[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.2.41 # Shivapurana 2.2.41: ekacatvāriṃśo'dhyāyaḥ | devaiḥ kṛtā śivastutiḥ Śivapurāṇa (complete text) 2.2.41 - **Language:** Sanskrit ## Contents - [2.2.41.52](https://indike.org/pramana/in.purana.siva*complete-2.2.2.41.52) — 5 parts ### ekacatvāriṃśo'dhyāyaḥ | devaiḥ kṛtā śivastutiḥ ### [2.2.41.1](https://indike.org/pramana/in.purana.siva*complete-2.2.2.41.1) viṣṇvādaya ūcuḥ | devadeva mahādeva laukikācārakṛtprabho | brahma tvāmīśvaraṃ śambhuṃ jānīmaḥ kṛpayā tava || ### [2.2.41.2](https://indike.org/pramana/in.purana.siva*complete-2.2.2.41.2) kiṃ mohayasi nastāta māyayā parayā tava | durjñeyayā sadā puṃsāṃ mohinyā parameśvara || ### [2.2.41.3](https://indike.org/pramana/in.purana.siva*complete-2.2.2.41.3) prakṛteḥ puruṣasyāpi jagato yonibījayoḥ | parabrahma parastvaṃ ca manovācāmagocaraḥ || ### [2.2.41.4](https://indike.org/pramana/in.purana.siva*complete-2.2.2.41.4) tvameva viśvaṃ sṛjasi pāsyatsi nijatantrataḥ | svarūpāṃ śivaśaktiṃ hi krīḍannūrṇapaṭo yathā || ### [2.2.41.5](https://indike.org/pramana/in.purana.siva*complete-2.2.2.41.5) tvameva kratumīśāna sasarjitha dayāparaḥ | dakṣeṇa sūtreṇa vibho sadā trayyabhipattaye || ### [2.2.41.6](https://indike.org/pramana/in.purana.siva*complete-2.2.2.41.6) tvayaiva loke'vasitāḥ setavo yān dhṛtavratāḥ | śuddhān śraddadhate viprā vedamārgavicakṣaṇāḥ || ### [2.2.41.7](https://indike.org/pramana/in.purana.siva*complete-2.2.2.41.7) kartustvaṃ maṅgalānāṃ hi svaparaṃ tu sukhe vibho | amaṅgalānāṃ ca hitaṃ miśraṃ vātha viparyayam || ### [2.2.41.8](https://indike.org/pramana/in.purana.siva*complete-2.2.2.41.8) sarvakarmaphalānāṃ hi sadā dātā tvameva hi | sarve hi proktāḥ paśavastatpatistvaṃ śrutiśrutaḥ || ### [2.2.41.9](https://indike.org/pramana/in.purana.siva*complete-2.2.2.41.9) pṛthagdhiyaḥ karmadṛśo'runtudāśca durāśayāḥ | vitudanti parān mūḍhā duruktairmatsarānvitāḥ || ### [2.2.41.10](https://indike.org/pramana/in.purana.siva*complete-2.2.2.41.10) teṣāṃ daivavadhānāṃ bho bhūyāttvacca vadho vibho | bhagavanparameśāna kṛpāṃ kuru paraprabho || ### [2.2.41.11](https://indike.org/pramana/in.purana.siva*complete-2.2.2.41.11) namo rudrāya śāntāya brahmaṇe paramātmane | kapardine maheśāya jyotsnāya mahate namaḥ || ### [2.2.41.12](https://indike.org/pramana/in.purana.siva*complete-2.2.2.41.12) tvaṃ hi viśvasṛjāṃ sraṣṭā dhātā tvaṃ prapitāmahaḥ | triguṇātmā nirguṇaśca prakṛteḥ puruṣātparaḥ || ### [2.2.41.13](https://indike.org/pramana/in.purana.siva*complete-2.2.2.41.13) namaste nīlakaṇṭhāya vedhase paramātmane | viśvāya viśvabījāya jagadānandahetave || ### [2.2.41.14](https://indike.org/pramana/in.purana.siva*complete-2.2.2.41.14) oṅkārastvaṃ vaṣaṭkāraḥ sarvārambhapravartakaḥ | hantakāraḥ svadhākāro havyakavyānnabhuk sadā || ### [2.2.41.15](https://indike.org/pramana/in.purana.siva*complete-2.2.2.41.15) kṛtaḥ kathaṃ yajñabhaṅgastvayā dharmaparāyaṇa | brahmaṇyastvaṃ mahādeva kathaṃ yajñahano vibho || ### [2.2.41.16](https://indike.org/pramana/in.purana.siva*complete-2.2.2.41.16) brāhmaṇānāṃ gavāṃ caiva dharmasya pratipālakaḥ | śaraṇyo'si sadānantyaḥ sarveṣāṃ prāṇināṃ prabho || ### [2.2.41.17](https://indike.org/pramana/in.purana.siva*complete-2.2.2.41.17) namaste bhagavan rudra bhāskarāmitatejase | namo bhavāya devāya rasāyāmbumayāya te || ### [2.2.41.18](https://indike.org/pramana/in.purana.siva*complete-2.2.2.41.18) śarvāya kṣitirūpāya sadā surabhiṇe namaḥ | rudrāyāgnisvarūpāya mahātejasvine namaḥ || ### [2.2.41.19](https://indike.org/pramana/in.purana.siva*complete-2.2.2.41.19) īśāya vāyave tubhyaṃ saṃsparśāya namo namaḥ | paśūnāṃ pataye tubhyaṃ yajamānāya vedhase || ### [2.2.41.20](https://indike.org/pramana/in.purana.siva*complete-2.2.2.41.20) bhīmāya vyomarūpāya śabdamātrāya te namaḥ | mahādevāya somāya pravṛttāya namo'stu te || ### [2.2.41.21](https://indike.org/pramana/in.purana.siva*complete-2.2.2.41.21) ugrāya sūryarūpāya namaste karmayogine | namaste kālakālāya namaste rudramanyave || ### [2.2.41.22](https://indike.org/pramana/in.purana.siva*complete-2.2.2.41.22) namaḥ śivāya bhīmāya śaṅkarāya śivāya te | ugro'si sarvabhūtānāṃ niyantā yacchivo'si naḥ || ### [2.2.41.23](https://indike.org/pramana/in.purana.siva*complete-2.2.2.41.23) mayaskarāya viśvāya brahmaṇe hyārtināśine | ambikāpataye tubhyamumāyāḥ pataye namaḥ || ### [2.2.41.24](https://indike.org/pramana/in.purana.siva*complete-2.2.2.41.24) śarvāya sarvarūpāya puruṣāya parātmane | sadasadvyaktihīnāya mahataḥ kāraṇāya te || ### [2.2.41.25](https://indike.org/pramana/in.purana.siva*complete-2.2.2.41.25) jātāya bahudhā loke prabhūtāya namo namaḥ | nīlāya nīlarudrāya kadrudrāya pracetase || ### [2.2.41.26](https://indike.org/pramana/in.purana.siva*complete-2.2.2.41.26) mīḍhuṣṭamāya devāya śipiviṣṭāya te namaḥ | mahīyase namastubhyaṃ hantre devāriṇāṃ sadā || ### [2.2.41.27](https://indike.org/pramana/in.purana.siva*complete-2.2.2.41.27) tārāya ca sutārāya taruṇāya sutejase | harikeśāya devāya maheśāya namo namaḥ || ### [2.2.41.28](https://indike.org/pramana/in.purana.siva*complete-2.2.2.41.28) devānāṃ śambhave tubhyaṃ vibhave paramātmane | paramāya namastubhyaṃ kālakaṇṭhāya te namaḥ || ### [2.2.41.29](https://indike.org/pramana/in.purana.siva*complete-2.2.2.41.29) hiraṇyāya pareśāya hiraṇyavapuṣe namaḥ | bhīmāya bhīmarūpāya bhīmakarmaratāya ca || ### [2.2.41.30](https://indike.org/pramana/in.purana.siva*complete-2.2.2.41.30) bhasmadigdhaśarīrāya rudrākṣābharaṇāya ca | namo hrasvāya dīrghāya vāmanāya namo'stu te || ### [2.2.41.31](https://indike.org/pramana/in.purana.siva*complete-2.2.2.41.31) dūrevadhāya te devāgrevadhāya namo namaḥ | dhanvine śūline tubhyaṃ gadine haline namaḥ || ### [2.2.41.32](https://indike.org/pramana/in.purana.siva*complete-2.2.2.41.32) nānāyudhadharāyaiva daityadānavanāśine | sadyāya sadyarūpāya sadyojātāya vai namaḥ || ### [2.2.41.33](https://indike.org/pramana/in.purana.siva*complete-2.2.2.41.33) vāmāya vāmarūpāya vāmanetrāya te namaḥ | aghorāya pareśāya vikaṭāya namo namaḥ || ### [2.2.41.34](https://indike.org/pramana/in.purana.siva*complete-2.2.2.41.34) tatpuruṣāya nāthāya purāṇapuruṣāya ca | puruṣārthapradānāya vratine parameṣṭhine || ### [2.2.41.35](https://indike.org/pramana/in.purana.siva*complete-2.2.2.41.35) īśānāya namastubhyamīśvarāya namo namaḥ | brahmaṇe brahmarūpāya namaḥ sākṣātparātmane || ### [2.2.41.36](https://indike.org/pramana/in.purana.siva*complete-2.2.2.41.36) ugro'si sarvaduṣṭānāṃ niyantāsi śivo'si naḥ | kālakūṭāśine tubhyaṃ devādyavanakāriṇe || ### [2.2.41.37](https://indike.org/pramana/in.purana.siva*complete-2.2.2.41.37) vīrāya vīrabhadrāya rakṣadvīrāya śūline | mahādevāya mahate paśūnāṃ pataye namaḥ || ### [2.2.41.38](https://indike.org/pramana/in.purana.siva*complete-2.2.2.41.38) vīrātmane suvidyāya śrīkaṇṭhāya pinākine | namo'nantāya sūkṣmāya namaste mṛtyumanyave || ### [2.2.41.39](https://indike.org/pramana/in.purana.siva*complete-2.2.2.41.39) parāya parameśāya parātparatarāya te | parātparāya vibhave namaste viśvamūrtaye || ### [2.2.41.40](https://indike.org/pramana/in.purana.siva*complete-2.2.2.41.40) namo viṣṇukalatrāya viṣṇukṣetrāya bhānave | bhairavāya śaraṇyāya tryambakāya vihāriṇe || ### [2.2.41.41](https://indike.org/pramana/in.purana.siva*complete-2.2.2.41.41) mṛtyuñjayāya śokāya triguṇāya guṇātmane | candrasūryāgninetrāya sarvakāraṇasetave || ### [2.2.41.42](https://indike.org/pramana/in.purana.siva*complete-2.2.2.41.42) bhavatā hi jagatsarvaṃ vyāptaṃ svenaiva tejasā | parabrahma nirvikārī cidānandaḥ prakāśavān || ### [2.2.41.43](https://indike.org/pramana/in.purana.siva*complete-2.2.2.41.43) brahmaviṣṇvindracandrādipramukhāḥsakalāḥ surāḥ | munayaścāpare tvattaḥ samprasūtā maheśvara || ### [2.2.41.44](https://indike.org/pramana/in.purana.siva*complete-2.2.2.41.44) yato bibharṣi sakalaṃ vibhajya tanumaṣṭadhā | aṣṭamūrtiritīśaśca tvamādyaḥ karuṇāmayaḥ || ### [2.2.41.45](https://indike.org/pramana/in.purana.siva*complete-2.2.2.41.45) tvadbhayādvāti vāto'yaṃ dahatyagnirbhayāttava | sūryastapati te bhītyā mṛtyurdhāvati sarvataḥ || ### [2.2.41.46](https://indike.org/pramana/in.purana.siva*complete-2.2.2.41.46) dayāsindho maheśāna prasīda parameśvara | rakṣa rakṣa sadaivāsmān yasmānnaṣṭān vicetasaḥ || ### [2.2.41.47](https://indike.org/pramana/in.purana.siva*complete-2.2.2.41.47) rakṣitāḥ satataṃ nātha tvayaiva karuṇānidhe | nānāpadbhyo vayaṃ śambho tathaivādya prapāhi naḥ || ### [2.2.41.48](https://indike.org/pramana/in.purana.siva*complete-2.2.2.41.48) yajñasyoddharaṇaṃ nātha kuru śīghraṃ prasādakṛt | asamāptasya durgeśa dakṣasya ca prajāpateḥ || ### [2.2.41.49](https://indike.org/pramana/in.purana.siva*complete-2.2.2.41.49) bhago'kṣiṇī prapadyeta yajamānaśca jīvatu | pūṣṇo dantāśca rohantu bhṛgoḥ śmaśrūṇi pūrvavat || ### [2.2.41.50](https://indike.org/pramana/in.purana.siva*complete-2.2.2.41.50) bhavatānugṛhītānāṃ devādīnāṃ ca sarvaśaḥ | ārogyaṃ bhagnagātrāṇāṃ śaṅkara tvāyudhāśmabhiḥ || ### [2.2.41.51](https://indike.org/pramana/in.purana.siva*complete-2.2.2.41.51) pūrṇabhāgo'stu te nāthāvaśiṣṭe'dhvarakarmaṇi | rudrabhāgena yajñaste kalpito nānyathā kvacit || ### [2.2.41.52](https://indike.org/pramana/in.purana.siva*complete-2.2.2.41.52) ityuktvā saprajeśaśca rameśaśca kṛtāñjaliḥ | daṇḍavatpatito bhūmau kṣamāpayitumudyataḥ || ### [2.2.41.52.c1](https://indike.org/pramana/in.purana.siva*complete-2.2.2.41.52.c1) iti śrīśivamahāpurāṇe dvitīyāyāṃ rudrasaṃhitāyāṃ dvitīye satīkhaṇḍe devastutivarṇanaṃ nāmaikacatvāriṃśo'dhyāyaḥ || ### [2.2.41.52.p2](https://indike.org/pramana/in.purana.siva*complete-2.2.2.41.52.p2) śrīgaṇeśāya namaḥ || ### [2.2.41.52.p3](https://indike.org/pramana/in.purana.siva*complete-2.2.2.41.52.p3) śrīgaurīśaṅkarābhyāṃ namaḥ || ### [2.2.41.52.p4](https://indike.org/pramana/in.purana.siva*complete-2.2.2.41.52.p4) śrīśivamahāpurāṇam || ### [2.2.41.52.p5](https://indike.org/pramana/in.purana.siva*complete-2.2.2.41.52.p5) dvitīyāyāṃ rudrasaṃhitāyāṃ dvitīyaḥ satīkhaṇḍe ## Linked texts (2) - [Hālāsyamāhātmya](https://indike.org/pramana/in.purana.sthala.halasya.3.136) — Sanskrit - [Vidhānapārijāta](https://indike.org/pramana/in.niti.dharma.nibandha.mahanibandha.vidhanaparijata.6.p8) — Ananta Bhaṭṭa 1600, Sanskrit --- Source: [https://indike.org/pramana/in.purana.siva*complete-2.2.2.41](https://indike.org/pramana/in.purana.siva*complete-2.2.2.41) · Pramāṇa