[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.31 # Shivapurana 2.2.31: ekatriṃśo'dhyāyaḥ | ākāśavāṇī Śivapurāṇa (complete text) 2.2.31 - **Language:** Sanskrit ## Contents - [2.2.31.35](https://indike.org/pramana/in.purana.siva*complete-2.2.2.31.35) — 1 part - [2.2.31.37](https://indike.org/pramana/in.purana.siva*complete-2.2.2.31.37) — 5 parts ### ekatriṃśo'dhyāyaḥ | ākāśavāṇī ### [2.2.31.1](https://indike.org/pramana/in.purana.siva*complete-2.2.2.31.1) brahmovāca | etasminnantare tatra nabhovāṇī munīśvara | avocacchṛṇvatāṃ dakṣasurādīnāṃ yathārthataḥ || ### [2.2.31.2](https://indike.org/pramana/in.purana.siva*complete-2.2.2.31.2) vyomavāṇyuvāca | re re dakṣa durācāra dambhācāraparāyaṇa | kiṃ kṛtaṃ te mahāmūḍha karma cānarthakārakam || ### [2.2.31.3](https://indike.org/pramana/in.purana.siva*complete-2.2.2.31.3) na kṛtaṃ śaivarājasya dadhīcervacanasya hi | pramāṇaṃ tatkṛte mūḍha sarvānandakaraṃ śubham || ### [2.2.31.4](https://indike.org/pramana/in.purana.siva*complete-2.2.2.31.4) nirgataste makhādvipraḥ śāpaṃ dattvā suduḥsaham | tato'pi buddhaṃ kiñcinno tvayā mūḍhena cetasi || ### [2.2.31.5](https://indike.org/pramana/in.purana.siva*complete-2.2.2.31.5) tataḥ kṛtaḥ kathaṃ no vai svaputryāstvādaraḥ paraḥ | samāgatāyāḥ satyāśca maṅgalāyā gṛhaṃ svataḥ || ### [2.2.31.6](https://indike.org/pramana/in.purana.siva*complete-2.2.2.31.6) satībhavau nārcitau hi kimidaṃ jñānadurbala | brahmaputra iti vṛthā garvito'si vimohitaḥ || ### [2.2.31.7](https://indike.org/pramana/in.purana.siva*complete-2.2.2.31.7) sā satyeva sadārādhyā sarvapuṇyaphalapradā | trilokamātā kalyāṇī śaṅkarārdhāṅgabhāginī || ### [2.2.31.8](https://indike.org/pramana/in.purana.siva*complete-2.2.2.31.8) sā satyevārcitā nityaṃ sarvasaubhāgyadāyinī | māheśvarī svabhaktānāṃ sarvamaṅgaladāyinī || ### [2.2.31.9](https://indike.org/pramana/in.purana.siva*complete-2.2.2.31.9) sā satyevārcitā nityaṃ saṃsārabhayanāśinī | mano'bhīṣṭapradā devī sarvopadravahāriṇī || ### [2.2.31.10](https://indike.org/pramana/in.purana.siva*complete-2.2.2.31.10) sā satyevārcitā nityaṃ kīrtisampatpradāyinī | paramā parameśānī bhuktimuktipradāyinī || ### [2.2.31.11](https://indike.org/pramana/in.purana.siva*complete-2.2.2.31.11) sā satyeva jagaddhātrī jagadrakṣaṇakāriṇī | anādiśaktiḥ kalpānte jagatsaṃhārakāriṇī || ### [2.2.31.12](https://indike.org/pramana/in.purana.siva*complete-2.2.2.31.12) sā satyeva jaganmātā viṣṇumātā vilāsinī | brahmendracandravahnyarkadevādijananī smṛtā || ### [2.2.31.13](https://indike.org/pramana/in.purana.siva*complete-2.2.2.31.13) sā satyeva tapodharmadānādiphaladāyinī | śambhuśaktirmahādevī duṣṭahantrī parātparā || ### [2.2.31.14](https://indike.org/pramana/in.purana.siva*complete-2.2.2.31.14) īdṛgvidhā satī devī yasya patnī sadā priyā | tasyai bhāgo na dattaste mūḍhena kuvicāriṇā || ### [2.2.31.15](https://indike.org/pramana/in.purana.siva*complete-2.2.2.31.15) śambhurhi parameśānaḥ sarvasvāmī parātparaḥ | viṣṇubrahmādisaṃsevyaḥ sarvakalyāṇakārakaḥ || ### [2.2.31.16](https://indike.org/pramana/in.purana.siva*complete-2.2.2.31.16) tapyate hi tapaḥ siddhairetaddarśanakāṅkṣibhiḥ | yujyate yogibhiryogairetaddarśanakāṅkṣibhiḥ || ### [2.2.31.17](https://indike.org/pramana/in.purana.siva*complete-2.2.2.31.17) anantadhanadhānyānāṃ yāgādīnāṃ tathaiva ca | darśanaṃ śaṅkarasyaiva mahatphalamudāhṛtam || ### [2.2.31.18](https://indike.org/pramana/in.purana.siva*complete-2.2.2.31.18) śiva eva jagaddhātā sarvavidyāpatiḥ prabhuḥ | ādividyāvarasvāmī sarvamaṅgalamaṅgalaḥ || ### [2.2.31.19](https://indike.org/pramana/in.purana.siva*complete-2.2.2.31.19) tacchakterna kṛto yasmātsatkaro'dya tvayā khala | ata evādhvarasyāsya vināśo hi bhaviṣyati || ### [2.2.31.20](https://indike.org/pramana/in.purana.siva*complete-2.2.2.31.20) amaṅgalaṃ bhavatyeva pūjārhāṇāmapūjayā | pūjyamānā ca nāsau hi yataḥ pūjyatamā śivā || ### [2.2.31.21](https://indike.org/pramana/in.purana.siva*complete-2.2.2.31.21) sahasreṇāpi śirasāṃ śeṣo yatpādajaṃ rajaḥ | vahatyaharahaḥ prītyā tasya śaktiḥ śivā satī || ### [2.2.31.22](https://indike.org/pramana/in.purana.siva*complete-2.2.2.31.22) yatpādapadmamaniśaṃ dhyātvā sampūjya sādaram | viṣṇurviṣṇutvamāpannastasya śambhoḥ priyā satī || ### [2.2.31.23](https://indike.org/pramana/in.purana.siva*complete-2.2.2.31.23) yatpādapadmamaniśaṃ dhyātvā sampūjya sādaram | brahmā brahmatvamāpannastasya śambhoḥ priyā satī || ### [2.2.31.24](https://indike.org/pramana/in.purana.siva*complete-2.2.2.31.24) yatpādapadmamaniśaṃ dhyātvā sampūjya sādaram | indrādayo lokapālāḥ prāpuḥ svaṃ svaṃ paraṃ padam || ### [2.2.31.25](https://indike.org/pramana/in.purana.siva*complete-2.2.2.31.25) jagatpitā śivaḥ śaktirjaganmātā ca sā satī | satkṛtau na tvayā mūḍha kathaṃ śreyo bhaviṣyati || ### [2.2.31.26](https://indike.org/pramana/in.purana.siva*complete-2.2.2.31.26) daurbhāgyaṃ tvayi saṅkrāntaṃ saṅkrāntāstvayi cāpadaḥ | yau cānārādhitau bhaktyā bhavānīśaṅkarau ca tau || ### [2.2.31.27](https://indike.org/pramana/in.purana.siva*complete-2.2.2.31.27) anabhyarcya śivaṃ śambhuṃ kalyāṇaṃ prāpnuyāmiti | kimasti garvo durvāraḥ sa garvo'dya vinaśyati || ### [2.2.31.28](https://indike.org/pramana/in.purana.siva*complete-2.2.2.31.28) sarveśavimukho bhūtvā deveṣveteṣu kastava | kariṣyati sahāyaṃ taṃ na te paśyāmi sarvathā || ### [2.2.31.29](https://indike.org/pramana/in.purana.siva*complete-2.2.2.31.29) yadi devāḥ kariṣyanti sāhāyyamadhunā tava | tadā nāśaṃ samāpsyanti śalabhā iva vahninā || ### [2.2.31.30](https://indike.org/pramana/in.purana.siva*complete-2.2.2.31.30) jvalatvadya mukhaṃ te vai yajñadhvaṃso bhavatviti | sahāyāstava yāvantaste jvalantvadya satvaram || ### [2.2.31.31](https://indike.org/pramana/in.purana.siva*complete-2.2.2.31.31) amarāṇāṃ ca sarveṣāṃ śapatho'maṅgalāya te | kariṣyantyadya sāhāyyaṃ yadetasya durātmanaḥ || ### [2.2.31.32](https://indike.org/pramana/in.purana.siva*complete-2.2.2.31.32) nirgacchantvamarāḥ svokametadadhvaramaṇḍapāt | anyathā bhavato nāśo bhaviṣyatyadya sarvathā || ### [2.2.31.33](https://indike.org/pramana/in.purana.siva*complete-2.2.2.31.33) nirgacchantvapare sarve munināgādayo makhāt | anyathā bhavatāṃ nāśo bhaviṣyatyadya sarvathā || ### [2.2.31.34](https://indike.org/pramana/in.purana.siva*complete-2.2.2.31.34) nirgaccha tvaṃ hare śīghrametadadhvaramaṇḍapāt | anyathā bhavato nāśo bhaviṣyatyadya sarvathā || ### [2.2.31.35](https://indike.org/pramana/in.purana.siva*complete-2.2.2.31.35) nirgaccha tvaṃ vidhe śīghrametadadhvaramaṇḍapāt | anyathā bhavato nāśo bhaviṣyatyadya sarvathā || ### [2.2.31.35.p1](https://indike.org/pramana/in.purana.siva*complete-2.2.2.31.35.p1) brahmovāca | ityuktvādhvaraśālāyāmakhilāyāṃ susaṃsthitān || ### [2.2.31.36](https://indike.org/pramana/in.purana.siva*complete-2.2.2.31.36) vyaramatsā nabhovāṇī sarvakalyāṇakāriṇī || ### [2.2.31.37](https://indike.org/pramana/in.purana.siva*complete-2.2.2.31.37) tacchrutvā vyomavacanaṃ sarve haryādayaḥ surāḥ | akārṣurvismayaṃ tāta munayaśca tathāpare || ### [2.2.31.37.c1](https://indike.org/pramana/in.purana.siva*complete-2.2.2.31.37.c1) iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṇḍe satyupākhyāne nabhovāṇīvarṇanaṃ nāmaikatriṃśo'dhyāyaḥ || ### [2.2.31.37.p2](https://indike.org/pramana/in.purana.siva*complete-2.2.2.31.37.p2) śrīgaṇeśāya namaḥ || ### [2.2.31.37.p3](https://indike.org/pramana/in.purana.siva*complete-2.2.2.31.37.p3) śrīgaurīśaṅkarābhyāṃ namaḥ || ### [2.2.31.37.p4](https://indike.org/pramana/in.purana.siva*complete-2.2.2.31.37.p4) śrīśivamahāpurāṇam || ### [2.2.31.37.p5](https://indike.org/pramana/in.purana.siva*complete-2.2.2.31.37.p5) dvitīyāyāṃ rudrasaṃhitāyāṃ dvitīyaḥ satīkhaṇḍe --- Source: [https://indike.org/pramana/in.purana.siva*complete-2.2.2.31](https://indike.org/pramana/in.purana.siva*complete-2.2.2.31) · Pramāṇa