[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 6.2 # Shivapurana 6.2: dvitīyo'dhyāyaḥ | devīdevasaṃvāde devīkṛtapraśnavarṇanam Śivapurāṇa (complete text) 6.2 - **Language:** Sanskrit ## Contents - [6.2.30](https://indike.org/pramana/in.purana.siva*complete-2.6.2.30) — 6 parts ### dvitīyo'dhyāyaḥ | devīdevasaṃvāde devīkṛtapraśnavarṇanam ### [6.2.1](https://indike.org/pramana/in.purana.siva*complete-2.6.2.1) vyāsa uvāca | sādhu pṛṣṭamidaṃ viprā bhavadbhirbhāgyavattamaiḥ | durlabhaṃ hi śivajñānaṃ praṇavārthaprakāśakam || ### [6.2.2](https://indike.org/pramana/in.purana.siva*complete-2.6.2.2) yeṣāṃ prasanno bhagavānsākṣācchūlavarāyudhaḥ | teṣāmeva śivajñānaṃ praṇavārthaprakāśakam || ### [6.2.3](https://indike.org/pramana/in.purana.siva*complete-2.6.2.3) jāyate na hi sandeho netareṣāmiti śrutiḥ | śivabhaktivihīnānāmiti tattvārthaniścayaḥ || ### [6.2.4](https://indike.org/pramana/in.purana.siva*complete-2.6.2.4) dīrghasatreṇa yuṣmābhirbhagavānambikāpatiḥ | upāsita itīdaṃ me dṛṣṭamadya viniścitam || ### [6.2.5](https://indike.org/pramana/in.purana.siva*complete-2.6.2.5) tasmādvakṣyāmi yuṣmākamitihāsaṃ purātanam | umāmaheśasaṃvādarūpamadbhutamāstikāḥ || ### [6.2.6](https://indike.org/pramana/in.purana.siva*complete-2.6.2.6) purākhilajaganmātā satī dākṣāyaṇī tanum | śivanindāprasaṅgena tyaktvā ca janakādhvare || ### [6.2.7](https://indike.org/pramana/in.purana.siva*complete-2.6.2.7) tataḥ prabhāvātsā devī sutābhūddhimavadgireḥ | śivārthamatapatsā vai nāradasyopadeśataḥ || ### [6.2.8](https://indike.org/pramana/in.purana.siva*complete-2.6.2.8) tasminbhūdharavarye tu svayaṃvaravidhānataḥ | deveśe ca kṛtodvāhe pārvatī sukhamāpa sā || ### [6.2.9](https://indike.org/pramana/in.purana.siva*complete-2.6.2.9) tathaikasminmahādevī samaye patinā saha | sūpaviṣṭā mahāśaile gaurī devamabhāṣata || ### [6.2.10](https://indike.org/pramana/in.purana.siva*complete-2.6.2.10) mahādevyuvāca | bhagavanparameśāna pañcakṛtyavidhāyaka | sarvajña bhaktisulabha paramāmṛtavigraha || ### [6.2.11](https://indike.org/pramana/in.purana.siva*complete-2.6.2.11) dākṣāyaṇīṃ tanuṃ tyaktvā tava nindāprasaṅgataḥ | āsamadya maheśāna putrī himavato gireḥ || ### [6.2.12](https://indike.org/pramana/in.purana.siva*complete-2.6.2.12) kṛpayā parameśāna mantradīkṣāvidhānataḥ | māṃ viśuddhātmatattvasthāṃ kuru nityaṃ maheśvara || ### [6.2.13](https://indike.org/pramana/in.purana.siva*complete-2.6.2.13) iti samprārthito devyā devaḥ śītāṃśubhūṣaṇaḥ | pratyuvāca tato devīṃ prahṛṣṭenāntarātmanā || ### [6.2.14](https://indike.org/pramana/in.purana.siva*complete-2.6.2.14) mahādeva uvāca | dhanyā tvaṃ devadevaśi yadi jātedṛśī matiḥ | kailāsaśikharaṃ gatvā kariṣye tvāṃ ca tādṛśīm || ### [6.2.15](https://indike.org/pramana/in.purana.siva*complete-2.6.2.15) tato himavato gatvā kailāsaṃ bhūdhareśvaram | jagau dīkṣāvidhānena praṇavādīnmanūn kramāt || ### [6.2.16](https://indike.org/pramana/in.purana.siva*complete-2.6.2.16) uktvā mantrāṃśca tāndevīṃ kṛtvā śuddhātmani sthitām | sārdhaṃ devyā mahādevo devodyānaṃ gato'bhavat || ### [6.2.17](https://indike.org/pramana/in.purana.siva*complete-2.6.2.17) tataḥ sumālinīmukhyairdevyāḥ priyasakhījanaiḥ | samāhṛtaiḥ praphullaistaiḥ puṣpaiḥ kalpatarūdbhavaiḥ || ### [6.2.18](https://indike.org/pramana/in.purana.siva*complete-2.6.2.18) alaṅkṛtya mahādevīṃ svāṅkamāropya śaṅkaraḥ | prahṛṣṭavadanastasthau vilokya ca tadānanam || ### [6.2.19](https://indike.org/pramana/in.purana.siva*complete-2.6.2.19) tataḥ priyakathā jātāḥ pārvatīparameśayoḥ | hitāya sarvalokānāṃ sākṣācchrutyarthasammitāḥ || ### [6.2.20](https://indike.org/pramana/in.purana.siva*complete-2.6.2.20) tadā sarvajaganmātā bharturaṅkaṃ samāśritā | vilokya vadanaṃ bharturidamāhaḥ tapodhanāḥ || ### [6.2.23](https://indike.org/pramana/in.purana.siva*complete-2.6.2.23) śrīdevyuvāca | upadiṣṭāstvayā deva mantrāḥ sapraṇavā matāḥ | tatrādau śrotumicchāmi praṇavārthaṃ viniścitam || ### [6.2.22](https://indike.org/pramana/in.purana.siva*complete-2.6.2.22) kathaṃ praṇava utpannaḥ kathaṃ praṇava ucyate | mātrāḥ kati samākhyātāḥ kathaṃ vedādirucyate || ### [6.2.23\_2](https://indike.org/pramana/in.purana.siva*complete-2.6.2.23_2) devatāḥ kati ca proktāḥ kathaṃ devādibhāvanā | kriyāḥ katividhāḥ proktā vyāpyavyāpakatā katham || ### [6.2.24](https://indike.org/pramana/in.purana.siva*complete-2.6.2.24) brahmāṇi pañca mantre'sminkathaṃ tiṣṭhantyanukramāt | kalāḥ kati samākhyātāḥ prapañcātmakatā katham || ### [6.2.25](https://indike.org/pramana/in.purana.siva*complete-2.6.2.25) vācyavācakasambandhasthānāni ca kathaṃ śiva | ko'trādhikārī vijñeyo viṣayaḥ ka udāhṛtaḥ || ### [6.2.26](https://indike.org/pramana/in.purana.siva*complete-2.6.2.26) sambandhaḥ ko'tra vijñeyaḥ kiṃ prayojanamucyate | upāsakastu kiṃrūpaḥ kiṃ vā sthānamupāsanam || ### [6.2.27](https://indike.org/pramana/in.purana.siva*complete-2.6.2.27) upāsyaṃ vastu kiṃrūpaṃ kiṃ vā phalamupāsituḥ | anuṣṭhānavidhiḥ kovā pūjāsthānaṃ ca kiṃ prabho || ### [6.2.28](https://indike.org/pramana/in.purana.siva*complete-2.6.2.28) pūjāyāṃ maṇḍalaṃ kiṃ vā kiṃ vā ṛṣyādikaṃ hara | nyāsajāpavidhiḥ ko vā ko vā pūjāvidhikramaḥ || ### [6.2.29](https://indike.org/pramana/in.purana.siva*complete-2.6.2.29) etatsarvaṃ maheśāna samācakṣva viśeṣataḥ | śrotumicchāmi tattvena yadyasti mayi te kṛpā || ### [6.2.30](https://indike.org/pramana/in.purana.siva*complete-2.6.2.30) iti devyā samāpṛṣṭo bhagavānindubhūṣaṇaḥ | sampraśasya maheśānīṃ vaktuṃ samupacakrame || ### [6.2.30.c1](https://indike.org/pramana/in.purana.siva*complete-2.6.2.30.c1) iti śrīśivamahāpurāṇe ṣaṣṭhyāṃ kailāsasaṃhitāyāṃ devīdevasaṃvāde devīkṛtapraśnavarṇanaṃ nāma dvitīyo'dhyāyaḥ || ### [6.2.30.p2](https://indike.org/pramana/in.purana.siva*complete-2.6.2.30.p2) śrīgaṇeśāya namaḥ || ### [6.2.30.p3](https://indike.org/pramana/in.purana.siva*complete-2.6.2.30.p3) śrīgaurīśaṅkarābhyāṃ namaḥ || ### [6.2.30.p4](https://indike.org/pramana/in.purana.siva*complete-2.6.2.30.p4) śrīśivamahāpurāṇam || ### [6.2.30.p5](https://indike.org/pramana/in.purana.siva*complete-2.6.2.30.p5) oṃ namaḥ śivāya || ### [6.2.30.p6](https://indike.org/pramana/in.purana.siva*complete-2.6.2.30.p6) ṣaṣṭhī kailāsasaṃhitā ## Other recensions (1) - [Śivapurāṇa (complete text)](https://indike.org/pramana/in.purana.siva*complete.6.2.1) — Sanskrit ## Linked texts (2) - [Kailāsasaṃhitā](https://indike.org/pramana/in.purana.upa.saiva.kailasasamhita.2.1) — Sanatkumāra, Sanskrit - [Kailasasamhita (print)](https://indike.org/pramana/in.purana.kailasasamhita*print.2.1) — Sanskrit --- Source: [https://indike.org/pramana/in.purana.siva*complete-2.6.2](https://indike.org/pramana/in.purana.siva*complete-2.6.2) · Pramāṇa