[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 7.2.7 # Shivapurana 7.2.7: saptamo'dhyāyaḥ | śivatattvakathanam Śivapurāṇa (complete text) 7.2.7 - **Language:** Sanskrit ## Contents - [7.2.7.40](https://indike.org/pramana/in.purana.siva*complete-2.7.2.7.40) — 4 parts ### saptamo'dhyāyaḥ | śivatattvakathanam ### [7.2.7.1](https://indike.org/pramana/in.purana.siva*complete-2.7.2.7.1) upamanyuruvaca | śaktiḥ svābhavikī tasya vidyā viśvavilakṣaṇā | ekānekasya rūpeṇa bhāti bhānoriva prabhā || ### [7.2.7.2](https://indike.org/pramana/in.purana.siva*complete-2.7.2.7.2) anantāḥ śaktayo yasyā icchājñānakriyādayaḥ | māyādyāścābhavanvahnorvisphuliṅgā yathā tathā || ### [7.2.7.3](https://indike.org/pramana/in.purana.siva*complete-2.7.2.7.3) sadāśiveśvarādyā hi vidyāvidyeśvarādayaḥ | abhavan puruṣāścāsyāḥ prakṛtiśca parātparā || ### [7.2.7.4](https://indike.org/pramana/in.purana.siva*complete-2.7.2.7.4) mahadādiviśeṣāntāstvajādyāścāpi mūrtayaḥ | yaccānyadasti tatsarvaṃ tasyāḥ kāryaṃ na saṃśayaḥ || ### [7.2.7.5](https://indike.org/pramana/in.purana.siva*complete-2.7.2.7.5) sā śaktiḥ sarvagā sūkṣmā prabodhānandarūpiṇī | śaktimānucyate devaḥ śivaḥ śītāṃśubhūṣaṇaḥ || ### [7.2.7.6](https://indike.org/pramana/in.purana.siva*complete-2.7.2.7.6) vedyaḥ śivaḥ śivā vidyā prajñā caiva śrutiḥ smṛtiḥ | dhṛtireṣā sthitirniṣṭhā jñānecchākarmaśaktayaḥ || ### [7.2.7.7](https://indike.org/pramana/in.purana.siva*complete-2.7.2.7.7) ājñā caiva paraṃ brahma dve vidye ca parāpare | śuddhavidyā śuddhakalā sarvaṃ śaktikṛtaṃ yataḥ || ### [7.2.7.8](https://indike.org/pramana/in.purana.siva*complete-2.7.2.7.8) māyā ca prakṛtirjīvo vikāro vikṛtistathā | asacca sacca yatkiñcittayā sarvamidaṃ tatam || ### [7.2.7.9](https://indike.org/pramana/in.purana.siva*complete-2.7.2.7.9) sā devī māyayā sarvaṃ brahmāṇḍaṃ sacarācaram | mohayatyaprayatnena mocayatyapi līlayā || ### [7.2.7.10](https://indike.org/pramana/in.purana.siva*complete-2.7.2.7.10) anayā saha sarveśaḥ saptaviṃśaprakārayā | viśvaṃ vyāpya sthitastasmāt muktiratra pravartate || ### [7.2.7.11](https://indike.org/pramana/in.purana.siva*complete-2.7.2.7.11) mumukṣavaḥ purā kecinmunayo brahmavādinaḥ | saṃśayāviṣṭamanaso vismṛśanti yathātatham || ### [7.2.7.12](https://indike.org/pramana/in.purana.siva*complete-2.7.2.7.12) kiṃ kāraṇaṃ kuto jātā jīvāmaḥ kena vā vayam | kutrāsmākaṃ sampratiṣṭhā kena vādhiṣṭhitā vayam || ### [7.2.7.13](https://indike.org/pramana/in.purana.siva*complete-2.7.2.7.13) kena vartāmahe śaśvatsukheṣvanyeṣu cāniśam | avilaṅghyā ca viśvasya vyavasthā kena vā kṛtā || ### [7.2.7.14](https://indike.org/pramana/in.purana.siva*complete-2.7.2.7.14) kālasya bhāvo niyatiryadṛcchā nātra yujyate | bhūtāni yoniḥ puruṣo yogī caiṣāṃ paro'thavā || ### [7.2.7.15](https://indike.org/pramana/in.purana.siva*complete-2.7.2.7.15) acetanatvātkālādeścetanatve'pi cātmanaḥ | sukhaduḥkhāni bhūtatvādanīśatvādvicāryate || ### [7.2.7.16](https://indike.org/pramana/in.purana.siva*complete-2.7.2.7.16) taddhyānayogānugatāḥ prapaśyan śaktimaiśvarīm | pāśavicchedikāṃ sākṣānnigūḍhāṃ svaguṇairbhṛśam || ### [7.2.7.17](https://indike.org/pramana/in.purana.siva*complete-2.7.2.7.17) tayā vicchinnapāśāste sarvakāraṇakāraṇam | śaktimantaṃ mahādevamapaśyandivyacakṣuṣā || ### [7.2.7.18](https://indike.org/pramana/in.purana.siva*complete-2.7.2.7.18) yaḥ kāraṇānyaśeṣāṇi kālātmasahitāni ca | aprameyo'nayā śaktyā sakalaṃ yo'dhitiṣṭhati || ### [7.2.7.19](https://indike.org/pramana/in.purana.siva*complete-2.7.2.7.19) tataḥ prasādayogena yogena parameṇa ca | dṛṣṭena bhaktiyogena divyāṃ gatimavāpnuyuḥ || ### [7.2.7.20](https://indike.org/pramana/in.purana.siva*complete-2.7.2.7.20) tasmātsaha tathā śaktyā hṛdi paśyanti ye śivam | teṣāṃ śāśvatikī śāntirnaitareṣāmiti śrutiḥ || ### [7.2.7.21](https://indike.org/pramana/in.purana.siva*complete-2.7.2.7.21) na hi śaktimataḥ śaktyā viprayogo'sti jātucit | tasmāt śakteḥ śaktimatastādātmyānnirvṛtirdvayoḥ || ### [7.2.7.22](https://indike.org/pramana/in.purana.siva*complete-2.7.2.7.22) kramo vivakṣito nūnaṃ vimuktau jñānakarmaṇoḥ | prasāde sati sā mūrtiryasmātkaratale sthitā || ### [7.2.7.23](https://indike.org/pramana/in.purana.siva*complete-2.7.2.7.23) devo vā dānavo vāpi paśurvā vihago'pi vā | kīro vātha kṛmirvāpi mucyate tatprasādataḥ || ### [7.2.7.24](https://indike.org/pramana/in.purana.siva*complete-2.7.2.7.24) garbhastho jāyamāno vā bālo vā taruṇo'pi vā | vṛddho vā mriyamāṇo vā svargastho vātha nārakī || ### [7.2.7.25](https://indike.org/pramana/in.purana.siva*complete-2.7.2.7.25) patito vāpi dharmātmā paṇḍito mūḍha eva vā | prasāde tatkṣaṇādeva mucyate nātra saṃśayaḥ || ### [7.2.7.26](https://indike.org/pramana/in.purana.siva*complete-2.7.2.7.26) ayogyānāṃ ca kāruṇyādbhaktānāṃ parameśvaraḥ | prasīdati na sandeho vigṛhya vividhān malān || ### [7.2.7.27](https://indike.org/pramana/in.purana.siva*complete-2.7.2.7.27) prasadādeva sā bhaktiḥ prasādo bhaktisambhavaḥ | avasthābhedamutprekṣya vidvāṃstatra na muhyati || ### [7.2.7.28](https://indike.org/pramana/in.purana.siva*complete-2.7.2.7.28) prasādapūrvikā yeyaṃ bhuktimuktividhāyinī | naiva sā śakyate prāptuṃ narairekena janmanā || ### [7.2.7.29](https://indike.org/pramana/in.purana.siva*complete-2.7.2.7.29) anekajanmasiddhānāṃ śrautasmārtānuvartinām | viraktānāṃ prabuddhānāṃ prasīdati maheśvaraḥ || ### [7.2.7.30](https://indike.org/pramana/in.purana.siva*complete-2.7.2.7.30) prasanne sati deveśe paśau tasmin pravartate | asti nātho mametyalpā bhaktirbuddhipuraḥsarā || ### [7.2.7.31](https://indike.org/pramana/in.purana.siva*complete-2.7.2.7.31) tapasā vividhaiḥ śaivairdharmaiḥ saṃyujyate naraḥ | tattrayoge tadabhyāsastato bhaktiḥ parā bhavet || ### [7.2.7.32](https://indike.org/pramana/in.purana.siva*complete-2.7.2.7.32) parayā ca tayā bhaktyā prasādo labhyate paraḥ | prasādātsarvapāśebhyo muktirmuktasya nirvṛtiḥ || ### [7.2.7.33](https://indike.org/pramana/in.purana.siva*complete-2.7.2.7.33) alpabhāvo'pi yo martyaḥ so'pi janmatrayātparam | na yoniyantrapīḍāyai bhavennaivātra saṃśayaḥ || ### [7.2.7.34](https://indike.org/pramana/in.purana.siva*complete-2.7.2.7.34) sāṅgānaṅgā ca yā sevā sā bhaktiriti kathyate | sā punarbhidyate tredhā manovākkāyasādhanaiḥ || ### [7.2.7.35](https://indike.org/pramana/in.purana.siva*complete-2.7.2.7.35) śivarūpādicintā yā sā sevā mānasī smṛtā | japādirvācikī sevā karmapūjādi kāyikī || ### [7.2.7.36](https://indike.org/pramana/in.purana.siva*complete-2.7.2.7.36) seyaṃ trisādhanā sevā śivadharmaśca kathyate | sa tu pañcavidhaḥ proktaḥ śivena paramātmanā || ### [7.2.7.37](https://indike.org/pramana/in.purana.siva*complete-2.7.2.7.37) tapaḥ karma japo dhyānaṃ jñānaṃ ceti samāsataḥ | karma liṅgārcanādyaṃ ca tapaścāndrāyaṇādikam || ### [7.2.7.38](https://indike.org/pramana/in.purana.siva*complete-2.7.2.7.38) japastridhā śivābhyāsaścintā dhyānaṃ śivasya tu | śivāgamoktaṃ yajjñānaṃ tadatra jñānamucyate || ### [7.2.7.39](https://indike.org/pramana/in.purana.siva*complete-2.7.2.7.39) śrīkaṇṭhena śivenoktaṃ śivāyai ca śivāgamaḥ | śivāśritānāṃ kāruṇyācchreyasāmekasādhanam || ### [7.2.7.40](https://indike.org/pramana/in.purana.siva*complete-2.7.2.7.40) tasmādvivardhayedbhaktiṃ śive paramakāraṇe | tyajecca viṣayāsaṅgaṃ śreyo'rthī matimānnaraḥ || ### [7.2.7.40.c1](https://indike.org/pramana/in.purana.siva*complete-2.7.2.7.40.c1) iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivatattvakathanaṃ nāma saptamo'dhyāyaḥ || ### [7.2.7.40.p2](https://indike.org/pramana/in.purana.siva*complete-2.7.2.7.40.p2) śrīgaṇeśāya namaḥ || ### [7.2.7.40.p3](https://indike.org/pramana/in.purana.siva*complete-2.7.2.7.40.p3) śrīgaurīśaṅkarābhyāṃ namaḥ || ### [7.2.7.40.p4](https://indike.org/pramana/in.purana.siva*complete-2.7.2.7.40.p4) śrīśivamahāpurāṇam || ## Other recensions (1) - [Śivapurāṇa](https://indike.org/pramana/in.purana.siva.7.2.7.1) — Vyāsa, Sanskrit ## Linked texts (4) - [Kriyāsāra (Nīlakaṇṭha Dīkṣita)](https://indike.org/pramana/in.sampradaya.saiva.virasaiva.kriyasara-nilakantha.6.114) — Nīlakaṇṭha Dīkṣita, Sanskrit - [Kriyāsāra (ed. Mallikārjuna Śāstrī)](https://indike.org/pramana/in.sampradaya.saiva.virasaiva.kriyasara*sastri1910.6.114) — Sanskrit - [Siddhāntaśikhāmaṇi](https://indike.org/pramana/in.sampradaya.saiva.virasaiva.siddhantasikhamani.17.12) — Śivayogi Śivācārya, Sanskrit - [Śikhariṇīmālā](https://indike.org/pramana/in.sampradaya.saiva.stotra.sikharinimala.2.60-2.2) — Appayadīkṣita, Sanskrit --- Source: [https://indike.org/pramana/in.purana.siva*complete-2.7.2.7](https://indike.org/pramana/in.purana.siva*complete-2.7.2.7) · Pramāṇa