[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3.26 # Shivapurana 2.3.26: ṣaḍviṃśo'dhyāyaḥ | pārvatī-jaṭilasaṃvādaḥ Śivapurāṇa (complete text) 2.3.26 - **Language:** Sanskrit ## Contents - [2.3.26.44](https://indike.org/pramana/in.purana.siva*complete-2.2.3.26.44) — 5 parts ### ṣaḍviṃśo'dhyāyaḥ | pārvatī-jaṭilasaṃvādaḥ ### [2.3.26.1](https://indike.org/pramana/in.purana.siva*complete-2.2.3.26.1) brahmovāca | gateṣu teṣu muniṣu svaṃ lokaṃ śaṅkaraḥ svayam | parīkṣituṃ tapo devyā aicchatsūtikaraḥ prabhuḥ || ### [2.3.26.2](https://indike.org/pramana/in.purana.siva*complete-2.2.3.26.2) parīkṣāchadmanā śambhurdraṣṭuṃ tāṃ tuṣṭamānasaḥ | jaṭilaṃ rūpamāsthāya sa yayau pārvatīvanam || ### [2.3.26.3](https://indike.org/pramana/in.purana.siva*complete-2.2.3.26.3) atīva sthaviro vipradehadhārī svatejasā | prajvalanmanasā hṛṣṭo daṇḍī chatrī babhūva saḥ || ### [2.3.26.4](https://indike.org/pramana/in.purana.siva*complete-2.2.3.26.4) tatrāpaśyatsthitāṃ devīṃ sakhībhiḥ parivāritām | vedikopari śuddhāṃ tāṃ śivāmiva vidhoḥ kalām || ### [2.3.26.5](https://indike.org/pramana/in.purana.siva*complete-2.2.3.26.5) śambhurnirīkṣya tāṃ devīṃ brahmacārisvarūpavān | upakaṇṭhaṃ yayau prītyā tadāsau bhaktavatsalaḥ || ### [2.3.26.6](https://indike.org/pramana/in.purana.siva*complete-2.2.3.26.6) āgataṃ taṃ tadā dṛṣṭvā brāhmaṇaṃ tejasādbhutam | apūjayacchivā devī sarvapūjopahārakaiḥ || ### [2.3.26.7](https://indike.org/pramana/in.purana.siva*complete-2.2.3.26.7) susatkṛtaṃ saṃvidhābhiḥ pūjitaṃ parayā mudā | pārvatī kuśalaṃ prītyā papraccha dvijamādarāt || ### [2.3.26.8](https://indike.org/pramana/in.purana.siva*complete-2.2.3.26.8) pārvatyuvāca | brahmacārisvarūpeṇa kastvaṃ hi kuta āgataḥ | idaṃ vanaṃ bhāsayase vada vedavidāṃ vara || ### [2.3.26.9](https://indike.org/pramana/in.purana.siva*complete-2.2.3.26.9) vipra uvāca | ahamicchābhigāmī ca vṛddho vipratanuḥ sudhīḥ | tapasvī sukhado'nyeṣāmupakārī na saṃśayaḥ || ### [2.3.26.10](https://indike.org/pramana/in.purana.siva*complete-2.2.3.26.10) kā tvaṃ kasyāsi tanayā kimarthaṃ vijane vane | tapaścarasi durdharṣaṃ munibhiḥ prapadairapi || ### [2.3.26.11](https://indike.org/pramana/in.purana.siva*complete-2.2.3.26.11) na bālā na ca vṛddhāsi taruṇī bhāsi śobhanā | kathaṃ patiṃ vinā tīkṣṇaṃ tapaścarasi vai vane || ### [2.3.26.12](https://indike.org/pramana/in.purana.siva*complete-2.2.3.26.12) kiṃ tvaṃ tapasvinī bhadre kasyacitsahacāriṇī | tapasvī sa na puṣṇāti devi tvāṃ ca gato'nyataḥ || ### [2.3.26.13](https://indike.org/pramana/in.purana.siva*complete-2.2.3.26.13) vada kasya kule jātā kaḥ pitā tava kābhidhā | mahāsaubhāgyarūpā tvaṃ vṛthā tava taporatiḥ || ### [2.3.26.14](https://indike.org/pramana/in.purana.siva*complete-2.2.3.26.14) kiṃ tvaṃ vedaprasūrlakṣmīḥ kiṃ surūpā sarasvatī | etāsu madhye kā vā tvaṃ nāhaṃ tarkitumutsahe || ### [2.3.26.15](https://indike.org/pramana/in.purana.siva*complete-2.2.3.26.15) pārvatyuvāca | nāhaṃ vedaprasūrvipra na lakṣmīśca sarasvatī | ahaṃ himācalasutā sāmprataṃ nāma pārvatī || ### [2.3.26.16](https://indike.org/pramana/in.purana.siva*complete-2.2.3.26.16) purā dakṣasutā jātā satī nāmānyajanmani | yogena tyaktadehāhaṃ yatpitrā ninditaḥ patiḥ || ### [2.3.26.17](https://indike.org/pramana/in.purana.siva*complete-2.2.3.26.17) atra janmani samprāptaḥ śivo'pi vidhivaibhavāt | māṃ tyaktvā bhasmasātkṛtya manmathaṃ sa jagāma ha || ### [2.3.26.18](https://indike.org/pramana/in.purana.siva*complete-2.2.3.26.18) prayāte śaṅkare tāpodvijitāhaṃ piturgṛhāt | āgatā tapase vipra sudṛḍhā svarṇadītaṭe || ### [2.3.26.19](https://indike.org/pramana/in.purana.siva*complete-2.2.3.26.19) kṛtvā tapaḥ kaṭhoraṃ ca suciraṃ prāṇavallabham | na prāpyāgnau vivikṣantī tvāṃ dṛṣṭvā saṃsthitā kṣaṇam || ### [2.3.26.20](https://indike.org/pramana/in.purana.siva*complete-2.2.3.26.20) gaccha tvaṃ praviśāmyagnau śivenāṅgīkṛtā na hi | yatra yatra janurlapsye variṣyāmi śivaṃ varam || ### [2.3.26.21](https://indike.org/pramana/in.purana.siva*complete-2.2.3.26.21) brahmovāca | ityuktvā pārvatī vahnau tatpuraḥ praviveśa sā | niṣidhyamānā purato brāhmaṇena punaḥ punaḥ || ### [2.3.26.22](https://indike.org/pramana/in.purana.siva*complete-2.2.3.26.22) vahnipraveśaṃ kurvatyāḥ pārvatyāstatprabhāvataḥ | babhūva tatkṣaṇaṃ sadyo vahniścandanapaṅkavat || ### [2.3.26.23](https://indike.org/pramana/in.purana.siva*complete-2.2.3.26.23) kṣaṇaṃ tadantare sthitvā hyutpatantīṃ divaṃ dvijaḥ | punaḥ papraccha sahasā vihasansutanuṃ śivaḥ || ### [2.3.26.24](https://indike.org/pramana/in.purana.siva*complete-2.2.3.26.24) dvija uvāca | aho tapaste kiṃ bhadre na buddhaṃ kiñcideva hi | na dagdho vahninā deho na ca prāptaṃ manīṣitam || ### [2.3.26.25](https://indike.org/pramana/in.purana.siva*complete-2.2.3.26.25) ataḥ satyaṃ nikāmaṃ vai vada devi manoratham | mamāgre vipravaryasya sarvānandapradasya hi || ### [2.3.26.26](https://indike.org/pramana/in.purana.siva*complete-2.2.3.26.26) yathāvidhi tvayā devi kīrtyatāṃ sarvathātmanā | tasmānmaitrī ca sañjātā kāryaṃ gopyaṃ tvayā na hi || ### [2.3.26.27](https://indike.org/pramana/in.purana.siva*complete-2.2.3.26.27) kimicchasi varaṃ devi praṣṭumicchāmyataḥ param | tvayyeva tadasau devi phalaṃ sarvaṃ pradṛśyate || ### [2.3.26.28](https://indike.org/pramana/in.purana.siva*complete-2.2.3.26.28) parārthe ca tapaścedvai tiṣṭhettu tapa eva tat | ratnaṃ haste samādāya hitvā kācastu sañcitaḥ || ### [2.3.26.29](https://indike.org/pramana/in.purana.siva*complete-2.2.3.26.29) īdṛśaṃ tava saundaryaṃ kathaṃ vyarthīkṛtaṃ tvayā | hitvā vastrāṇyanekāni carmādi ca dhṛtaṃ tvayā || ### [2.3.26.30](https://indike.org/pramana/in.purana.siva*complete-2.2.3.26.30) tatsarvaṃ kāraṇaṃ brūhi tapasastvasya satyataḥ | tacchrutvā vipravaryo'haṃ yathā harṣamavāpnuyām || ### [2.3.26.31](https://indike.org/pramana/in.purana.siva*complete-2.2.3.26.31) brahmovāca | iti pṛṣṭā tadā tena sakhīṃ prairayatāmbikā | tanmukhenaiva tatsarvaṃ kathayāmāsa suvratā || ### [2.3.26.32](https://indike.org/pramana/in.purana.siva*complete-2.2.3.26.32) tayā ca preritā tatra pārvatyā vijayābhidhā | prāṇapriyā suvratajñā sakhī jaṭilamabravīt || ### [2.3.26.33](https://indike.org/pramana/in.purana.siva*complete-2.2.3.26.33) sakhyuvāca | śṛṇu sādho pravakṣyāmi pārvatīcaritaṃ param | hetuṃ ca tapasassarvaṃ yadi tvaṃ śrotumicchasi || ### [2.3.26.34](https://indike.org/pramana/in.purana.siva*complete-2.2.3.26.34) sakhī me girirājasya suteyaṃ himabhūbhṛtaḥ | khyātā vai pārvatī nāmnā tasyā mātāsti menakā || ### [2.3.26.35](https://indike.org/pramana/in.purana.siva*complete-2.2.3.26.35) ūḍheyaṃ na ca kenāpi na vāñchati śivātparam | trīṇi varṣasahasrāṇi tapaścaraṇasādhinī || ### [2.3.26.36](https://indike.org/pramana/in.purana.siva*complete-2.2.3.26.36) tadarthaṃ me'nayā sakhyā prārabdhaṃ tapa īdṛśam | tadatra kāraṇaṃ vakṣye śṛṇu sādho dvijottama || ### [2.3.26.37](https://indike.org/pramana/in.purana.siva*complete-2.2.3.26.37) hitvendrapramukhāndevān hariṃ brahmāṇameva ca | patiṃ pinākapāṇiṃ vai prāptumicchati pārvatī || ### [2.3.26.38](https://indike.org/pramana/in.purana.siva*complete-2.2.3.26.38) iyaṃ sakhī madīyā vai vṛkṣānāropayatpurā | teṣu sarveṣu sañjātaṃ phalapuṣpādikaṃ dvija || ### [2.3.26.39](https://indike.org/pramana/in.purana.siva*complete-2.2.3.26.39) rūpasārthāya janakakulālaṅkaraṇāya ca | samuddiśya maheśānaṃ kāmasyānugrahāya ca || ### [2.3.26.40](https://indike.org/pramana/in.purana.siva*complete-2.2.3.26.40) matsakhī nāradadeśāttapastapati dāruṇam | manorathaṃ kutastasyā na phaliṣyati tāpasa || ### [2.3.26.41](https://indike.org/pramana/in.purana.siva*complete-2.2.3.26.41) yatte pṛṣṭaṃ dvijaśreṣṭha matsakhyā manasīpsitam | mayā khyātaṃ ca tatprītyā kimanyacchrotumicchasi || ### [2.3.26.42](https://indike.org/pramana/in.purana.siva*complete-2.2.3.26.42) brahmovāca | ityevaṃ vacanaṃ śrutvā vijayāyā yathārthataḥ | mune sa jaṭilo rudro vihasanvākyamabravīt || ### [2.3.26.43](https://indike.org/pramana/in.purana.siva*complete-2.2.3.26.43) jaṭila uvāca | sakhyedaṃ kathitaṃ tatra parihāso'numīyate | yathārthaṃ cettadā devī svamukhenābhibhāṣatām || ### [2.3.26.44](https://indike.org/pramana/in.purana.siva*complete-2.2.3.26.44) brahmovāca | ityukte ca tadā tena jaṭilena dvijanmanā | uvāca pārvatī devī svamukhenaiva taṃ dvijam || ### [2.3.26.44.c1](https://indike.org/pramana/in.purana.siva*complete-2.2.3.26.44.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe śivājaṭilasaṃvādo nāma ṣaḍviṃśo'dhyāyaḥ || ### [2.3.26.44.p2](https://indike.org/pramana/in.purana.siva*complete-2.2.3.26.44.p2) śrīgaṇeśāya namaḥ || ### [2.3.26.44.p3](https://indike.org/pramana/in.purana.siva*complete-2.2.3.26.44.p3) śrīgaurīśaṅkarābhyāṃ namaḥ || ### [2.3.26.44.p4](https://indike.org/pramana/in.purana.siva*complete-2.2.3.26.44.p4) śrīśivamahāpurāṇam || ### [2.3.26.44.p5](https://indike.org/pramana/in.purana.siva*complete-2.2.3.26.44.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ## Linked texts (6) - [Brahmavaivartapurāṇa](https://indike.org/pramana/in.purana.brahmavaivarta.3.38.79) — Vyāsa, Sanskrit - [Kālikāpurāṇa](https://indike.org/pramana/in.purana.upa.sakta.kalika.3.1918) — Sanskrit - [Kṛṣṇajanmakhaṇḍa](https://indike.org/pramana/in.purana.krsnajanmakhanda.50.38) — Sanskrit - [Janmakhaṇḍa](https://indike.org/pramana/in.sampradaya.general.sakta.janmakhanda.41.38) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.1.37.41) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.26.41) — Sanskrit --- Source: [https://indike.org/pramana/in.purana.siva*complete-2.2.3.26](https://indike.org/pramana/in.purana.siva*complete-2.2.3.26) · Pramāṇa