | evamuktā satī tena maheśena mahātmanā | uvāca roṣasaṃyuktā śivaṃ vākyavidāṃ varam || ### [2.2.28.32](https://indike.org/pramana/in.purana.siva*complete-2.2.2.28.32) satyuvāca | yajñaḥsyātsaphalo yena sa tvaṃ śambho'khileśvara | anāhūto'si tenādya pitrā me duṣṭakāriṇā || ### [2.2.28.33](https://indike.org/pramana/in.purana.siva*complete-2.2.2.28.33) tatsarvaṃ jñātumicchāmi bhava bhāvaṃ durātmanaḥ | surarṣīṇāṃ ca sarveṣāmāgatānāṃ durātmanām || ### [2.2.28.34](https://indike.org/pramana/in.purana.siva*complete-2.2.2.28.34) tasmāccādyaiva gacchāmi svapituryajanaṃ prabho | anujñāṃ dehi me nātha tatra gantuṃ maheśvara || ### [2.2.28.35](https://indike.org/pramana/in.purana.siva*complete-2.2.2.28.35) brahmovāca | ityukto bhagavān rudrastayā devyā śivaḥ svayam | vijñātākhiladṛk draṣṭā satīṃ sūtikaro'bravīt || ### [2.2.28.36](https://indike.org/pramana/in.purana.siva*complete-2.2.2.28.36) śiva uvāca | yadyevaṃ te rucirdevi tatra gantumavaśyakam | suvrate vacanānme tvaṃ gaccha śīghraṃ piturmakham || ### [2.2.28.37](https://indike.org/pramana/in.purana.siva*complete-2.2.2.28.37) etaṃ nandinamāruhya vṛṣabhaṃ sajjamādarāt | mahārājopacārāṇi kṛtvā bahuguṇānvitā || ### [2.2.28.38](https://indike.org/pramana/in.purana.siva*complete-2.2.2.28.38) bhūṣitaṃ vṛṣamārohetyuktā rudreṇa sā satī | subhūṣitā satī yuktā hyagamatpitṛmandiram || ### [2.2.28.39](https://indike.org/pramana/in.purana.siva*complete-2.2.2.28.39) mahārājopacārāṇi dattāni paramātmanā | succhatracāmarādīni sadvastrābharaṇāni ca || ### [2.2.28.40](https://indike.org/pramana/in.purana.siva*complete-2.2.2.28.40) gaṇāḥ ṣaṣṭisahasrāṇi raudrā jagmuḥ śivājñayā | kutūhalayutāḥ prītā mahotsavasamanvitāḥ || ### [2.2.28.41](https://indike.org/pramana/in.purana.siva*complete-2.2.2.28.41) tadotsavo mahānāsīdyajane tatra sarvataḥ | satyāḥ śivapriyāyāstu vāmadevagaṇaiḥ kṛtaḥ || ### [2.2.28.42](https://indike.org/pramana/in.purana.siva*complete-2.2.2.28.42) kutūhalaṃ gaṇāścakruḥ śivayoryaśa ujjaguḥ | balātte pupluvuḥ prītyā mahāvīrāḥ śivapriyāḥ || ### [2.2.28.43](https://indike.org/pramana/in.purana.siva*complete-2.2.2.28.43) sarvathāsīnmahāśobhā gamane jagadambike | sukhārāvaḥ sambabhūva pūritaṃ bhuvanatrayam || ### [2.2.28.43.c1](https://indike.org/pramana/in.purana.siva*complete-2.2.2.28.43.c1) iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṇḍe satīyātrāvarṇanaṃ nāmāṣṭaviṃśo'dhyāyaḥ || ### [2.2.28.43.p2](https://indike.org/pramana/in.purana.siva*complete-2.2.2.28.43.p2) śrīgaṇeśāya namaḥ || ### [2.2.28.43.p3](https://indike.org/pramana/in.purana.siva*complete-2.2.2.28.43.p3) śrīgaurīśaṅkarābhyāṃ namaḥ || ### [2.2.28.43.p4](https://indike.org/pramana/in.purana.siva*complete-2.2.2.28.43.p4) śrīśivamahāpurāṇam || ### [2.2.28.43.p5](https://indike.org/pramana/in.purana.siva*complete-2.2.2.28.43.p5) dvitīyāyāṃ rudrasaṃhitāyāṃ dvitīyaḥ satīkhaṇḍe ## Linked texts (1) - [Skandamahāpurāṇa (vulgate)](https://indike.org/pramana/in.purana.skanda*vulgate.1.3.1.41) — Sanskrit --- Source: [https://indike.org/pramana/in.purana.siva*complete-2.2.2.28](https://indike.org/pramana/in.purana.siva*complete-2.2.2.28) · Pramāṇa