[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3.46 # Shivapurana 2.3.46: ṣaṭcatśariṃśo'dhyāyaḥ | maṇḍapadvāre varāgamanavarṇanam Śivapurāṇa (complete text) 2.3.46 - **Language:** Sanskrit ## Contents - [2.3.46.36](https://indike.org/pramana/in.purana.siva*complete-2.2.3.46.36) — 5 parts ### ṣaṭcatśariṃśo'dhyāyaḥ | maṇḍapadvāre varāgamanavarṇanam ### [2.3.46.1](https://indike.org/pramana/in.purana.siva*complete-2.2.3.46.1) brahmovāca | atha śambhuḥ prasannātmā sadūtaṃ svagaṇaiḥsuraiḥ | sarvairanyairgirerdhāma jagāma sakutūhalam || ### [2.3.46.2](https://indike.org/pramana/in.purana.siva*complete-2.2.3.46.2) menāpi strīgaṇaistaiśca himācalavarapriyā | tata utthāya svagṛhābhyantaraṃ sā jagāma ha || ### [2.3.46.3](https://indike.org/pramana/in.purana.siva*complete-2.2.3.46.3) nīrājanārthaṃ śambhośca dīpapātrakarā satī | sarvarṣistrīgaṇaissākamagacchad dvāramādarāt || ### [2.3.46.4](https://indike.org/pramana/in.purana.siva*complete-2.2.3.46.4) tatrāgataṃ maheśānaṃ śaṅkaraṃ girijāvaram | dadarśa prītito menā sevitaṃ sakalaiḥ suraiḥ || ### [2.3.46.5](https://indike.org/pramana/in.purana.siva*complete-2.2.3.46.5) cārucampakavarṇābhaṃ pañcavaktraṃ trilocanam | īṣaddhāsyaprasannāsyaṃ ratnasvarṇādibhūṣitam || ### [2.3.46.6](https://indike.org/pramana/in.purana.siva*complete-2.2.3.46.6) mālatīmālayā yuktaṃ sadratnamukuṭojjvalam | satkaṇṭhābharaṇaṃ cāruvalayāṅgadabhūṣitam || ### [2.3.46.7](https://indike.org/pramana/in.purana.siva*complete-2.2.3.46.7) vahniśaucenātulena tvatisūkṣmeṇa cāruṇā | amūlyavastrayugmena vicitreṇātirājitam || ### [2.3.46.8](https://indike.org/pramana/in.purana.siva*complete-2.2.3.46.8) candanāgarukastūrīcārukuṅkumabhūṣitam | ratnadarpaṇahastaṃ ca kajjalojjvalalocanam || ### [2.3.46.9](https://indike.org/pramana/in.purana.siva*complete-2.2.3.46.9) sarvasvaprabhayācchannamatīva sumanoharam | atīva taruṇaṃ ramyaṃ bhūṣitāṅgaiśca bhūṣitam || ### [2.3.46.10](https://indike.org/pramana/in.purana.siva*complete-2.2.3.46.10) kāminīkāntamavyagraṃ koṭicandrānanāmbujam | koṭismarādhikatanucchaviṃ sarvāṅgasundaram || ### [2.3.46.11](https://indike.org/pramana/in.purana.siva*complete-2.2.3.46.11) īdṛgvidhaṃ sudevaṃ taṃ sthitaṃ svapurataḥ prabhum | dṛṣṭvā jāmātaraṃ menā jahau śokaṃ mudānvitā || ### [2.3.46.12](https://indike.org/pramana/in.purana.siva*complete-2.2.3.46.12) praśaśaṃsa svabhāgyaṃ sā girijāṃ bhūdharaṃ kulam | mene kṛtārthamātmānaṃ jaharṣa ca punaḥ punaḥ || ### [2.3.46.13](https://indike.org/pramana/in.purana.siva*complete-2.2.3.46.13) nīrājanaṃ cakārāsau praphullavadanā satī | avalokaparā tatra menā jāmātaraṃ mudā || ### [2.3.46.14](https://indike.org/pramana/in.purana.siva*complete-2.2.3.46.14) girijoktamanusmṛtya menā vismayamāgatā | manasaiva hyuvācedaṃ harṣaphullānanāmbujā || ### [2.3.46.15](https://indike.org/pramana/in.purana.siva*complete-2.2.3.46.15) yadvai puroktaṃ ca tayā pārvatyā mama tatra ca | tato'dhikaṃ prapaśyāmi saundaryaṃ parameśituḥ || ### [2.3.46.16](https://indike.org/pramana/in.purana.siva*complete-2.2.3.46.16) maheśasya sulāvaṇyamanirvācyaṃ ca samprati | evaṃ vismayamāpannā menā svagṛhamāyayau || ### [2.3.46.17](https://indike.org/pramana/in.purana.siva*complete-2.2.3.46.17) praśaśaṃsuryuvatayo dhanyā dhanyā gireḥ sutā | durgā bhagavatītyevamūcuḥ kāścana kanyakāḥ || ### [2.3.46.18](https://indike.org/pramana/in.purana.siva*complete-2.2.3.46.18) na dṛṣṭo vara ityevamasmābhirdānagocaraḥ | dhanyā hi girijādevīmūcuḥ kāścana kanyakāḥ || ### [2.3.46.19](https://indike.org/pramana/in.purana.siva*complete-2.2.3.46.19) jagurgandharvapravarā nanṛtuścāpsarogaṇāḥ | dṛṣṭvā śaṅkararūpaṃ ca prahṛṣṭāḥ sarvadevatāḥ || ### [2.3.46.20](https://indike.org/pramana/in.purana.siva*complete-2.2.3.46.20) nānāprakāravādyāni vādakā madhurākṣaram | nānāprakāraśilpena vādayāmāsurādarāt || ### [2.3.46.21](https://indike.org/pramana/in.purana.siva*complete-2.2.3.46.21) himācalo'pi mudito dvārācāramathākarot | menāpi sarvanārībhirmahotsavapurassaram || ### [2.3.46.22](https://indike.org/pramana/in.purana.siva*complete-2.2.3.46.22) parapṛcchāṃ cakārāsau muditā svagṛhaṃ yayau | śivo niveditaṃ sthānaṃ jagāma gaṇanirjaraiḥ || ### [2.3.46.23](https://indike.org/pramana/in.purana.siva*complete-2.2.3.46.23) etasminnantare durgāṃ śailāntaḥ puracārikāḥ | bahirjagmuḥ samādāya pūjituṃ kuladevatām || ### [2.3.46.24](https://indike.org/pramana/in.purana.siva*complete-2.2.3.46.24) tatra tāṃ dadṛśurdevā nimeṣarahitā mudā | sunīlāñjanavarṇābhāṃ svāṅgaiśca pratibhūṣitām || ### [2.3.46.25](https://indike.org/pramana/in.purana.siva*complete-2.2.3.46.25) trinetrādṛtanetrāṃ tāmanyavāritalocanām | īṣaddhāsyaprasannāsyāṃ sakaṭākṣāṃ manoharām || ### [2.3.46.26](https://indike.org/pramana/in.purana.siva*complete-2.2.3.46.26) sucārukabarībhārāṃ cārupatrakaśobhitām | kastūrībindubhissārdhaṃ sindūrabinduśobhitām || ### [2.3.46.27](https://indike.org/pramana/in.purana.siva*complete-2.2.3.46.27) ratnendrasārahāreṇa vakṣasā suvirājitām | ratnakeyūravalayāṃ ratnakaṅkaṇamaṇḍitām || ### [2.3.46.28](https://indike.org/pramana/in.purana.siva*complete-2.2.3.46.28) sadratnakuṇḍalābhyāṃ ca cārugaṇḍasthalojjvalām | maṇiratnaprabhāmuṣṭidantarājivirājitām || ### [2.3.46.29](https://indike.org/pramana/in.purana.siva*complete-2.2.3.46.29) madhubimbādharoṣṭhāṃ ca ratnayāvakasaṃyutām | ratnadarpaṇahastāṃ ca krīḍāpadmavibhūṣitām || ### [2.3.46.30](https://indike.org/pramana/in.purana.siva*complete-2.2.3.46.30) candanāgurukastūrīkuṅkumenāticarcitām | kvaṇanmañjīrapādāṃ ca raktāṅghritalarājitām || ### [2.3.46.31](https://indike.org/pramana/in.purana.siva*complete-2.2.3.46.31) praṇemuḥ śirasā devīṃ bhaktiyuktāḥ samenakām | sarve surādayo dṛṣṭvā jagadādyāṃ jagatprasūm || ### [2.3.46.32](https://indike.org/pramana/in.purana.siva*complete-2.2.3.46.32) trinetro netrakoṇena tāṃ dadarśa mudānvitaḥ | śivaḥ satyākṛtiṃ dṛṣṭvā vijahau virahajvaram || ### [2.3.46.33](https://indike.org/pramana/in.purana.siva*complete-2.2.3.46.33) śivaḥ sarvaṃ visasmāra śivāsaṃnyastalocanaḥ | pulakāñcitasarvāṅgo harṣādgaurīvilocanaḥ || ### [2.3.46.34](https://indike.org/pramana/in.purana.siva*complete-2.2.3.46.34) atha kālī bahiḥ puryā gatvā pūjya kulāmbikām | viveśa bhavanaṃ ramyaṃ svapitussadvijāṅganā || ### [2.3.46.35](https://indike.org/pramana/in.purana.siva*complete-2.2.3.46.35) śaṅkaro'pi suraiḥ sārdhaṃ hariṇā brahmaṇā tathā | himācalasamuddiṣṭaṃ svasthānamagamanmudā || ### [2.3.46.36](https://indike.org/pramana/in.purana.siva*complete-2.2.3.46.36) tatra sarve sukhaṃ tasthuḥ sevantaḥ śaṅkaraṃ yathā | sammānitā girīśena nānāvidhasusampadā || ### [2.3.46.36.c1](https://indike.org/pramana/in.purana.siva*complete-2.2.3.46.36.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe varāgamādivarṇanaṃ nāma ṣaṭcatśariṃśo'dhyāyaḥ || ### [2.3.46.36.p2](https://indike.org/pramana/in.purana.siva*complete-2.2.3.46.36.p2) śrīgaṇeśāya namaḥ || ### [2.3.46.36.p3](https://indike.org/pramana/in.purana.siva*complete-2.2.3.46.36.p3) śrīgaurīśaṅkarābhyāṃ namaḥ || ### [2.3.46.36.p4](https://indike.org/pramana/in.purana.siva*complete-2.2.3.46.36.p4) śrīśivamahāpurāṇam || ### [2.3.46.36.p5](https://indike.org/pramana/in.purana.siva*complete-2.2.3.46.36.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ## Linked texts (5) - [Brahmavaivartapurāṇa](https://indike.org/pramana/in.purana.brahmavaivarta.3.42.64) — Vyāsa, Sanskrit - [Kṛṣṇajanmakhaṇḍa](https://indike.org/pramana/in.purana.krsnajanmakhanda.54.32) — Sanskrit - [Janmakhaṇḍa](https://indike.org/pramana/in.sampradaya.general.sakta.janmakhanda.45.32) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.1.41.6-2) — Sanskrit - [Vaiṣṇavakhaṇḍa](https://indike.org/pramana/in.purana.vaisnavakhanda.29.9) — Sanskrit --- Source: [https://indike.org/pramana/in.purana.siva*complete-2.2.3.46](https://indike.org/pramana/in.purana.siva*complete-2.2.3.46) · Pramāṇa