[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.32 # Shivapurana 2.2.32: dvātriṃśo'dhyāyaḥ | vīrabhadrotpattiḥ śivopadeśaśca Śivapurāṇa (complete text) 2.2.32 - **Language:** Sanskrit ## Contents - [2.2.32.59](https://indike.org/pramana/in.purana.siva*complete-2.2.2.32.59) — 5 parts ### dvātriṃśo'dhyāyaḥ | vīrabhadrotpattiḥ śivopadeśaśca ### [2.2.32.1](https://indike.org/pramana/in.purana.siva*complete-2.2.2.32.1) nārada uvāca | śrutvā vyomagiraṃ dakṣaḥ kimakārṣīttadābudhaḥ | anye ca kṛtavantaḥ kiṃ tataśca kimabhūd vada || ### [2.2.32.2](https://indike.org/pramana/in.purana.siva*complete-2.2.2.32.2) parājitāḥ śivagaṇā bhṛgumantrabalena vai | kimakārṣuḥ kutra gatāstattvaṃ vada mahāmate || ### [2.2.32.3](https://indike.org/pramana/in.purana.siva*complete-2.2.2.32.3) brahmovāca | śrutvā vyomagiraṃ sarve vismitāśca surādayaḥ | nāvocatkiñcidapi te tiṣṭhantastu vimohitāḥ || ### [2.2.32.4](https://indike.org/pramana/in.purana.siva*complete-2.2.2.32.4) palāyamānā ye vīrā bhṛgumantrabalena te | avaśiṣṭāḥ śivagaṇāḥ śivaṃ śaraṇamāyayuḥ || ### [2.2.32.5](https://indike.org/pramana/in.purana.siva*complete-2.2.2.32.5) sarvaṃ nivedayāmāsū rudrāyāmitatejase | caritraṃ ca tathābhūtaṃ supraṇamyādarācca te || ### [2.2.32.6](https://indike.org/pramana/in.purana.siva*complete-2.2.2.32.6) gaṇā ūcuḥ | devadeva mahādeva pāhi naḥ śaraṇāgatān | saṃśṛṇvādarato nātha satīvārtāṃ ca vistarāt || ### [2.2.32.7](https://indike.org/pramana/in.purana.siva*complete-2.2.2.32.7) garvitena maheśāna dakṣeṇa sudurātmanā | apamānaḥ kṛtaḥ satyānādaro nirjaraistathā || ### [2.2.32.8](https://indike.org/pramana/in.purana.siva*complete-2.2.2.32.8) tubhyaṃ bhāgamadānno sa devebhyaśca pradattavān | durvacāṃsyavadatproccairduṣṭo dakṣaḥ sugarvitaḥ || ### [2.2.32.9](https://indike.org/pramana/in.purana.siva*complete-2.2.2.32.9) tato dṛṣṭvā na te bhāgaṃ yajñe'kupyatsatī prabho | vinindya bahuśastātamadhākṣītsvatanuṃ tadā || ### [2.2.32.10](https://indike.org/pramana/in.purana.siva*complete-2.2.2.32.10) gaṇāstvayutasaṅkhyākā mṛtāstatra vilajjayā | svāṅgānyācchidya śastraiśca krudhyāma hyapare vayam || ### [2.2.32.11](https://indike.org/pramana/in.purana.siva*complete-2.2.2.32.11) tadyajñaṃ dhvaṃsituṃ vegātsannaddhāstu bhayāvahāḥ | tiraskṛtā hi bhṛguṇā svaprabhāvādvirodhinā || ### [2.2.32.12](https://indike.org/pramana/in.purana.siva*complete-2.2.2.32.12) te vayaṃ śaraṇaṃ prāptāstava viśvambhara prabho | nirbhayān kuru nastasmād dayamāna bhavādbhayāt || ### [2.2.32.13](https://indike.org/pramana/in.purana.siva*complete-2.2.2.32.13) apamānaṃ viśeṣeṇa tasmin yajñe mahāprabho | dakṣādyāste'khilā duṣṭā akurvan garvitā ati || ### [2.2.32.14](https://indike.org/pramana/in.purana.siva*complete-2.2.2.32.14) ityuktaṃ nikhilaṃ vṛttaṃ sveṣāṃ satyāśca śaṅkara | teṣāṃ ca mūḍhabuddhīnāṃ yathecchasi tathā kuru || ### [2.2.32.15](https://indike.org/pramana/in.purana.siva*complete-2.2.2.32.15) brahmovāca | ityākarṇya vacastasya svagaṇānāṃ vacaḥ prabhuḥ | sasmāra nāradaṃ sarvaṃ jñātuṃ taccaritaṃ laghu || ### [2.2.32.16](https://indike.org/pramana/in.purana.siva*complete-2.2.2.32.16) āgatastvaṃ drutaṃ tatra devarṣe divyadarśanaḥ | praṇamya śaṅkaraṃ bhaktyā sāñjalistatra tasthivān || ### [2.2.32.17](https://indike.org/pramana/in.purana.siva*complete-2.2.2.32.17) tvāṃ praśasyātha sa svāmī satyā vārtāṃ ca pṛṣṭavān | dakṣayajñagatāyā vai paraṃ ca caritaṃ tathā || ### [2.2.32.18](https://indike.org/pramana/in.purana.siva*complete-2.2.2.32.18) pṛṣṭena śambhunā tāta tvayāśveva śivātmanā | tatsarvaṃ kathitaṃ vṛttaṃ jātaṃ dakṣādhvare hi yat || ### [2.2.32.19](https://indike.org/pramana/in.purana.siva*complete-2.2.2.32.19) tadākarṇyeśvaro vākyaṃ mune tat tvanmukhoditam | cukopātidrutaṃ rudro mahāraudraparākramaḥ || ### [2.2.32.20](https://indike.org/pramana/in.purana.siva*complete-2.2.2.32.20) utpāṭyaikāṃ jaṭāṃ rudro lokasaṃhārakārakaḥ | āsphālayāmāsa ruṣā parvatasya tadopari || ### [2.2.32.21](https://indike.org/pramana/in.purana.siva*complete-2.2.2.32.21) todanācca dvidhā bhūtā sā jaṭā ca mune prabhoḥ | sambabhūva mahārāvo mahāpralayabhīṣaṇaḥ || ### [2.2.32.22](https://indike.org/pramana/in.purana.siva*complete-2.2.2.32.22) tajjaṭāyāḥ samudbhūto vīrabhadro mahābalaḥ | pūrvabhāgena devarṣe mahābhīmo gaṇāgraṇīḥ || ### [2.2.32.23](https://indike.org/pramana/in.purana.siva*complete-2.2.2.32.23) sa bhūmiṃ viśvato vṛtya cātyatiṣṭhaddaśāṅgulam | pralayānalasaṅkāśaḥ pronnato doḥsahasravān || ### [2.2.32.24](https://indike.org/pramana/in.purana.siva*complete-2.2.2.32.24) kopaniḥśvāsatastatra mahārudrasya ceśituḥ | jātaṃ jvarāṇāṃ śatakaṃ sannipātāstrayodaśa || ### [2.2.32.25](https://indike.org/pramana/in.purana.siva*complete-2.2.2.32.25) mahākālī samutpannā tajjaṭāparabhāgataḥ | mahābhayaṅkarā tāta bhūtakoṭibhirāvṛtā || ### [2.2.32.26](https://indike.org/pramana/in.purana.siva*complete-2.2.2.32.26) sarve mūrtidharāḥ krūrāḥ jvarā lokabhayaṅkarāḥ | svatejasā prajvalanto dahanta iva sarvataḥ || ### [2.2.32.27](https://indike.org/pramana/in.purana.siva*complete-2.2.2.32.27) atha vīro vīrabhadraḥ praṇamya parameśvaram | kṛtāñjalipuṭaḥ prāha vākyaṃ vākyaviśāradaḥ || ### [2.2.32.28](https://indike.org/pramana/in.purana.siva*complete-2.2.2.32.28) vīrabhadra uvāca | mahārudra mahāraudra somasūryāgnilocana | kiṃ kartavyaṃ mayā kāryaṃ śīghramājñāpaya prabho || ### [2.2.32.29](https://indike.org/pramana/in.purana.siva*complete-2.2.2.32.29) śoṣaṇīyāḥ kimīśāna kṣaṇārdhenaiva sindhavaḥ | peṣaṇīyāḥ kimīśāna kṣaṇārdhenaiva parvatāḥ || ### [2.2.32.30](https://indike.org/pramana/in.purana.siva*complete-2.2.2.32.30) kṣaṇena bhasmasātkuryāṃ brahmāṇḍamuta kiṃ hara | kṣaṇena bhasmasātkuryāṃ surānvā kiṃ munīśvarān || ### [2.2.32.31](https://indike.org/pramana/in.purana.siva*complete-2.2.2.32.31) vyāśvāsaḥ sarvalokānāṃ kimu kāryo hi śaṅkara | kartavyaṃ kimuteśāna sarvaprāṇivihiṃsanam || ### [2.2.32.32](https://indike.org/pramana/in.purana.siva*complete-2.2.2.32.32) mamāśakyaṃ na kutrāpi tvatprasādānmaheśvara | parākrameṇa mattulyo na bhūto na bhaviṣyati || ### [2.2.32.33](https://indike.org/pramana/in.purana.siva*complete-2.2.2.32.33) yatra yatkāryamuddiśya preṣayiṣyasi māṃ prabho | tatkāryaṃ sādhayāmyeva satvaraṃ tvatprasādataḥ || ### [2.2.32.34](https://indike.org/pramana/in.purana.siva*complete-2.2.2.32.34) kṣudrāstaranti lokābdhiṃ śāsanācchaṅkarasya te | harāto'haṃ na kiṃ tartuṃ mahāpatsāgaraṃ kṣamaḥ || ### [2.2.32.35](https://indike.org/pramana/in.purana.siva*complete-2.2.2.32.35) tvatpreṣitatṛṇenāpi mahatkāryamayatnataḥ | kṣaṇena śakyate kartuṃ śaṅkarātra na saṃśayaḥ || ### [2.2.32.36](https://indike.org/pramana/in.purana.siva*complete-2.2.2.32.36) līlāmātreṇa te śambho kāryaṃ yadyapi sidhyati | tathāpyahaṃ preṣaṇīyo tavaivānugraho hyayam || ### [2.2.32.37](https://indike.org/pramana/in.purana.siva*complete-2.2.2.32.37) śaktiretādṛśī śambho mamāpi tvadanugrahāt | vinā śaktirna kasyāpi śaṅkara tvadanugrahāt || ### [2.2.32.38](https://indike.org/pramana/in.purana.siva*complete-2.2.2.32.38) tvadājñayā vinā ko'pi tṛṇādīnapi vastutaḥ | naiva cālayituṃ śaktaḥ satyametanna saṃśayaḥ || ### [2.2.32.39](https://indike.org/pramana/in.purana.siva*complete-2.2.2.32.39) śambho niyamyāḥ sarve'pi devādyāste maheśvara | tathaivāhaṃ niyamyaste niyantuḥ sarvadehinām || ### [2.2.32.40](https://indike.org/pramana/in.purana.siva*complete-2.2.2.32.40) praṇato'smi mahādeva bhūyo'pi praṇato'smyaham | preṣaya sveṣṭasiddhyarthaṃ māmadya hara satvaram || ### [2.2.32.41](https://indike.org/pramana/in.purana.siva*complete-2.2.2.32.41) spando'pi jāyate śambho'savyāṅgānāṃ muhurmuhuḥ | bhaviṣyatyadya vijayo māmataḥ preṣaya prabho || ### [2.2.32.42](https://indike.org/pramana/in.purana.siva*complete-2.2.2.32.42) harṣotsāhaviśeṣo'pi jāyate mama kaścana | śambho tvatpādakamale saṃsaktaśca mano mama || ### [2.2.32.43](https://indike.org/pramana/in.purana.siva*complete-2.2.2.32.43) bhaviṣyati pratipadaṃ śubhasantānasantatiḥ || ### [2.2.32.44](https://indike.org/pramana/in.purana.siva*complete-2.2.2.32.44) tasyaiva vijayo nityaṃ tasyaiva śubhamanvaham | yasya śambhau dṛḍhā bhaktistvayi śobhanasaṃśraye || ### [2.2.32.45](https://indike.org/pramana/in.purana.siva*complete-2.2.2.32.45) brahmovāca | ityuktaṃ tadvacaḥ śrutvā santuṣṭo maṅgalāpatiḥ | vīrabhadra jayeti tvaṃ proktāśīḥ prāha taṃ punaḥ || ### [2.2.32.46](https://indike.org/pramana/in.purana.siva*complete-2.2.2.32.46) maheśvara uvāca | śṛṇu madvacanaṃ tāta vīrabhadra sucetasā | karaṇīyaṃ prayatnena tad drutaṃ me pratoṣakam || ### [2.2.32.47](https://indike.org/pramana/in.purana.siva*complete-2.2.2.32.47) yāgaṃ kartuṃ samudyukto dakṣo vidhisutaḥ khalaḥ | madvirodhī viśeṣeṇa mahāgarvo'budho'dhunā || ### [2.2.32.48](https://indike.org/pramana/in.purana.siva*complete-2.2.2.32.48) tanmakhaṃ bhasmasātkṛtvā sayāgaparivārakam | punarāyāhi matsthānaṃ satvaraṃ gaṇasattama || ### [2.2.32.49](https://indike.org/pramana/in.purana.siva*complete-2.2.2.32.49) surā bhavantu gandharvā yakṣā vānye ca kecana | tānapyadyaiva sahasā bhasmasātkuru satvaram || ### [2.2.32.50](https://indike.org/pramana/in.purana.siva*complete-2.2.2.32.50) tatrāstu viṣṇurbrahmā vā śacīśo vā yamo'pi vā | api cādyaiva tānsarvānpātayasva prayatnataḥ || ### [2.2.32.51](https://indike.org/pramana/in.purana.siva*complete-2.2.2.32.51) surā bhavantu gandharvā yakṣā vānye ca kecana | tānapyadyaiva sahasā bhasmasātkuru satvaram || ### [2.2.32.52](https://indike.org/pramana/in.purana.siva*complete-2.2.2.32.52) dadhīcikṛtamullaṅghya śapathaṃ mayi tatra ye | tiṣṭhanti te prayatnena jvālanīyāstvayā dhruvam || ### [2.2.32.53](https://indike.org/pramana/in.purana.siva*complete-2.2.2.32.53) pramathāścāgamiṣyanti yadi viṣṇvādayo bhramāt | nānākarṣaṇamantreṇa jvālayānīya satvaram || ### [2.2.32.54](https://indike.org/pramana/in.purana.siva*complete-2.2.2.32.54) ye tatrollaṅghya śapathaṃ madīyaṃ garvitāḥ sthitāḥ | te hi maddrohiṇo'tastān jvālayānalamālayā || ### [2.2.32.55](https://indike.org/pramana/in.purana.siva*complete-2.2.2.32.55) sapatnīkānsasārāṃśca dakṣayāgasthalasthitān | prajvālya bhasmasātkṛtvā punarāyāhi satvaram || ### [2.2.32.56](https://indike.org/pramana/in.purana.siva*complete-2.2.2.32.56) tatra tvayi gate devā viśvādyā api sādaram | stoṣyanti tvāṃ tadāpyāśu jvālayā jvālayaiva tān || ### [2.2.32.57](https://indike.org/pramana/in.purana.siva*complete-2.2.2.32.57) devānapi kṛtadrohān jvālāmālāsamākulaiḥ | jvālaya jvalanaiḥ śīghraṃ mādhyāyādhyāyapālakam || ### [2.2.32.58](https://indike.org/pramana/in.purana.siva*complete-2.2.2.32.58) dakṣādīnsakalāṃstatra sapatnīkānsabāndhavān | prajvālya vīra dakṣaṃ nu salīlaṃ salilaṃ piba || ### [2.2.32.59](https://indike.org/pramana/in.purana.siva*complete-2.2.2.32.59) brahmovāca | ityuktvā roṣatāmrākṣo vedamaryādapālakaḥ | virarāma mahāvīraṃ kālāriḥ sakaleśvaraḥ || ### [2.2.32.59.c1](https://indike.org/pramana/in.purana.siva*complete-2.2.2.32.59.c1) iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṇḍe vīrabhadrotpattiśivopadeśavarṇanaṃ nāma dvātriṃśo'dhyāyaḥ || ### [2.2.32.59.p2](https://indike.org/pramana/in.purana.siva*complete-2.2.2.32.59.p2) śrīgaṇeśāya namaḥ || ### [2.2.32.59.p3](https://indike.org/pramana/in.purana.siva*complete-2.2.2.32.59.p3) śrīgaurīśaṅkarābhyāṃ namaḥ || ### [2.2.32.59.p4](https://indike.org/pramana/in.purana.siva*complete-2.2.2.32.59.p4) śrīśivamahāpurāṇam || ### [2.2.32.59.p5](https://indike.org/pramana/in.purana.siva*complete-2.2.2.32.59.p5) dvitīyāyāṃ rudrasaṃhitāyāṃ dvitīyaḥ satīkhaṇḍe --- Source: [https://indike.org/pramana/in.purana.siva*complete-2.2.2.32](https://indike.org/pramana/in.purana.siva*complete-2.2.2.32) · Pramāṇa