Shivapurana 3.2: dvitīyo'dhyāyaḥ | śivāṣṭamūrttivarṇanam
Śivapurāṇa (complete text) 3.2
- Language
- Sanskrit
Contents
- 3.2.17 — 5 parts
dvitīyo'dhyāyaḥ | śivāṣṭamūrttivarṇanam
3.2.1
nandīśvara uvāca |
śṛṇu tāta maheśasyāvatārānparamānprabho |
sarvakāryakarām̐lloke sarvasya sukhadāṃ mune ||
3.2.2
tasya śambhoḥ pareśasya mūrtyaṣṭakamayaṃ jagat |
tasminvyāpya sthitaṃ viśvaṃ sūtre maṇigaṇā iva ||
3.2.3
śarvo bhavastathā rudra ugro bhīmaḥ paśoḥ patiḥ |
īśānaśca mahādevo mūrtayaścāṣṭa viśrutāḥ ||
3.2.4
bhūmyambho'gnimarudvyomakṣetrajñārkaniśākarāḥ |
adhiṣṭhitāśca śarvādyairaṣṭarūpaiḥ śivasya hi ||
3.2.5
dhatte carācaraṃ viśvaṃ rūpaṃ viśvambharātmakam |
śaṅkarasya maheśasya śāstrasyaiveti niścayaḥ ||
3.2.6
sañjīvanaṃ samastasya jagataḥ salilātmakam |
bhava ityucyate rūpaṃ bhavasya paramātmanaḥ ||
3.2.7
bahirantarjagadviśvaṃ bibharti spandate svayam |
ugra ityucyate sadbhī rūpamugrasya satprabhoḥ ||
3.2.8
sarvāvakāśadaṃ sarvavyāpakaṃ gaganātmakam |
rūpaṃ bhīmasya bhīmākhyaṃ bhūpavṛndasva bhedakam ||
3.2.9
sarvātmanāmadhiṣṭhānaṃ sarvakṣetranivāsakam |
rūpaṃ paśupaterjñeyaṃ paśupāśanikṛntanam ||
3.2.10
sandīpayañjagatsarvaṃ divākarasamāhvayam |
īśānākhyaṃ maheśasya rūpaṃ divi visarpati ||
3.2.11
āpyāyayati yo viśvamamṛtāṃśurniśākaraḥ |
mahādevasya tadrūpaṃ mahādevasya cāhvayam ||
3.2.12
ātmā tasyāṣṭamaṃ rūpaṃ śivasya paramātmanaḥ |
vyāpiketaramūrtīnāṃ viśvaṃ tasmācchivātmakam ||
3.2.13
śākhāḥ puṣyanti vṛkṣasya vṛkṣamūlasya secanāt |
tadvadasya vapurviśvaṃ puṣyate ca śivārcanāt ||
3.2.14
yatheha putrapautrādeḥ prītyā prīto bhavetpitā |
tathā viśvasya samprītyā prīto bhavati śaṅkaraḥ ||
3.2.15
kriyate yasya kasyāpi dehino yadi nigrahaḥ |
aṣṭamūrteraniṣṭaṃ tatkṛtameva na saṃśayaḥ ||
3.2.16
aṣṭamūrtyātmanā viśvamadhiṣṭhāyāsthitaṃ śivam |
bhajasva sarvabhāvena rudraṃ paramakāraṇam ||
3.2.17
iti proktāḥ svarūpāste vidhiputrāṣṭaviśrutāḥ |
sarvopakāraniratāḥ sevyāḥ śreyo'rthibhirnaraiḥ ||
3.2.17.c1
iti śrīśivamahāpurāṇe tṛtīyāyāṃ śatarudrasaṃhitāyāṃ śivāṣṭamūrttivarṇanaṃ nāma dvitīyo'dhyāyaḥ ||
3.2.17.p2
śrīgaṇeśāya namaḥ ||
3.2.17.p3
śrīgaurīśaṅkarābhyāṃ namaḥ ||
3.2.17.p4
śrīśivamahāpurāṇam ||
3.2.17.p5
tṛtīyāyāṃ śatarudrasaṃhitāyāṃ
Other recensions (1)
- Śivapurāṇa (complete text) — Sanskrit