[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3.9 # Shivapurana 2.3.9: navamo'dhyāyaḥ | pitroḥ pārvatyai śivārādhānopadeśaḥ tasyāḥ svapne śivasyāvirbhāvaśca Śivapurāṇa (complete text) 2.3.9 - **Language:** Sanskrit ## Contents - [2.3.9.36](https://indike.org/pramana/in.purana.siva*complete-2.2.3.9.36) — 5 parts ### navamo'dhyāyaḥ | pitroḥ pārvatyai śivārādhānopadeśaḥ tasyāḥ svapne śivasyāvirbhāvaśca ### [2.3.9.1](https://indike.org/pramana/in.purana.siva*complete-2.2.3.9.1) nārada uvāca | vidhe tāta tvayā śaivavara prājñādbhutā kathā | varṇitā karuṇāṃ kṛtvā prītirme vardhitādhikā || ### [2.3.9.2](https://indike.org/pramana/in.purana.siva*complete-2.2.3.9.2) vidhe gate svakaṃ dhāma mayi vai divyadarśane | tataḥ kimabhavattāta kṛpayā tadvadādhunā || ### [2.3.9.3](https://indike.org/pramana/in.purana.siva*complete-2.2.3.9.3) brahmovāca gate tvayi mune svarge kiyatkāle gate sati | menā prāpyaikadā śailanikaṭaṃ praṇanāma sā || ### [2.3.9.4](https://indike.org/pramana/in.purana.siva*complete-2.2.3.9.4) sthitvā savinayaṃ prāha svanāthaṃ girikāminī | tatra śailādhināthaṃ sā prāṇapriyasutā satī || ### [2.3.9.5](https://indike.org/pramana/in.purana.siva*complete-2.2.3.9.5) menovāca munivākyaṃ na buddhaṃ me samyaṅnārīsvabhāvataḥ | vivāhaṃ kuru kanyāyāḥsundareṇa vareṇa ha || ### [2.3.9.6](https://indike.org/pramana/in.purana.siva*complete-2.2.3.9.6) sarvathā hi bhavettatrodvāho'pūrvasukhāvahaḥ | varaśca girijāyāstu sulakṣaṇakulodbhavaḥ || ### [2.3.9.7](https://indike.org/pramana/in.purana.siva*complete-2.2.3.9.7) prāṇapriyā sutā me hi sukhitā syādyathā priyā | sadvaraṃ prāpya suprītā tathā kuru namo'stu te || ### [2.3.9.8](https://indike.org/pramana/in.purana.siva*complete-2.2.3.9.8) brahmovāca ityuktvāśrumukhī menā patyaṅghryoḥ patitā tadā | tāmutthāpya giriḥ prāha yathāvatprājñasattamaḥ || ### [2.3.9.9](https://indike.org/pramana/in.purana.siva*complete-2.2.3.9.9) himālaya uvāca | śṛṇu tvaṃ menake devi yathārthaṃ vacmi tattvataḥ | bhramaṃ tyaja munervākyaṃ vitathaṃ na kadācana || ### [2.3.9.10](https://indike.org/pramana/in.purana.siva*complete-2.2.3.9.10) yadi snehaḥ sutāyāste sutāṃ śikṣaya sādaram | tapaḥ kuryācchaṅkarasya sā bhaktyā sthiracetasā || ### [2.3.9.11](https://indike.org/pramana/in.purana.siva*complete-2.2.3.9.11) cetprasannaḥ śivaḥ kālyāḥ pāṇiṃ gṛhṇāti menake | sarvaṃ bhūyācchubhaṃ naśyennāradoktamamaṅgalam || ### [2.3.9.12](https://indike.org/pramana/in.purana.siva*complete-2.2.3.9.12) amaṅgalāni sarvāṇi maṅgalāni sadā śive | tasmātsutāṃ śivaprāptyai tapase śikṣaya drutam || ### [2.3.9.13](https://indike.org/pramana/in.purana.siva*complete-2.2.3.9.13) brahmovāca | ityākarṇya girervākyaṃ menā prītatarābhavat | sutopakaṇṭhamagamadupadeṣṭuṃ taporucim || ### [2.3.9.14](https://indike.org/pramana/in.purana.siva*complete-2.2.3.9.14) sutāṅgaṃ sukumāraṃ hi dṛṣṭvātīvātha menakā | vivyathe netrayugme cāśrupūrṇe'bhavatāṃ drutam || ### [2.3.9.15](https://indike.org/pramana/in.purana.siva*complete-2.2.3.9.15) sutāṃ samupadeṣṭuṃ tanna śaśāka giripriyā | bubudhe pārvatī tadvai jananīṅgitamāśu sā || ### [2.3.9.16](https://indike.org/pramana/in.purana.siva*complete-2.2.3.9.16) atha sā kālikā devī sarvajñā parameśvarī | uvāca jananīṃ sadyaḥ samāśvāsya punaḥ punaḥ || ### [2.3.9.17](https://indike.org/pramana/in.purana.siva*complete-2.2.3.9.17) pārvatyuvāca | mātaḥ śṛṇu mahāprājñe'dyatane'jamuhūrtake | rātrau dṛṣṭo mayā svapnastaṃ vadāmi kṛpāṃ kuru || ### [2.3.9.18](https://indike.org/pramana/in.purana.siva*complete-2.2.3.9.18) vipraścaiva tapasvī māṃ sadayaḥ prītipūrvakam | upādideśa sutapaḥ kartuṃ mātaḥ śivasya vai || ### [2.3.9.19](https://indike.org/pramana/in.purana.siva*complete-2.2.3.9.19) brahmovāca | tacchrutvā menakā śīghraṃ patimāhūya tatra ca | tatsvapnaṃ kathayāmāsa sutādṛṣṭamaśeṣataḥ || ### [2.3.9.20](https://indike.org/pramana/in.purana.siva*complete-2.2.3.9.20) sutāsvapnamathākarṇya menakāto girīśvaraḥ | uvāca paramaprītaḥ priyāṃ sambodhayangirā || ### [2.3.9.21](https://indike.org/pramana/in.purana.siva*complete-2.2.3.9.21) girīśvara uvāca he priye'pararātrānte svapno dṛṣṭo mayāpi hi | taṃ śṛṇu tvaṃ mahāprītyā vacmyahaṃ taṃ samādarāt || ### [2.3.9.22](https://indike.org/pramana/in.purana.siva*complete-2.2.3.9.22) ekastapasvī paramo nāradoktavarāṅgadhṛk | puropakaṇṭhaṃ suprītyā tapaḥ kartuṃ samāgataḥ || ### [2.3.9.23](https://indike.org/pramana/in.purana.siva*complete-2.2.3.9.23) gṛhītvā svasutāṃ tatrāgamaṃ prītataro'pyaham | mayā jñātaḥ sa vai śambhurnāradoktavaraḥ prabhuḥ || ### [2.3.9.24](https://indike.org/pramana/in.purana.siva*complete-2.2.3.9.24) sevārthaṃ tasya tanayāmupadiśya tapasvinaḥ | taṃ vai prārthitavāṃstasyāṃ na tadāṅgīcakāra saḥ || ### [2.3.9.25](https://indike.org/pramana/in.purana.siva*complete-2.2.3.9.25) abhūdvivādaḥ sumahānsāṅkhyavedāntasammataḥ | tatastadājñayā tatra saṃsthitāsītsutā mama || ### [2.3.9.26](https://indike.org/pramana/in.purana.siva*complete-2.2.3.9.26) nidhāya hṛdi taṃ kāmaṃ siṣeve bhaktitaśca sā | iti dṛṣṭaṃ mayā svapnaṃ proktavāṃste varānane || ### [2.3.9.27](https://indike.org/pramana/in.purana.siva*complete-2.2.3.9.27) tato mene kiyatkālaṃ parīkṣyaṃ tatphalaṃ priye | yogyamastīdameveha budhyasva tvaṃ mama dhruvam || ### [2.3.9.28](https://indike.org/pramana/in.purana.siva*complete-2.2.3.9.28) brahmovāca ityuktvā girirājaśca menakā vai munīśvara | santasthatuḥ parīkṣantau tatphalaṃ śuddhacetasau || ### [2.3.9.29](https://indike.org/pramana/in.purana.siva*complete-2.2.3.9.29) itthaṃ vyatīte'lpadine parameśaḥ satāṃ gatiḥ | satīvirahasuvyagro bhramansarvatra sūtikṛt || ### [2.3.9.30](https://indike.org/pramana/in.purana.siva*complete-2.2.3.9.30) tatrājagāma suprītyā kiyadgaṇayutaḥ prabhuḥ | tapaḥ kartuṃ satīpremavirahākulamānasaḥ || ### [2.3.9.31](https://indike.org/pramana/in.purana.siva*complete-2.2.3.9.31) tapaścakāra svaṃ tatra pārvatī sevane ratā | sakhībhyāṃ sahitā nityaṃ prasannārthamabhūttadā || ### [2.3.9.32](https://indike.org/pramana/in.purana.siva*complete-2.2.3.9.32) viddho'pi mārgaṇaiḥ śambhurvikṛtiṃ nāpa sa prabhuḥ | preṣitena suraiḥ svātmamohanārthaṃ smareṇa vai || ### [2.3.9.33](https://indike.org/pramana/in.purana.siva*complete-2.2.3.9.33) dagdhvā smaraṃ ca tatraiva svavahninayanena saḥ | smṛtvā mama vacaḥ kruddho mahyamantardadhe tataḥ || ### [2.3.9.34](https://indike.org/pramana/in.purana.siva*complete-2.2.3.9.34) tataḥ kālena kiyatā vināśya girijāmadam | prasāditaḥ sutapasā prasanno'bhūnmaheśvaraḥ || ### [2.3.9.35](https://indike.org/pramana/in.purana.siva*complete-2.2.3.9.35) laukikācāramāśritya rudro viṣṇuprasāditaḥ | kālīṃ vivāhayāmāsa tato'bhūdbahumaṅgalam || ### [2.3.9.36](https://indike.org/pramana/in.purana.siva*complete-2.2.3.9.36) ityetatkathitaṃ tāta samāsāccaritaṃ vibhoḥ | śaṅkarasya paraṃ divyaṃ kiṃ bhūyaḥ śrotumicchasi || ### [2.3.9.36.c1](https://indike.org/pramana/in.purana.siva*complete-2.2.3.9.36.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe svapnavarṇanapūrvakaṃ saṅkṣepaśivacaritavarṇanaṃ nāma navamo'dhyāyaḥ || ### [2.3.9.36.p2](https://indike.org/pramana/in.purana.siva*complete-2.2.3.9.36.p2) śrīgaṇeśāya namaḥ || ### [2.3.9.36.p3](https://indike.org/pramana/in.purana.siva*complete-2.2.3.9.36.p3) śrīgaurīśaṅkarābhyāṃ namaḥ || ### [2.3.9.36.p4](https://indike.org/pramana/in.purana.siva*complete-2.2.3.9.36.p4) śrīśivamahāpurāṇam || ### [2.3.9.36.p5](https://indike.org/pramana/in.purana.siva*complete-2.2.3.9.36.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe --- Source: [https://indike.org/pramana/in.purana.siva*complete-2.2.3.9](https://indike.org/pramana/in.purana.siva*complete-2.2.3.9) · Pramāṇa