[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 2.3 # Shivapurana 2.3: śrīśivamahāpurāṇam 2.3 rudrasaṃhitāyāṃ pārvatīkhaṇḍaḥ Śivapurāṇa (complete text) 2.3 - **Language:** Sanskrit ## Contents - [2.3.2](https://indike.org/pramana/in.purana.siva*complete-2.2.3.2) — 42 parts - [2.3.1 prathamo'dhyāyaḥ | himācalavivāhavarṇanam](https://indike.org/pramana/in.purana.siva*complete-2.2.3.1) — 32 parts - [2.3.3 tṛtīyo'dhyāyaḥ | viṣṇvādidevaiḥ kṛtā śivastutiḥ](https://indike.org/pramana/in.purana.siva*complete-2.2.3.3) — 38 parts - [2.3.4 caturtho'dhyāyaḥ | śivena devānāṃ sāntvanam](https://indike.org/pramana/in.purana.siva*complete-2.2.3.4) — 50 parts - [2.3.5 pañcamo'dhyāyaḥ | menakayā varaprāptiḥ](https://indike.org/pramana/in.purana.siva*complete-2.2.3.5) — 50 parts - [2.3.6 ṣaṣṭho'dhyāyaḥ | pārvatijanmavarṇanam](https://indike.org/pramana/in.purana.siva*complete-2.2.3.6) — 54 parts - [2.3.7 saptamo'dhyāyaḥ | pārvatyā bālalīlā](https://indike.org/pramana/in.purana.siva*complete-2.2.3.7) — 25 parts - [2.3.8 aṣṭamo'dhyāyaḥ | nāradahimālayasaṃvādaḥ](https://indike.org/pramana/in.purana.siva*complete-2.2.3.8) — 56 parts - [2.3.9 navamo'dhyāyaḥ | pitroḥ pārvatyai śivārādhānopadeśaḥ tasyāḥ svapne śivasyāvirbhāvaśca](https://indike.org/pramana/in.purana.siva*complete-2.2.3.9) — 36 parts - [2.3.10 daśamo'dhyāyaḥ | bhaumotpattistasya śivakṛpayā grahatvaprāptiśca](https://indike.org/pramana/in.purana.siva*complete-2.2.3.10) — 28 parts - [2.3.11 ekādaśo'dhyāyaḥ | śivahimavatsamāgamaḥ](https://indike.org/pramana/in.purana.siva*complete-2.2.3.11) — 42 parts - [2.3.12 dvādaśo'dhyāyaḥ | śivahimavatsaṃvādaḥ](https://indike.org/pramana/in.purana.siva*complete-2.2.3.12) — 36 parts - [2.3.13 trayodaśo'dhyāyaḥ | śivapārvatīsaṃvādaḥ](https://indike.org/pramana/in.purana.siva*complete-2.2.3.13) — 60 parts - [2.3.14 caturdaśo'dhyāyaḥ | tārakavajrāṅgayorupattistattapovarṇanañca](https://indike.org/pramana/in.purana.siva*complete-2.2.3.14) — 43 parts - [2.3.15 pañcadaśo'dhyāyaḥ | tārakāsurataporājyam](https://indike.org/pramana/in.purana.siva*complete-2.2.3.15) — 56 parts - [2.3.16 ṣoḍaśo'dhyāyaḥ | tārakāsurabhītānāṃ devānāṃ kṛte śivena sāntvanādānam](https://indike.org/pramana/in.purana.siva*complete-2.2.3.16) — 46 parts - [2.3.17 saptadaśo'dhyāyaḥ | indrakāmadevasaṃvādaḥ](https://indike.org/pramana/in.purana.siva*complete-2.2.3.17) — 42 parts - [2.3.18 aṣṭādaśo'dhyāyaḥ | kāmakṛtavikāravarṇanam](https://indike.org/pramana/in.purana.siva*complete-2.2.3.18) — 45 parts - [2.3.19 ekonaviṃśo'dhyāyaḥ | śivena kāmadevavināśaḥ](https://indike.org/pramana/in.purana.siva*complete-2.2.3.19) — 52 parts - [2.3.20 viṃśo'dhyāyaḥ | vaḍavānalacaritam](https://indike.org/pramana/in.purana.siva*complete-2.2.3.20) — 22 parts - [2.3.21 ekaviṃśo'dhyāyaḥ | pārvatyai nāradopadeśaḥ](https://indike.org/pramana/in.purana.siva*complete-2.2.3.21) — 41 parts - [2.3.22 dvāviṃśo'dhyāyaḥ | pārvatītapovarṇanam](https://indike.org/pramana/in.purana.siva*complete-2.2.3.22) — 69 parts - [2.3.23 trayoviṃśo'dhyāyaḥ | śivena pārvatīsāntvanam](https://indike.org/pramana/in.purana.siva*complete-2.2.3.23) — 51 parts - [2.3.24 caturviṃśo'dhyāyaḥ | śivakṛtā pārvatīvivāhasvīkṛtiḥ](https://indike.org/pramana/in.purana.siva*complete-2.2.3.24) — 78 parts - [2.3.25 pañcaviṃśo'dhyāyaḥ | saptarṣikṛtā pārvatīparīkṣā](https://indike.org/pramana/in.purana.siva*complete-2.2.3.25) — 73 parts - [2.3.26 ṣaḍviṃśo'dhyāyaḥ | pārvatī-jaṭilasaṃvādaḥ](https://indike.org/pramana/in.purana.siva*complete-2.2.3.26) — 44 parts - [2.3.27 saptaviṃśo'dhyāyaḥ | brahmacāripratāraṇavākyavarṇanam](https://indike.org/pramana/in.purana.siva*complete-2.2.3.27) — 39 parts - [2.3.28 aṣṭāviṃśo'dhyāyaḥ | pārvatyāḥ śivarūpadarśanam](https://indike.org/pramana/in.purana.siva*complete-2.2.3.28) — 50 parts - [2.3.29 ekonatriṃśo'dhyāyaḥ | śivāśivasaṃvādaḥ](https://indike.org/pramana/in.purana.siva*complete-2.2.3.29) — 42 parts - [2.3.30 triṃśo'dhyāyaḥ | pārvatīpratyāgamanamahotsavaḥ](https://indike.org/pramana/in.purana.siva*complete-2.2.3.30) — 54 parts - [2.3.31 ekatriṃśo'dhyāyaḥ | śivamāyāvarṇanam](https://indike.org/pramana/in.purana.siva*complete-2.2.3.31) — 52 parts - [2.3.32 dvātriṃśo'dhyāyaḥ | saptarṣyāgamanam](https://indike.org/pramana/in.purana.siva*complete-2.2.3.32) — 65 parts - [2.3.33 trayastriṃśo'dhyāyaḥ | girisāntvanam](https://indike.org/pramana/in.purana.siva*complete-2.2.3.33) — 62 parts - [2.3.34 catustriṃśo'dhyāyaḥ | anaraṇyacaritavarṇanam](https://indike.org/pramana/in.purana.siva*complete-2.2.3.34) — 38 parts - [2.3.35 pañcatriṃśo'dhyāyaḥ | padmāpippalādacaritavarṇanam](https://indike.org/pramana/in.purana.siva*complete-2.2.3.35) — 62 parts - [2.3.36 ṣaṭtriṃśo'dhyāyaḥ | himālayasya śivāya kālīpradānaniścayavarṇanam](https://indike.org/pramana/in.purana.siva*complete-2.2.3.36) — 34 parts - [2.3.37 saptatriṃśo'dhyāyaḥ | pārvatīvivāhasambhārasaṅgrahavarṇanam](https://indike.org/pramana/in.purana.siva*complete-2.2.3.37) — 49 parts - [2.3.38 aṣṭatriṃśo'dhyāyaḥ | vivāhamaṇḍapādiracanāvarṇanam](https://indike.org/pramana/in.purana.siva*complete-2.2.3.38) — 40 parts - [2.3.39 ekonacatvāriṃśo'dhyāyaḥ | śivavarayātrāvarṇanam](https://indike.org/pramana/in.purana.siva*complete-2.2.3.39) — 62 parts - [2.3.40 catvāriṃśo'dhyāyaḥ | himagirigṛheśivasyāgamanavarṇanam](https://indike.org/pramana/in.purana.siva*complete-2.2.3.40) — 57 parts - [2.3.41 ekacatvāriṃśo'dhyāyaḥ | vivāhamaṇḍapaṃ dṛṣṭvādevānāṃ mohavarṇanam](https://indike.org/pramana/in.purana.siva*complete-2.2.3.41) — 54 parts - [2.3.42 dvicatvāriṃśo'dhyāyaḥ | devagirimilāpavarṇanam](https://indike.org/pramana/in.purana.siva*complete-2.2.3.42) — 31 parts - [2.3.43 tricatvāriṃśo'dhyāyaḥ | menāmohanāya śivakṛtādbhutalīlāvarṇanam](https://indike.org/pramana/in.purana.siva*complete-2.2.3.43) — 65 parts - [2.3.44 catuścatvāriṃśo'dhyāyaḥ | menāprabodhavarṇanam](https://indike.org/pramana/in.purana.siva*complete-2.2.3.44) — 99 parts - [2.3.45 pañcacatvāriṃśo'dhyāyaḥ | divyasvarūpeṇa śivāvirbhāvasthitivarṇanam](https://indike.org/pramana/in.purana.siva*complete-2.2.3.45) — 46 parts - [2.3.46 ṣaṭcatśariṃśo'dhyāyaḥ | maṇḍapadvāre varāgamanavarṇanam](https://indike.org/pramana/in.purana.siva*complete-2.2.3.46) — 36 parts - [2.3.47 saptacatvāriṃśo'dhyāyaḥ | śivasyahimagirigṛhābhyantaragamanotsavavarṇanam](https://indike.org/pramana/in.purana.siva*complete-2.2.3.47) — 55 parts - [2.3.48 aṣṭacatvāriṃśo'dhyāyaḥ | śivāśivayorvivāhavidhikathanam](https://indike.org/pramana/in.purana.siva*complete-2.2.3.48) — 56 parts - [2.3.49 ekonapañcāśattamo'dhyāyaḥ | vivāhasaṃskārakathanaṃ vidhimohavarṇanañca](https://indike.org/pramana/in.purana.siva*complete-2.2.3.49) — 45 parts - [2.3.50 pañcāśattamo'dhyāyaḥ | vivāhamahotsave strīvinodavarṇanam](https://indike.org/pramana/in.purana.siva*complete-2.2.3.50) — 45 parts - [2.3.51 ekapañcāśattamo'dhyāyaḥ | śivājñayākāmasañjīvanaprakārakathanam](https://indike.org/pramana/in.purana.siva*complete-2.2.3.51) — 43 parts - [2.3.52 dvipañcāśattamo'dhyāyaḥ | himālayagṛhevarapakṣīyabhojanavarṇanam](https://indike.org/pramana/in.purana.siva*complete-2.2.3.52) — 40 parts - [2.3.53 tripañcāśattamo'dhyāyaḥ | vadhūvarayoḥ yātrāprasthānavarṇanam](https://indike.org/pramana/in.purana.siva*complete-2.2.3.53) — 37 parts - [2.3.54 catuḥpañcāśattamo'dhyāyaḥ | pativratādharmavarṇanam](https://indike.org/pramana/in.purana.siva*complete-2.2.3.54) — 82 parts - [2.3.55 pañcapañcāśattamo'dhyāyaḥ | śivayoḥ kailāsagamanavarṇanam](https://indike.org/pramana/in.purana.siva*complete-2.2.3.55) — 38 parts ### śrīśivamahāpurāṇam 2.3 rudrasaṃhitāyāṃ pārvatīkhaṇḍaḥ ### [2.3.p1](https://indike.org/pramana/in.purana.siva*complete-2.2.3.p1) śrīḥ || ### [2.3.p2](https://indike.org/pramana/in.purana.siva*complete-2.2.3.p2) śrīsāmbasadāśivārpaṇamastu || ### [2.3.p3](https://indike.org/pramana/in.purana.siva*complete-2.2.3.p3) śrīgaṇeśāya namaḥ || ### [2.3.p4](https://indike.org/pramana/in.purana.siva*complete-2.2.3.p4) śrīgaurīśaṅkarābhyāṃ namaḥ || ### [2.3.p5](https://indike.org/pramana/in.purana.siva*complete-2.2.3.p5) śrīśivamahāpurāṇam || ### [2.3.p6](https://indike.org/pramana/in.purana.siva*complete-2.2.3.p6) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ### prathamo'dhyāyaḥ | himācalavivāhavarṇanam ### [2.3.1.1](https://indike.org/pramana/in.purana.siva*complete-2.2.3.1.1) nārada uvāca | dākṣāyaṇī satī devī tyaktadehā piturmakhe | kathaṃ girisutā brahman babhūva jagadambikā || ### [2.3.1.2](https://indike.org/pramana/in.purana.siva*complete-2.2.3.1.2) kathaṃ kṛtvā tapo'tyugraṃ patimāpa śivaṃ ca sā | etanme pṛcchate samyak kathaya tvaṃ viśeṣataḥ || ### [2.3.1.3](https://indike.org/pramana/in.purana.siva*complete-2.2.3.1.3) brahmovāca | śṛṇu tvaṃ muniśārdūla śivācaritamuttamam | pāvanaṃ paramaṃ divyaṃ sarvapāpaharaṃ śubham || ### [2.3.1.4](https://indike.org/pramana/in.purana.siva*complete-2.2.3.1.4) yadā dākṣāyaṇī devī hareṇa sahitā mudā | himācale sucikrīḍe līlayā parameśvarī || ### [2.3.1.5](https://indike.org/pramana/in.purana.siva*complete-2.2.3.1.5) matsuteyamiti jñātvā siṣeve mātṛvarcasā | himācalapriyā menā sarvarddhibhiranirbharā || ### [2.3.1.6](https://indike.org/pramana/in.purana.siva*complete-2.2.3.1.6) yadā dākṣāyaṇī ruṣṭā nādṛtā svatanuṃ jahau | pitrā dakṣeṇa tadyajñe saṅgatā parameśvarī || ### [2.3.1.7](https://indike.org/pramana/in.purana.siva*complete-2.2.3.1.7) tadaiva menakā tāṃ sā himācalapriyā mune | śivalokasthitāṃ devīmārirādhayiṣustadā || ### [2.3.1.8](https://indike.org/pramana/in.purana.siva*complete-2.2.3.1.8) tasyāmahaṃ sutā syāmityavadhārya satī hṛdā | tyaktadehā mano dadhre bhavituṃ himavatsutā || ### [2.3.1.9](https://indike.org/pramana/in.purana.siva*complete-2.2.3.1.9) samayaṃ prāpya sā devī sarvadevastutā punaḥ | satī tyaktatanuḥ prītyā menakātanayābhavat || ### [2.3.1.10](https://indike.org/pramana/in.purana.siva*complete-2.2.3.1.10) nāmnā sā pārvatī devī tapaḥ kṛtvā sudussaham | nāradasyopadeśādvai patiṃ prāpa śivaṃ punaḥ || ### [2.3.1.11](https://indike.org/pramana/in.purana.siva*complete-2.2.3.1.11) nārada uvāca | brahman vidhe mahāprājña vada me vadatāṃ vara | menakāyāḥ samutpattiṃ vivāhacaritaṃ tathā || ### [2.3.1.12](https://indike.org/pramana/in.purana.siva*complete-2.2.3.1.12) dhanyā hi menakā devī yasyāṃ jātā sutā satī | ato mānyā ca dhanyā ca sarveṣāṃ sā pativratā || ### [2.3.1.13](https://indike.org/pramana/in.purana.siva*complete-2.2.3.1.13) brahmovāca | śṛṇu tvaṃ nārada mune pārvatīmāturudbhavam | vivāhaṃ caritaṃ caiva pāvanaṃ bhaktivardhanam || ### [2.3.1.14](https://indike.org/pramana/in.purana.siva*complete-2.2.3.1.14) astyuttarasyāṃ diśi vai girīśo himavānmahān | parvato hi muniśreṣṭha mahātejāḥ samṛddhibhāk || ### [2.3.1.15](https://indike.org/pramana/in.purana.siva*complete-2.2.3.1.15) dvairūpyaṃ tasya vikhyātaṃ jaṅgamasthirabhedataḥ | varṇayāmi samāsena tasya sūkṣmasvarūpakam || ### [2.3.1.16](https://indike.org/pramana/in.purana.siva*complete-2.2.3.1.16) pūrvāparau toyanidhī suvigāhya sthito hi yaḥ | nānāratnākaro ramyo mānadaṇḍa iva kṣiteḥ || ### [2.3.1.17](https://indike.org/pramana/in.purana.siva*complete-2.2.3.1.17) nānāvṛkṣasamākīrṇo nānāśṛṅgasucitritaḥ | siṃhavyāghrādipaśubhiḥ sevitaḥ sukhibhiḥ sadā || ### [2.3.1.18](https://indike.org/pramana/in.purana.siva*complete-2.2.3.1.18) tuṣāranidhiratyugro nānāścaryavicitritaḥ | devarṣisiddhamunibhiḥ saṃśritaḥ śivasampriyaḥ || ### [2.3.1.19](https://indike.org/pramana/in.purana.siva*complete-2.2.3.1.19) tapaḥsthāno'tipūtātmā pāvanaśca mahātmanām | tapassiddhiprado'tyantaṃ nānādhātvākaraḥ śubhaḥ || ### [2.3.1.20](https://indike.org/pramana/in.purana.siva*complete-2.2.3.1.20) sa eva divyarūpo hi ramyaḥ sarvāṅgasundaraḥ | viṣṇvaṃśo'vikṛtaḥ śailarājarājaḥ satāṃ priyaḥ || ### [2.3.1.21](https://indike.org/pramana/in.purana.siva*complete-2.2.3.1.21) kulasthityai ca sa girirdharmavarddhanahetave | svavivāhaṃ kartumaicchatpitṛdevahitecchayā || ### [2.3.1.22](https://indike.org/pramana/in.purana.siva*complete-2.2.3.1.22) tasminnavasare devāḥ svārthamācintya kṛtsnaśaḥ | ūcuḥ pitṝnsamāgatya divyānprītyā munīśvara || ### [2.3.1.23](https://indike.org/pramana/in.purana.siva*complete-2.2.3.1.23) devā ūcuḥ sarve śṛṇuta no vākyaṃ pitaraḥ prītamānasāḥ | kartavyaṃ tattathaivāśu devakāryepsavo yadi || ### [2.3.1.24](https://indike.org/pramana/in.purana.siva*complete-2.2.3.1.24) menā nāma sutā yā vo jyeṣṭhā maṅgalarūpiṇī | tāṃ vivāhya ca suprītyā himākhyena mahībhṛtā || ### [2.3.1.25](https://indike.org/pramana/in.purana.siva*complete-2.2.3.1.25) evaṃ sarvamahālābhaḥ sarveṣāṃ ca bhaviṣyati | yuṣmākamamarāṇāṃ ca duḥkhahāniḥ pade pade || ### [2.3.1.26](https://indike.org/pramana/in.purana.siva*complete-2.2.3.1.26) brahmovāca | ityākarṇyāmaravacaḥ pitaraste vimṛśya ca | smṛtvā śāpaṃ sutānāṃ ca procuromiti tadvacaḥ || ### [2.3.1.27](https://indike.org/pramana/in.purana.siva*complete-2.2.3.1.27) dadurmenāṃ suvidhinā himāgāya nijātmajām | samutsavo mahānāsīttadvivāhe sumaṅgale || ### [2.3.1.28](https://indike.org/pramana/in.purana.siva*complete-2.2.3.1.28) haryādayo'pi te devā munayaścāpare'khilāḥ | ājagmustatra saṃsmṛtya vāmadevaṃ bhavaṃ dhiyā || ### [2.3.1.29](https://indike.org/pramana/in.purana.siva*complete-2.2.3.1.29) utsavaṃ kārayāmāsurdattvā dānānyanekaśaḥ | supraśasya pitṝndivyānpraśaśaṃsurhimācalam || ### [2.3.1.30](https://indike.org/pramana/in.purana.siva*complete-2.2.3.1.30) mahāmodānvitā devāste sarve samunīśvarāḥ | sañjagmuḥ svasvadhāmāni saṃsmarantaḥ śivāśivau || ### [2.3.1.31](https://indike.org/pramana/in.purana.siva*complete-2.2.3.1.31) yautukaṃ bahu samprāpya suvivāhya priyāṃ ca tām | ājagāma svabhavanaṃ mudamāpa girīśvaraḥ || ### [2.3.1.32](https://indike.org/pramana/in.purana.siva*complete-2.2.3.1.32) brahmovāca | menayā hi himāgasya suvivāho munīśvara | prokto me sukhadaḥ prītyā kiṃ bhūyaḥ śrotumicchasi || ### [2.3.1.32.c1](https://indike.org/pramana/in.purana.siva*complete-2.2.3.1.32.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe himācalavivāhavarṇanaṃ nāma prathamo'dhyāyaḥ || ### [2.3.1.32.p2](https://indike.org/pramana/in.purana.siva*complete-2.2.3.1.32.p2) śrīgaṇeśāya namaḥ || ### [2.3.1.32.p3](https://indike.org/pramana/in.purana.siva*complete-2.2.3.1.32.p3) śrīgaurīśaṅkarābhyāṃ namaḥ || ### [2.3.1.32.p4](https://indike.org/pramana/in.purana.siva*complete-2.2.3.1.32.p4) śrīśivamahāpurāṇam || ### [2.3.1.32.p5](https://indike.org/pramana/in.purana.siva*complete-2.2.3.1.32.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ### [2.3.2.1](https://indike.org/pramana/in.purana.siva*complete-2.2.3.2.1) nārada uvāca | vidhe prājña vadedānīṃ menotpattiṃ samādarāt | api śāpaṃ samācakṣva kuru sandehabhañjanam || ### [2.3.2.2](https://indike.org/pramana/in.purana.siva*complete-2.2.3.2.2) brahmovāca | śṛṇu nārada suprītyā menotpattiṃ vivekataḥ | munibhiḥ saha vakṣye'haṃ sutavarya mahābudha || ### [2.3.2.3](https://indike.org/pramana/in.purana.siva*complete-2.2.3.2.3) dakṣanāmā mama suto yaḥ purā kathito mune | tasya jātāḥ sutāḥ ṣaṣṭipramitāḥ sṛṣṭikāraṇāḥ || ### [2.3.2.4](https://indike.org/pramana/in.purana.siva*complete-2.2.3.2.4) tāsāṃ vivāhamakarotsa varaiḥ kaśyapādibhiḥ | viditaṃ te samastaṃ tatprastutaṃ śṛṇu nārada || ### [2.3.2.5](https://indike.org/pramana/in.purana.siva*complete-2.2.3.2.5) tāsāṃ madhye svadhānāmnīṃ pitṛbhyo dattavānsutām | tisro'bhavansutāstasyāḥ subhagā dharmamūrtayaḥ || ### [2.3.2.6](https://indike.org/pramana/in.purana.siva*complete-2.2.3.2.6) tāsāṃ nāmāni śṛṇu me pāvanāni munīśvara | sadā vighnaharāṇyeva mahāmaṅgaladāni ca || ### [2.3.2.7](https://indike.org/pramana/in.purana.siva*complete-2.2.3.2.7) menānāmnī sutā jyeṣṭhā madhyā dhanyā kalāvatī | antyā etāḥ sutāḥ sarvāḥ pitṝṇāṃ mānasodbhavāḥ || ### [2.3.2.8](https://indike.org/pramana/in.purana.siva*complete-2.2.3.2.8) ayonijāḥ svadhāyāśca lokatastatsutā matāḥ | āsāṃ procya sunāmāni sarvānkāmān jano labhet || ### [2.3.2.9](https://indike.org/pramana/in.purana.siva*complete-2.2.3.2.9) jagadvandyāḥ sadā lokamātaraḥ paramodadāḥ | yoginyaḥ paramā jñānanidhānāstāstrilokagāḥ || ### [2.3.2.10](https://indike.org/pramana/in.purana.siva*complete-2.2.3.2.10) ekasminsamaye tisro bhaginyastā munīśvara | śvetadvīpaṃ viṣṇulokaṃ jagmurdarśanahetave || ### [2.3.2.11](https://indike.org/pramana/in.purana.siva*complete-2.2.3.2.11) kṛtvā praṇāmaṃ viṣṇośca saṃstutiṃ bhaktisaṃyutāḥ | tasthustadājñayā tatra susamājo mahānabhūt || ### [2.3.2.12](https://indike.org/pramana/in.purana.siva*complete-2.2.3.2.12) tadaiva sanakādyāstu siddhā brahmasutā mune | gatāstatra hariṃ natvā stutvā tasthustadājñayā || ### [2.3.2.13](https://indike.org/pramana/in.purana.siva*complete-2.2.3.2.13) sanakādyānmunīn dṛṣṭvottasthuste sakalā drutam | tatrasthānsaṃsthitānnatvā devādyām̐llokavanditān || ### [2.3.2.14](https://indike.org/pramana/in.purana.siva*complete-2.2.3.2.14) tisro bhaginyastāstatra nottasthurmohitā mune | māyayā daivavivaśāḥ śaṅkarasya parātmanaḥ || ### [2.3.2.15](https://indike.org/pramana/in.purana.siva*complete-2.2.3.2.15) mohinī sarvalokānāṃ śivamāyā garīyasī | tadadhīnaṃ jagatsarvaṃ śivecchā sā prakīrtyate || ### [2.3.2.16](https://indike.org/pramana/in.purana.siva*complete-2.2.3.2.16) prārabdhaṃ procyate saiva tannāmāni hyanekaśaḥ | śivecchayā bhavatyeva nātra kāryā vicāraṇā || ### [2.3.2.17](https://indike.org/pramana/in.purana.siva*complete-2.2.3.2.17) bhūtvā tadvaśagāstā vai na cakrurapi tannatim | vismitāḥ sampradṛśyaiva saṃsthitāstatra kevalam || ### [2.3.2.18](https://indike.org/pramana/in.purana.siva*complete-2.2.3.2.18) tādṛśīṃ tadgatiṃ dṛṣṭvā sanakādyā munīśvarāḥ | jñānino'pi paraṃ cakruḥ krodhaṃ durviṣahaṃ ca te || ### [2.3.2.19](https://indike.org/pramana/in.purana.siva*complete-2.2.3.2.19) śivecchāmohitastatra sakrodhastā uvāca ha | sanatkumāro yogīśaḥ śāpaṃ daṇḍakaraṃ dadat || ### [2.3.2.20](https://indike.org/pramana/in.purana.siva*complete-2.2.3.2.20) sanatkumāra uvāca | yūyaṃ tisro bhaginyaśca mūḍhāḥ sadvayunojjhitāḥ | ajñātaśrutitattvā hi pitṛkanyā api dhruvam || ### [2.3.2.21](https://indike.org/pramana/in.purana.siva*complete-2.2.3.2.21) abhyutthānaṃ kṛtaṃ no yo namaskāro'pi garvitāḥ | mohitā narabhāvatvātsvargād dūrā bhavantu hi || ### [2.3.2.22](https://indike.org/pramana/in.purana.siva*complete-2.2.3.2.22) narastriyaḥ sambhavantu tisro'pya jñānamohitāḥ | svakarmaṇaḥ prabhāveṇa labhadhvaṃ phalamīdṛśam || ### [2.3.2.23](https://indike.org/pramana/in.purana.siva*complete-2.2.3.2.23) brahmovāca | ityākarṇya ca sādhvyastāstisro'pi cakitā bhṛśam | patitvā pādayostasya samūcūrnatamastakāḥ || ### [2.3.2.24](https://indike.org/pramana/in.purana.siva*complete-2.2.3.2.24) pitṛtanayā ūcuḥ munivarya dayāsindho prasanno bhava cādhunā | tvatpraṇāmaṃ vayaṃ mūḍhāḥ kurmahe sma na bhāvataḥ || ### [2.3.2.25](https://indike.org/pramana/in.purana.siva*complete-2.2.3.2.25) prāptaṃ ca tatphalaṃ vipra na te doṣo mahāmune | anugrahaṃ kuruṣvātra labhema svargatiṃ punaḥ || ### [2.3.2.26](https://indike.org/pramana/in.purana.siva*complete-2.2.3.2.26) brahmovāca śrutvā tadvacanaṃ tāta provāca sa munistadā | śāpoddhāraṃ prasannātmā preritaḥ śivamāyayā || ### [2.3.2.27](https://indike.org/pramana/in.purana.siva*complete-2.2.3.2.27) sanatkumāra uvāca pitṝṇāṃ tanayāstisraḥ śṛṇuta prītamānasāḥ | vacanaṃ mama śokaghnaṃ sukhadaṃ sarvadaiva vaḥ || ### [2.3.2.28](https://indike.org/pramana/in.purana.siva*complete-2.2.3.2.28) viṣṇoraṃśasya śailasya himādhārasya kāminī | jyeṣṭhā bhavatu tatkanyā bhaviṣyatyeva pārvatī || ### [2.3.2.29](https://indike.org/pramana/in.purana.siva*complete-2.2.3.2.29) dhanyā priyā dvitīyā tu yoginī janakasya ca | tasyāḥ kanyā mahālakṣmīrnāmnā sītā bhaviṣyati || ### [2.3.2.30](https://indike.org/pramana/in.purana.siva*complete-2.2.3.2.30) vṛṣabhānasya vaiśyasya kaniṣṭhā ca kalāvatī | bhaviṣyati priyā rādhā tatsutā dvāparāntataḥ || ### [2.3.2.31](https://indike.org/pramana/in.purana.siva*complete-2.2.3.2.31) menakā yoginī patyā pārvatyāśca vareṇa ca | tena dehena kailāsaṃ gamiṣyati paraṃ padam || ### [2.3.2.32](https://indike.org/pramana/in.purana.siva*complete-2.2.3.2.32) dhanyā ca sītayā sīradhvajo janakavaṃśajaḥ | jīvanmukto mahāyogī vaikuṇṭhaṃ ca gamiṣyati || ### [2.3.2.33](https://indike.org/pramana/in.purana.siva*complete-2.2.3.2.33) kalāvatī vṛṣabhānasya kautukātkanyayā saha | jīvanmuktā ca golokaṃ gamiṣyati na saṃśayaḥ || ### [2.3.2.34](https://indike.org/pramana/in.purana.siva*complete-2.2.3.2.34) vinā vipattiṃ mahimā keṣāṃ kutra bhaviṣyati | sukarmiṇāṃ gate duḥkhe prabhaved durlabhaṃ sukham || ### [2.3.2.35](https://indike.org/pramana/in.purana.siva*complete-2.2.3.2.35) pitṛṇāṃ tanayāḥ yūyaṃ sarvāḥ svargavilāsikāḥ | karmakṣayaśca yuṣmākamabhavadviṣṇudarśanāt || ### [2.3.2.36](https://indike.org/pramana/in.purana.siva*complete-2.2.3.2.36) ityuktvā punarapyāha gatakrodho munīśvaraḥ | śivaṃ saṃsmṛtya manasā jñānadaṃ bhuktimuktidam || ### [2.3.2.37](https://indike.org/pramana/in.purana.siva*complete-2.2.3.2.37) aparaṃ śṛṇuta prītyā madvacaḥ sukhadaṃ sadā | dhanyā yūyaṃ śivaprītā mānyā pūjyā hyabhīkṣṇaśaḥ || ### [2.3.2.38](https://indike.org/pramana/in.purana.siva*complete-2.2.3.2.38) menāyāstanayā devī pārvatī jagadambikā | bhaviṣyati priyā śambhostapaḥ kṛtvā sudussaham || ### [2.3.2.39](https://indike.org/pramana/in.purana.siva*complete-2.2.3.2.39) dhanyāsutā smṛtā sītā rāmapatnī bhaviṣyati | laukikācāramāśritya rāmeṇa vihariṣyati || ### [2.3.2.40](https://indike.org/pramana/in.purana.siva*complete-2.2.3.2.40) kalāvatīsutā rādhā sākṣād golokavāsinī | guptasnehanibaddhā sā kṛṣṇapatnī bhaviṣyati || ### [2.3.2.41](https://indike.org/pramana/in.purana.siva*complete-2.2.3.2.41) brahmovāca | itthamābhāṣya sa munirbhrātṛbhiḥ saha saṃstutaḥ | sanatkumāro bhagavām̐statraivāntarhito'bhavat || ### [2.3.2.42](https://indike.org/pramana/in.purana.siva*complete-2.2.3.2.42) tisro bhaginyastāstāta pitṛṇāṃ mānasīḥ sutāḥ | gatapāpāḥ sukhaṃ prāpya svadhāma prayayurdrutam || ### [2.3.2.42.c1](https://indike.org/pramana/in.purana.siva*complete-2.2.3.2.42.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe pūrvagativarṇanaṃ nāma dvitīyo'dhyāyaḥ || ### [2.3.2.42.p2](https://indike.org/pramana/in.purana.siva*complete-2.2.3.2.42.p2) śrīgaṇeśāya namaḥ || ### [2.3.2.42.p3](https://indike.org/pramana/in.purana.siva*complete-2.2.3.2.42.p3) śrīgaurīśaṅkarābhyāṃ namaḥ || ### [2.3.2.42.p4](https://indike.org/pramana/in.purana.siva*complete-2.2.3.2.42.p4) śrīśivamahāpurāṇam || ### [2.3.2.42.p5](https://indike.org/pramana/in.purana.siva*complete-2.2.3.2.42.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ### tṛtīyo'dhyāyaḥ | viṣṇvādidevaiḥ kṛtā śivastutiḥ ### [2.3.3.1](https://indike.org/pramana/in.purana.siva*complete-2.2.3.3.1) nārada uvāca | vidhe prājña mahādhīmanvada me vadatāṃ vara | tataḥ paraṃ kimabhavaccaritaṃ viṣṇusadguroḥ || ### [2.3.3.2](https://indike.org/pramana/in.purana.siva*complete-2.2.3.3.2) adbhuteyaṃ kathā proktā menāpūrvagatiḥ śubhā | vivāhaśca śrutaḥ samyak paramaṃ caritaṃ vada || ### [2.3.3.3](https://indike.org/pramana/in.purana.siva*complete-2.2.3.3.3) menāṃ vivāhya sa giriḥ kṛtavān kiṃ tataḥ param | pārvatī kathamutpannā tasyāṃ vai jagadambikā || ### [2.3.3.4](https://indike.org/pramana/in.purana.siva*complete-2.2.3.3.4) tapaḥ sudussahaṃ kṛtvā kathaṃ prāpa patiṃ haram | etatsarvaṃ samācakṣva vistarācchāṅkaraṃ yaśaḥ || ### [2.3.3.5](https://indike.org/pramana/in.purana.siva*complete-2.2.3.3.5) brahmovāca | mune tvaṃ śṛṇu suprītyā śāṅkaraṃ suyaśaḥ śubham | yacchrutvā brahmahā śuddhyetsarvānkāmānavāpnuyāt || ### [2.3.3.6](https://indike.org/pramana/in.purana.siva*complete-2.2.3.3.6) yadā menāvivāhaṃ tu kṛtvāgacchadgirirgṛham | tadā samutsavo jātastriṣu lokeṣu nārada || ### [2.3.3.7](https://indike.org/pramana/in.purana.siva*complete-2.2.3.3.7) himācalo'pi suprītaścakāra paramotsavam | bhūsurān bandhuvargāṃśca parānānarca saddhiyā || ### [2.3.3.8](https://indike.org/pramana/in.purana.siva*complete-2.2.3.3.8) sarve dvijāśca santuṣṭā dattvāśīrvacanaṃ varam | yayustasmai svasvadhāma bandhuvargāstathāpare || ### [2.3.3.9](https://indike.org/pramana/in.purana.siva*complete-2.2.3.3.9) himācalo'pi suprīto menayā sukhade gṛhe | reme'nyatra ca susthāne nandanādivaneṣvapi || ### [2.3.3.10](https://indike.org/pramana/in.purana.siva*complete-2.2.3.3.10) tasminnavasare devā mune viṣṇvādayo'khilāḥ | munayaśca mahātmānaḥ prajagmurbhūdharāntike || ### [2.3.3.11](https://indike.org/pramana/in.purana.siva*complete-2.2.3.3.11) dṛṣṭvā tānāgatāndevānpraṇanāma mudā giriḥ | sammānaṃ kṛtavān bhaktyā praśaṃsan svavidhiṃ mahān || ### [2.3.3.12](https://indike.org/pramana/in.purana.siva*complete-2.2.3.3.12) sāñjalirnataśīrṣo hi sa tuṣṭāva subhaktitaḥ | romodgamo mahānāsīdgireḥ premāśravo'patan || ### [2.3.3.13](https://indike.org/pramana/in.purana.siva*complete-2.2.3.3.13) tataḥ praṇamya suprīto himaśailaḥ prasannadhīḥ | uvāca praṇato bhūtvā mune viṣṇvādikānsurān || ### [2.3.3.14](https://indike.org/pramana/in.purana.siva*complete-2.2.3.3.14) himācala uvāca | adya me saphalaṃ janma saphalaṃ sumahattapaḥ | adya me saphalaṃ jñānamadya me saphalāḥ kriyāḥ || ### [2.3.3.15](https://indike.org/pramana/in.purana.siva*complete-2.2.3.3.15) dhanyo'hamadya sañjāto dhanyā me sakalā kṣitiḥ | dhanyaṃ kulaṃ tathā dārāḥ sarvaṃ dhanyaṃ na saṃśayaḥ || ### [2.3.3.16](https://indike.org/pramana/in.purana.siva*complete-2.2.3.3.16) yataḥ samāgatā yūyaṃ militvā sarva ekadā | māṃ nideśayata prītyocitaṃ matvā svasevakam || ### [2.3.3.17](https://indike.org/pramana/in.purana.siva*complete-2.2.3.3.17) brahmovāca | iti śrutvā mahīdhrasya vacanaṃ te surāstadā | ūcurharyādayaḥ prītāḥ siddhiṃ matvā svakāryataḥ || ### [2.3.3.18](https://indike.org/pramana/in.purana.siva*complete-2.2.3.3.18) devā ūcuḥ | himācala mahāprājña śṛṇvasmadvacanaṃ hitam | yadarthamāgatāḥ sarve tad brūmaḥ prītito vayam || ### [2.3.3.19](https://indike.org/pramana/in.purana.siva*complete-2.2.3.3.19) yā purā jagadambomā dakṣakanyābhavadgire | rudrapatnī hi sā bhūtvā cikrīḍe suciraṃ bhuvi || ### [2.3.3.20](https://indike.org/pramana/in.purana.siva*complete-2.2.3.3.20) pitṛto'nādaraṃ prāpya saṃsmṛtya svapaṇaṃ satī | jagāma svapadaṃ tyaktvā taccharīraṃ tadāmbikā || ### [2.3.3.21](https://indike.org/pramana/in.purana.siva*complete-2.2.3.3.21) sā kathā viditā loke tavāpi himabhūdhara | evaṃ sati mahālābho bhaveddevagaṇasya hi || ### [2.3.3.21.p1](https://indike.org/pramana/in.purana.siva*complete-2.2.3.3.21.p1) sarvasya bhavataścāpi syuḥ sarve te vaśāḥ surāḥ | 22 || ### [2.3.3.23](https://indike.org/pramana/in.purana.siva*complete-2.2.3.3.23) brahmovāca | ityākarṇya vacasteṣāṃ haryādīnāṃ girīśvaraḥ | tathāstviti prasannātmā provāca na ca ādarāt || ### [2.3.3.24](https://indike.org/pramana/in.purana.siva*complete-2.2.3.3.24) atha te ca samādiśya tadvidhiṃ paramādarāt | svayaṃ jagmuśca śaraṇamumāyāḥ śaṅkarastriyaḥ || ### [2.3.3.25](https://indike.org/pramana/in.purana.siva*complete-2.2.3.3.25) susthale manasā sthitvā sasmarurjagadambikām | praṇamya bahuśastatra tuṣṭuvuḥ śraddhayā surāḥ || ### [2.3.3.26](https://indike.org/pramana/in.purana.siva*complete-2.2.3.3.26) devā ūcuḥ | devyume jagatāmamba śivalokanivāsini | sadāśivapriye durge tvāṃ namāmo maheśvari || ### [2.3.3.27](https://indike.org/pramana/in.purana.siva*complete-2.2.3.3.27) śrīśaktiṃ pāvanāṃ śāntāṃ puṣṭiṃ paramapāvanīm | vayaṃ namāmahe bhaktyā mahadavyaktarūpiṇīm || ### [2.3.3.28](https://indike.org/pramana/in.purana.siva*complete-2.2.3.3.28) śivāṃ śivakarāṃ śuddhāṃ sthūlāṃ sūkṣmāṃ parāyaṇām | antarvidyāsuvidyābhyāṃ suprītāṃ tvāṃ namāmahe || ### [2.3.3.29](https://indike.org/pramana/in.purana.siva*complete-2.2.3.3.29) tvaṃ śraddhā tvaṃ dhṛtistvaṃ śrīstvameva sarvagocarā | tvaṃ dīdhitissūryagatā svaprapañcaprakāśinī || ### [2.3.3.30](https://indike.org/pramana/in.purana.siva*complete-2.2.3.3.30) yā ca brahmāṇḍasaṃsthāne jagajjīveṣu yā jagat | āpyāyayati brahmāditṛṇāntaṃ tāṃ namāmahe || ### [2.3.3.31](https://indike.org/pramana/in.purana.siva*complete-2.2.3.3.31) gāyatrī tvaṃ vedamātā tvaṃ sāvitrī sarasvatī | tvaṃ vārtā sarvajagatāṃ tvaṃ trayī dharmarūpiṇī || ### [2.3.3.32](https://indike.org/pramana/in.purana.siva*complete-2.2.3.3.32) nidrā tvaṃ sarvabhūteṣu kṣudhā tṛptistvameva hi | tṛṣṇā kāntiśchavistuṣṭiḥ sarvānandakarī sadā || ### [2.3.3.33](https://indike.org/pramana/in.purana.siva*complete-2.2.3.3.33) tvaṃ lakṣmīḥ puṇyakartṝṇāṃ tvaṃ jyeṣṭhā pāpināṃ sadā | tvaṃ śāntiḥ sarvajagatāṃ tvaṃ dhātrī prāṇapoṣiṇī || ### [2.3.3.34](https://indike.org/pramana/in.purana.siva*complete-2.2.3.3.34) tvaṃ tattvarūpā bhūtānāṃ pañcānāmapi sārakṛt | tvaṃ hi nītibhṛtāṃ nītirvyavasāyasvarūpiṇī || ### [2.3.3.35](https://indike.org/pramana/in.purana.siva*complete-2.2.3.3.35) gītistvaṃ sāmavedasya granthistvaṃ yajuṣāṃ hutiḥ | ṛgvedasya tathā mātrātharvaṇasya parā gatiḥ || ### [2.3.3.36](https://indike.org/pramana/in.purana.siva*complete-2.2.3.3.36) samastagīrvāṇagaṇasya śakti-stamomayī dhātṛguṇaikadṛśyā | rajaḥ prapañcāttu bhavaikarūpā yā naḥ śrutā bhavyakarī stuteha || ### [2.3.3.37](https://indike.org/pramana/in.purana.siva*complete-2.2.3.3.37) saṃsārasāgarakarālabhavāṅgaduḥkha-nistārakāritaraṇiṃ ca nivītahīnām | aṣṭāṅgayogaparipālanakelidakṣāṃ vindhyāgavāsaniratāṃ praṇamāma tāṃ vai || ### [2.3.3.38](https://indike.org/pramana/in.purana.siva*complete-2.2.3.3.38) nāsākṣivaktrabhujavakṣasi mānase ca dhṛtyā sukhāni vitanoti sadaiva jantoḥ | nidreti yāti subhagā jagatī bhavānāṃ sā naḥ prasīdatu bhavasthitipālanāya || ### [2.3.3.39](https://indike.org/pramana/in.purana.siva*complete-2.2.3.3.39) brahmovāca | iti stutvā maheśānīṃ jagadambāmumāṃ satīm | supremamanasaḥ sarve tasthuste darśanepsavaḥ || ### [2.3.3.39.c1](https://indike.org/pramana/in.purana.siva*complete-2.2.3.3.39.c1) iti śrīśivamahāpurāṇe ditīyāyāṃ rudrasaṃhitāyāṃ tṛtīye pārvatīkhaṇḍe devastutirnāma tṛtīyo'dhyāyaḥ || ### [2.3.3.39.p2](https://indike.org/pramana/in.purana.siva*complete-2.2.3.3.39.p2) śrīgaṇeśāya namaḥ || ### [2.3.3.39.p3](https://indike.org/pramana/in.purana.siva*complete-2.2.3.3.39.p3) śrīgaurīśaṅkarābhyāṃ namaḥ || ### [2.3.3.39.p4](https://indike.org/pramana/in.purana.siva*complete-2.2.3.3.39.p4) śrīśivamahāpurāṇam || ### [2.3.3.39.p5](https://indike.org/pramana/in.purana.siva*complete-2.2.3.3.39.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ### caturtho'dhyāyaḥ | śivena devānāṃ sāntvanam ### [2.3.4.1](https://indike.org/pramana/in.purana.siva*complete-2.2.3.4.1) brahmovāca | itthaṃ devaiḥ stutā devī durgā durgārtināśinī | āvirbabhūva devānāṃ purato jagadambikā || ### [2.3.4.2](https://indike.org/pramana/in.purana.siva*complete-2.2.3.4.2) rathe ratnamaye divye saṃsthitā paramādbhute | kiṅkiṇījālasaṃyukte mṛdusaṃstaraṇe vare || ### [2.3.4.3](https://indike.org/pramana/in.purana.siva*complete-2.2.3.4.3) koṭisūryādhikābhāsaramyāvayavabhāsinī | svatejorāśimadhyasthā vararūpāsamacchaviḥ || ### [2.3.4.4](https://indike.org/pramana/in.purana.siva*complete-2.2.3.4.4) anūpamā mahāmāyā sadāśivavilāsinī | triguṇā nirguṇā nityā śivalokanivāsinī || ### [2.3.4.5](https://indike.org/pramana/in.purana.siva*complete-2.2.3.4.5) tridevajananī caṇḍī śivā sarvārtināśinī | sarvamātā mahānidrā sarvasvajanatāriṇī || ### [2.3.4.6](https://indike.org/pramana/in.purana.siva*complete-2.2.3.4.6) tejorāśeḥ prabhāvāttu sā tu dṛṣṭā suraiśśivā | tuṣṭuvustāṃ punaste vai surā darśanakāṅkṣiṇaḥ || ### [2.3.4.7](https://indike.org/pramana/in.purana.siva*complete-2.2.3.4.7) atha devagaṇāḥ sarve viṣṇvādyā darśanepsavaḥ | dadṛśurjagadambāṃ tāṃ tatkṛpāṃ prāpya tatra hi || ### [2.3.4.8](https://indike.org/pramana/in.purana.siva*complete-2.2.3.4.8) babhūvānandasandohaḥ sarveṣāṃ tridivaukasām | punaḥ punaḥ praṇemustāṃ tuṣṭuvuśca viśeṣataḥ || ### [2.3.4.9](https://indike.org/pramana/in.purana.siva*complete-2.2.3.4.9) devā ūcuḥ | śive śarvāṇi kalyāṇi jagadamba maheśvari | tvāṃ natāḥ sarvathā devā vayaṃ sarvārtināśinīm || ### [2.3.4.10](https://indike.org/pramana/in.purana.siva*complete-2.2.3.4.10) na hi jānanti deveśi vedāḥ śāstrāṇi kṛtsnaśaḥ | atīto mahimā dhyānaṃ tava vāṅmanasoḥ śive || ### [2.3.4.11](https://indike.org/pramana/in.purana.siva*complete-2.2.3.4.11) atadvyāvṛttitastvāṃ vai cakitaṃ cakitaṃ sadā | abhidhatte śrutirapi pareṣāṃ kā kathā matā || ### [2.3.4.12](https://indike.org/pramana/in.purana.siva*complete-2.2.3.4.12) jānanti bahavo bhaktāstvatkṛpāṃ prāpya bhaktitaḥ | śaraṇāgatabhaktānāṃ na kutrāpi bhayādikam || ### [2.3.4.13](https://indike.org/pramana/in.purana.siva*complete-2.2.3.4.13) vijñaptiṃ śṛṇu suprītā yasyā dāsāḥ sadāmbike | tava devi mahādevi hīnato varṇayāmahe || ### [2.3.4.14](https://indike.org/pramana/in.purana.siva*complete-2.2.3.4.14) purā dakṣasutā bhūtvā sañjātā haravallabhā | brahmaṇaśca pareṣāṃ vānāśayattvamakaṃ mahat || ### [2.3.4.15](https://indike.org/pramana/in.purana.siva*complete-2.2.3.4.15) pitṛto'nādaraṃ prāpyātyajaḥ paṇavaśāttanum | svalokamagamastvaṃ vālabhaddukhaṃ haro'pi hi || ### [2.3.4.16](https://indike.org/pramana/in.purana.siva*complete-2.2.3.4.16) na hi jātaṃ prapūrṇaṃ taddevakāryaṃ maheśvari | vyākulā munayo devāḥ śaraṇaṃ tvāṃ gatā vayam || ### [2.3.4.17](https://indike.org/pramana/in.purana.siva*complete-2.2.3.4.17) pūrṇaṃ kuru maheśāni nirjarāṇāṃ manoratham | sanatkumāravacanaṃ saphalaṃ syādyathā śive || ### [2.3.4.18](https://indike.org/pramana/in.purana.siva*complete-2.2.3.4.18) avatīrya kṣitau devi rudrapatnī punarbhava | līlāṃ kuru yathāyogyaṃ prāpnuyurnirjarāḥ sukham || ### [2.3.4.19](https://indike.org/pramana/in.purana.siva*complete-2.2.3.4.19) sukhī syāddevi rudro'pi kailāsācalasaṃsthitaḥ | sarve bhavantu sukhino duḥkhaṃ naśyatu kṛtsnaśaḥ || ### [2.3.4.20](https://indike.org/pramana/in.purana.siva*complete-2.2.3.4.20) brahmovāca | iti procyāmarāḥ sarve viṣṇvādyāḥ premasaṅkulāḥ | maunamāsthāya santasthurbhaktinamrātmamūrtayaḥ || ### [2.3.4.21](https://indike.org/pramana/in.purana.siva*complete-2.2.3.4.21) śivāpi suprasannābhūdākarṇyāmarasaṃstutim | ākalayyātha taddhetuṃ saṃsmṛtya svaprabhuṃ śivam || ### [2.3.4.22](https://indike.org/pramana/in.purana.siva*complete-2.2.3.4.22) uvācomā tadā devī sambodhya vibudhāṃśca tān | vihasya māpatimukhān sadayā bhaktavatsalā || ### [2.3.4.23](https://indike.org/pramana/in.purana.siva*complete-2.2.3.4.23) umovāca he hare he vidhe devā munayaśca gatavyathāḥ | sarve śṛṇuta madvākyaṃ prasannāhaṃ na saṃśayaḥ || ### [2.3.4.24](https://indike.org/pramana/in.purana.siva*complete-2.2.3.4.24) caritaṃ mama sarvatra trailokyasya sukhāvaham | kṛtaṃ mayaivaṃ sakalaṃ dakṣamohādikaṃ ca tat || ### [2.3.4.25](https://indike.org/pramana/in.purana.siva*complete-2.2.3.4.25) avatāraṃ kariṣyāmi kṣitau pūrṇaṃ na saṃśayaḥ | bahavo hetavo'pyatra tadvadāmi mahādarāt || ### [2.3.4.26](https://indike.org/pramana/in.purana.siva*complete-2.2.3.4.26) purā himācalo devā menā cātisubhaktitaḥ | sevāṃ me cakratustātajananīvatsatītanoḥ || ### [2.3.4.27](https://indike.org/pramana/in.purana.siva*complete-2.2.3.4.27) idānīṃ kurutaḥ sevāṃ subhaktyā mama nityaśaḥ | menā viśeṣatastatra sutātve nātra saṃśayaḥ || ### [2.3.4.28](https://indike.org/pramana/in.purana.siva*complete-2.2.3.4.28) rudro gacchatu yūyaṃ cāvatāraṃ himavadgṛhe | ataścāvatariṣyāmi duḥkhanāśo bhaviṣyati || ### [2.3.4.29](https://indike.org/pramana/in.purana.siva*complete-2.2.3.4.29) sarve gacchata dhāma svaṃ svaṃ sukhaṃ labhatāṃ ciram | avatīrya sutā bhūtvā menāyā dāsya utsukham || ### [2.3.4.30](https://indike.org/pramana/in.purana.siva*complete-2.2.3.4.30) harapatnī bhaviṣyāmi suguptaṃ matamātmanaḥ | adbhutā śivalīlā hi jñānināmapi mohinī || ### [2.3.4.31](https://indike.org/pramana/in.purana.siva*complete-2.2.3.4.31) yāvatprabhṛti me tyaktā svatanurdakṣajā surāḥ | pitṛto'nādaraṃ dṛṣṭvā svāminastatkratau gatā || ### [2.3.4.32](https://indike.org/pramana/in.purana.siva*complete-2.2.3.4.32) tadāprabhṛti sa svāmī rudraḥ kālāgnisaṃjñakaḥ | digambaro babhūvāśu maccintanaparāyaṇaḥ || ### [2.3.4.33](https://indike.org/pramana/in.purana.siva*complete-2.2.3.4.33) mama roṣaṃ kratau dṛṣṭvā pitustatra gatā satī | atyajatsvatanuṃ prītyā dharmajñeti vicārataḥ || ### [2.3.4.34](https://indike.org/pramana/in.purana.siva*complete-2.2.3.4.34) yogyabhūtsadanaṃ tyaktvā kṛtvā veṣamalaukikam | na sehe virahaṃ satyā madrūpāyā maheśvaraḥ || ### [2.3.4.35](https://indike.org/pramana/in.purana.siva*complete-2.2.3.4.35) mama hetormahāduḥkhī sa babhūva kuveṣabhṛt | atyajatsa tadārabhya kāmajaṃ sukhamuttamam || ### [2.3.4.36](https://indike.org/pramana/in.purana.siva*complete-2.2.3.4.36) anyacchṛṇuta he viṣṇo he vidhe munayaḥ surāḥ | mahāprabhormaheśasya līlāṃ bhuvanapālinīm || ### [2.3.4.37](https://indike.org/pramana/in.purana.siva*complete-2.2.3.4.37) vidhāya mālāṃ suprītyā mamāsthnāṃ virahākulaḥ | na śāntiṃ prāpa kutrāpi prabuddho'pyeka eva saḥ || ### [2.3.4.38](https://indike.org/pramana/in.purana.siva*complete-2.2.3.4.38) itastato rurodoccairanīśa iva sa prabhuḥ | yogyāyogyaṃ na bubudhe bhramansarvatra sarvadā || ### [2.3.4.39](https://indike.org/pramana/in.purana.siva*complete-2.2.3.4.39) itthaṃ līlāṃ haro'kārṣīddarśayankāmināṃ prabhuḥ | ūce kāmukavadvāṇīṃ virahavyākulāmiva || ### [2.3.4.40](https://indike.org/pramana/in.purana.siva*complete-2.2.3.4.40) vastuto'vikṛto'dīno'styajitaḥ parameśvaraḥ | paripūrṇaḥ śivaḥ svāmī māyādhīśo'khileśvaraḥ || ### [2.3.4.41](https://indike.org/pramana/in.purana.siva*complete-2.2.3.4.41) anyathā mohatastasya kiṃ kāmācca prayojanam | vikāreṇāpi kenāśu māyālipto na sa prabhuḥ || ### [2.3.4.42](https://indike.org/pramana/in.purana.siva*complete-2.2.3.4.42) rudro'tīvecchati vibhuḥ sa me kartuṃ karagraham | avatāraṃ kṣitau menāhimācalagṛhe surāḥ || ### [2.3.4.43](https://indike.org/pramana/in.purana.siva*complete-2.2.3.4.43) ataścāvatariṣyāmi rudrasantoṣahetave | himāgapatnyāṃ menāyāṃ laukikīṃ gatimāśritā || ### [2.3.4.44](https://indike.org/pramana/in.purana.siva*complete-2.2.3.4.44) bhaktā rudrapriyā bhūtvā tapaḥ kṛtvā sudussaham | devakāryaṃ kariṣyāmi satyaṃ satyaṃ na saṃśayaḥ || ### [2.3.4.45](https://indike.org/pramana/in.purana.siva*complete-2.2.3.4.45) gacchata svagṛhaṃ sarve bhavaṃ bhajata nityaśaḥ | tatkṛpāto'khilaṃ duḥkhaṃ vinaśyati na saṃśayaḥ || ### [2.3.4.46](https://indike.org/pramana/in.purana.siva*complete-2.2.3.4.46) bhaviṣyati kṛpālostu kṛpayā maṅgalaṃ sadā | vandyā pūjyā triloke'haṃ tajjāyeti ca hetutaḥ || ### [2.3.4.47](https://indike.org/pramana/in.purana.siva*complete-2.2.3.4.47) brahmovāca | ityuktvā jagadambā sā devānāṃ paśyatāṃ tadā | antardadhe śivā tāta svaṃ lokaṃ prāpa vai drutam || ### [2.3.4.48](https://indike.org/pramana/in.purana.siva*complete-2.2.3.4.48) viṣṇvādayaḥ surāḥ sarve munayaśca mudānvitāḥ | kṛtvā taddiśi sannāmaṃ svasvadhāmāni saṃyayuḥ || ### [2.3.4.49](https://indike.org/pramana/in.purana.siva*complete-2.2.3.4.49) itthaṃ durgāsucaritaṃ varṇitaṃ te munīśvara | sarvadā sukhadaṃ nṝṇāṃ bhuktimuktipradāyakam || ### [2.3.4.50](https://indike.org/pramana/in.purana.siva*complete-2.2.3.4.50) ya idaṃ śṛṇuyānnityaṃ śrāvayedvā samāhitaḥ | paṭhedvā pāṭhayedvāpi sarvānkāmānavāpnuyāt || ### [2.3.4.50.c1](https://indike.org/pramana/in.purana.siva*complete-2.2.3.4.50.c1) iti śrīśivamahāpurāṇe dvitīyāyāṃ rudrasaṃhitāyāṃ tṛtīye pārvatīkhaṇḍe devasāntvanaṃ nāma caturtho'dhyāyaḥ || ### [2.3.4.50.p2](https://indike.org/pramana/in.purana.siva*complete-2.2.3.4.50.p2) śrīgaṇeśāya namaḥ || ### [2.3.4.50.p3](https://indike.org/pramana/in.purana.siva*complete-2.2.3.4.50.p3) śrīgaurīśaṅkarābhyāṃ namaḥ || ### [2.3.4.50.p4](https://indike.org/pramana/in.purana.siva*complete-2.2.3.4.50.p4) śrīśivamahāpurāṇam || ### [2.3.4.50.p5](https://indike.org/pramana/in.purana.siva*complete-2.2.3.4.50.p5) dvitīyāyāṃ rudrasaṃhitāyāṃ tṛtīyaḥ pārvatīkhaṇḍe ### pañcamo'dhyāyaḥ | menakayā varaprāptiḥ ### [2.3.5.1](https://indike.org/pramana/in.purana.siva*complete-2.2.3.5.1) nārada uvāca | antarhitāyāṃ devyāṃ tu durgāyāṃ svagṛheṣu ca | gateṣvamaravṛndeṣu kimabhūttadanantaram || ### [2.3.5.2](https://indike.org/pramana/in.purana.siva*complete-2.2.3.5.2) kathaṃ menāgirīśau ca tepāte paramaṃ tapaḥ | kathaṃ sutābhavattasya menāyāṃ tāta tadvada || ### [2.3.5.3](https://indike.org/pramana/in.purana.siva*complete-2.2.3.5.3) brahmovāca vipravarya sutaśreṣṭha śṛṇu taccaritaṃ mahat | praṇamya śaṅkaraṃ bhaktyā vacmi bhaktivivardhanam || ### [2.3.5.4](https://indike.org/pramana/in.purana.siva*complete-2.2.3.5.4) upadiśya gate tāta suravṛnde girīśvaraḥ | haryādau menakā cāpi tepāte paramaṃ tapaḥ || ### [2.3.5.5](https://indike.org/pramana/in.purana.siva*complete-2.2.3.5.5) aharniśaṃ śivāṃ śambhuṃ cintayantau ca dampatī | samyagāredhaturnityaṃ bhaktiyuktena cetasā || ### [2.3.5.6](https://indike.org/pramana/in.purana.siva*complete-2.2.3.5.6) giripriyātīva mudānarca devīṃ śivena sā | dānaṃ dadau dvijebhyaśca sadā tattoṣahetave || ### [2.3.5.7](https://indike.org/pramana/in.purana.siva*complete-2.2.3.5.7) caitramāsaṃ samārabhya saptaviṃśativatsarān | śivāṃ sampūjayāmāsāpatyārthinyanvahaṃ ratā || ### [2.3.5.8](https://indike.org/pramana/in.purana.siva*complete-2.2.3.5.8) aṣṭamyāmupavāsaṃ tu kṛtvādānnavamītithau | modakairbalipiṣṭaiśca pāyasairgandhapuṣpakaiḥ || ### [2.3.5.9](https://indike.org/pramana/in.purana.siva*complete-2.2.3.5.9) gaṅgāyāmauṣadhiprasthe kṛtvā mūrtiṃ mahīmayīm | umāyāḥ pūjayāmāsa nānāvastusamarpaṇaiḥ || ### [2.3.5.10](https://indike.org/pramana/in.purana.siva*complete-2.2.3.5.10) kadācitsā nirāhārā kadācitsā dhṛtavratā | kadācitpavanāhārā kadācijjalabhughyabhūt || ### [2.3.5.11](https://indike.org/pramana/in.purana.siva*complete-2.2.3.5.11) śivāvinyastacetaskā saptaviṃśativatsarān | nināya menakā prītyā paraṃ sā mṛṣṭavarcasā || _First 200 of 3,045 passages. [Read on](https://indike.org/pramana/in.purana.siva*complete-2.2.3)_ ## Linked texts (3) - [Kālikāpurāṇa](https://indike.org/pramana/in.purana.upa.sakta.kalika.3.81) — Sanskrit - [Gaṇeśapurāṇa](https://indike.org/pramana/in.purana.upa.surya.ganesa.2.82.19) — Sanskrit - [Ṣaṭsandarbha](https://indike.org/pramana/in.sampradaya.vaisnava.gaudiya.siddhanta.satsandarbha.1.19.40) — Jīva Gosvāmin 1555, Sanskrit --- Source: [https://indike.org/pramana/in.purana.siva*complete-2.2.3](https://indike.org/pramana/in.purana.siva*complete-2.2.3) · Pramāṇa