[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.39 # Shivapurana 2.2.39: ekonacatvāriṃśo'dhyāyaḥ | viṣṇudadhīcayuddhavarṇanam Śivapurāṇa (complete text) 2.2.39 - **Language:** Sanskrit ## Contents - [2.2.39.3](https://indike.org/pramana/in.purana.siva*complete-2.2.2.39.3) — 1 part - [2.2.39.55](https://indike.org/pramana/in.purana.siva*complete-2.2.2.39.55) — 5 parts ### ekonacatvāriṃśo'dhyāyaḥ | viṣṇudadhīcayuddhavarṇanam ### [2.2.39.1](https://indike.org/pramana/in.purana.siva*complete-2.2.2.39.1) brahmovāca | kṣuvasya hitakṛtyena dadhīcasyāśramaṃ yayau | viprarūpamathāsthāya bhagavān bhaktavatsalaḥ || ### [2.2.39.2](https://indike.org/pramana/in.purana.siva*complete-2.2.2.39.2) dadhīcaṃ prāha viprarṣimabhivandya jagadguruḥ | kṣuvakāryārthamudyuktaḥ śaivendraṃ chalamāśritaḥ || ### [2.2.39.3](https://indike.org/pramana/in.purana.siva*complete-2.2.2.39.3) viṣṇuruvāca | bho bho dadhīca viprarṣe bhavārcanaratāvyaya | varamekaṃ vṛṇe tvattastadbhavān dātumarhati || ### [2.2.39.3.p1](https://indike.org/pramana/in.purana.siva*complete-2.2.2.39.3.p1) brahmovāca | yācito devadevena dadhīcaḥ śaivasattamaḥ || ### [2.2.39.4](https://indike.org/pramana/in.purana.siva*complete-2.2.2.39.4) kṣuvakāryārthinā śīghraṃ jagāda vacanaṃ harim || ### [2.2.39.5](https://indike.org/pramana/in.purana.siva*complete-2.2.2.39.5) dadhīca uvāca | jñātaṃ tavepsitaṃ vipra kṣuvakāryārthamāgataḥ | bhagavān viprarūpeṇa māyī tvamasi vai hariḥ || ### [2.2.39.6](https://indike.org/pramana/in.purana.siva*complete-2.2.2.39.6) bhūtaṃ bhaviṣyaṃ deveśa vartamānaṃ janārdana | jñānaṃ prasādād rudrasya sadā traikālikaṃ mama || ### [2.2.39.7](https://indike.org/pramana/in.purana.siva*complete-2.2.2.39.7) tvāṃ jāne'haṃ hariṃ viṣṇuṃ dvijatvaṃ tyaja suvrata | ārādhito'si bhūpena kṣuveṇa khalabuddhinā || ### [2.2.39.8](https://indike.org/pramana/in.purana.siva*complete-2.2.2.39.8) jāne tavaiva bhagavan bhaktavatsalatāṃ hare | chalaṃ tyaja svarūpaṃ hi svīkuru smara śaṅkaram || ### [2.2.39.9](https://indike.org/pramana/in.purana.siva*complete-2.2.2.39.9) asti cetkasyacidbhītirbhavārcanaratasya me | vaktumarhasi yatnena satyadhāraṇapūrvakam || ### [2.2.39.10](https://indike.org/pramana/in.purana.siva*complete-2.2.2.39.10) vadāmi na mṛṣā kvāpi śivasmaraṇasaktadhīḥ | na bibhemi jagatyasmindevadaityādikādapi || ### [2.2.39.11](https://indike.org/pramana/in.purana.siva*complete-2.2.2.39.11) viṣṇuruvāca | bhayaṃ dadhīca sarvatra naṣṭaṃ ca tava suvrata | bhavārcanarato yasmādbhavānsarvajña eva ca || ### [2.2.39.12](https://indike.org/pramana/in.purana.siva*complete-2.2.2.39.12) bibhemīti sakṛdvaktumarhasi tvaṃ namastava | niyogānmama rājendra kṣuvāt pratisahādaham || ### [2.2.39.13](https://indike.org/pramana/in.purana.siva*complete-2.2.2.39.13) brahmovāca | evaṃ śrutvāpi tadvākyaṃ viṣṇoḥ sa tu mahāmuniḥ | vihasya nirbhayaḥ prāha dadhīcaḥ śaivasattamaḥ || ### [2.2.39.14](https://indike.org/pramana/in.purana.siva*complete-2.2.2.39.14) dadhīca uvāca | na bibhemi sadā kvāpi kutaścidapi kiñcana | prabhāvāddevadevasya śambhoḥ sākṣātpinākinaḥ || ### [2.2.39.15](https://indike.org/pramana/in.purana.siva*complete-2.2.2.39.15) brahmovāca | tatastasya muneḥ śrutvā vacanaṃ kupito hariḥ | cakramudyamya santasthau didhakṣurmunisattamam || ### [2.2.39.16](https://indike.org/pramana/in.purana.siva*complete-2.2.2.39.16) abhavatkuṇṭhitaṃ tatra vipre cakraṃ sudāruṇam | prabhāvācca tadīśasya nṛpateḥ sannidhāvapi || ### [2.2.39.17](https://indike.org/pramana/in.purana.siva*complete-2.2.2.39.17) dṛṣṭvā taṃ kuṇṭhitāsyaṃ taccakraṃ viṣṇuṃ jagāda ha | dadhīcaḥ sasmitaṃ sākṣātsadasadvyaktikāraṇam || ### [2.2.39.18](https://indike.org/pramana/in.purana.siva*complete-2.2.2.39.18) dadhīca uvāca | bhagavan bhavatā labdhaṃ purātīva sudāruṇam | sudarśanamiti khyātaṃ cakraṃ viṣṇoḥ prayatnataḥ | bhavasya tacchubhaṃ cakraṃ na jighāṃsati māmiha || ### [2.2.39.19](https://indike.org/pramana/in.purana.siva*complete-2.2.2.39.19) bhagavānatha kruddho'smai sarvāstrāṇi kramāddhariḥ | brahmāstrādyaiḥ śaraiścāstraiḥ prayatnaṃ kartumarhasi || ### [2.2.39.20](https://indike.org/pramana/in.purana.siva*complete-2.2.2.39.20) brahmovāca | sa tasya vacanaṃ śrutvā dṛṣṭvā nirvīryamānuṣam | sasarjātha krudhā tasmai sarvāstrāṇi kramāddhariḥ || ### [2.2.39.21](https://indike.org/pramana/in.purana.siva*complete-2.2.2.39.21) cakrurdevāstatastasya viṣṇoḥsāhāyyamādarāt | dvijenaikena saṃyoddhuṃ prasṛtasya vibuddhayaḥ || ### [2.2.39.22](https://indike.org/pramana/in.purana.siva*complete-2.2.2.39.22) cikṣipuḥ svāni svānyāśu śastrāṇyastrāṇi sarvataḥ | dadhīcopari vegena śakrādyā haripākṣikāḥ || ### [2.2.39.23](https://indike.org/pramana/in.purana.siva*complete-2.2.2.39.23) kuśamuṣṭimathādāya dadhīcaḥ saṃsmaran śivam | sasarja sarvadevebhyo vajrāsthiḥ sarvato vaśī || ### [2.2.39.24](https://indike.org/pramana/in.purana.siva*complete-2.2.2.39.24) śaṅkarasya prabhāvāttu kuśamuṣṭirmunerhi sā | divyaṃ triśūlamabhavat kālāgnisadṛśaṃ mune || ### [2.2.39.25](https://indike.org/pramana/in.purana.siva*complete-2.2.2.39.25) dagdhuṃ devān matiṃ cakre sāyudhān saśikhaṃ ca tat | prajvalatsarvataḥ śaivaṃ yugāntāgnyadhikaprabham || ### [2.2.39.26](https://indike.org/pramana/in.purana.siva*complete-2.2.2.39.26) nārāyaṇendramukhyaistu devaiḥ kṣiptāni yāni ca | āyudhāni samastāni praṇemustriśikhaṃ ca tat || ### [2.2.39.27](https://indike.org/pramana/in.purana.siva*complete-2.2.2.39.27) devāśca dudruvuḥ sarve dhvastavīryā divaukasaḥ | tasthau tatra harirbhītaḥ kevalaṃ māyināṃ varaḥ || ### [2.2.39.28](https://indike.org/pramana/in.purana.siva*complete-2.2.2.39.28) sasarja bhagavān viṣṇuḥ svadehātpuruṣottamaḥ | ātmanaḥ sadṛśān divyān lakṣalakṣāyutān gaṇān || ### [2.2.39.29](https://indike.org/pramana/in.purana.siva*complete-2.2.2.39.29) te cāpi yuyudhustatra vīrā viṣṇugaṇāstataḥ | muninaikena devarṣe dadhīcena śivātmanā || ### [2.2.39.30](https://indike.org/pramana/in.purana.siva*complete-2.2.2.39.30) tato viṣṇugaṇāṃstānvai niyudhya bahuśo raṇe | dadāha sahasā sarvān dadhīcaḥ śaivasattamaḥ || ### [2.2.39.31](https://indike.org/pramana/in.purana.siva*complete-2.2.2.39.31) tatastadvismayārthāya dadhīcasya munerhariḥ | viśvamūrtirabhūcchīghraṃ mahāmāyāviśāradaḥ || ### [2.2.39.32](https://indike.org/pramana/in.purana.siva*complete-2.2.2.39.32) tasya dehe hareḥ sākṣādapaśyad dvijasattamaḥ | dadhīco devatādīnāṃ jīvānāṃ ca sahasrakam || ### [2.2.39.33](https://indike.org/pramana/in.purana.siva*complete-2.2.2.39.33) bhūtānāṃ koṭayaścaiva gaṇānāṃ koṭayastathā | aṇḍānāṃ koṭayaścaiva viśvamūrtestanau tadā || ### [2.2.39.34](https://indike.org/pramana/in.purana.siva*complete-2.2.2.39.34) dṛṣṭvaitadakhilaṃ tatra cyāvaniḥ satataṃ tadā | viṣṇumāha jagannāthaṃ jagatstavamajaṃ vibhum || ### [2.2.39.35](https://indike.org/pramana/in.purana.siva*complete-2.2.2.39.35) dadhīca uvāca | māyāṃ tyaja mahābāho pratibhāso vicārataḥ | vijñātāni sahasrāṇi durvijñeyāni mādhava || ### [2.2.39.36](https://indike.org/pramana/in.purana.siva*complete-2.2.2.39.36) mayi paśya jagatsarvaṃ tvayā yuktamatandritaḥ | brahmāṇaṃ ca tathā rudraṃ divyāṃ dṛṣṭiṃ dadāmi te || ### [2.2.39.37](https://indike.org/pramana/in.purana.siva*complete-2.2.2.39.37) brahmovāca | ityuktvā darśayāmāsa svatanau nikhilaṃ muniḥ | brahmāṇḍaṃ cyāvaniḥ śambhutejasā pūrṇadehakaḥ || ### [2.2.39.38](https://indike.org/pramana/in.purana.siva*complete-2.2.2.39.38) tadāha viṣṇuṃ deveśaṃ dadhīcaḥ śaivasattamaḥ | saṃsmaran śaṅkaraṃ citte vihasan vibhayaḥ sudhīḥ || ### [2.2.39.39](https://indike.org/pramana/in.purana.siva*complete-2.2.2.39.39) dadhīca uvāca | māyayā tvanayā kiṃ vā mantraśaktyātha vā hare | satkāmanāmimāṃ kṛtvā yoddhumarhasi yatnataḥ || ### [2.2.39.40](https://indike.org/pramana/in.purana.siva*complete-2.2.2.39.40) brahmovāca | etacchutvā munestasya vacanaṃ nirbhayastadā | śambhutejomayaṃ viṣṇuḥ cukopātīva taṃ munim || ### [2.2.39.41](https://indike.org/pramana/in.purana.siva*complete-2.2.2.39.41) devāśca dudruvurbhūyo devaṃ nārāyaṇaṃ ca tam | yoddhukāmāśca muninā dadhīcena pratāpinā || ### [2.2.39.42](https://indike.org/pramana/in.purana.siva*complete-2.2.2.39.42) etasminnantare tatrāgamanmatsaṅgamaḥ kṣuvaḥ | avārayantaṃ niśceṣṭaṃ padmayoniṃ hariṃ surān || ### [2.2.39.43](https://indike.org/pramana/in.purana.siva*complete-2.2.2.39.43) niśamya vacanaṃ me hi brāhmaṇo na vinirjitaḥ | jagāma nikaṭaṃ tasya praṇanāma muniṃ hariḥ || ### [2.2.39.44](https://indike.org/pramana/in.purana.siva*complete-2.2.2.39.44) kṣuvo dīnataro bhūtvā gatvā tatra munīśvaram | dadhīcamabhivādyaiva prārthayāmāsa viklavaḥ || ### [2.2.39.45](https://indike.org/pramana/in.purana.siva*complete-2.2.2.39.45) kṣuva uvāca | prasīda muniśārdūla śivabhaktaśiromaṇe | prasīda parameśāna durlakṣyo durjanaiḥ sadā || ### [2.2.39.46](https://indike.org/pramana/in.purana.siva*complete-2.2.2.39.46) brahmovāca | ityākarṇya vacastasya rājñaḥ suragaṇasya hi | anujagrāha taṃ vipro dadhīcastapasāṃ nidhiḥ || ### [2.2.39.47](https://indike.org/pramana/in.purana.siva*complete-2.2.2.39.47) atha dṛṣṭvā rameśādīn krodhavihvalito muniḥ | hṛdi smṛtvā śivaṃ viṣṇuṃ śaśāpa ca surānapi || ### [2.2.39.48](https://indike.org/pramana/in.purana.siva*complete-2.2.2.39.48) dadhīca uvāca | rudrakopāgninā devāḥ sadevendrā munīśvarāḥ | dhvastā bhavantu devena viṣṇunā ca samaṃ gaṇaiḥ || ### [2.2.39.49](https://indike.org/pramana/in.purana.siva*complete-2.2.2.39.49) brahmovāca | evaṃ śaptvā surān prekṣya kṣuvamāha tato muniḥ | devaiśca pūjyo rājendra nṛpaiścaiva dvijottamaḥ || ### [2.2.39.50](https://indike.org/pramana/in.purana.siva*complete-2.2.2.39.50) brāhmaṇā eva rājendra balinaḥ prabhaviṣṇavaḥ | ityuktvā sa sphuṭaṃ vipraḥ praviveśa nijāśramam || ### [2.2.39.51](https://indike.org/pramana/in.purana.siva*complete-2.2.2.39.51) dadhīcamabhivandyaiva kṣuvo nijagṛhaṃ gataḥ | viṣṇurjagāma svaṃ lokaṃ suraiḥ saha yathāgatam || ### [2.2.39.52](https://indike.org/pramana/in.purana.siva*complete-2.2.2.39.52) tadevaṃ tīrthamabhavat sthāneśvara iti smṛtam | sthāneśvaramanuprāpya śivasāyujyamāpnuyāt || ### [2.2.39.53](https://indike.org/pramana/in.purana.siva*complete-2.2.2.39.53) kathitastava saṅkṣepādvādaḥ kṣuvadadhīcayoḥ | nṛpāptaśāpayostāta brahmaviṣṇvoḥ śivaṃ vinā || ### [2.2.39.54](https://indike.org/pramana/in.purana.siva*complete-2.2.2.39.54) ya idaṃ kīrtayennityaṃ vādaṃ kṣuvadadhīcayoḥ | jitvāpamṛtyuṃ dehānte brahmalokaṃ prayāti saḥ || ### [2.2.39.55](https://indike.org/pramana/in.purana.siva*complete-2.2.2.39.55) raṇe yaḥ kīrtayitvedaṃ praviśettasya sarvadā | mṛtyubhītirbhavennaiva vijayī ca bhaviṣyati || ### [2.2.39.55.c1](https://indike.org/pramana/in.purana.siva*complete-2.2.2.39.55.c1) iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṇḍe viṣṇudadhīcayuddhavarṇanaṃ nāmaikonacatvāriṃśo'dhyāyaḥ || ### [2.2.39.55.p2](https://indike.org/pramana/in.purana.siva*complete-2.2.2.39.55.p2) śrīgaṇeśāya namaḥ || ### [2.2.39.55.p3](https://indike.org/pramana/in.purana.siva*complete-2.2.2.39.55.p3) śrīgaurīśaṅkarābhyāṃ namaḥ || ### [2.2.39.55.p4](https://indike.org/pramana/in.purana.siva*complete-2.2.2.39.55.p4) śrīśivamahāpurāṇam || ### [2.2.39.55.p5](https://indike.org/pramana/in.purana.siva*complete-2.2.2.39.55.p5) dvitīyāyāṃ rudrasaṃhitāyāṃ dvitīyaḥ satīkhaṇḍe ## Linked texts (4) - [Liṅgapurāṇa](https://indike.org/pramana/in.purana.linga.1.36.34) — Vyāsa, Sanskrit - [Liṅga](https://indike.org/pramana/in.purana.linga-anon.42.37) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.42.37) — Ativīrarāma Pāṇṭiyar 1500, Sanskrit - [Vīramaheśvarācāryasaṃgraha](https://indike.org/pramana/in.sampradaya.saiva.virasaiva.viramahesvaracaryasamgraha.30.52) — Nīlakaṇṭha Nāganātha, Sanskrit --- Source: [https://indike.org/pramana/in.purana.siva*complete-2.2.2.39](https://indike.org/pramana/in.purana.siva*complete-2.2.2.39) · Pramāṇa