[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.37 # Shivapurana 2.2.37: saptatriṃśo'dhyāyaḥ | dakṣayajñavidhvaṃsaḥ Śivapurāṇa (complete text) 2.2.37 - **Language:** Sanskrit ## Contents - [2.2.37.68](https://indike.org/pramana/in.purana.siva*complete-2.2.2.37.68) — 5 parts ### saptatriṃśo'dhyāyaḥ | dakṣayajñavidhvaṃsaḥ ### [2.2.37.1](https://indike.org/pramana/in.purana.siva*complete-2.2.2.37.1) brahmovāca | vīrabhadro'tha yuddhe vai viṣṇunā sa mahābalaḥ | saṃsmṛtya śaṅkaraṃ citte sarvāpadvinivāraṇam || ### [2.2.37.2](https://indike.org/pramana/in.purana.siva*complete-2.2.2.37.2) āruhya syandanaṃ divyaṃ sarvavairivimardanaḥ | gṛhītvā paramāstrāṇi siṃhanādaṃ jagarja ha || ### [2.2.37.3](https://indike.org/pramana/in.purana.siva*complete-2.2.2.37.3) viṣṇuścāpi mahāghoṣaṃ pāñcajanyābhidhaṃ nijam | dadhmau balī mahāśaṅkhaṃ svakīyān harṣayanniva || ### [2.2.37.4](https://indike.org/pramana/in.purana.siva*complete-2.2.2.37.4) tacchrutvā śaṅkhanirhrādaṃ devā ye ca palāyitāḥ | raṇaṃ hitvā gatāḥ pūrvaṃ te drutaṃ punarāyayuḥ || ### [2.2.37.5](https://indike.org/pramana/in.purana.siva*complete-2.2.2.37.5) vīrabhadragaṇaiste tu lokapālāḥ savāsavāḥ | yuddhaṃ cakrustathā siṃhanādaṃ kṛtvā balānvitāḥ || ### [2.2.37.6](https://indike.org/pramana/in.purana.siva*complete-2.2.2.37.6) gaṇānāṃ lokapālānāṃ dvandvayuddhaṃ bhayāvaham | abhavattatra tumulaṃ garjatāṃ siṃhanādataḥ || ### [2.2.37.7](https://indike.org/pramana/in.purana.siva*complete-2.2.2.37.7) nandinā yuyudhe śakro'nalo vai cāśmanā tathā | kubero'pi hi kūṣmāṇḍapatinā yuyudhe balī || ### [2.2.37.8](https://indike.org/pramana/in.purana.siva*complete-2.2.2.37.8) tadendreṇa hato nandī vajreṇa śataparvaṇā || ### [2.2.37.9](https://indike.org/pramana/in.purana.siva*complete-2.2.2.37.9) nandinā ca hataḥ śakrastriśūlena stanāntare || ### [2.2.37.10](https://indike.org/pramana/in.purana.siva*complete-2.2.2.37.10) balinau dvāvapi prītyā yuyudhāte parasparam | nānāghātāṃśca kurvantau nandiśakrau jigīṣayā || ### [2.2.37.11](https://indike.org/pramana/in.purana.siva*complete-2.2.2.37.11) śaktyā jaghāna cāśmānaṃ śuciḥ paramakopanaḥ | so'pi śūlena taṃ vegācchitadhāreṇa pāvakam || ### [2.2.37.12](https://indike.org/pramana/in.purana.siva*complete-2.2.2.37.12) yamena saha saṅgrāmaṃ mahāloko gaṇāgraṇīḥ | cakāra tumulaṃ vīro mahādevaṃ smaranmudā || ### [2.2.37.13](https://indike.org/pramana/in.purana.siva*complete-2.2.2.37.13) nairṛtena samāgamya caṇḍaśca balavattaraḥ | yuyudhe paramāstraiśca nairṛtiṃ niviḍambayan || ### [2.2.37.14](https://indike.org/pramana/in.purana.siva*complete-2.2.2.37.14) varuṇena samaṃ vīro muṇḍaścaiva mahābalaḥ | yuyudhe parayā śaktyā trilokīṃ vismayanniva || ### [2.2.37.15](https://indike.org/pramana/in.purana.siva*complete-2.2.2.37.15) vāyunā ca hato bhṛṅgī svāstreṇa paramaujasā | bhṛṅgiṇā ca hato vāyustriśūlena pratāpinā || ### [2.2.37.16](https://indike.org/pramana/in.purana.siva*complete-2.2.2.37.16) kubereṇaiva saṅgamya kūṣmāṇḍapatirādarāt | yuyudhe balavān vīro dhyātvā hṛdi maheśvaram || ### [2.2.37.17](https://indike.org/pramana/in.purana.siva*complete-2.2.2.37.17) yoginīcakrasaṃyukto bhairavīnāyako mahān | vidārya devānakhilān papau śoṇitamadbhutam || ### [2.2.37.18](https://indike.org/pramana/in.purana.siva*complete-2.2.2.37.18) kṣetrapālāstathā tatra bubhukṣuḥ surapuṅgavān | kālī cāpi vidāryaiva tānpapau rudhiraṃ bahu || ### [2.2.37.19](https://indike.org/pramana/in.purana.siva*complete-2.2.2.37.19) atha viṣṇurmahātejā yuyudhe taiśca śatruhā | cakraṃ cikṣepa vegena dahanniva diśo daśa || ### [2.2.37.20](https://indike.org/pramana/in.purana.siva*complete-2.2.2.37.20) kṣetrapālaḥ samāyāntaṃ cakramālokya vegataḥ | tatrāgatyāgato vīraścāgrasatsahasā balī || ### [2.2.37.21](https://indike.org/pramana/in.purana.siva*complete-2.2.2.37.21) cakraṃ grasitamālokya viṣṇuḥ parapurañjayaḥ | mukhaṃ tasya parāmṛjya tamudgālitavānarim || ### [2.2.37.22](https://indike.org/pramana/in.purana.siva*complete-2.2.2.37.22) svacakramādāya mahānubhāvaḥ cukopa cātīva bhavaikabhartā | mahābalī tairyuyudhe pravīraiḥ saṅkruddhanānāyudhadhārako'straiḥ || ### [2.2.37.23](https://indike.org/pramana/in.purana.siva*complete-2.2.2.37.23) cakre mahāraṇaṃ viṣṇuḥ taiḥ sārdhaṃ yuyudhe mudā | nānāyudhāni saṅkṣipya tumulaṃ bhīmavikramam || ### [2.2.37.24](https://indike.org/pramana/in.purana.siva*complete-2.2.2.37.24) atha te bhairavādyāśca yuyudhustena bhūriśaḥ | nānāstrāṇi vimuñcantaḥ saṅkuddhāḥ paramaujasā || ### [2.2.37.25](https://indike.org/pramana/in.purana.siva*complete-2.2.2.37.25) itthaṃ teṣāṃ raṇaṃ dṛṣṭvā hariṇātulatejasā | vinivṛtya samāgamya tānsvayaṃ yuyudhe balī || ### [2.2.37.26](https://indike.org/pramana/in.purana.siva*complete-2.2.2.37.26) atha viṣṇurmahātejāścakramudyamya mūrcchitaḥ | yuyudhe bhagavāṃstena vīrabhadreṇa mādhavaḥ || ### [2.2.37.27](https://indike.org/pramana/in.purana.siva*complete-2.2.2.37.27) tayoḥ samabhavadyuddhaṃ sughoraṃ romaharṣaṇam | mahāvīrābdhipatyostu nānāstradharayormune || ### [2.2.37.28](https://indike.org/pramana/in.purana.siva*complete-2.2.2.37.28) viṣṇoryogabalāttasya dehādeva sudāruṇāḥ | śaṅkhacakragadāhastā asaṅkhyātāśca jajñire || ### [2.2.37.29](https://indike.org/pramana/in.purana.siva*complete-2.2.2.37.29) te cāpi yuyudhustena vīrabhadreṇa bhāṣatā | viṣṇuvat balavanto hi nānāyudhadharā gaṇāḥ || ### [2.2.37.30](https://indike.org/pramana/in.purana.siva*complete-2.2.2.37.30) tānsarvānapi vīro'sau nārāyaṇasamaprabhān | bhasmīcakāra śūlena hatvā smṛtvā śivaṃ prabhum || ### [2.2.37.31](https://indike.org/pramana/in.purana.siva*complete-2.2.2.37.31) tataścorasi taṃ viṣṇuṃ līlayaiva raṇājire | jaghāna vīrabhadro hi triśūlena mahābalī || ### [2.2.37.32](https://indike.org/pramana/in.purana.siva*complete-2.2.2.37.32) tena ghātena sahasā vihataḥ puruṣottamaḥ | papāta ca tadā bhūmau visaṃjño'bhūnmune hariḥ || ### [2.2.37.33](https://indike.org/pramana/in.purana.siva*complete-2.2.2.37.33) tato jajñe'dbhutaṃ tejaḥ pralayānalasannibham | trailokyadāhakaṃ tīvraṃ vīrāṇāmapi bhīkaram || ### [2.2.37.34](https://indike.org/pramana/in.purana.siva*complete-2.2.2.37.34) krodharaktekṣaṇaḥ śrīmān punarutthāya sa prabhuḥ | prahartuṃ cakramudyamya hyatiṣṭhatpuruṣarṣabhaḥ || ### [2.2.37.35](https://indike.org/pramana/in.purana.siva*complete-2.2.2.37.35) tasya cakraṃ mahāraudraṃ kālādityasamaprabham | vyaṣṭambhayadadīnātmā vīrabhadraḥ śivaḥ prabhuḥ || ### [2.2.37.36](https://indike.org/pramana/in.purana.siva*complete-2.2.2.37.36) mune śambhoḥ prabhāvāttu māyeśasya mahāprabhoḥ | na cacāla hareścakraṃ karasthaṃ stambhitaṃ dhruvam || ### [2.2.37.37](https://indike.org/pramana/in.purana.siva*complete-2.2.2.37.37) atha viṣṇurgaṇeśena vīrabhadreṇa bhāṣatā | atiṣṭhat stambhitastena śṛṅgavāniva niścalaḥ || ### [2.2.37.38](https://indike.org/pramana/in.purana.siva*complete-2.2.2.37.38) tato viṣṇuḥ stambhito hi vīrabhadreṇa nārada | yajvopamantraṇamanuṃ niḥstambhanakaraṃ japan || ### [2.2.37.39](https://indike.org/pramana/in.purana.siva*complete-2.2.2.37.39) tataḥ stambhananirmuktaḥ śārṅgadhanvā rameśvaraḥ | śārṅgaṃ jagrāha sa kruddhaḥ svadhanuḥ saśaraṃ mune || ### [2.2.37.40](https://indike.org/pramana/in.purana.siva*complete-2.2.2.37.40) tribhiśca dharṣitaṃ bāṇaistena śārṅgadhanurhareḥ | vīrabhadreṇa tattāta tridhābhūttatkṣaṇānmune || ### [2.2.37.41](https://indike.org/pramana/in.purana.siva*complete-2.2.2.37.41) atha viṣṇurmahāvāṇyā bodhitastaṃ mahāgaṇam | asahyavarcasaṃ jñātvā hyantardhātuṃ mano dadhe || ### [2.2.37.42](https://indike.org/pramana/in.purana.siva*complete-2.2.2.37.42) jñātvā ca tatsarvamidaṃ bhaviṣyaṃ satīkṛtaṃ duṣprasahaṃ pareṣām | gatāḥ svalokaṃ svagaṇānvitāstu smṛtvā śivaṃ sarvapatiṃ svatantram || ### [2.2.37.43](https://indike.org/pramana/in.purana.siva*complete-2.2.2.37.43) satyalokagataścāhaṃ putraśokena pīḍitaḥ | acintayaṃ suduḥkhārto mayā kiṃ kāryamadya vai || ### [2.2.37.44](https://indike.org/pramana/in.purana.siva*complete-2.2.2.37.44) viṣṇau mayi gate caiva devāśca munibhiḥ saha | vinirjitā gaṇaiḥ sarve ye te yajñopajīvinaḥ || ### [2.2.37.45](https://indike.org/pramana/in.purana.siva*complete-2.2.2.37.45) tamupadravamālakṣya vidhvastaṃ ca mahāmakham | mṛgasvarūpo yajño hi mahābhīto'pi dudruve || ### [2.2.37.46](https://indike.org/pramana/in.purana.siva*complete-2.2.2.37.46) taṃ tadā mṛgarūpeṇa dhāvantaṃ gaganaṃ prati | vīrabhadraḥ samādāya viśiraskamathākarot || ### [2.2.37.47](https://indike.org/pramana/in.purana.siva*complete-2.2.2.37.47) tataḥ prajāpatiṃ dharmaṃ kaśyapaṃ ca pragṛhya saḥ | ariṣṭaneminaṃ vīro bahuputraṃ munīśvaram || ### [2.2.37.48](https://indike.org/pramana/in.purana.siva*complete-2.2.2.37.48) munimaṅgirasaṃ caiva kṛśāśvaṃ ca mahāgaṇaḥ | jaghāna mūrdhni pādena dattaṃ ca munipuṅgavam || ### [2.2.37.49](https://indike.org/pramana/in.purana.siva*complete-2.2.2.37.49) sarasvatyāśca nāsāgraṃ devamātustathaiva ca | ciccheda karajāgreṇa vīrabhadraḥ pratāpavān || ### [2.2.37.50](https://indike.org/pramana/in.purana.siva*complete-2.2.2.37.50) tato'nyānapi devādīn vidārya pṛthivītale | pātayāmāsa so'yaṃ vai krodhākrāntātilocanaḥ || ### [2.2.37.51](https://indike.org/pramana/in.purana.siva*complete-2.2.2.37.51) vīrabhadro vidāryāpi devānmukhyānmunīnapi | nābhūcchānto drutakrodhaḥ phaṇirāḍiva maṇḍitaḥ || ### [2.2.37.52](https://indike.org/pramana/in.purana.siva*complete-2.2.2.37.52) vīrabhadroddhṛtārātiḥ kesarīva vanadvipān | diśo vilokayāmāsa kaḥ kutrāstītyanukṣaṇam || ### [2.2.37.53](https://indike.org/pramana/in.purana.siva*complete-2.2.2.37.53) vyapothayad bhṛguṃ yāvanmaṇibhadraḥ pratāpavān | padākramyorasi tadākārṣīttacchmaśruluñcanam || ### [2.2.37.54](https://indike.org/pramana/in.purana.siva*complete-2.2.2.37.54) caṇḍaścotpāṭayāmāsa pūṣṇo dantān pravegataḥ | śapyamāne hare pūrvaṃ yo'hasaddarśayandataḥ || ### [2.2.37.55](https://indike.org/pramana/in.purana.siva*complete-2.2.2.37.55) nandī bhagasya netre hi pātitasya ruṣā bhuvi | ujjahāra dakṣamakṣṇā yaḥ śapantamasūsucat || ### [2.2.37.56](https://indike.org/pramana/in.purana.siva*complete-2.2.2.37.56) viḍambitā svadhā tatra sā svāhā dakṣiṇā tathā | mantrāstantrāstathā cānye tatrasthā gaṇanāyakaiḥ || ### [2.2.37.57](https://indike.org/pramana/in.purana.siva*complete-2.2.2.37.57) vavṛṣuste purīṣāṇi vitānāgnau ruṣā gaṇāḥ | anirvācyaṃ tadā cakrurgaṇā vīrāstamadhvaram || ### [2.2.37.58](https://indike.org/pramana/in.purana.siva*complete-2.2.2.37.58) antarvedyantaragataṃ nilīnaṃ tadbhayād balāt | ānināya samājñāya vīrabhadraḥ svabhūḥsutam || ### [2.2.37.59](https://indike.org/pramana/in.purana.siva*complete-2.2.2.37.59) kapole'sya gṛhītvā tu khaḍgenopahṛtaṃ śiraḥ | abhedyamabhavattasya tacca yogaprabhāvataḥ || ### [2.2.37.60](https://indike.org/pramana/in.purana.siva*complete-2.2.2.37.60) abhedyaṃ tacchiro matvā śastrāstraiśca tu sarvaśaḥ | kareṇa troṭayāmāsa padbhyāmākramya corasi || ### [2.2.37.61](https://indike.org/pramana/in.purana.siva*complete-2.2.2.37.61) tacchirastasya duṣṭasya dakṣasya haravairiṇaḥ | agnikuṇḍe pracikṣepa vīrabhadro gaṇāgraṇīḥ || ### [2.2.37.62](https://indike.org/pramana/in.purana.siva*complete-2.2.2.37.62) reje tadā vīrabhadrastriśūlaṃ bhrāmayankare | kruddhā raṇākṣasaṃvartāḥ prajvālya parvatopamāḥ || ### [2.2.37.63](https://indike.org/pramana/in.purana.siva*complete-2.2.2.37.63) anāyāsena hatvaitān vīrabhadrastato'gninā | jvālayāmāsa sakrodho dīptāgniḥ śalabhāniva || ### [2.2.37.64](https://indike.org/pramana/in.purana.siva*complete-2.2.2.37.64) vīrabhadrastato dagdhān dṛṣṭvā dakṣapurogamān | aṭṭāṭṭahāsamakarot pūrayaṃśca jagattrayam || ### [2.2.37.65](https://indike.org/pramana/in.purana.siva*complete-2.2.2.37.65) vīraśriyā vṛtastatra tato nandanasambhavā | puṣpavṛṣṭirabhūddivyā vīrabhadre gaṇānvite || ### [2.2.37.66](https://indike.org/pramana/in.purana.siva*complete-2.2.2.37.66) vavurgandhavahāḥ śītāḥ sugandhāḥ sukhadāḥ śanaiḥ | devadundubhayo neduḥ samameva tataḥ param || ### [2.2.37.67](https://indike.org/pramana/in.purana.siva*complete-2.2.2.37.67) kailāsaṃ sa yayau vīraḥ kṛtakāryastataḥ param | vināśitadṛḍhadhvānto bhānumāniva satvaram || ### [2.2.37.68](https://indike.org/pramana/in.purana.siva*complete-2.2.2.37.68) kṛtakāryaṃ vīrabhadraṃ dṛṣṭvā santuṣṭamānasaḥ | śambhurvīragaṇādhyakṣaṃ cakāra parameśvaraḥ || ### [2.2.37.68.c1](https://indike.org/pramana/in.purana.siva*complete-2.2.2.37.68.c1) iti śrīśivamahāpurāṇe dvitīyāyāṃ rudrasahitāyāṃ dvitīye satīkhaṇḍe yajñavidhvaṃsavarṇanaṃ nāma saptatriṃśo'dhyāyaḥ || ### [2.2.37.68.p2](https://indike.org/pramana/in.purana.siva*complete-2.2.2.37.68.p2) śrīgaṇeśāya namaḥ || ### [2.2.37.68.p3](https://indike.org/pramana/in.purana.siva*complete-2.2.2.37.68.p3) śrīgaurīśaṅkarābhyāṃ namaḥ || ### [2.2.37.68.p4](https://indike.org/pramana/in.purana.siva*complete-2.2.2.37.68.p4) śrīśivamahāpurāṇam || ### [2.2.37.68.p5](https://indike.org/pramana/in.purana.siva*complete-2.2.2.37.68.p5) dvitīyāyāṃ rudrasaṃhitāyāṃ dvitīyaḥ satīkhaṇḍe ## Linked texts (3) - [Bhāgavatapurāṇa](https://indike.org/pramana/in.purana.bhagavata.4.5.20) — Vyāsa, Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.1.5.42.p2) — Sanskrit - [Mahābhāgavatapurāṇa](https://indike.org/pramana/in.purana.upa.sakta.mahabhagavata.39.55) — Sanskrit --- Source: [https://indike.org/pramana/in.purana.siva*complete-2.2.2.37](https://indike.org/pramana/in.purana.siva*complete-2.2.2.37) · Pramāṇa