Shivapurana 7.2.9: navamo'dhyāyaḥ | śivasya yogāvatāravarṇanam
Śivapurāṇa (complete text) 7.2.9
- Language
- Sanskrit
Contents
- 7.2.9.28 — 4 parts
navamo'dhyāyaḥ | śivasya yogāvatāravarṇanam
7.2.9.1
kṛṣṇa uvāca |
yugāvarteṣu sarveṣu yogācāryacchalena tu |
avatārānhi śarvasya śiṣyāṃśca bhagavan vada ||
7.2.9.2
upamanyuruvāca |
śvetaḥ sutāro madanaḥ suhotraḥ kaṅka eva ca |
laugākṣiśca mahāmāyo jaigīṣavyastathaiva ca ||
7.2.9.3
dadhivāhaśca ṛṣabho munirugro'trireva ca |
supālako gautamaśca tathā vedaśirā muniḥ ||
7.2.9.4
gokarṇaśca guhāvāsī śikhaṇḍī cāparaḥ smṛtaḥ |
jaṭāmālī cāṭṭahāso dāruko lāṅgulī tathā ||
7.2.9.5
mahākālaśca śūlī ca daṇḍī muṇḍīśa eva ca |
sahiṣṇuḥ somaśarmā ca lakulīśvara eva ca ||
7.2.9.6
ete vārāhakalpe'smin saptamasyāntaro manoḥ |
aṣṭāviṃśatisaṅkhyātā yogācāryā yugakramāt ||
7.2.9.7
śiṣyāḥ pratyekameteṣāṃ catvāraḥ śāntacetasaḥ |
śvetādayaśca ruṣyāntāṃstān bravīmi yathākramam ||
7.2.9.8
śvetaḥ śvetaśikhaścaiva śvetāśvaḥ śvetalohitaḥ |
dundubhiḥ śatarūpaśca ṛcīkaḥ ketumāṃstathā ||
7.2.9.9
vikośaśca vikeśaśca vipāśaḥ pāśanāśanaḥ |
sumukho durmukhaścaiva durgamo duratikramaḥ ||
7.2.9.10
sanatkumāraḥ sanakaḥ sanandaśca sanātanaḥ |
sudhāmā virajāścaiva śaṅkhaścāṇḍaja eva ca ||
7.2.9.11
sārasvataśca meghaśca meghavāhaḥ suvāhakaḥ |
kapilaścāsuriḥ pañcaśikho bāṣkala eva ca ||
7.2.9.12
parāśarāśca gargaśca bhārgavaścāṅgirāstathā |
balabandhurnirāmitrāḥ ketuśṛṅgastapodhanaḥ ||
7.2.9.13
lambodaraśca lambaśca lambātmā lambakeśakaḥ |
sarvajñaḥ samabuddhiśca sādhyasiddhistathaiva ca ||
7.2.9.14
sudhāmā kaśyapaścaiva vasiṣṭho virajāstathā |
atrirugro guruśreṣṭhaḥ śravano'tha śraviṣṭakaḥ ||
7.2.9.15
kuṇiśca kuṇibāhuśca kuśarīraḥ kunetrakaḥ |
kāśyapo hyuśanāścaiva cyavanaśca bṛhaspatiḥ ||
7.2.9.16
utathyo vāmadevaśca mahākālo mahānilaḥ |
vācaḥśravāḥ suvīraśca śyāvakaśca yatīśvaraḥ ||
7.2.9.17
hiraṇyanābhaḥ kauśalyo lokākṣiḥ kuthumistathā |
sumanturjaiminiścaiva kubandhaḥ kuśakandharaḥ ||
7.2.9.18
plakṣo dārbhāyaṇiścaiva ketumān gautamastathā |
bhallavī madhupiṅgaśca śvetaketustathaiva ca ||
7.2.9.19
uśijo bṛhadaśvaśca devalaḥ kavireva ca |
śālihotraḥ suveṣaśca yuvanāśvaḥ śaradvasuḥ ||
7.2.9.20
akṣapādaḥ kaṇādaśca ulūko vatsa eva ca |
kulikaścaiva gargaśca mitrako ruṣya eva ca ||
7.2.9.21
ete śiṣyā maheśasya yogācāryasvarūpiṇaḥ |
saṅkhyā ca śatameteṣāṃ saha dvādaśasaṅkhyayā ||
7.2.9.22
sarve pāśupatāḥ siddhā bhasmoddhūlitavigrahāḥ |
sarvaśāstrārthatattvajñā vedavedāṅgapāragāḥ ||
7.2.9.23
śivāśramaratāḥ sarve śivajñānaparāyaṇāḥ |
sarve saṅgavinirmuktāḥ śivaikāsaktacetasaḥ ||
7.2.9.24
sarvadvandvasahā dhīrāḥ sarvabhūtahite ratāḥ |
ṛjavo mṛdavaḥ svasthā jitakrodhā jitendriyāḥ ||
7.2.9.25
rudrākṣamālābharaṇāstripuṇḍrāṅkitamastakāḥ |
śikhājaṭāḥ sarvajaṭā ajaṭā muṇḍaśīrṣakāḥ ||
7.2.9.26
phalamūlāśanaprāyāḥ prāṇāyāmaparāyaṇāḥ |
śivābhimānasampannāḥ śivadhyānaikatatparāḥ ||
7.2.9.27
samunmathitasaṃsāraviṣavṛkṣāṅkurodgamāḥ |
prayātumeva sannaddhāḥ paraṃ śivapuraṃ prati ||
7.2.9.28
sadeśikānimān matvā nityaṃ yaḥ śivamarcayet |
sa yāti śivasāyujyaṃ nātra kāryā vicāraṇā ||
7.2.9.28.c1
iti śrīśivamahāpurāṇe śrīśivamahāpu saptamyāṃ vāyavīyasaṃhitāyāmuttarakhaṇḍe śivasya yogāvatāravarṇanaṃ nāma navamo'dhyāyaḥ ||
7.2.9.28.p2
śrīgaṇeśāya namaḥ ||
7.2.9.28.p3
śrīgaurīśaṅkarābhyāṃ namaḥ ||
7.2.9.28.p4
śrīśivamahāpurāṇam ||
Other recensions (1)
- Śivapurāṇa — Vyāsa, Sanskrit
Linked texts (2)
- Kūrmapurāṇa — Vyāsa, Sanskrit
- Matsyapurāṇa — Vyāsa, Sanskrit