[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3.55 # Shivapurana 2.3.55: pañcapañcāśattamo'dhyāyaḥ | śivayoḥ kailāsagamanavarṇanam Śivapurāṇa (complete text) 2.3.55 - **Language:** Sanskrit ## Contents - [2.3.55.38](https://indike.org/pramana/in.purana.siva*complete-2.2.3.55.38) — 2 parts ### pañcapañcāśattamo'dhyāyaḥ | śivayoḥ kailāsagamanavarṇanam ### [2.3.55.1](https://indike.org/pramana/in.purana.siva*complete-2.2.3.55.1) brahmovāca | atha sā brāhmaṇī devyai śikṣayitvā vrataṃ ca tat | provāca menāmāmantrya yātrāmasyāśca kāraya || ### [2.3.55.2](https://indike.org/pramana/in.purana.siva*complete-2.2.3.55.2) tathāstviti ca samprocya premavaśyā babhūva sā | dhṛtiṃ dhṛtvāhūya kālīṃ viśleṣavirahākulā || ### [2.3.55.3](https://indike.org/pramana/in.purana.siva*complete-2.2.3.55.3) atyuccai rodanaṃ cakre saṃśliṣya ca punaḥ punaḥ | pārvatyapi rurodoccairuccarantī kṛpāvacaḥ || ### [2.3.55.4](https://indike.org/pramana/in.purana.siva*complete-2.2.3.55.4) śailapriyā śivā cāpi mūrcchāmāpa śucārditā | mūrcchāmprāpurdevapatnyaḥ pārvatyā rodanena ca || ### [2.3.55.5](https://indike.org/pramana/in.purana.siva*complete-2.2.3.55.5) sarvāśca rurudurnāryaḥ sarvamāsīdacetanam | svayaṃ ruroda yogīśo gacchanko'nya paraḥ prabhuḥ || ### [2.3.55.6](https://indike.org/pramana/in.purana.siva*complete-2.2.3.55.6) etasminnantare śīghramājagāma himālayaḥ | sa sarvatanayaistatra sacivaiśca dvijaiḥ paraiḥ || ### [2.3.55.7](https://indike.org/pramana/in.purana.siva*complete-2.2.3.55.7) svayaṃ ruroda mohena vatsāṃ kṛtvā svavakṣasi | kva yāsītyevamuccārya śūnyaṃ kṛtvā muhurmuhuḥ || ### [2.3.55.8](https://indike.org/pramana/in.purana.siva*complete-2.2.3.55.8) tataḥ purohito viprairadhyātmavidyayā sukham | sarvānprabodhayāmāsa kṛpayā jñānavattaraḥ || ### [2.3.55.9](https://indike.org/pramana/in.purana.siva*complete-2.2.3.55.9) nanāma pārvatī bhaktyā mātaraṃ pitaraṃ gurum | mahāmāyā bhavācārādrurodoccairmuhurmuhuḥ || ### [2.3.55.10](https://indike.org/pramana/in.purana.siva*complete-2.2.3.55.10) pārvatyā rodanenaiva ruruduḥ sarvayoṣitaḥ | nitarāṃ jananī menā yāmayo bhrātarastathā || ### [2.3.55.11](https://indike.org/pramana/in.purana.siva*complete-2.2.3.55.11) punaḥ punaḥ śivāmātā yāmayo'nyāśca yoṣitaḥ | bhrātaro janakaḥ premṇā rurudurbaddhasauhṛdāḥ || ### [2.3.55.12](https://indike.org/pramana/in.purana.siva*complete-2.2.3.55.12) tadā viprāḥ samāgatya bodhayāmāsurādarāt | lagnaṃ nivedayāmāsuryātrāyāḥ sukhadaṃ param || ### [2.3.55.13](https://indike.org/pramana/in.purana.siva*complete-2.2.3.55.13) tato himālayo menāṃ dhṛtvā dhairyaṃ vivekataḥ | śibikāmānayāmāsa śivārohaṇahetave || ### [2.3.55.14](https://indike.org/pramana/in.purana.siva*complete-2.2.3.55.14) śivāmārohayāmāsustatra viprāṅganāśca tām | āśiṣaṃ pradaduḥ sarvāḥ pitā mātā dvijāstathā || ### [2.3.55.15](https://indike.org/pramana/in.purana.siva*complete-2.2.3.55.15) mahārājñyupacārām̐śca dadau menā giristathā | nānādravyasamūhaṃ ca pareṣāṃ durlabhaṃ śubham || ### [2.3.55.16](https://indike.org/pramana/in.purana.siva*complete-2.2.3.55.16) śivā natvā gurūnsarvān janakaṃ jananīṃ tathā | dvijānpurohitaṃ yāmīstrīstathānyā yayau mune || ### [2.3.55.17](https://indike.org/pramana/in.purana.siva*complete-2.2.3.55.17) himācalo'pi sasuto'gacchatsnehavaśī budhaḥ | prāptastatra prabhuryatra sāmaraḥ prītimāvahan || ### [2.3.55.18](https://indike.org/pramana/in.purana.siva*complete-2.2.3.55.18) prītyābhirebhire sarve mahotsavapurassaram | prabhuṃ praṇemuste bhaktyā praśaṃsanto'viśanpurīm || ### [2.3.55.19](https://indike.org/pramana/in.purana.siva*complete-2.2.3.55.19) jātismarāṃ smārayāmi nityaṃ smarasi cedvada | līlayā tvāṃ ca deveśi sadā prāṇapriyā mama || ### [2.3.55.20](https://indike.org/pramana/in.purana.siva*complete-2.2.3.55.20) brahmovāca | ityākarṇya maheśasya svanāthasyātha pārvatī | śaṅkarasya priyā nityaṃ sasmitovāca sā satī || ### [2.3.55.21](https://indike.org/pramana/in.purana.siva*complete-2.2.3.55.21) pārvatyuvāca | sarvaṃ smarāmi prāṇeśa maunībhūto bhaveti ca | prastāvocitamadyāśu kāryaṃ kuru namo'stu te || ### [2.3.55.22](https://indike.org/pramana/in.purana.siva*complete-2.2.3.55.22) brahmovāca | ityākarṇya priyāvākyaṃ sudhādhārāśatopamam | mumude'tīva viśveśo laukikācāratatparaḥ || ### [2.3.55.23](https://indike.org/pramana/in.purana.siva*complete-2.2.3.55.23) śivaḥ sambhṛtasambhāro nānāvastumanoharam | bhojayāmāsa devāṃśca nārāyaṇapurogamān || ### [2.3.55.24](https://indike.org/pramana/in.purana.siva*complete-2.2.3.55.24) tathānyānnikhilānprītyā svavivāhasamāgatān | bhojayāmāsa surasamannaṃ bahuvidhaṃ prabhuḥ || ### [2.3.55.25](https://indike.org/pramana/in.purana.siva*complete-2.2.3.55.25) tato bhuktvā ca te devā nānāratnavibhūṣitāḥ | sastrīkāḥ sagaṇāḥ sarve praṇemuścandraśekharam || ### [2.3.55.26](https://indike.org/pramana/in.purana.siva*complete-2.2.3.55.26) saṃstutya vāgbhiriṣṭābhiḥ parikramya mudānvitāḥ | praśaṃsanto vivāhaṃ ca svadhāmāni yayustataḥ || ### [2.3.55.27](https://indike.org/pramana/in.purana.siva*complete-2.2.3.55.27) nārāyaṇaṃ mune māṃ ca praṇanāma śivaḥsvayam | laukikācāramāśritya yathā viṣṇuśca kaśyapam || ### [2.3.55.28](https://indike.org/pramana/in.purana.siva*complete-2.2.3.55.28) mayāśliṣyāśiṣaṃ dattvā śivasya punaragrataḥ | matvā vai taṃ paraṃ brahma cakre ca stutiruttamā || ### [2.3.55.29](https://indike.org/pramana/in.purana.siva*complete-2.2.3.55.29) tamāmantrya mayā viṣṇuḥ sāñjaliḥ śivayormudā | praśaṃsaṃstadvivāhaṃ ca jagāma svālayaṃ param || ### [2.3.55.30](https://indike.org/pramana/in.purana.siva*complete-2.2.3.55.30) śivo'pi svagirau tasthau pārvatyā viharan mudā | sarve gaṇāḥ sukhaṃ prāpuratīva svabhajan śivau || ### [2.3.55.31](https://indike.org/pramana/in.purana.siva*complete-2.2.3.55.31) ityevaṃ kathitastāta śivodvāhaḥ sumaṅgalaḥ | śokaghno harṣajanaka āyuṣyo dhanavarddhanaḥ || ### [2.3.55.32](https://indike.org/pramana/in.purana.siva*complete-2.2.3.55.32) ya imaṃ śṛṇuyānnityaṃ śucistadgatamānasaḥ | śrāvayedvātha niyamācchivalokamavāpnuyāt || ### [2.3.55.33](https://indike.org/pramana/in.purana.siva*complete-2.2.3.55.33) idamākhyānamākhyātamadbhutaṃ maṅgalāyanam | sarvavighnapraśamanaṃ sarvavyādhivināśanam || ### [2.3.55.34](https://indike.org/pramana/in.purana.siva*complete-2.2.3.55.34) yaśasyaṃ svargyamāyuṣyaṃ putrapautrakaraṃ param | sarvakāmapradaṃ ceha bhuktidaṃ muktidaṃ sadā || ### [2.3.55.35](https://indike.org/pramana/in.purana.siva*complete-2.2.3.55.35) apamṛtyupraśamanaṃ mahāśāntikaraṃ śubham | sarvaduḥsvapnaśamanaṃ buddhiprajñādisādhanam || ### [2.3.55.36](https://indike.org/pramana/in.purana.siva*complete-2.2.3.55.36) śivotsaveṣu sarveṣu paṭhitavyaṃ prayatnataḥ | śubhepsubhirjanaiḥ prītyā śivasantoṣakāraṇam || ### [2.3.55.37](https://indike.org/pramana/in.purana.siva*complete-2.2.3.55.37) paṭhetpratiṣṭhākāle tu devādīnāṃ viśeṣataḥ | śivasya sarvakāryasya prārambhe ca suprītitaḥ || ### [2.3.55.38](https://indike.org/pramana/in.purana.siva*complete-2.2.3.55.38) śṛṇuyādvā śucirbhūtvā caritaṃ śivayośśivam | sidhyanti sarvakāryāṇi satyaṃ satyaṃ na saṃśayaḥ || ### [2.3.55.38.c1](https://indike.org/pramana/in.purana.siva*complete-2.2.3.55.38.c1) iti śrīśivamahāpurāṇe brahmanāradasaṃvāde dvitīyāyāṃ rudrasaṃhitāyāṃ tṛtīye pārvatīkhaṇḍe śivakailāsagamanavarṇanaṃ nāma pañcapañcāśattamo'dhyāyaḥ || ### [2.3.55.38.c2](https://indike.org/pramana/in.purana.siva*complete-2.2.3.55.38.c2) iti śrīśivamahāpurāṇe dvitīyarudrasaṃhitāyāṃ tṛtīyaḥ pārvatīkhaṇḍaḥ samāptaḥ || ## Linked texts (1) - [Brahmavaivartapurāṇa](https://indike.org/pramana/in.purana.brahmavaivarta.3.43.67_11) — Vyāsa, Sanskrit --- Source: [https://indike.org/pramana/in.purana.siva*complete-2.2.3.55](https://indike.org/pramana/in.purana.siva*complete-2.2.3.55) · Pramāṇa