[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 5.2 # Shivapurana 5.2: dvitīyo'dhyāyaḥ | sanatkumāravyāsasaṃvāde upamanyūpadeśaḥ Śivapurāṇa (complete text) 5.2 - **Language:** Sanskrit ## Contents - [5.2.52](https://indike.org/pramana/in.purana.siva*complete-2.5.2.52) — 4 parts ### dvitīyo'dhyāyaḥ | sanatkumāravyāsasaṃvāde upamanyūpadeśaḥ ### [5.2.1](https://indike.org/pramana/in.purana.siva*complete-2.5.2.1) sanatkumāra uvāca | ityākarṇya munervākyamupamanyormahātmanaḥ | jātabhaktirmahādeve kṛṣṇaḥ provāca taṃ munim || ### [5.2.2](https://indike.org/pramana/in.purana.siva*complete-2.5.2.2) śrīkṛṣṇa uvāca | upamanyo mune tāta kṛpāṃ kuru mamopari | ye ye śivaṃ samārādhya kāmānāpuśca tānvada || ### [5.2.3](https://indike.org/pramana/in.purana.siva*complete-2.5.2.3) sanatkumāra uvāca | ityākarṇyopamanyuḥ sa muniḥ śaivavaro mahān | kṛṣṇavākyaṃ supraśasya pratyuvāca kṛpānidhiḥ || ### [5.2.4](https://indike.org/pramana/in.purana.siva*complete-2.5.2.4) upamanyuruvāca | yairyairbhavārādhanataḥ prāpto hṛtkāma eva hi | tāṃstān bhaktān pravakṣyāmi śṛṇu tvaṃ vai yadūdvaha || ### [5.2.5](https://indike.org/pramana/in.purana.siva*complete-2.5.2.5) śarvātsarvāmaraiśvaryaṃ hiraṇyakaśipuḥ purā | varṣāṇāṃ daśalakṣāṇi so'labhaccandraśekharāt || ### [5.2.6](https://indike.org/pramana/in.purana.siva*complete-2.5.2.6) tasyātha putrapravaro nandano nāma viśrutaḥ | sa ca śarvavarādindraṃ varṣāyutamayodhayat || ### [5.2.7](https://indike.org/pramana/in.purana.siva*complete-2.5.2.7) viṣṇucakraṃ ca tad ghoraṃ vajramākhaṇḍalasya ca | śīrṇaṃ purābhavatkṛṣṇa tadaṅgeṣu mahāhave || ### [5.2.8](https://indike.org/pramana/in.purana.siva*complete-2.5.2.8) na śastrāṇi vahantyaṅge dharmatastasya dhīmataḥ | grahasyātibalasyājau cakravajramukhānyapi || ### [5.2.9](https://indike.org/pramana/in.purana.siva*complete-2.5.2.9) ardyamānāśca vibudhā graheṇa subalīyasā | devadattavarā jaghnurasurendrān surā bhṛśam || ### [5.2.10](https://indike.org/pramana/in.purana.siva*complete-2.5.2.10) tuṣṭo vidyutprabhasyāpi trailokyeśvaratāmadāt | śatavarṣasahasrāṇi sarvalokeśvaro bhavaḥ || ### [5.2.11](https://indike.org/pramana/in.purana.siva*complete-2.5.2.11) tathā putrasahasrāṇāmayutaṃ ca dadau śivaḥ | mama cānucaro nityaṃ bhaviṣyasyabravīditi || ### [5.2.12](https://indike.org/pramana/in.purana.siva*complete-2.5.2.12) kuśadvīpe śubhaṃ rājyamadadādbhagavān bhavaḥ | sa tasmai śaṅkaraḥ prītyā vāsudeva prahṛṣṭadhīḥ || ### [5.2.13](https://indike.org/pramana/in.purana.siva*complete-2.5.2.13) dhātrā sṛṣṭaḥ śatamakho daityo varṣaśataṃ purā | tapaḥ kṛtvā sahasraṃ tu putrāṇāmalabhadbhavāt || ### [5.2.14](https://indike.org/pramana/in.purana.siva*complete-2.5.2.14) yājñavalkya iti khyāto gīto vedeṣu vai muniḥ | ārādhya sa mahādevaṃ prāptavān jñānamuttamam || ### [5.2.15](https://indike.org/pramana/in.purana.siva*complete-2.5.2.15) vedavyāsastu yo nāmnā prāptavānatulaṃ yaśaḥ | so'pi śaṅkaramārādhya trikālajñānamāptavān || ### [5.2.16](https://indike.org/pramana/in.purana.siva*complete-2.5.2.16) indreṇa vālakhilyāste paribhūtāstu śaṅkarāt | lebhire somahartāraṃ garuḍaṃ sarvadurjayam || ### [5.2.17](https://indike.org/pramana/in.purana.siva*complete-2.5.2.17) āpaḥ pranaṣṭāḥ sarvāśca pūrvaroṣātkapardinaḥ | śarvaṃ samakapālena devairiṣṭvāḥ pravartitāḥ || ### [5.2.18](https://indike.org/pramana/in.purana.siva*complete-2.5.2.18) atrerbhāryā cānasūyā trīṇi varṣaśatāni ca | muśaleṣu nirāhārā suptvā śarvāttataḥ sutān || ### [5.2.19](https://indike.org/pramana/in.purana.siva*complete-2.5.2.19) dattātreyaṃ muniṃ lebhe candraṃ durvāsasaṃ tathā | gaṅgāṃ pravartayāmāsa citrakūṭe pativratā || ### [5.2.20](https://indike.org/pramana/in.purana.siva*complete-2.5.2.20) vikarṇaśca mahādevaṃ tathā bhaktasukhāvaham | prasādya mahatīṃ siddhimāptavān madhusūdana || ### [5.2.21](https://indike.org/pramana/in.purana.siva*complete-2.5.2.21) citraseno nṛpaḥ śambhuṃ prasādya dṛḍhabhaktimān | samastanṛpabhītibhyo'bhayaṃ prāpātulaṃ ca kam || ### [5.2.22](https://indike.org/pramana/in.purana.siva*complete-2.5.2.22) śrīkaro gopikāsūnurnṛpapūjāvilokanāt | jātabhaktirmahādeve paramāṃ siddhimāptavān || ### [5.2.23](https://indike.org/pramana/in.purana.siva*complete-2.5.2.23) citrāṅgado nṛpasutaḥ sīmantinyāḥ patirhare | śivānugrahato magno yamunāyāṃ mṛto na hi || ### [5.2.24](https://indike.org/pramana/in.purana.siva*complete-2.5.2.24) sa ca takṣālayaṃ gatvā tanmaitrīṃ prāpya suvrataḥ | āyātaḥ svagṛhaṃ prīto nānādhanasamanvitaḥ || ### [5.2.25](https://indike.org/pramana/in.purana.siva*complete-2.5.2.25) sīmantinī priyā tasya somavrataparāyaṇā | śivānugrahataḥ kṛṣṇa lebhe saubhāgyamuttamam || ### [5.2.26](https://indike.org/pramana/in.purana.siva*complete-2.5.2.26) tatprabhāvād vrate tasminneko dvijasutaḥ purā | kaścitstrītvaṃ gato lobhātkṛtadārākṛtiśchalāt || ### [5.2.27](https://indike.org/pramana/in.purana.siva*complete-2.5.2.27) cañcukā puṃścalī duṣṭā gokarṇe dvijataḥ purā | śrutvā dharmakathāṃ śambhorbhaktyā prāpa parāṃ gatim || ### [5.2.28](https://indike.org/pramana/in.purana.siva*complete-2.5.2.28) svastryanugrahataḥ pāpī bindugo cañcukāpatiḥ | śrutvā śivapurāṇaṃ sa sadgatiṃ prāpa śāṅkarīm || ### [5.2.29](https://indike.org/pramana/in.purana.siva*complete-2.5.2.29) piṅgalā gaṇikā khyātā madarāhvo dvijādhamaḥ | śaivamṛṣabhamabhyarcya lebhāte sadgatiṃ ca tau || ### [5.2.30](https://indike.org/pramana/in.purana.siva*complete-2.5.2.30) mahānandābhidhā kaścidveśyā śivapadāratā | dṛḍhātpaṇātsuprasādya śivaṃ lebhe ca sadgatim || ### [5.2.31](https://indike.org/pramana/in.purana.siva*complete-2.5.2.31) kaikeyī dvijabālā ca sādarāhvā śivavratā | paramaṃ hi sukhaṃ prāpa śiveśavratadhāraṇāt || ### [5.2.32](https://indike.org/pramana/in.purana.siva*complete-2.5.2.32) vimarṣaṇaśca nṛpatiḥ śivabhaktiṃ vidhāya vai | gatiṃ lebhe parāṃ kṛṣṇa śivānugrahataḥ purā || ### [5.2.33](https://indike.org/pramana/in.purana.siva*complete-2.5.2.33) durjanaśca nṛpaḥ pāpī bahustrīlampaṭaḥ khalaḥ | śivabhaktyā śivaṃ prāpa nirliptaḥ sarvakarmasu || ### [5.2.34](https://indike.org/pramana/in.purana.siva*complete-2.5.2.34) sastrīkaḥ śambaro nāmnā śaṅkaraśca śivavratī | citābhasmarato bhaktyā lebhe tadgatimuttamām || ### [5.2.35](https://indike.org/pramana/in.purana.siva*complete-2.5.2.35) sauminī nāma cāṇḍālī sampūjyājñānato hi sā | lebhe śaivīṃ gatiṃ kṛṣṇa śaṅkarānugrahātparāt || ### [5.2.36](https://indike.org/pramana/in.purana.siva*complete-2.5.2.36) mahākālābhidho vyādhaḥ kirātaḥ parahiṃsakaḥ | samabhyarcya śivaṃ bhaktyā lebhe sadgatimuttamām || ### [5.2.37](https://indike.org/pramana/in.purana.siva*complete-2.5.2.37) durvāsā muniśārdūlaḥ śivānugrahataḥ purā | tastāra svamataṃ loke śivabhaktiṃ vimuktidām || ### [5.2.38](https://indike.org/pramana/in.purana.siva*complete-2.5.2.38) kauśikaśca samārādhya śaṅkaraṃ loka śaṅkaram | brāhmaṇo'bhūtkṣatriyaśca dvitīya iva padmabhūḥ || ### [5.2.39](https://indike.org/pramana/in.purana.siva*complete-2.5.2.39) śivamabhyarcya sadbhaktyā virañciḥ śaivasattamaḥ | abhūtsargakaraḥ kṛṣṇa sarvalokapitāmahaḥ || ### [5.2.40](https://indike.org/pramana/in.purana.siva*complete-2.5.2.40) mārkaṇḍeyo munivaraścirañjīvī mahāprabhuḥ | śivabhaktavaraḥ śrīmān śivānugrahato hare || ### [5.2.41](https://indike.org/pramana/in.purana.siva*complete-2.5.2.41) devendro hi mahāśaivastrailokyaṃ bubhuje purā | śivānugrahataḥ kṛṣṇa sarvadevādhipaḥ prabhuḥ || ### [5.2.42](https://indike.org/pramana/in.purana.siva*complete-2.5.2.42) baliputro mahāśaivaḥ śivānugrahato vaśī | bāṇo babhūva brahmāṇḍanāyakaḥ sakaleśvaraḥ || ### [5.2.43](https://indike.org/pramana/in.purana.siva*complete-2.5.2.43) hariḥ śaktiśca sadbhaktyā dadhīcaśca maheśvaraḥ | śivānugrahato'bhūvaṃstathā rāmo hi śāṅkaraḥ || ### [5.2.44](https://indike.org/pramana/in.purana.siva*complete-2.5.2.44) kaṇādo bhārgavaścaiva gururgautama eva ca | śivabhaktyā babhūvuste mahāprabhava īśvarāḥ || ### [5.2.45](https://indike.org/pramana/in.purana.siva*complete-2.5.2.45) śākalyaḥ śaṃsitātmā ca navavarṣaśatānyapi | bhavamārādhayāmāsa manoyajñena mādhava || ### [5.2.46](https://indike.org/pramana/in.purana.siva*complete-2.5.2.46) tutoṣa bhagavānāha granthakartā bhaviṣyasi | vatsākṣayā ca te kīrtistrailokye prabhaviṣyati || ### [5.2.47](https://indike.org/pramana/in.purana.siva*complete-2.5.2.47) akṣayaṃ ca kulaṃ te'stu maharṣibhiralaṅkṛtam | bhaviṣyasi ṛṣiśreṣṭha sūtrakartā sutastataḥ || ### [5.2.48](https://indike.org/pramana/in.purana.siva*complete-2.5.2.48) ityevaṃ śaṅkarātprāpa varaṃ munivaraḥ sa vai | trailokye vitataścāsītpūjyaśca yadunandana || ### [5.2.49](https://indike.org/pramana/in.purana.siva*complete-2.5.2.49) sāvarṇiriti vikhyāta ṛṣirāsītkṛte yuge | iha tena tapastaptaṃ ṣaṣṭivarṣaśatāni ca || ### [5.2.50](https://indike.org/pramana/in.purana.siva*complete-2.5.2.50) tamāha bhagavān rudraḥ sākṣāttuṣṭo'smi te'nagha | granthakṛllokavikhyāto bhavitāsyajarāmaraḥ || ### [5.2.51](https://indike.org/pramana/in.purana.siva*complete-2.5.2.51) evaṃvidho mahādevaḥ puṇyapūrvataraistataḥ | samarcitaḥ śubhān kāmān pradadāti yathepsitān || ### [5.2.52](https://indike.org/pramana/in.purana.siva*complete-2.5.2.52) ekenaiva mukhenāhaṃ vaktuṃ bhagavato guṇāḥ | ye santi tānna śaknomi hyapi varṣaśatairapi || ### [5.2.52.c1](https://indike.org/pramana/in.purana.siva*complete-2.5.2.52.c1) iti śrīśivamahāpurāṇe pañcamyāmumāsaṃhitāyāṃ sanatkumāravyāsasaṃvāde upamanyūpadeśo nāma dvitīyo'dhyāyaḥ || ### [5.2.52.p2](https://indike.org/pramana/in.purana.siva*complete-2.5.2.52.p2) śrīgaṇeśāya namaḥ || ### [5.2.52.p3](https://indike.org/pramana/in.purana.siva*complete-2.5.2.52.p3) śrīgaurīśaṅkarābhyāṃ namaḥ || ### [5.2.52.p4](https://indike.org/pramana/in.purana.siva*complete-2.5.2.52.p4) śrīśivamahāpurāṇam || ## Other recensions (1) - [Śivapurāṇa (complete text)](https://indike.org/pramana/in.purana.siva*complete.5.2.18) — Sanskrit --- Source: [https://indike.org/pramana/in.purana.siva*complete-2.5.2](https://indike.org/pramana/in.purana.siva*complete-2.5.2) · Pramāṇa