[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3.32 # Shivapurana 2.3.32: dvātriṃśo'dhyāyaḥ | saptarṣyāgamanam Śivapurāṇa (complete text) 2.3.32 - **Language:** Sanskrit ## Contents - [2.3.32.65](https://indike.org/pramana/in.purana.siva*complete-2.2.3.32.65) — 5 parts ### dvātriṃśo'dhyāyaḥ | saptarṣyāgamanam ### [2.3.32.1](https://indike.org/pramana/in.purana.siva*complete-2.2.3.32.1) brahmovāca | brāhmaṇasya vacaḥ śrutvā menovāca himālayam | śokenasādhunayanā hṛdayena vidūyatā || ### [2.3.32.2](https://indike.org/pramana/in.purana.siva*complete-2.2.3.32.2) menovāca | śṛṇu śailendra madvākyaṃ pariṇāme sukhāvaham | pṛccha śaivavarānsarvānkimuktaṃ brāhmaṇena ha || ### [2.3.32.3](https://indike.org/pramana/in.purana.siva*complete-2.2.3.32.3) nindānena kṛtā śambhorvaiṣṇavena dvijanmanā | śrutvā tāṃ me mano'tīva nirviṇṇaṃ hi nageśvara || ### [2.3.32.4](https://indike.org/pramana/in.purana.siva*complete-2.2.3.32.4) tasmai rudrāya śaileśa na dāsyāmi sutāmaham | kurūpaśīlanāmne hi sulakṣaṇayutāṃ nijām || ### [2.3.32.5](https://indike.org/pramana/in.purana.siva*complete-2.2.3.32.5) na manyase vaco cenme mariṣyāmi na saṃśayaḥ | tyakṣyāmi ca gṛhaṃ sadyo bhakṣayiṣyāmi vā viṣam || ### [2.3.32.6](https://indike.org/pramana/in.purana.siva*complete-2.2.3.32.6) gale baddhvāmbikāṃ rajjvā yāsyāmi gahanaṃ vanam | mahāmbudhau majjayiṣye tasmai dāsyāmi no sutām || ### [2.3.32.7](https://indike.org/pramana/in.purana.siva*complete-2.2.3.32.7) ityuktvāśu tathā gatvā menā kopālayaṃ śucā | tyaktvā hāraṃ rudantī sā cakāra śayanaṃ bhuvi || ### [2.3.32.8](https://indike.org/pramana/in.purana.siva*complete-2.2.3.32.8) etasminnantare tāta śambhunā sapta eva te | saṃsmṛtā ṛṣayaḥ sadyo virahavyākulātmanā || ### [2.3.32.9](https://indike.org/pramana/in.purana.siva*complete-2.2.3.32.9) ṛṣayaścaiva te sarve śambhunā saṃsmṛtā yadā | tadājagmuḥ svayaṃ sadyaḥ kalpavṛkṣā ivāpare || ### [2.3.32.10](https://indike.org/pramana/in.purana.siva*complete-2.2.3.32.10) arundhatī tathāyātā sākṣātsiddhirivāparā | tāndṛṣṭvā sūryasaṅkāśānvijahau svajapaṃ haraḥ || ### [2.3.32.11](https://indike.org/pramana/in.purana.siva*complete-2.2.3.32.11) sthitvāgre ṛṣayaḥ śreṣṭhā natvā stutvā śivaṃ mune | menire ca tadātmānaṃ kṛtārthaṃ te tapasvinaḥ || ### [2.3.32.12](https://indike.org/pramana/in.purana.siva*complete-2.2.3.32.12) tato vismayamāpannā namaskṛtya sthitāḥ punaḥ | procuḥ prāñjalayaste vai śivaṃ lokanamaskṛtam || ### [2.3.32.13](https://indike.org/pramana/in.purana.siva*complete-2.2.3.32.13) ṛṣaya ūcuḥ | sarvotkṛṣṭa mahārāja sārvabhauma divaukasām | svabhāgyaṃ varṇyate'smābhiḥ kiṃ punaḥ sakalottamam || ### [2.3.32.14](https://indike.org/pramana/in.purana.siva*complete-2.2.3.32.14) tapastaptaṃ tridhā pūrvaṃ vedādhyayanamuttamam | agnayaśca hutāḥ pūrvaṃ tīrthāni vividhāni ca || ### [2.3.32.15](https://indike.org/pramana/in.purana.siva*complete-2.2.3.32.15) vāṅmanaḥ kāyajaṃ kiñcitpuṇyaṃ smaraṇasambhavam | tatsarvaṃ saṅgataṃ cādya smaraṇānugrahāttava || ### [2.3.32.16](https://indike.org/pramana/in.purana.siva*complete-2.2.3.32.16) yo vai bhajati nityaṃ tvāṃ kṛtakṛtyo bhavennaraḥ | kiṃ puṇyaṃ varṇyate teṣāṃ yeṣāṃ ca smaraṇaṃ tava || ### [2.3.32.17](https://indike.org/pramana/in.purana.siva*complete-2.2.3.32.17) sarvotkṛṣṭā vayaṃ jātāḥ smaraṇātte sadāśiva | manorathapathaṃ naiva gacchasi tvaṃ kathañcana || ### [2.3.32.18](https://indike.org/pramana/in.purana.siva*complete-2.2.3.32.18) vāmanasya phalaṃ yadvajjanmāndhasya dṛśau yathā | vācālatvañca mūkasya raṅkasya nidhidarśanam || ### [2.3.32.19](https://indike.org/pramana/in.purana.siva*complete-2.2.3.32.19) paṅgorgirivarākrāntirvandhyāyāḥ prasavastathā | darśanaṃ bhavatastadvajjātaṃ no durlabhaṃ prabho || ### [2.3.32.20](https://indike.org/pramana/in.purana.siva*complete-2.2.3.32.20) adyaprabhṛti lokeṣu mānyāḥ pūjyā munīśvarāḥ | jātāste darśanādeva svamuccaiḥ padamāśritāḥ || ### [2.3.32.21](https://indike.org/pramana/in.purana.siva*complete-2.2.3.32.21) atra kiṃ bahunoktena sarvathā mānyatāṃ gatāḥ | darśanāttava deveśa sarvadeveśvarasya hi || ### [2.3.32.22](https://indike.org/pramana/in.purana.siva*complete-2.2.3.32.22) pūrṇānāṃ kiñca kartavyamasti cetparamā kṛpā | sadṛśaṃ sevakānāṃ tu deyaṃ kāryaṃ tvayā śubham || ### [2.3.32.23](https://indike.org/pramana/in.purana.siva*complete-2.2.3.32.23) brahmovāca | ityevaṃ vacanaṃ śrutvā teṣāṃ śambhurmaheśvaraḥ | laukikācāramāśritya ramyaṃ vākyamupādade || ### [2.3.32.24](https://indike.org/pramana/in.purana.siva*complete-2.2.3.32.24) śiva uvāca | ṛṣayaśca sadā pūjyā bhavantaśca viśeṣataḥ | yuṣmākaṃ kāraṇādviprāḥ smaraṇaṃ ca mayā kṛtam || ### [2.3.32.25](https://indike.org/pramana/in.purana.siva*complete-2.2.3.32.25) mamāvasthā bhavadbhiśca jñāyate hyupakārikā | sādhanīyā viśeṣeṇa lokānāṃ siddhihetave || ### [2.3.32.26](https://indike.org/pramana/in.purana.siva*complete-2.2.3.32.26) devānāṃ duḥkhamutpannaṃ tārakātsudurātmanaḥ | brahmaṇā ca varo dattaḥ kiṃ karomi durāsadaḥ || ### [2.3.32.27](https://indike.org/pramana/in.purana.siva*complete-2.2.3.32.27) mūrtayo'ṣṭau ca yāḥ proktā madīyāḥ paramarṣayaḥ | tāḥ sarvā upakārāya na tu svārthāya tatsphuṭam || ### [2.3.32.28](https://indike.org/pramana/in.purana.siva*complete-2.2.3.32.28) tathā ca kartukāmo'haṃ vivāhaṃ śivayā saha | tayā vai sutapastaptaṃ duṣkaraṃ paramarṣibhiḥ || ### [2.3.32.29](https://indike.org/pramana/in.purana.siva*complete-2.2.3.32.29) tasyai paraṃ phalaṃ deyamabhīṣṭaṃ taddhitāvaham | etādṛśaḥ paṇo me hi bhaktānandapradaḥ sphuṭam || ### [2.3.32.30](https://indike.org/pramana/in.purana.siva*complete-2.2.3.32.30) pārvatīvacanādbhikṣurūpo yāto girergṛham | ahaṃ pāvitavānkālīṃ yato līlāviśāradaḥ || ### [2.3.32.31](https://indike.org/pramana/in.purana.siva*complete-2.2.3.32.31) māṃ jñātvā tau paraṃ brahma dampatī parabhaktitaḥ | dātukāmāvabhūtāṃ ca svasutāṃ vedarītitaḥ || ### [2.3.32.32](https://indike.org/pramana/in.purana.siva*complete-2.2.3.32.32) devapreraṇayāhaṃ vai kṛtavānasmi nindanam | tadā svasya ca tadbhaktiṃ vihantuṃ vaiṣṇavātmanā || ### [2.3.32.33](https://indike.org/pramana/in.purana.siva*complete-2.2.3.32.33) tacchrutvā tau sunirviṇṇau taddhīnau sambabhūvatuḥ | svakanyāṃ necchato dātuṃ mahyaṃ hi munayo'dhunā || ### [2.3.32.34](https://indike.org/pramana/in.purana.siva*complete-2.2.3.32.34) tasmādbhavanto gacchantu himācalagṛhaṃ dhruvam | tatra gatvā girivaraṃ tatpatnīñca prabodhaya || ### [2.3.32.35](https://indike.org/pramana/in.purana.siva*complete-2.2.3.32.35) kathanīyaṃ prayatnena vacanaṃ vedasammitam | sarvathā karaṇīyaṃ tadyathā syātkāryamuttamam || ### [2.3.32.36](https://indike.org/pramana/in.purana.siva*complete-2.2.3.32.36) udvāhaṃ kartumicchāmi tatputryā saha sattamāḥ | svīkṛtastadvivāho me varo dattaśca tādṛśaḥ || ### [2.3.32.37](https://indike.org/pramana/in.purana.siva*complete-2.2.3.32.37) atra kiṃ bahunoktena bodhanīyo himālayaḥ | tathā menā ca boddhavyā devānāṃ syāddhitaṃ yathā || ### [2.3.32.38](https://indike.org/pramana/in.purana.siva*complete-2.2.3.32.38) bhavadbhiḥ kalpito yo vai vidhiḥ syādadhikastataḥ | bhavatāñcaiva kāryaṃ tu bhavantaḥ kāryabhāginaḥ || ### [2.3.32.39](https://indike.org/pramana/in.purana.siva*complete-2.2.3.32.39) brahmovāca | ityevaṃ vacanaṃ śrutvā munayaste'malāśayāḥ | ānandaṃ lebhire sarve prabhuṇānugrahīkṛtāḥ || ### [2.3.32.40](https://indike.org/pramana/in.purana.siva*complete-2.2.3.32.40) vayaṃ dhanyā abhūvaṃśca kṛtakṛtyāśca sarvathā | vandyā jātāśca sarveṣāṃ pūjanīyā viśeṣataḥ || ### [2.3.32.41](https://indike.org/pramana/in.purana.siva*complete-2.2.3.32.41) brahmaṇā viṣṇunā yo vai vandyaḥ sarvārthasādhakaḥ | so'smānpreṣayate preṣyānkārye lokasukhāvahe || ### [2.3.32.42](https://indike.org/pramana/in.purana.siva*complete-2.2.3.32.42) ayaṃ vai jagatāṃ svāmī pitā sā jananī matā | ayaṃ yuktaśca sambandho varddhatāṃ candravatsadā || ### [2.3.32.43](https://indike.org/pramana/in.purana.siva*complete-2.2.3.32.43) brahmovāca | ityuktvā ṛṣayo divyā namaskṛtya śivaṃ tadā | gatā ākāśamārgeṇa yatrāsti himavatpuram || ### [2.3.32.44](https://indike.org/pramana/in.purana.siva*complete-2.2.3.32.44) dṛṣṭvā tāṃ ca purīṃ divyāṃ ṛṣayaste'tivismitāḥ | varṇayantaśca svaṃ puṇyamabruvanvai parasparam || ### [2.3.32.45](https://indike.org/pramana/in.purana.siva*complete-2.2.3.32.45) ṛṣaya ūcuḥ | puṇyavanto vayaṃ dhanyā dṛṣṭvaitaddhimavatpuram | yasmādevaṃvidhe kārye śivenaiva niyojitāḥ || ### [2.3.32.46](https://indike.org/pramana/in.purana.siva*complete-2.2.3.32.46) alakāyāśca svargācca bhogavatyāstathā punaḥ | viśeṣeṇāmarāvatyā dṛśyate puramuttamam || ### [2.3.32.47](https://indike.org/pramana/in.purana.siva*complete-2.2.3.32.47) sugṛhāṇi suramyāṇi sphaṭikairvividhairvaraiḥ | maṇibhirvā vicitrāṇi racitānyaṅgaṇāni ca || ### [2.3.32.48](https://indike.org/pramana/in.purana.siva*complete-2.2.3.32.48) sūryakāntāśca maṇayaścandrakāntāstathaiva ca | gṛhe gṛhe vicitrāśca vṛkṣāḥ svargasamudbhavāḥ || ### [2.3.32.49](https://indike.org/pramana/in.purana.siva*complete-2.2.3.32.49) toraṇānāṃ tathā lakṣmīrdṛśyate ca gṛhe gṛhe | vividhāni vicitrāṇi śukahaṃsairvimānakaiḥ || ### [2.3.32.50](https://indike.org/pramana/in.purana.siva*complete-2.2.3.32.50) vitānāni vicitrāṇi cailavattoraṇaiḥ saha | jalāśayānyanekāni dīrghikā vividhāḥ sthitāḥ || ### [2.3.32.51](https://indike.org/pramana/in.purana.siva*complete-2.2.3.32.51) udyānāni vicitrāṇi prasannaiḥ pūjitānyatha | narāśca devatāḥ sarve striyaścāpsarasastathā || ### [2.3.32.52](https://indike.org/pramana/in.purana.siva*complete-2.2.3.32.52) karmabhūmau yājñikāśca paurāṇāḥ svargakāmyayā | kurvanti te vṛthā sarve vihāya himavatpuram || ### [2.3.32.53](https://indike.org/pramana/in.purana.siva*complete-2.2.3.32.53) yāvanna dṛṣṭametacca tāvatsvargaparā narāḥ | dṛṣṭmetadyadā viprāḥ kiṃ svargeṇa prayojanam || ### [2.3.32.54](https://indike.org/pramana/in.purana.siva*complete-2.2.3.32.54) brahmovāca | ityevamṛṣivaryāste varṇayantaḥ purañca tat | gatā haimālayaṃ sarve gṛhaṃ sarvasamṛddhimat || ### [2.3.32.55](https://indike.org/pramana/in.purana.siva*complete-2.2.3.32.55) tāndṛṣṭvā sūryasaṅkāśān himavānvismito'bravīt | dūrādākāśamārgasthānmunīnsapta sutejasaḥ || ### [2.3.32.56](https://indike.org/pramana/in.purana.siva*complete-2.2.3.32.56) himavānuvāca | saptaite sūryasaṅkāśāḥ samāyānti madantike | pūjā kāryā prayatnena munīnāṃ ca mayādhunā || ### [2.3.32.57](https://indike.org/pramana/in.purana.siva*complete-2.2.3.32.57) vayaṃ dhanyā gṛhasthāśca sarveṣāṃ sukhadāyinaḥ | yeṣāṃ gṛhe samāyānti mahātmāno yadīdṛśāḥ || ### [2.3.32.58](https://indike.org/pramana/in.purana.siva*complete-2.2.3.32.58) brahmovāca | etasminnantare caivākāśādetya bhuvi sthitān | sammukhe himavāndṛṣṭvā yayau mānapurassaram || ### [2.3.32.59](https://indike.org/pramana/in.purana.siva*complete-2.2.3.32.59) kṛtāñjalirnataskandhaḥ saptarṣīnsupraṇamya saḥ | pūjāṃ cakāra teṣāṃ vai bahumānapurassaram || ### [2.3.32.60](https://indike.org/pramana/in.purana.siva*complete-2.2.3.32.60) hitāḥ saptarṣayaste ca himavantaṃ nageśvaram | gṛhītvocuḥ prasannāsyā vacanaṃ maṅgalālayam || ### [2.3.32.61](https://indike.org/pramana/in.purana.siva*complete-2.2.3.32.61) yathāgrataśca tānkṛtvā dhanyo mama gṛhāśramaḥ | ityuktvāsanamānīya dadau bhaktipurassaram || ### [2.3.32.62](https://indike.org/pramana/in.purana.siva*complete-2.2.3.32.62) āsaneṣūpaviṣṭeṣu tadājñaptaḥ svayaṃ sthitaḥ | uvāca himavāṃstatra munīn jyotirmayāṃstadā || ### [2.3.32.63](https://indike.org/pramana/in.purana.siva*complete-2.2.3.32.63) himālaya uvāca | dhanyo hi kṛtakṛtyo'haṃ saphalaṃ jīvitaṃ mama | lokeṣu darśanīyo'haṃ bahutīrthasamo mataḥ || ### [2.3.32.64](https://indike.org/pramana/in.purana.siva*complete-2.2.3.32.64) yasmādbhavanto madgehamāgatā viṣṇurūpiṇaḥ | pūrṇānāṃ bhavatāṃ kāryaṃ kṛpaṇānāṃ gṛheṣu kim || ### [2.3.32.65](https://indike.org/pramana/in.purana.siva*complete-2.2.3.32.65) tathāpi kiñcitkāryaṃ ca sadṛśaṃ sevakasya me | kathanīyaṃ sudayayā saphalaṃ syājjanurmama || ### [2.3.32.65.c1](https://indike.org/pramana/in.purana.siva*complete-2.2.3.32.65.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe saptarṣyāgamanavarṇanaṃ nāma dvātriṃśo'dhyāyaḥ || ### [2.3.32.65.p2](https://indike.org/pramana/in.purana.siva*complete-2.2.3.32.65.p2) śrīgaṇeśāya namaḥ || ### [2.3.32.65.p3](https://indike.org/pramana/in.purana.siva*complete-2.2.3.32.65.p3) śrīgaurīśaṅkarābhyāṃ namaḥ || ### [2.3.32.65.p4](https://indike.org/pramana/in.purana.siva*complete-2.2.3.32.65.p4) śrīśivamahāpurāṇam || ### [2.3.32.65.p5](https://indike.org/pramana/in.purana.siva*complete-2.2.3.32.65.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ## Linked texts (2) - [Brahmavaivartapurāṇa](https://indike.org/pramana/in.purana.brahmavaivarta.3.39.63) — Vyāsa, Sanskrit - [Janmakhaṇḍa](https://indike.org/pramana/in.sampradaya.general.sakta.janmakhanda.42.29) — Sanskrit --- Source: [https://indike.org/pramana/in.purana.siva*complete-2.2.3.32](https://indike.org/pramana/in.purana.siva*complete-2.2.3.32) · Pramāṇa