[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 3 # Shivapurana 3: śrīśivamahāpurāṇam 3. śatarudrasaṃhitā Śivapurāṇa (complete text) 3 - **Language:** Sanskrit ## Contents - [3.1 prathamo'dhyāyaḥ | śivasya pañcabrahmāvatāravarṇanam](https://indike.org/pramana/in.purana.siva*complete-2.3.1) — 50 parts - [3.2 dvitīyo'dhyāyaḥ | śivāṣṭamūrttivarṇanam](https://indike.org/pramana/in.purana.siva*complete-2.3.2) — 17 parts - [3.3 tṛtīyo'dhyāyaḥ | śivasyārddhanārīśvarāvatāravarṇanam](https://indike.org/pramana/in.purana.siva*complete-2.3.3) — 31 parts - [3.4 caturtho'dhyāyaḥ | ṛṣabhacaritravarṇanam](https://indike.org/pramana/in.purana.siva*complete-2.3.4) — 48 parts - [3.5 pañcamo'dhyāyaḥ | ekonaviṃśatiśivāvatāravarṇanam](https://indike.org/pramana/in.purana.siva*complete-2.3.5) — 59 parts - [3.6 ṣaṣṭho'dhyāyaḥ | nandikeśāvatāravarṇanam](https://indike.org/pramana/in.purana.siva*complete-2.3.6) — 62 parts - [3.7 saptamo'dhyāyaḥ | nandikeśvarāvatārābhiṣeka vivāhavarṇanam](https://indike.org/pramana/in.purana.siva*complete-2.3.7) — 63 parts - [3.8 aṣṭamo'dhyāyaḥ | bhairavāvatāravarṇanam](https://indike.org/pramana/in.purana.siva*complete-2.3.8) — 66 parts - [3.9 navamo'dhyāyaḥ | bhairavāvatāralīlāvarṇanam](https://indike.org/pramana/in.purana.siva*complete-2.3.9) — 72 parts - [3.10 daśamo'dhyāyaḥ | nṛsiṃhacaritavarṇanam](https://indike.org/pramana/in.purana.siva*complete-2.3.10) — 41 parts - [3.11 ekādaśo'dhyāyaḥ | śarabhāvatāravarṇanam 1](https://indike.org/pramana/in.purana.siva*complete-2.3.11) — 64 parts - [3.12 dvādaśo'dhyāyaḥ | śarabhāvatāravarṇanam 2](https://indike.org/pramana/in.purana.siva*complete-2.3.12) — 47 parts - [3.13 trayodaśo'dhyāyaḥ | gṛhapatyavatāravarṇanam 1](https://indike.org/pramana/in.purana.siva*complete-2.3.13) — 64 parts - [3.14 caturdaśo'dhyāyaḥ | gṛhapatyavatāravarṇanam 2](https://indike.org/pramana/in.purana.siva*complete-2.3.14) — 47 parts - [3.15 pañcadaśo'dhyāyaḥ | gṛhapatyavatāravarṇanam 3](https://indike.org/pramana/in.purana.siva*complete-2.3.15) — 69 parts - [3.16 ṣoḍaśo'dhyāyaḥ | yakṣeśvarāvatāravarṇanam](https://indike.org/pramana/in.purana.siva*complete-2.3.16) — 42 parts - [3.17 saptadaśo'dhyāyaḥ | śivadaśāvatāravarṇanam](https://indike.org/pramana/in.purana.siva*complete-2.3.17) — 20 parts - [3.18 aṣṭādaśo'dhyāyaḥ | ekādaśāvatāravarṇanam](https://indike.org/pramana/in.purana.siva*complete-2.3.18) — 35 parts - [3.19 ekonaviṃśo'dhyāyaḥ | durvāsaścaritavarṇanam](https://indike.org/pramana/in.purana.siva*complete-2.3.19) — 71 parts - [3.20 viṃśo'dhyāyaḥ | hanumadavatāracaritravarṇanam](https://indike.org/pramana/in.purana.siva*complete-2.3.20) — 40 parts - [3.21 ekaviṃśo'dhyāyaḥ | maheśāvatāravarṇanam](https://indike.org/pramana/in.purana.siva*complete-2.3.21) — 15 parts - [3.22 dvāviṃśo'dhyāyaḥ | viṣṇūpadravavṛṣāvatāravarṇanam](https://indike.org/pramana/in.purana.siva*complete-2.3.22) — 55 parts - [3.23 trayoviṃśo'dhyāyaḥ | vṛṣeśvarasaṃjñakaśivāvatāravarṇanam](https://indike.org/pramana/in.purana.siva*complete-2.3.23) — 39 parts - [3.24 caturviṃśo'dhyāyaḥ | pippalādāvatāravarṇanam](https://indike.org/pramana/in.purana.siva*complete-2.3.24) — 64 parts - [3.25 pañcaviṃśo'dhyāyaḥ | pippalādāvatāracaritavarṇanam](https://indike.org/pramana/in.purana.siva*complete-2.3.25) — 24 parts - [3.26 ṣaḍviṃśo'dhyāyaḥ | vaiśyanāthāhvayaśivāvatāravarṇanam](https://indike.org/pramana/in.purana.siva*complete-2.3.26) — 65 parts - [3.27 saptaviṃśo'dhyāyaḥ | dvijeśākhyaśivāvatāravarṇanam](https://indike.org/pramana/in.purana.siva*complete-2.3.27) — 71 parts - [3.28 aṣṭāviṃśo'dhyāyaḥ | yatināthabrahmahaṃsāhvayaśivāvatāracaritavarṇanam](https://indike.org/pramana/in.purana.siva*complete-2.3.28) — 41 parts - [3.29 ekonatriṃśo'dhyāyaḥ | kṛṣṇadarśanaśivāvatāravarṇanam](https://indike.org/pramana/in.purana.siva*complete-2.3.29) — 59 parts - [3.30 triṃśo'dhyāyaḥ | avadhūteśvaraśivāvatāracaritravarṇanam](https://indike.org/pramana/in.purana.siva*complete-2.3.30) — 44 parts - [3.31 ekatriṃśo'dhyāyaḥ | bhikṣuvaryāhvaśivāvatāra caritravarṇanam](https://indike.org/pramana/in.purana.siva*complete-2.3.31) — 78 parts - [3.32 dvātriṃśo'dhyāyaḥ | nandīśvara uvāca](https://indike.org/pramana/in.purana.siva*complete-2.3.32) — 78 parts - [3.33 trayotriṃśo'dhyāyaḥ | brahmacāriśivāvatāravarṇanam](https://indike.org/pramana/in.purana.siva*complete-2.3.33) — 65 parts - [3.34 catustriṃśo'dhyāyaḥ | sunartakanaṭāhvaśivāvatāravarṇanam](https://indike.org/pramana/in.purana.siva*complete-2.3.34) — 39 parts - [3.35 pañcatriṃśo'dhyāyaḥ | sādhudvijaśivāvatāravarṇanam](https://indike.org/pramana/in.purana.siva*complete-2.3.35) — 37 parts - [3.36 ṣaṭtriṃśo'dhyāyaḥ | aśvatthāmaśivāvatāravarṇanam](https://indike.org/pramana/in.purana.siva*complete-2.3.36) — 44 parts - [3.37 saptatriṃśo'dhyāyaḥ | vyāsopadeśavarṇanam](https://indike.org/pramana/in.purana.siva*complete-2.3.37) — 68 parts - [3.38 aṣṭatriṃśo'dhyāyaḥ | kirātāvatāravarṇanaprasaṅge'rjunatapovarṇanam](https://indike.org/pramana/in.purana.siva*complete-2.3.38) — 64 parts - [3.39 ekonacatvāriṃśo'dhyāyaḥ | kirātāvatāravarṇane mūkadaityavadhaḥ](https://indike.org/pramana/in.purana.siva*complete-2.3.39) — 53 parts - [3.40 catvāriṃśo'dhyāyaḥ | kirātāvatāravarṇane bhillārjunasaṃvādaḥ](https://indike.org/pramana/in.purana.siva*complete-2.3.40) — 49 parts - [3.41 ekacatvāriṃśo'dhyāyaḥ | kirāteśvarāvatāravarṇanam](https://indike.org/pramana/in.purana.siva*complete-2.3.41) — 67 parts - [3.42 dvicatvāriṃśo'dhyāyaḥ | dvādaśajyotirliṅgāvatāravarṇanam](https://indike.org/pramana/in.purana.siva*complete-2.3.42) — 60 parts ### śrīśivamahāpurāṇam 3. śatarudrasaṃhitā ### [3.p1](https://indike.org/pramana/in.purana.siva*complete-2.3.p1) śrīgaṇeśāya namaḥ || ### [3.p2](https://indike.org/pramana/in.purana.siva*complete-2.3.p2) śrīgaurīśaṅkarābhyāṃ namaḥ || ### [3.p3](https://indike.org/pramana/in.purana.siva*complete-2.3.p3) śrīśivamahāpurāṇam || ### [3.p4](https://indike.org/pramana/in.purana.siva*complete-2.3.p4) tṛtīyāyāṃ śatarudrasaṃhitāyāṃ ### prathamo'dhyāyaḥ | śivasya pañcabrahmāvatāravarṇanam ### [3.1.1](https://indike.org/pramana/in.purana.siva*complete-2.3.1.1) vande mahānandamanantalīlammaheśvaraṃ sarvavibhuṃ mahāntam | gaurīpriyaṃ kārtikavighnarājasamudbhavaṃ śaṅkaramādidevam || ### [3.1.1\_2](https://indike.org/pramana/in.purana.siva*complete-2.3.1.1_2) śaunaka uvāca | vyāsaśiṣya mahābhāga sūta jñānadayānidhe | vada śambhvavatārāṃśca yairakārṣītsatāṃ śivam || ### [3.1.2](https://indike.org/pramana/in.purana.siva*complete-2.3.1.2) sūta uvāca | mune śaunaka sadbhaktyā dattacitto jitendriyaḥ | avatārāñchivasyāhaṃ vacmi te munaye śṛṇu || ### [3.1.3](https://indike.org/pramana/in.purana.siva*complete-2.3.1.3) etatpṛṣṭaḥ purā nandī śivamūrtissatāṃ gatiḥ | sanatkumāreṇa mune tamuvāca śivaṃ smaran || ### [3.1.4](https://indike.org/pramana/in.purana.siva*complete-2.3.1.4) nandīśvara uvāca | asaṅkhyātā hi kalpeṣu vibhoḥ sarveśvarasya vai | avatārāstathāpīha vacmyahaṃ tānyathāmati || ### [3.1.5](https://indike.org/pramana/in.purana.siva*complete-2.3.1.5) ekonaviṃśakaḥ kalpo vijñeyaḥ śvetalohitaḥ | sadyojātāvatārastu prathamaḥ parikīrtitaḥ || ### [3.1.6](https://indike.org/pramana/in.purana.siva*complete-2.3.1.6) tasmiṃstatparamaṃ brahma dhyāyato brahmaṇastathā | utpannastu śikhāyuktaḥ kumāraḥ śvetalohitaḥ || ### [3.1.7](https://indike.org/pramana/in.purana.siva*complete-2.3.1.7) taṃ dṛṣṭvā puruṣaṃ brahmā brahmarūpiṇamīśvaram | jñātvā dhyātvā sa hṛdaye vavande prayatāñjaliḥ || ### [3.1.8](https://indike.org/pramana/in.purana.siva*complete-2.3.1.8) sadyojātaṃ śivaṃ buddhvā jaharṣa bhuvaneśvaraḥ | muhurmuhuśca sadbuddhyā paraṃ taṃ samacintayat || ### [3.1.9](https://indike.org/pramana/in.purana.siva*complete-2.3.1.9) tato'sya dhyāyataḥ śvetāḥ prādurbhūtā yaśasvinaḥ | kumārāḥ paravijñānaparabrahmasvarūpiṇaḥ || ### [3.1.10](https://indike.org/pramana/in.purana.siva*complete-2.3.1.10) sunando nandanaścaiva viśvanandopanandanau | śiṣyāstasya mahātmāno yaistadbrahma samāvṛtam || ### [3.1.11](https://indike.org/pramana/in.purana.siva*complete-2.3.1.11) sadyojātaśca vai śambhurdadau jñānaṃ ca vedhase | sargaśaktimapi prītyā prasannaḥ parameśvaraḥ || ### [3.1.12](https://indike.org/pramana/in.purana.siva*complete-2.3.1.12) tato viṃśatimaḥ kalpo rakto nāma prakīrtitaḥ | brahmā yatra mahātejā raktavarṇamadhārayat || ### [3.1.13](https://indike.org/pramana/in.purana.siva*complete-2.3.1.13) dhyāyataḥ putrakāmasya prādurbhūto vidheḥ sutaḥ | raktamālyāmbaradharo raktākṣo raktabhūṣaṇaḥ || ### [3.1.14](https://indike.org/pramana/in.purana.siva*complete-2.3.1.14) sa taṃ dṛṣṭvā mahātmānaṃ kumāraṃ dhyānamāśritaḥ | vāmadevaṃ śivaṃ jñātvā praṇanāma kṛtāñjaliḥ || ### [3.1.15](https://indike.org/pramana/in.purana.siva*complete-2.3.1.15) tatastasya sutā hyāsaṃścatvāro raktavāsasaḥ | virajāśca vivāhaśca viśoko viśvabhāvanaḥ || ### [3.1.16](https://indike.org/pramana/in.purana.siva*complete-2.3.1.16) vāmadevaḥ sa vai śambhurdadau jñānaṃ ca vedhase | sargaśaktimapi prītyā prasannaḥ parameśvaraḥ || ### [3.1.17](https://indike.org/pramana/in.purana.siva*complete-2.3.1.17) ekaviṃśatimaḥ kalpaḥ pītavāsā iti smṛtaḥ | brahmā yatra mahābhāgaḥ pītavāsā babhūva ha || ### [3.1.18](https://indike.org/pramana/in.purana.siva*complete-2.3.1.18) dhyāyataḥ putrakāmasya vidherjātaḥ kumārakaḥ | pītavastrādikaprauḍho mahātejā mahābhujaḥ || ### [3.1.19](https://indike.org/pramana/in.purana.siva*complete-2.3.1.19) taṃ dṛṣṭvā dhyānasaṃyuktaṃ jñātvā tatpuruṣaṃ śivam | praṇanāma tato buddhyā gāyatrīṃ śāṅkarīṃ vidhiḥ || ### [3.1.20](https://indike.org/pramana/in.purana.siva*complete-2.3.1.20) japitvā tu mahādevīṃ sarvalokanamaskṛtām | prasannastu mahādevo dhyānayuktena cetasā || ### [3.1.21](https://indike.org/pramana/in.purana.siva*complete-2.3.1.21) tato'sya pārśvato divyāḥ prādurbhūtāḥ kumārakāḥ | pītavastrā hi sakalā yogamārgapravartakāḥ || ### [3.1.22](https://indike.org/pramana/in.purana.siva*complete-2.3.1.22) tatastasmingate kalpe pītavarṇe svayambhuvaḥ | punaranyaḥ pravṛttastu kalpo nāmnā śivastu sa || ### [3.1.23](https://indike.org/pramana/in.purana.siva*complete-2.3.1.23) ekārṇave saṃvyatīte divyavarṣasahasrake | sraṣṭukāmaḥ prajā brahmā cintayāmāsa duḥkhitaḥ || ### [3.1.24](https://indike.org/pramana/in.purana.siva*complete-2.3.1.24) tato'paśyanmahātejāḥ prādurbhūtaṃ kumārakam | kṛṣṇavarṇaṃ mahāvīryaṃ dīpyamānaṃ svatejasā || ### [3.1.25](https://indike.org/pramana/in.purana.siva*complete-2.3.1.25) dhṛtakṛṣṇāmbaroṣṇīṣaṃ kṛṣṇayajñopavītinam | kṛṣṇena maulināyuktaṃ kṛṣṇasnānānulepanam || ### [3.1.26](https://indike.org/pramana/in.purana.siva*complete-2.3.1.26) sa taṃ dṛṣṭvā mahātmānamaghoraṃ ghoravikramam | vavande devadeveśamadbhutaṃ kṛṣṇapiṅgalam || ### [3.1.27](https://indike.org/pramana/in.purana.siva*complete-2.3.1.27) aghoraṃ tu tato brahmā brahmarūpaṃ vyacintayat | tuṣṭāva vāgbhiriṣṭābhirbhaktavatsalamavyayam || ### [3.1.28](https://indike.org/pramana/in.purana.siva*complete-2.3.1.28) athāsya pārśvataḥ kṛṣṇāḥ kṛṣṇasnānānulepanāḥ | catvārastu mahātmānaḥ sambabhūvuḥ kumārakāḥ || ### [3.1.29](https://indike.org/pramana/in.purana.siva*complete-2.3.1.29) kṛṣṇa kṛṣṇaśikhaścaiva kṛṣṇāsyaḥ kṛṣṇakaṇṭhadhṛk | iti te'vyaktanāmānaḥ śivarūpāḥ sutejasaḥ || ### [3.1.30](https://indike.org/pramana/in.purana.siva*complete-2.3.1.30) evambhūtā mahātmāno brahmaṇaḥ sṛṣṭihetave | yogaṃ pravartayāmāsurghorākhyaṃ mahadadbhutam || ### [3.1.31](https://indike.org/pramana/in.purana.siva*complete-2.3.1.31) athānyo brahmaṇaḥ kalpaḥ prāvartata munīśvarāḥ | viśvarūpa iti khyāto nāmataḥ paramādbhutaḥ || ### [3.1.32](https://indike.org/pramana/in.purana.siva*complete-2.3.1.32) brahmaṇaḥ putrakāmasya dhyāyato manasā śivam | prādurbhūtā mahānādā viśvarūpā sarasvatī || ### [3.1.33](https://indike.org/pramana/in.purana.siva*complete-2.3.1.33) tathāvidhaḥ sa bhagavānīśānaḥ parameśvaraḥ | śuddhasphaṭikasaṅkāśaḥ sarvābharaṇabhūṣitaḥ || ### [3.1.34](https://indike.org/pramana/in.purana.siva*complete-2.3.1.34) taṃ dṛṣṭvā praṇanāmāsau brahmeśānamajaṃ vibhum | sarvagaṃ sarvadaṃ sarvaṃ surūpaṃ rūpavarjitam || ### [3.1.35](https://indike.org/pramana/in.purana.siva*complete-2.3.1.35) īśāno'pi tathādiśya sanmārgaṃ brahmaṇe vibhuḥ | saśaktiḥ kalpayāñcakre sa bālāṃścaturaḥ śubhān || ### [3.1.36](https://indike.org/pramana/in.purana.siva*complete-2.3.1.36) jaṭī muṇḍī śikhaṇḍī ca ardhamuṇḍaśca jajñire | yogenādiśya saddharmaṃ kṛtvā yogagatiṃ gatāḥ || ### [3.1.37](https://indike.org/pramana/in.purana.siva*complete-2.3.1.37) evaṃ saṅkṣepataḥ proktaḥ sadyādīnāṃ samudbhavaḥ | sanatkumāra sarvajña lokānāṃ hitakāmyayā || ### [3.1.38](https://indike.org/pramana/in.purana.siva*complete-2.3.1.38) atha teṣāṃ mahāprājña vyavahāraṃ yathāyatham | trilokahitakāraṃ hi sarvaṃ brahmāṇḍasaṃsthitam || ### [3.1.39](https://indike.org/pramana/in.purana.siva*complete-2.3.1.39) īśānaḥ puruṣo'ghoro vāmasaṃjñastathaiva ca | brahmasaṃjñā maheśasya mūrtayaḥ pañca viśrutāḥ || ### [3.1.40](https://indike.org/pramana/in.purana.siva*complete-2.3.1.40) īśānaḥ śivarūpaśca garīyānprathamaḥ smṛtaḥ | bhoktāraṃ prakṛteḥ sākṣātkṣetrajñamadhitiṣṭhati || ### [3.1.41](https://indike.org/pramana/in.purana.siva*complete-2.3.1.41) śaivastatpuruṣākhyaśca svarūpo hi dvitīyakaḥ | guṇāśrayātmakaṃ bhogyaṃ sarvajñamadhitiṣṭhati || ### [3.1.42](https://indike.org/pramana/in.purana.siva*complete-2.3.1.42) dharmāya svāṅgasaṃyuktaṃ buddhitattvaṃ pinākinaḥ | aghorākhyasvarūpo yastiṣṭhatyantastṛtīyakaḥ || ### [3.1.43](https://indike.org/pramana/in.purana.siva*complete-2.3.1.43) vāmadevāhvayo rūpaścaturthaḥ śaṅkarasya hi | ahaṅkṛteradhiṣṭhāno bahukāryakaraḥ sadā || ### [3.1.44](https://indike.org/pramana/in.purana.siva*complete-2.3.1.44) īśānāhvasvarūpo hi śaṅkarasyeśvaraḥ sadā | śrotrasya vacasaścāpi vibhorvyomnastathaiva ca || ### [3.1.45](https://indike.org/pramana/in.purana.siva*complete-2.3.1.45) tvakpāṇisparśavāyūnāmīśvaraṃ rūpamaiśvaram | puruṣākhyaṃ vicārajñā matimantaḥ pracakṣate || ### [3.1.46](https://indike.org/pramana/in.purana.siva*complete-2.3.1.46) vapuṣaśca rasasyāpi rūpasyāgnestathaiva ca | aghorākhyamadhiṣṭhānaṃ rūpaṃ prāhurmanīṣiṇaḥ || ### [3.1.47](https://indike.org/pramana/in.purana.siva*complete-2.3.1.47) raśanāyāśca pāyośca rasasyāpāṃ tathaiva ca | īśvaraṃ vāmadevākhyaṃ svarūpaṃ śāṅkaraṃ smṛtam || ### [3.1.48](https://indike.org/pramana/in.purana.siva*complete-2.3.1.48) ghrāṇasya caivopasthasya gandhasya ca bhuvastathā | sadyojātāhvayaṃ rūpamīśvaraṃ śāṅkaraṃ viduḥ || ### [3.1.49](https://indike.org/pramana/in.purana.siva*complete-2.3.1.49) ime svarūpāḥ śambhorhi vandanīyāḥ prayatnataḥ | śreyo'rthibhirnarairnityaṃ śreyasāmekahetavaḥ || ### [3.1.49.p1](https://indike.org/pramana/in.purana.siva*complete-2.3.1.49.p1) yaḥ paṭhecchṛṇuyādvāpi sadyādīnāṃ samudbhavam | sa bhuktvā sakalānkāmānprayāti paramāṃ gatim || ### [3.1.49.c2](https://indike.org/pramana/in.purana.siva*complete-2.3.1.49.c2) iti śrīśivamahāpurāṇe tṛtīyāyāṃ śatarudrasaṃhitāyāṃ śivasya pañcabrahmāvatāravarṇanaṃ nāma prathamo'dhyāyaḥ || ### [3.1.49.p3](https://indike.org/pramana/in.purana.siva*complete-2.3.1.49.p3) śrīgaṇeśāya namaḥ || ### [3.1.49.p4](https://indike.org/pramana/in.purana.siva*complete-2.3.1.49.p4) śrīgaurīśaṅkarābhyāṃ namaḥ || ### [3.1.49.p5](https://indike.org/pramana/in.purana.siva*complete-2.3.1.49.p5) śrīśivamahāpurāṇam || ### [3.1.49.p6](https://indike.org/pramana/in.purana.siva*complete-2.3.1.49.p6) tṛtīyāyāṃ śatarudrasaṃhitāyāṃ ### dvitīyo'dhyāyaḥ | śivāṣṭamūrttivarṇanam ### [3.2.1](https://indike.org/pramana/in.purana.siva*complete-2.3.2.1) nandīśvara uvāca | śṛṇu tāta maheśasyāvatārānparamānprabho | sarvakāryakarām̐lloke sarvasya sukhadāṃ mune || ### [3.2.2](https://indike.org/pramana/in.purana.siva*complete-2.3.2.2) tasya śambhoḥ pareśasya mūrtyaṣṭakamayaṃ jagat | tasminvyāpya sthitaṃ viśvaṃ sūtre maṇigaṇā iva || ### [3.2.3](https://indike.org/pramana/in.purana.siva*complete-2.3.2.3) śarvo bhavastathā rudra ugro bhīmaḥ paśoḥ patiḥ | īśānaśca mahādevo mūrtayaścāṣṭa viśrutāḥ || ### [3.2.4](https://indike.org/pramana/in.purana.siva*complete-2.3.2.4) bhūmyambho'gnimarudvyomakṣetrajñārkaniśākarāḥ | adhiṣṭhitāśca śarvādyairaṣṭarūpaiḥ śivasya hi || ### [3.2.5](https://indike.org/pramana/in.purana.siva*complete-2.3.2.5) dhatte carācaraṃ viśvaṃ rūpaṃ viśvambharātmakam | śaṅkarasya maheśasya śāstrasyaiveti niścayaḥ || ### [3.2.6](https://indike.org/pramana/in.purana.siva*complete-2.3.2.6) sañjīvanaṃ samastasya jagataḥ salilātmakam | bhava ityucyate rūpaṃ bhavasya paramātmanaḥ || ### [3.2.7](https://indike.org/pramana/in.purana.siva*complete-2.3.2.7) bahirantarjagadviśvaṃ bibharti spandate svayam | ugra ityucyate sadbhī rūpamugrasya satprabhoḥ || ### [3.2.8](https://indike.org/pramana/in.purana.siva*complete-2.3.2.8) sarvāvakāśadaṃ sarvavyāpakaṃ gaganātmakam | rūpaṃ bhīmasya bhīmākhyaṃ bhūpavṛndasva bhedakam || ### [3.2.9](https://indike.org/pramana/in.purana.siva*complete-2.3.2.9) sarvātmanāmadhiṣṭhānaṃ sarvakṣetranivāsakam | rūpaṃ paśupaterjñeyaṃ paśupāśanikṛntanam || ### [3.2.10](https://indike.org/pramana/in.purana.siva*complete-2.3.2.10) sandīpayañjagatsarvaṃ divākarasamāhvayam | īśānākhyaṃ maheśasya rūpaṃ divi visarpati || ### [3.2.11](https://indike.org/pramana/in.purana.siva*complete-2.3.2.11) āpyāyayati yo viśvamamṛtāṃśurniśākaraḥ | mahādevasya tadrūpaṃ mahādevasya cāhvayam || ### [3.2.12](https://indike.org/pramana/in.purana.siva*complete-2.3.2.12) ātmā tasyāṣṭamaṃ rūpaṃ śivasya paramātmanaḥ | vyāpiketaramūrtīnāṃ viśvaṃ tasmācchivātmakam || ### [3.2.13](https://indike.org/pramana/in.purana.siva*complete-2.3.2.13) śākhāḥ puṣyanti vṛkṣasya vṛkṣamūlasya secanāt | tadvadasya vapurviśvaṃ puṣyate ca śivārcanāt || ### [3.2.14](https://indike.org/pramana/in.purana.siva*complete-2.3.2.14) yatheha putrapautrādeḥ prītyā prīto bhavetpitā | tathā viśvasya samprītyā prīto bhavati śaṅkaraḥ || ### [3.2.15](https://indike.org/pramana/in.purana.siva*complete-2.3.2.15) kriyate yasya kasyāpi dehino yadi nigrahaḥ | aṣṭamūrteraniṣṭaṃ tatkṛtameva na saṃśayaḥ || ### [3.2.16](https://indike.org/pramana/in.purana.siva*complete-2.3.2.16) aṣṭamūrtyātmanā viśvamadhiṣṭhāyāsthitaṃ śivam | bhajasva sarvabhāvena rudraṃ paramakāraṇam || ### [3.2.17](https://indike.org/pramana/in.purana.siva*complete-2.3.2.17) iti proktāḥ svarūpāste vidhiputrāṣṭaviśrutāḥ | sarvopakāraniratāḥ sevyāḥ śreyo'rthibhirnaraiḥ || ### [3.2.17.c1](https://indike.org/pramana/in.purana.siva*complete-2.3.2.17.c1) iti śrīśivamahāpurāṇe tṛtīyāyāṃ śatarudrasaṃhitāyāṃ śivāṣṭamūrttivarṇanaṃ nāma dvitīyo'dhyāyaḥ || ### [3.2.17.p2](https://indike.org/pramana/in.purana.siva*complete-2.3.2.17.p2) śrīgaṇeśāya namaḥ || ### [3.2.17.p3](https://indike.org/pramana/in.purana.siva*complete-2.3.2.17.p3) śrīgaurīśaṅkarābhyāṃ namaḥ || ### [3.2.17.p4](https://indike.org/pramana/in.purana.siva*complete-2.3.2.17.p4) śrīśivamahāpurāṇam || ### [3.2.17.p5](https://indike.org/pramana/in.purana.siva*complete-2.3.2.17.p5) tṛtīyāyāṃ śatarudrasaṃhitāyāṃ ### tṛtīyo'dhyāyaḥ | śivasyārddhanārīśvarāvatāravarṇanam ### [3.3.1](https://indike.org/pramana/in.purana.siva*complete-2.3.3.1) nandīśvara uvāca | śṛṇu tāta mahāprājña vidhikāmaprapūrakam | arddhanārīnarākhyaṃ hi śivarūpamanuttamam || ### [3.3.2](https://indike.org/pramana/in.purana.siva*complete-2.3.3.2) yadā sṛṣṭāḥ prajāḥ sarvāḥ na vyavarddhanta vedhasā | tadā cintākulo'bhūtsa tena duḥkhena dukhitaḥ || ### [3.3.3](https://indike.org/pramana/in.purana.siva*complete-2.3.3.3) nabhovāṇī tadābhūdvai sṛṣṭiṃ mithunajāṃ kuru | tacchrutvā maithunīṃ sṛṣṭiṃ brahmā kartumamanyata || ### [3.3.4](https://indike.org/pramana/in.purana.siva*complete-2.3.3.4) nārīṇāṃ kulamīśānānnirgataṃ na purā yataḥ | tato maithunajāṃ sṛṣṭiṃ kartuṃ śeke na padmabhūḥ || ### [3.3.5](https://indike.org/pramana/in.purana.siva*complete-2.3.3.5) prabhāveṇa vinā śambhorna jāyerannimāḥ prajāḥ | evaṃ sañcintayanbrahmā tapaḥ karttuṃ pracakrame || ### [3.3.6](https://indike.org/pramana/in.purana.siva*complete-2.3.3.6) śivayā parayā śaktyā saṃyuktaṃ parameśvaram | sañcintya hṛdaye prītyā tepe sa paramaṃ tapaḥ || ### [3.3.7](https://indike.org/pramana/in.purana.siva*complete-2.3.3.7) tīvreṇa tapasā tasya saṃyuktasya svayambhuvaḥ | acireṇaiva kālena tutoṣa sa śivo drutam || ### [3.3.8](https://indike.org/pramana/in.purana.siva*complete-2.3.3.8) tataḥ pūrṇacidīśasya mūrtimāviśya kāmadām | arddhanārīnaro bhūtvā tato brahmāntikaṃ haraḥ || ### [3.3.9](https://indike.org/pramana/in.purana.siva*complete-2.3.3.9) taṃ dṛṣṭvā śaṅkaraṃ devaṃ śaktyā paramayānvitam | praṇamya daṇḍavadbrahmā sa tuṣṭāva kṛtāñjaliḥ || ### [3.3.10](https://indike.org/pramana/in.purana.siva*complete-2.3.3.10) atha devo mahādevo vācā meghagabhīrayā | sambhavāya susamprīto viśvakartā maheśvaraḥ || ### [3.3.11](https://indike.org/pramana/in.purana.siva*complete-2.3.3.11) īśvara uvāca | vatsa vatsa mahābhāga mama putra pitāmaha | jñātavānasmi sarvaṃ tattattvataste manoratham || ### [3.3.12](https://indike.org/pramana/in.purana.siva*complete-2.3.3.12) prajānāmeva vṛddhyarthaṃ tapastaptaṃ tvayādhunā | tapasā tena tuṣṭo'smi dadāmi ca tavepsitam || ### [3.3.13](https://indike.org/pramana/in.purana.siva*complete-2.3.3.13) ityuktvā paramodāraṃ svabhāvamadhuraṃ vacaḥ | pṛthakcakāra vapuṣo bhāgāddevīṃ śivāṃ śivaḥ || ### [3.3.14](https://indike.org/pramana/in.purana.siva*complete-2.3.3.14) tāṃ dṛṣṭvā paramāṃ śaktiṃ pṛthagbhūtāṃ śivāgatām | praṇipatya vinītātmā prārthayāmāsa tāṃ vidhiḥ || ### [3.3.15](https://indike.org/pramana/in.purana.siva*complete-2.3.3.15) brahmovāca | devadevena sṛṣṭo'hamādau tvatpatinā śive | prajāḥ sarvā niyuktāśca śambhunā paramātmanā || ### [3.3.16](https://indike.org/pramana/in.purana.siva*complete-2.3.3.16) manasā nirmitāḥ sarve śive devādayo mayā | na vṛddhimupagacchanti sṛjyamānāḥ punaḥpunaḥ || ### [3.3.17](https://indike.org/pramana/in.purana.siva*complete-2.3.3.17) mithunaprabhavāmeva kṛtvā sṛṣṭimataḥ param | saṃvarddhayitumicchāmi sarvā eva mama prajāḥ || ### [3.3.18](https://indike.org/pramana/in.purana.siva*complete-2.3.3.18) na nirgataṃ purā tvatto nārīṇāṃ kulamavyayam | tena nārīkulaṃ sraṣṭuṃ mama śaktirna vidyate || ### [3.3.19](https://indike.org/pramana/in.purana.siva*complete-2.3.3.19) sarvāsāmeva śaktīnāṃ tvattaḥ khalu samudbhavaḥ | tasmāttvāṃ paramāṃ śaktiṃ prārthayāmyakhileśvarīm || ### [3.3.20](https://indike.org/pramana/in.purana.siva*complete-2.3.3.20) śive nārīkulaṃ sraṣṭuṃ śaktiṃ dehi namo'stu te | carācarajagadvṛddhihetormātaḥ śivapriye || ### [3.3.21](https://indike.org/pramana/in.purana.siva*complete-2.3.3.21) anyaṃ tvattaḥ prārthayāmi varaṃ ca varadeśvari | dehi me taṃ kṛpāṃ kṛtvā jaganmātarnamo'stu te || ### [3.3.22](https://indike.org/pramana/in.purana.siva*complete-2.3.3.22) carācaravivṛddhyarthamīśenaikena sarvage | dakṣasya mama putrasya putrī bhava bhavāmbike || ### [3.3.23](https://indike.org/pramana/in.purana.siva*complete-2.3.3.23) evaṃ saṃyācitā devī brahmaṇā parameśvarī | tathāstviti vacaḥ procya tacchaktiṃ vidhaye dadau || ### [3.3.24](https://indike.org/pramana/in.purana.siva*complete-2.3.3.24) tasmāddhi sā śivā devī śivaśaktirjaganmayī | śaktimekāṃ bhruvormadhyātsasarjātmasamaprabhām || ### [3.3.25](https://indike.org/pramana/in.purana.siva*complete-2.3.3.25) tāmāha prahasanprekṣya śaktiṃ devavaro haraḥ | kṛpāsindhurmaheśāno līlākārī bhavāmbikām || ### [3.3.26](https://indike.org/pramana/in.purana.siva*complete-2.3.3.26) śiva uvāca | tapasārādhitā devi brahmaṇā parameṣṭhinā | prasannā bhava suprītyā kuru tasyākhilepsitam || ### [3.3.27](https://indike.org/pramana/in.purana.siva*complete-2.3.3.27) tāmājñāṃ parameśasya śirasā pratigṛhya sā | brahmaṇo vacanāddevī dakṣasya duhitā'bhavat || ### [3.3.28](https://indike.org/pramana/in.purana.siva*complete-2.3.3.28) dattvaivamatulāṃ śaktiṃ brahmaṇe sā śivā mune |\` viveśa dehaṃ śambhorhi śambhuścāntardadhe prabhuḥ || ### [3.3.29](https://indike.org/pramana/in.purana.siva*complete-2.3.3.29) tadāprabhṛti loke'sminstriyā bhāgaḥ prakalpitaḥ | ānandaṃ prāpa sa vidhiḥ sṛṣṭirjātā ca maithunī || ### [3.3.30](https://indike.org/pramana/in.purana.siva*complete-2.3.3.30) etatte kathitaṃ tāta śivarūpaṃ mahottamam | arddhanārīnarārddhaṃ hi mahāmaṅgaladaṃ satām || ### [3.3.31](https://indike.org/pramana/in.purana.siva*complete-2.3.3.31) etadākhyānamanaghaṃ yaḥ paṭhecchṛṇuyādapi | sa bhuktvā sakalānbhogānprayāti paramāṃ gatim || ### [3.3.31.c1](https://indike.org/pramana/in.purana.siva*complete-2.3.3.31.c1) iti śrīśivamahāpurāṇe tṛtīyāyāṃ rudrasaṃhitāyāṃ śivasyārddhanārīśvarāvatāravarṇanaṃ nāma tṛtīyo'dhyāyaḥ || ### [3.3.31.p2](https://indike.org/pramana/in.purana.siva*complete-2.3.3.31.p2) śrīgaṇeśāya namaḥ || ### [3.3.31.p3](https://indike.org/pramana/in.purana.siva*complete-2.3.3.31.p3) śrīgaurīśaṅkarābhyāṃ namaḥ || ### [3.3.31.p4](https://indike.org/pramana/in.purana.siva*complete-2.3.3.31.p4) śrīśivamahāpurāṇam || ### [3.3.31.p5](https://indike.org/pramana/in.purana.siva*complete-2.3.3.31.p5) tṛtīyāyāṃ śatarudrasaṃhitāyāṃ ### caturtho'dhyāyaḥ | ṛṣabhacaritravarṇanam ### [3.4.1](https://indike.org/pramana/in.purana.siva*complete-2.3.4.1) nandīśvara uvāca | sanatkumāra sarvajña caritaṃ śāṅkaraṃ mudā | rudreṇa kathitaṃ prītyā brahmaṇe sukhadaṃ sadā || ### [3.4.2](https://indike.org/pramana/in.purana.siva*complete-2.3.4.2) śiva uvāca | saptame caiva vārāhe kalpe manvantarābhidhe | kalpeśvaro'tha bhagavānsarvalokaprakāśanaḥ || ### [3.4.3](https://indike.org/pramana/in.purana.siva*complete-2.3.4.3) manorvaivasvatasyaiva te praputro bhaviṣyati | tadā caturyugāścaiva tasminmanvantare vidhe || ### [3.4.4](https://indike.org/pramana/in.purana.siva*complete-2.3.4.4) anugrahārthaṃ lokānāṃ brāhmaṇānāṃ hitāya ca | utpatsyāmi vidhe brahmandvāparākhyayugāntike || ### [3.4.5](https://indike.org/pramana/in.purana.siva*complete-2.3.4.5) yugapravṛttyā ca tadā tasmiṃśca prathame yuge | dvāpare prathame brahmanyadā vyāsaḥ svayamprabhuḥ || ### [3.4.6](https://indike.org/pramana/in.purana.siva*complete-2.3.4.6) tadāhaṃ brāhmaṇārthāya kalau tasminyugāntike | bhaviṣyāmi śivāyuktaḥ śveto nāma mahāmuniḥ || ### [3.4.7](https://indike.org/pramana/in.purana.siva*complete-2.3.4.7) himavacchikhare ramye chāgale parvatottame | tadā śiṣyāḥ śikhāyuktā bhaviṣyanti vidhe mama || ### [3.4.8](https://indike.org/pramana/in.purana.siva*complete-2.3.4.8) śvetaḥ śvetaśikhaścaiva śvetāśvaḥ śvetalohitaḥ | catvāro dhyānayogātte gamiṣyanti puraṃ mama || ### [3.4.9](https://indike.org/pramana/in.purana.siva*complete-2.3.4.9) tato bhaktā bhaviṣyanti jñātvā māṃ tattvato'vyayam | janmamṛtyujarāhīnāḥ parabrahmasamādhayaḥ || ### [3.4.10](https://indike.org/pramana/in.purana.siva*complete-2.3.4.10) draṣṭuṃ śakyo narairnāhamṛte dhyānātpitāmaha | dānadharmādibhirvatsa sādhanaiḥ karmahetubhiḥ || ### [3.4.11](https://indike.org/pramana/in.purana.siva*complete-2.3.4.11) dvitīye dvāpare vyāsaḥ satyo nāma prajāpatiḥ | yadā tadā bhaviṣyāmi sutāro nāmataḥ kalau || ### [3.4.12](https://indike.org/pramana/in.purana.siva*complete-2.3.4.12) tatrāpi me bhaviṣyanti śiṣyā vedavido dvijāḥ | dundubhiḥ śatarūpaśca hṛṣīkaḥ ketumāṃstathā || ### [3.4.13](https://indike.org/pramana/in.purana.siva*complete-2.3.4.13) catvāro dhyānayogātte gamiṣyanti puraṃ mama | tato muktā bhaviṣyanti jñātvā māṃ tattvato'vyayam || ### [3.4.14](https://indike.org/pramana/in.purana.siva*complete-2.3.4.14) tṛtīye dvāpare caiva yadā vyāsastu bhārgavaḥ | tadāpyahaṃ bhaviṣyāmi damanastu yugāntike || ### [3.4.15](https://indike.org/pramana/in.purana.siva*complete-2.3.4.15) tatrāpi ca bhaviṣyanti catvāro mama putrakāḥ | viśokaśca viśeṣaśca vipāpaḥ pāpanāśanaḥ || ### [3.4.16](https://indike.org/pramana/in.purana.siva*complete-2.3.4.16) śiṣyaiḥ sāhāyaṃ vyāsasya kariṣye caturānana | nivṛttimārgaṃ sudṛḍhaṃ varttayiṣye kalāviha || ### [3.4.17](https://indike.org/pramana/in.purana.siva*complete-2.3.4.17) caturthe dvāpare caiva yadā vyāsoṃ'girā smṛtaḥ | tadāpyahaṃ bhaviṣyāmi suhotro nāma nāmataḥ || ### [3.4.18](https://indike.org/pramana/in.purana.siva*complete-2.3.4.18) tatrāpi mama te putrāścatvāro yogasādhakāḥ | bhaviṣyanti mahātmānastannāmāni bruve vidhe || ### [3.4.19](https://indike.org/pramana/in.purana.siva*complete-2.3.4.19) sumukho durmukhaścaiva durdamo duratikramaḥ | śiṣyaiḥ sāhāyaṃ vyāsasya kariṣye'haṃ tadā vidhe || ### [3.4.20](https://indike.org/pramana/in.purana.siva*complete-2.3.4.20) pañcame dvāpare caiva vyāsastu savitā smṛtaḥ | tadā yogī bhaviṣyāmi kaṅko nāma mahātapāḥ || ### [3.4.21](https://indike.org/pramana/in.purana.siva*complete-2.3.4.21) tatrāpi mama te putrāścatvāro yogasādhakāḥ | bhaviṣyanti mahātmānastannāmāni śṛṇuṣva me || ### [3.4.22](https://indike.org/pramana/in.purana.siva*complete-2.3.4.22) sanakaḥ sanātanaścaiva prabhuryaśca sanandanaḥ | vibhuḥ sanatkumāraśca nirmalo nirahaṅkṛtiḥ || ### [3.4.23](https://indike.org/pramana/in.purana.siva*complete-2.3.4.23) tatrāpi kaṅkanāmāhaṃ sāhāyyaṃ saviturvidhe | vyāsasya hi kariṣyāmi nivṛttipathavarddhakaḥ || ### [3.4.24](https://indike.org/pramana/in.purana.siva*complete-2.3.4.24) parivartte punaḥ ṣaṣṭhe dvāpare lokakārakaḥ | kartā vedavibhāgasya mṛtyurvyāso bhaviṣyati || ### [3.4.25](https://indike.org/pramana/in.purana.siva*complete-2.3.4.25) tadā'pyahaṃ bhaviṣyāmi lokākṣirnāma nāmataḥ | vyāsasya susahāyārthaṃ nivṛttipathavarddhanaḥ || ### [3.4.26](https://indike.org/pramana/in.purana.siva*complete-2.3.4.26) tatrāpi śiṣyāścatvāro bhaviṣyanti dṛḍhavratāḥ | sudhāmā virajāścaiva sañjayo vijayastathā || ### [3.4.27](https://indike.org/pramana/in.purana.siva*complete-2.3.4.27) saptame parivartte tu yadā vyāsaḥ śatakratuḥ | tadāpyahaṃ bhaviṣyāmi jaigīṣavyo vibhurvidhe || ### [3.4.28](https://indike.org/pramana/in.purana.siva*complete-2.3.4.28) yogaṃ sandraḍhayiṣyāmi mahāyogavicakṣaṇaḥ | kāśyāṃ guhāntare saṃstho divyadeśe kuśāstariḥ || ### [3.4.29](https://indike.org/pramana/in.purana.siva*complete-2.3.4.29) sāhāyyaṃ ca kariṣyāmi vyāsasya hi śatakratoḥ | uddhariṣyāmi bhaktāṃśca saṃsārabhayato vidhe || ### [3.4.30](https://indike.org/pramana/in.purana.siva*complete-2.3.4.30) tatrāpi mama catvāro bhaviṣyanti sutā yuge | sārasvataśca yogīśo meghavāhaḥ suvāhanaḥ || ### [3.4.31](https://indike.org/pramana/in.purana.siva*complete-2.3.4.31) aṣṭame parivartte hi vasiṣṭho munisattamaḥ | karttā vedavibhāgasya vedavyāso bhaviṣyati || ### [3.4.32](https://indike.org/pramana/in.purana.siva*complete-2.3.4.32) tatrāpyahaṃ bhaviṣyāmi nāmato dadhivāhanaḥ | vyāsasya hi kariṣyāmi sāhāyyaṃ yogavittama || ### [3.4.33](https://indike.org/pramana/in.purana.siva*complete-2.3.4.33) kapilaścāsuriḥ pañcaśikhaḥ śālvalapūrvakaḥ | catvāro yoginaḥ putrā bhaviṣyanti samā mama || ### [3.4.34](https://indike.org/pramana/in.purana.siva*complete-2.3.4.34) navame parivartte tu tasminneva yuge vidhe | bhaviṣyati muniśreṣṭho vyāsaḥ sārasvatāhvayaḥ || ### [3.4.35](https://indike.org/pramana/in.purana.siva*complete-2.3.4.35) vyāsasya dhyāyatastasya nivṛttipathavṛddhaye | tadāpyahaṃ bhaviṣyāmi ṛṣabho nāmataḥ smṛtaḥ || ### [3.4.36](https://indike.org/pramana/in.purana.siva*complete-2.3.4.36) parāśaraśca gargaśca bhārgavo giriśastathā | catvārastatra śiṣyā me bhaviṣyanti suyoginaḥ || ### [3.4.37](https://indike.org/pramana/in.purana.siva*complete-2.3.4.37) taiḥ sākaṃ draḍhayiṣyāmi yogamārgaṃ prajāpate | kariṣyāmi sahāyaṃ vai vedavyāsasya sanmune || ### [3.4.38](https://indike.org/pramana/in.purana.siva*complete-2.3.4.38) tena rūpeṇa bhaktānāṃ bahūnāṃ duḥkhināṃ vidhe | uddhāraṃ bhavato'haṃ vai kariṣyāmi dayākaraḥ || ### [3.4.39](https://indike.org/pramana/in.purana.siva*complete-2.3.4.39) so'vatāro vidhe me hi ṛṣabhākhyaḥ suyogakṛt | sārasvatavyāsamanaḥkarttā nānotikārakaḥ || ### [3.4.40](https://indike.org/pramana/in.purana.siva*complete-2.3.4.40) avatāreṇa me yena bhadrāyurnṛpabālakaḥ | jīvito hi mṛtaḥ kṣveḍadoṣato janakojjhitaḥ || ### [3.4.41](https://indike.org/pramana/in.purana.siva*complete-2.3.4.41) prāpte'tha ṣoḍaśe varṣe tasya rājaśiśoḥ punaḥ | yayau tadveśma sahasā ṛṣabhaḥ sa madātmakaḥ || ### [3.4.42](https://indike.org/pramana/in.purana.siva*complete-2.3.4.42) pūjitastena sa muniḥ sadrūpaśca kṛpānidhiḥ | upādideśa taddharmān rājayogānprajāpate || ### [3.4.43](https://indike.org/pramana/in.purana.siva*complete-2.3.4.43) tataḥ sa kavacaṃ divyaṃ śaṅkhaṃ khaṅgaṃ ca bhāsvaram | dadau tasmai prasannātmā sarvaśatruvināśanam || ### [3.4.44](https://indike.org/pramana/in.purana.siva*complete-2.3.4.44) tadaṅga bhasmanāmṛśya kṛpayā dīnavatsalaḥ | sa dvādaśasahasrasya gajānāṃ ca balaṃ dadau || ### [3.4.45](https://indike.org/pramana/in.purana.siva*complete-2.3.4.45) iti bhadrāyuṣaṃ samyaganuśvāsya samātṛkam | yayau svairagatistābhyāṃ pūjitastvṛṣabhaḥ prabhuḥ || ### [3.4.46](https://indike.org/pramana/in.purana.siva*complete-2.3.4.46) bhadrāyurapi rājarṣirjitvā ripugaṇānvidhe | rājyaṃ cakāra dharmeṇa vivāhya kīrttimālinīm || ### [3.4.47](https://indike.org/pramana/in.purana.siva*complete-2.3.4.47) itthamprabhāvaṃ ṛṣabho'vatāraḥ śaṅkarasya me | satāṃ gatirdīnabandhurnavamaḥ kathitastava || ### [3.4.48](https://indike.org/pramana/in.purana.siva*complete-2.3.4.48) ṛṣabhasya caritraṃ hi paramaṃ pāvanaṃ mahat | svargyaṃ yaśasyamāyuṣyaṃ śrotavyaṃ ca prayatnataḥ || ### [3.4.48.c1](https://indike.org/pramana/in.purana.siva*complete-2.3.4.48.c1) iti śrīśivamahāpurāṇe tṛtīyāyāṃ śatarudrasaṃhitāyāmṛṣabhacaritravarṇanaṃ nāma caturtho'dhyāyaḥ || ### [3.4.48.p2](https://indike.org/pramana/in.purana.siva*complete-2.3.4.48.p2) śrīgaṇeśāya namaḥ || ### [3.4.48.p3](https://indike.org/pramana/in.purana.siva*complete-2.3.4.48.p3) śrīgaurīśaṅkarābhyāṃ namaḥ || ### [3.4.48.p4](https://indike.org/pramana/in.purana.siva*complete-2.3.4.48.p4) śrīśivamahāpurāṇam || ### [3.4.48.p5](https://indike.org/pramana/in.purana.siva*complete-2.3.4.48.p5) tṛtīyāyāṃ śatarudrasaṃhitāyāṃ ### pañcamo'dhyāyaḥ | ekonaviṃśatiśivāvatāravarṇanam ### [3.5.1](https://indike.org/pramana/in.purana.siva*complete-2.3.5.1) śiva uvāca | daśame dvāpare vyāsastridhāmā nāmato muniḥ | himavacchikhare ramye bhṛgutuṅge nagottame || ### [3.5.2](https://indike.org/pramana/in.purana.siva*complete-2.3.5.2) tatrāpi mama putrāśca bhṛgvādyāḥ śrutisammitāḥ | balabandhurnarāmitraḥ ketuśṛṅgastapodhanaḥ || ### [3.5.3](https://indike.org/pramana/in.purana.siva*complete-2.3.5.3) ekādaśe dvāpare tu vyāsaśca trivṛto yadā | gaṅgādvāre kalau nāmnā tapo'haṃ bhavitā tadā || ### [3.5.4](https://indike.org/pramana/in.purana.siva*complete-2.3.5.4) lambodaraśca lambākṣaḥ keśalambaḥ pralambakaḥ | tatrāpi putrāścatvāro bhaviṣyanti dṛḍhavratāḥ || ### [3.5.5](https://indike.org/pramana/in.purana.siva*complete-2.3.5.5) dvādaśe parivartte tu śatatejāśca vedakṛt | tatrāpyahaṃ bhaviṣyāmi dvāparānte kalāviha || ### [3.5.6](https://indike.org/pramana/in.purana.siva*complete-2.3.5.6) hemakañcukamāsādya nāmnā hyatriḥ pariplutaḥ | vyāsasyaiva sahāyārthaṃ nivṛttipatharopaṇaḥ || ### [3.5.7](https://indike.org/pramana/in.purana.siva*complete-2.3.5.7) sarvajñaḥ samabuddhiśca sādhyaḥ śarvaḥ suyoginaḥ | tatreti putrāścatvāro bhaviṣyanti mahāmune || ### [3.5.8](https://indike.org/pramana/in.purana.siva*complete-2.3.5.8) trayodaśe yuge tasmindharmo nārāyaṇaḥ sadā | vyāsastadāhaṃ bhavitā balirnāma mahāmuniḥ || ### [3.5.9](https://indike.org/pramana/in.purana.siva*complete-2.3.5.9) vālakhilyāśrame gandhamādane parvatottame | sudhāmā kāśyapaścaiva vasiṣṭho virajāḥ śubhāḥ || ### [3.5.10](https://indike.org/pramana/in.purana.siva*complete-2.3.5.10) yadā vyāsastu rakṣākhyaḥ paryāye tu caturdaśe | vaṃśa āṅgirase tatra bhavitāhaṃ ca gautamaḥ || ### [3.5.11](https://indike.org/pramana/in.purana.siva*complete-2.3.5.11) tatrāpi mama te putrā bhaviṣyanti kalau tadā | atrirdavaśadaścaiva śravaṇo'tha śraviṣkaṭaḥ || ### [3.5.12](https://indike.org/pramana/in.purana.siva*complete-2.3.5.12) vyāsaḥ pañcadaśe trayyāruṇirvai dvāpare yadā | tadā'haṃ bhavitā vedaśirā vedaśirastathā || ### [3.5.13](https://indike.org/pramana/in.purana.siva*complete-2.3.5.13) mahāvīryaṃ tadastraṃ ca vedaśīrṣaśca parvataḥ | himavatpṛṣṭhamāsādya sarasvatyāstathottare || ### [3.5.14](https://indike.org/pramana/in.purana.siva*complete-2.3.5.14) tatrāpi mama catvāro bhaviṣyanti sutā dṛḍhāḥ | kuṇiśca kuṇibāhuśca kuśarīraḥ kunetrakaḥ || ### [3.5.15](https://indike.org/pramana/in.purana.siva*complete-2.3.5.15) vyāso yuge ṣoḍaśe tu yadā devo bhaviṣyati | tadā yogapradānāya gokarṇo bhavitā hyaham || ### [3.5.16](https://indike.org/pramana/in.purana.siva*complete-2.3.5.16) tatraiva ca supuṇyaṃ ca gokarṇaṃ nāma tadvanam | tatrāpi yoginaḥ putra bhaviṣyantyambusammitāḥ || ### [3.5.17](https://indike.org/pramana/in.purana.siva*complete-2.3.5.17) kāśyapo'pyuśanāścaiva cyavano'tha bṛhaspatiḥ | te'pi tenaiva mārgeṇa gamiṣyanti śivālayam || ### [3.5.18](https://indike.org/pramana/in.purana.siva*complete-2.3.5.18) parivartte saptadaśe vyāso devakṛtañjayaḥ | guhāvāsīti nāmnāhaṃ himavacchikhare śubhe || ### [3.5.19](https://indike.org/pramana/in.purana.siva*complete-2.3.5.19) mahālaye mahottuṅge śivakṣetraṃ himālayam | utathyo vāmadevaśca mahāyogo mahābalaḥ || ### [3.5.20](https://indike.org/pramana/in.purana.siva*complete-2.3.5.20) parivartte'ṣṭādaśe tu yadā vyāsa ṛtañjayaḥ | śikhaṇḍīnāmato'haṃ taddhimavacchikhare śubhe || ### [3.5.21](https://indike.org/pramana/in.purana.siva*complete-2.3.5.21) siddhakṣetre mahāpuṇye śikhaṇḍī nāma parvataḥ | śikhaṇḍino vanaṃ vāpi yatra siddhaniṣevitam || ### [3.5.22](https://indike.org/pramana/in.purana.siva*complete-2.3.5.22) vācaḥśravā rucīkaśca śyāvāsyaśca yatīśvaraḥ | ete putrā bhaviṣyanti tatrāpi ca tapodhanāḥ || ### [3.5.23](https://indike.org/pramana/in.purana.siva*complete-2.3.5.23) ekonaviṃśe vyāsastu bharadvājo mahāmuniḥ | tadāpyahaṃ bhaviṣyāmi jaṭī mālī ca nāmataḥ || ### [3.5.24](https://indike.org/pramana/in.purana.siva*complete-2.3.5.24) himavacchikhare tatra putrā me'mbudhisaṃhitāḥ | hiraṇyanāmā kauśalyo lokākṣī pradhimistathā || ### [3.5.25](https://indike.org/pramana/in.purana.siva*complete-2.3.5.25) parivartte viṃśatime bhavitā vyāsa gautamaḥ | tatrāṭṭahāsanāmāhamaṭṭahāsapriyā narāḥ || ### [3.5.26](https://indike.org/pramana/in.purana.siva*complete-2.3.5.26) tatraiva himavatpṛṣṭhe aṭṭahāso mahāgiriḥ | devamānuṣayakṣendrasiddhacāraṇasevitaḥ || ### [3.5.27](https://indike.org/pramana/in.purana.siva*complete-2.3.5.27) tatrāpi mama te putrā bhaviṣyanti suyoginaḥ | sumanturbarbarirvidvān kabandhaḥ kuśikandharaḥ || ### [3.5.28](https://indike.org/pramana/in.purana.siva*complete-2.3.5.28) ekaviṃśe yuge tasmin vyāso vācaḥ śravā yadā | tadāhaṃ dāruko nāma tasmāddāruvanaṃ śubham || ### [3.5.29](https://indike.org/pramana/in.purana.siva*complete-2.3.5.29) tatrāpi mama te putrā bhaviṣyanti suyoginaḥ | plakṣo dārbhāyaṇiścaiva ketumān gautamastathā || _First 200 of 2,442 passages. [Read on](https://indike.org/pramana/in.purana.siva*complete-2.3)_ ## Other recensions (1) - [Śivapurāṇa (complete text)](https://indike.org/pramana/in.purana.siva*complete.3.1.2) — Sanskrit ## Linked texts (7) - [Prakriyāpāda](https://indike.org/pramana/in.purana.prakriyapada.23.109) — Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.60.58) — Kumāra Kavi, Sanskrit - [Sahyādrikhaṇḍa](https://indike.org/pramana/in.purana.sthala.sahyadrikhanda.60.58) — Sanskrit - [Caturvedatātparyaprakāśa](https://indike.org/pramana/in.sampradaya.saiva.siddhanta.darsana.caturvedatatparyaprakasa.2.97-2.1) — Haradatta, Sanskrit - [Mahādevāṣṭottaraśatanāman](https://indike.org/pramana/in.sampradaya.saiva.stotra.mahadevastottarasatanaman.6.20) — Sanskrit - [Skandapurāṇa (early; "Ambikākhaṇḍa") (ed. Bakker)](https://indike.org/pramana/in.purana.skanda*early*bakker.17.45.213.p4) — Sanskrit - [Kārtikamahiman](https://indike.org/pramana/in.purana.sthala.kartikamahiman.22.31) — Sanskrit --- Source: [https://indike.org/pramana/in.purana.siva*complete-2.3](https://indike.org/pramana/in.purana.siva*complete-2.3) · Pramāṇa