Shivapurana 4.2: dvitīyo'dhyāyaḥ | śivaliṅgamāhātmyavarṇanam
Śivapurāṇa (complete text) 4.2
- Language
- Sanskrit
Contents
- 4.2.31 — 5 parts
dvitīyo'dhyāyaḥ | śivaliṅgamāhātmyavarṇanam
4.2.1
sūta uvāca |
gaṅgātīre suprasiddhā kāśī khalu vimuktidā |
sā hi liṅgamayī jñeyā śivavāsasthalī smṛtā ||
4.2.2
liṅgaṃ tatraiva mukhyaṃ ca samproktamavimuktakam |
kṛttivāseśvaraḥ sākṣāttattulyo vṛddhakālakaḥ ||
4.2.3
tilabhāṇḍeśvaraścaiva daśāśvamedha eva ca |
gaṅgāsāgarasaṃyoge saṅgameśa iti smṛtaḥ ||
4.2.4
bhūteśvaro yaḥ samprokto bhaktasarvārthadaḥ sadā |
nārīśvara iti khyātaḥ kauśikyāḥ sa samīpagaḥ ||
4.2.5
vartate gaṇḍakītīre baṭukeśvara eva saḥ |
pūreśvara iti khyātaḥ phalgutīre sukhapradaḥ ||
4.2.6
siddhanātheśvaraścaiva darśanātsiddhido nṛṇām |
dūreśvara iti khyātaḥ pattane cottare tathā ||
4.2.7
śṛṅgeśvaraśca nāmnā vai vaidyanāthastathaiva ca |
japyeśvarastathā khyāto yo dadhīciraṇasthale ||
4.2.8
gopeśvaraḥ samākhyāto raṅgeśvara iti smṛtaḥ |
vāmeśvaraśca nāgeśaḥ kāmeśo vimaleśvaraḥ ||
4.2.9
vyāseśvaraśca vikhyātaḥ sukeśaśca tathaiva hi |
bhāṇḍeśvaraśca vikhyāto huṅkāreśastathaiva ca ||
4.2.10
surocanaśca vikhyāto bhūteśvara iti svayam |
saṅgameśastathā prokto mahāpātakanāśanaḥ ||
4.2.11
tataśca taptakātīre kumāreśvara eva ca |
siddheśvaraśca vikhyātaḥ seneśaśca tathā smṛtaḥ ||
4.2.12
rāmeśvara iti prokto kumbheśaśca paro mataḥ |
nandīśvaraśca puñjeśaḥ pūrṇāyāṃ pūrṇakastathā ||
4.2.13
brahmeśvaraḥ prayāge ca brahmaṇā sthāpitaḥ purā |
daśāśvamedhatīrthe hi caturvargaphalapradaḥ ||
4.2.14
tathā someśvarastatra sarvāpadvinivārakaḥ |
bhāradvājeśvaraścaiva brahmavarcaḥpravarddhakaḥ ||
4.2.15
śūlaṭaṅkeśvaraḥ sākṣātkāmanāprada īritaḥ |
mādhaveśaśca tatraiva bhaktarakṣāvidhāyakaḥ ||
4.2.16
nāgeśākhyaḥ prasiddho hi sāketanagare dvijāḥ |
sūryavaṃśodbhavānāṃ ca viśeṣeṇa sukhapradaḥ ||
4.2.17
puruṣottamapuryāṃ tu bhuvaneśaḥ susiddhidaḥ |
lokeśaśca mahāliṅgaḥ sarvānandapradāyakaḥ ||
4.2.18
kāmeśvaraḥ śambhuliṅgo gaṅgeśaḥ paraśuddhikṛt |
śukreśvaraḥ śukrasiddho lokānāṃ hitakāmyayā ||
4.2.19
tathā vaṭeśvaraḥ khyātaḥ sarvakāmaphalapradaḥ |
sindhutīre kapāleśo vaktreśaḥ sarvapāpahā ||
4.2.20
dhautapāpeśvaraḥ sākṣādaṃśena parameśvaraḥ |
bhīmeśvara iti proktaḥ sūryeśvara iti smṛtaḥ ||
4.2.21
nandīśvaraśca vijñeyo jñānado lokapūjitaḥ |
nākeśvaro mahāpuṇyastathā rāmeśvaraḥ smṛtaḥ ||
4.2.22
vimaleśvaranāmā vai kaṇṭakeśvara eva ca |
pūrvasāgarasaṃyoge dhartukeśastathaiva ca ||
4.2.23
candreśvaraśca vijñeyaścandrakāntiphalapradaḥ |
sarvakāmapradaścaiva siddheśvara iti smṛtaḥ ||
4.2.24
bilveśvaraśca vikhyātaścāndhakeśastathaiva ca |
yatra vā hyandhako daityaḥ śaṅkareṇa hataḥ purā ||
4.2.25
ayaṃ svarūpamaṃśena dhṛtvā śambhuḥ punaḥ sthitaḥ |
śaraṇeśvaravikhyāto lokānāṃ sukhadaḥ sadā ||
4.2.26
kardameśaḥ paraḥ proktaḥ koṭīśaścārbudācale |
acaleśaśca vikhyāto lokānāṃ sukhadaḥ sadā ||
4.2.27
nāgeśvarastu kauśikyāstīre tiṣṭhati nityaśaḥ |
ananteśvarasaṃjñaśca kalyāṇaśubhabhājanaḥ ||
4.2.28
yogeśvaraśca vikhyāto vaidyanātheśvarastathā |
koṭīśvaraśca vijñeyaḥ sapteśvara iti smṛtaḥ ||
4.2.29
bhadreśvaraśca vikhyāto bhadranāmā haraḥ svayam |
caṇḍīśvarastathā proktaḥ saṅgameśvara eva ca ||
4.2.30
pūrvasyāṃ diśi jātāni śivaliṅgāni yāni ca |
sāmānyānyapi cānyāni tānīha kathitāni te ||
4.2.31
dakṣiṇasyāṃ diśi tathā śivaliṅgāni yāni ca |
sañjātāni muniśreṣṭha tāni te kathayāmyaham ||
4.2.31.c1
iti śrīśivamahāpurāṇe caturthyāṃ koṭirudrasaṃhitāyāṃ śivaliṅgamāhātmyavarṇanaṃ nāma dvitīyo'dhyāyaḥ ||
4.2.31.p2
śrīgaṇeśāya namaḥ ||
4.2.31.p3
śrīgaurīśaṅkarābhyāṃ namaḥ ||
4.2.31.p4
śrīśivamahāpurāṇam ||
4.2.31.p5
caturthī koṭirudrasaṃhitā
Other recensions (1)
- Śivapurāṇa (complete text) — Sanskrit
Linked texts (1)
- Koṭirudrasaṃhitā — Sanskrit