[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [Shivapurana (complete text)](https://indike.org/pramana/in.purana.siva*complete-2) › 7.2 # Shivapurana 7.2: 07.2 Śivapurāṇa (complete text) 7.2 - **Language:** Sanskrit ## Contents - [7.2.1 prathamo'dhyāyaḥ | kṛṣṇaputraprāptivarṇanam](https://indike.org/pramana/in.purana.siva*complete-2.7.2.1) — 27 parts - [7.2.2 dvitīyo'dhyāyaḥ | śivamāhātmyavarṇanam](https://indike.org/pramana/in.purana.siva*complete-2.7.2.2) — 60 parts - [7.2.3 tṛtīyo'dhyāyaḥ | ṛṣṇāyopamanyorupadeśavarṇanam](https://indike.org/pramana/in.purana.siva*complete-2.7.2.3) — 33 parts - [7.2.4 caturtho'dhyāyaḥ | gaurīśaṅkaravibhūtiyogaḥ](https://indike.org/pramana/in.purana.siva*complete-2.7.2.4) — 88 parts - [7.2.5 pañcamo'dhyāyaḥ | paśupatitvajñānayogaḥ](https://indike.org/pramana/in.purana.siva*complete-2.7.2.5) — 37 parts - [7.2.6 ṣaṣṭho'dhyāyaḥ | śivatattvavarṇanam](https://indike.org/pramana/in.purana.siva*complete-2.7.2.6) — 31 parts - [7.2.7 saptamo'dhyāyaḥ | śivatattvakathanam](https://indike.org/pramana/in.purana.siva*complete-2.7.2.7) — 40 parts - [7.2.8 aṣṭamo'dhyāyaḥ | śivatattvajñāne vyāsāvatāravarṇanam](https://indike.org/pramana/in.purana.siva*complete-2.7.2.8) — 51 parts - [7.2.9 navamo'dhyāyaḥ | śivasya yogāvatāravarṇanam](https://indike.org/pramana/in.purana.siva*complete-2.7.2.9) — 28 parts - [7.2.10 daśamo'dhyāyaḥ | śivabhaktivarṇanam](https://indike.org/pramana/in.purana.siva*complete-2.7.2.10) — 72 parts - [7.2.11 ekādaśo'dhyāyaḥ | śivajñānavarṇanam](https://indike.org/pramana/in.purana.siva*complete-2.7.2.11) — 56 parts - [7.2.12 dvādaśo'dhyāyaḥ | pañcākṣaramāhātmyavarṇanam](https://indike.org/pramana/in.purana.siva*complete-2.7.2.12) — 38 parts - [7.2.13 trayodaśo'dhyāyaḥ | pañcākṣaramāhātmyavarṇanam](https://indike.org/pramana/in.purana.siva*complete-2.7.2.13) — 60 parts - [7.2.14 caturdaśo'dhyāyaḥ | pañcākṣaramahimavarṇanam](https://indike.org/pramana/in.purana.siva*complete-2.7.2.14) — 77 parts - [7.2.15 pañcadaśo'dhyāyaḥ | dīkṣāvidhāne gurumāhātmyavarṇanam](https://indike.org/pramana/in.purana.siva*complete-2.7.2.15) — 74 parts - [7.2.16 ṣoḍaśo'dhyāyaḥ | śiṣyasaṃskāravarṇanam](https://indike.org/pramana/in.purana.siva*complete-2.7.2.16) — 113 parts - [7.2.17 saptadaśo'dhyāyaḥ | śivadīkṣāvidhānavarṇanam](https://indike.org/pramana/in.purana.siva*complete-2.7.2.17) — 45 parts - [7.2.18 aṣṭādaśo'dhyāyaḥ | ṣaḍadhvaśuddhyādikathanam](https://indike.org/pramana/in.purana.siva*complete-2.7.2.18) — 63 parts - [7.2.19 ekonaviṃśo'dhyāyaḥ | sādhakasaṃskāramantramāhātmyam](https://indike.org/pramana/in.purana.siva*complete-2.7.2.19) — 27 parts - [7.2.20 viṃśo'dhyāyaḥ | viśeṣādisaṃskṛtiḥ](https://indike.org/pramana/in.purana.siva*complete-2.7.2.20) — 30 parts - [7.2.21 ekaviṃśo'dhyāyaḥ | nityanaimittikakarmavarṇanam](https://indike.org/pramana/in.purana.siva*complete-2.7.2.21) — 43 parts - [7.2.22 dvāviṃśo'dhyāyaḥ | śivaśāstroktanityanaimittikakarmavarṇanam](https://indike.org/pramana/in.purana.siva*complete-2.7.2.22) — 61 parts - [7.2.23 trayoviṃśo'dhyāyaḥ | pūjāvidhāna vyākhyānavarṇanam](https://indike.org/pramana/in.purana.siva*complete-2.7.2.23) — 23 parts - [7.2.24 caturviṃśo'dhyāyaḥ | śāstroktaśivapūjanavarṇanam](https://indike.org/pramana/in.purana.siva*complete-2.7.2.24) — 72 parts - [7.2.25 pañcaviṃśo'dhyāyaḥ | śivaśāstroktapūjanavarṇanam](https://indike.org/pramana/in.purana.siva*complete-2.7.2.25) — 65 parts - [7.2.27 saptaviṃśo'dhyāyaḥ | agnikāryavarṇanam](https://indike.org/pramana/in.purana.siva*complete-2.7.2.27) — 75 parts - [7.2.28 aṣṭāviṃśo'dhyāyaḥ | nityanaimittikavidhivarṇanam](https://indike.org/pramana/in.purana.siva*complete-2.7.2.28) — 35 parts - [7.2.29 ekonatriṃśattamo'dhyāyaḥ | kāmyakarmavarṇanam](https://indike.org/pramana/in.purana.siva*complete-2.7.2.29) — 40 parts - [7.2.30 triṃśo'dhyāyaḥ | śaivānāṃ kāmyakarmavarṇanam](https://indike.org/pramana/in.purana.siva*complete-2.7.2.30) — 103 parts - [7.2.31 ekatriṃśo'dhyāyaḥ | śivamahāstotravarṇanam](https://indike.org/pramana/in.purana.siva*complete-2.7.2.31) — 189 parts - [7.2.32 dvātriṃśo'dhyāyaḥ | aihikasiddhikarmavarṇanam](https://indike.org/pramana/in.purana.siva*complete-2.7.2.32) — 86 parts - [7.2.33 trayastriṃśo'dhyāyaḥ | āmuṣmikakarmavidhivarṇanam](https://indike.org/pramana/in.purana.siva*complete-2.7.2.33) — 18 parts - [7.2.34 catustriṃśo'dhyāyaḥ | harividhimohavarṇanam](https://indike.org/pramana/in.purana.siva*complete-2.7.2.34) — 43 parts - [7.2.35 pañcatriṃśo'dhyāyaḥ | harividhimohanivāraṇam](https://indike.org/pramana/in.purana.siva*complete-2.7.2.35) — 85 parts - [7.2.36 ṣaṭtriṃśo'dhyāyaḥ | pratiṣṭhāvidhivarṇanam](https://indike.org/pramana/in.purana.siva*complete-2.7.2.36) — 70 parts - [7.2.37 saptatriṃśo'dhyāyaḥ | yogagativarṇanam](https://indike.org/pramana/in.purana.siva*complete-2.7.2.37) — 67 parts - [7.2.38 aṣṭatriṃśo'dhyāyaḥ | yogagatau vighnotpattivarṇanam](https://indike.org/pramana/in.purana.siva*complete-2.7.2.38) — 78 parts - [7.2.39 ekonacatvāriṃśo'dhyāyaḥ | śaivayogavarṇanam](https://indike.org/pramana/in.purana.siva*complete-2.7.2.39) — 60 parts - [7.2.40 catvāriṃśo'dhyāyaḥ | naimiṣarṣiyātrāvarṇanam](https://indike.org/pramana/in.purana.siva*complete-2.7.2.40) — 49 parts - [7.2.41 ekacatvāriṃśo'dhyāyaḥ | śrīśivamahāpurāṇamāhātmyavarṇanam](https://indike.org/pramana/in.purana.siva*complete-2.7.2.41) — 51 parts ### 07.2 ### [7.2.p1](https://indike.org/pramana/in.purana.siva*complete-2.7.2.p1) śrīḥ || ### [7.2.p2](https://indike.org/pramana/in.purana.siva*complete-2.7.2.p2) śrīgaṇeśāya namaḥ || ### [7.2.p3](https://indike.org/pramana/in.purana.siva*complete-2.7.2.p3) śrīgaurīśaṅkarābhyāṃ namaḥ || ### [7.2.p4](https://indike.org/pramana/in.purana.siva*complete-2.7.2.p4) atha saptamyāṃ vāyavīyasaṃhitāyāmuttarakhaṇḍaḥ prārabhyate | ### prathamo'dhyāyaḥ | kṛṣṇaputraprāptivarṇanam ### [7.2.1.1](https://indike.org/pramana/in.purana.siva*complete-2.7.2.1.1) oṃ namaḥ samasta saṃsāracakrabhramaṇahetave | gaurīkucataṭadvandvakuṅkumāṅkitavakṣase || ### [7.2.1.2](https://indike.org/pramana/in.purana.siva*complete-2.7.2.1.2) sūta uvāca | uktvā bhagavato labdhaṃ prasādādupamanyunā | niyamādutthito vāyurmadhye prāpte divākare || ### [7.2.1.3](https://indike.org/pramana/in.purana.siva*complete-2.7.2.1.3) ṛṣayaścāpi te sarve naimiṣāraṇyavāsinaḥ | athāyamarthaḥ praṣṭavya iti kṛtvā viniścayam || ### [7.2.1.4](https://indike.org/pramana/in.purana.siva*complete-2.7.2.1.4) kṛtvā yathā svakaṃ kṛtyaṃ pratyahaṃ te yathā purā | bhagavantamupāyāntaṃ samīkṣya samupāviśan || ### [7.2.1.5](https://indike.org/pramana/in.purana.siva*complete-2.7.2.1.5) athāsau niyamasyānte bhagavānambarodbhavaḥ | madhye munisabhāyāstu bheje kḷptaṃ varāsanam || ### [7.2.1.6](https://indike.org/pramana/in.purana.siva*complete-2.7.2.1.6) sukhāsanopaviṣṭaśca vāyurlokanamaskṛtaḥ | śrīmadvibhūtimīśasya hṛdi kṛtvedamabravīt || ### [7.2.1.7](https://indike.org/pramana/in.purana.siva*complete-2.7.2.1.7) taṃ prapadye mahādevaṃ sarvajñamaparājitam | vibhūtiḥ sakalaṃ yasya carācaramidaṃ jagat || ### [7.2.1.8](https://indike.org/pramana/in.purana.siva*complete-2.7.2.1.8) ityākarṇya śubhāṃ vāṇīṃ ṛṣayaḥ kṣīṇakalmaṣāḥ | vibhūtivistaraṃ śrotumūcuste paramaṃ vacaḥ || ### [7.2.1.9](https://indike.org/pramana/in.purana.siva*complete-2.7.2.1.9) ṛṣaya ūcuḥ | uktaṃ bhagavatā vṛttamupamanyormahātmanaḥ | kṣīrārthenāpi tapasā yatprāptaṃ parameśvarāt || ### [7.2.1.10](https://indike.org/pramana/in.purana.siva*complete-2.7.2.1.10) dṛṣṭo'sau vāsudevena kṛṣṇenākliṣṭakarmaṇā | dhaumyāgrajastatastena kṛtvā pāśupataṃ vratam || ### [7.2.1.11](https://indike.org/pramana/in.purana.siva*complete-2.7.2.1.11) prāptaṃ ca paramaṃ jñānamiti prāgeva śuśruma | kathaṃ sa labdhavān kṛṣṇo jñānaṃ pāśupataṃ param || ### [7.2.1.12](https://indike.org/pramana/in.purana.siva*complete-2.7.2.1.12) vāyuruvāca | svecchayā hyavatīrṇo'pi vāsudevaḥ sanātanaḥ | nindayanniva mānuṣyaṃ dehaśuddhiṃ cakāra saḥ || ### [7.2.1.13](https://indike.org/pramana/in.purana.siva*complete-2.7.2.1.13) putrārthaṃ hi tapastaptuṃ gatastasya mahāmuneḥ | āśramaṃ munibhirdṛṣṭaṃ dṛṣṭavāṃstatra vai munim || ### [7.2.1.14](https://indike.org/pramana/in.purana.siva*complete-2.7.2.1.14) bhasmāvadātaṃ sarvāṅgaṃ tripuṇḍrāṅkitamastakam | rudrākṣamālābharaṇaṃ jaṭāmaṇḍalamaṇḍitam || ### [7.2.1.15](https://indike.org/pramana/in.purana.siva*complete-2.7.2.1.15) tacchiṣyabhūtairmunibhiḥ śāstrairvedamivāvṛtam | śivadhyānarataṃ śāntamupamanyuṃ mahādyutim || ### [7.2.1.16](https://indike.org/pramana/in.purana.siva*complete-2.7.2.1.16) namaścakāra taṃ dṛṣṭvā hṛṣṭasarvatanūruhaḥ | bahumānena kṛṣṇo'sau triḥ kṛtvā tu pradakṣiṇām | stutiṃ cakāra suprītyā nataskandhaḥ kṛtāñjaliḥ || ### [7.2.1.17](https://indike.org/pramana/in.purana.siva*complete-2.7.2.1.17) tasyāvalokanādeva muneḥ kṛṣṇasya dhīmataḥ | naṣṭamāsīnmalaṃ sarvaṃ māyājaṃ kārmameva ca || ### [7.2.1.18](https://indike.org/pramana/in.purana.siva*complete-2.7.2.1.18) tataḥ kṣīṇamalaṃ kṛṣṇamupamanyuryathāvidhi | bhasmanoddhūlya taṃ mantrairagnirityādibhiḥ kramāt || ### [7.2.1.19](https://indike.org/pramana/in.purana.siva*complete-2.7.2.1.19) atha pāśupataṃ sākṣād vrataṃ dvādaśamāsikam | kārayitvā munistasmai pradadau jñānamuttamam || ### [7.2.1.20](https://indike.org/pramana/in.purana.siva*complete-2.7.2.1.20) tadāprabhṛti taṃ kṛṣṇaṃ munayaśśaṃsitavratāḥ | divyāḥ pāśupatāḥ sarve parivṛtyopatasthire || ### [7.2.1.21](https://indike.org/pramana/in.purana.siva*complete-2.7.2.1.21) tato guruniyogād vai kṛṣṇaḥ paramaśaktimān | tapaścakāra putrārthaṃ sāmbamuddiśya śaṅkaram || ### [7.2.1.22](https://indike.org/pramana/in.purana.siva*complete-2.7.2.1.22) tapaso tena varṣānte dṛṣṭo'sau parameśvaraḥ | śriyā paramayā yuktaḥ sāmbaśca sagaṇaḥ śivaḥ || ### [7.2.1.23](https://indike.org/pramana/in.purana.siva*complete-2.7.2.1.23) varārthamāvirbhūtasya harasya subhagākṛteḥ | stutiṃ cakāra natvā'sau kṛṣṇaḥ samyak kṛtāñjaliḥ || ### [7.2.1.24](https://indike.org/pramana/in.purana.siva*complete-2.7.2.1.24) sāmbena sagaṇenāpi labdhavān yutramātmanaḥ | tapasā tuṣṭacittena dattaṃ viṣṇoḥ śivena vai || ### [7.2.1.25](https://indike.org/pramana/in.purana.siva*complete-2.7.2.1.25) yasmātsāmbo mahādevaḥ pradadau putramātmanaḥ | tasmājjāmbavatīsūnuṃ sāmbaṃ cakre sa nāmataḥ || ### [7.2.1.26](https://indike.org/pramana/in.purana.siva*complete-2.7.2.1.26) tadetatkathitaṃ sarvaṃ kṛṣṇasyāmitakarmaṇaḥ | maharṣerjñānalābhaśca putralābhaśca śaṅkarāt || ### [7.2.1.27](https://indike.org/pramana/in.purana.siva*complete-2.7.2.1.27) ya idaṃ kīrtayennityaṃ śṛṇuyācchrāvayettathā | sa viṣṇorjñānamāsādya tenaiva saha modate || ### [7.2.1.27.c1](https://indike.org/pramana/in.purana.siva*complete-2.7.2.1.27.c1) iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe kṛṣṇaputraprāptivarṇanaṃ nama prathamo'dhyāyaḥ || ### [7.2.1.27.p2](https://indike.org/pramana/in.purana.siva*complete-2.7.2.1.27.p2) śrīgaṇeśāya namaḥ || ### [7.2.1.27.p3](https://indike.org/pramana/in.purana.siva*complete-2.7.2.1.27.p3) śrīgaurīśaṅkarābhyāṃ namaḥ || ### dvitīyo'dhyāyaḥ | śivamāhātmyavarṇanam ### [7.2.2.1](https://indike.org/pramana/in.purana.siva*complete-2.7.2.2.1) ṛṣaya ūcuḥ | kiṃ tatpāśupataṃ jñānaṃ kathaṃ paśupatiḥ śivaḥ | kathaṃ dhaumyāgrajaḥ pṛṣṭaḥ kṛṣṇenākliṣṭakarmaṇā || ### [7.2.2.2](https://indike.org/pramana/in.purana.siva*complete-2.7.2.2.2) etatsarvaṃ samācakṣva vāyo śaṅkaravigraha | tvatsamo na hi vaktāsti trailokyeṣvaparaḥ prabhuḥ || ### [7.2.2.3](https://indike.org/pramana/in.purana.siva*complete-2.7.2.2.3) sūta uvāca | ityākarṇya vacasteṣāṃ maharṣīṇāṃ prabhañjanaḥ | saṃsmṛtya śivamīśānaṃ pravaktumupacakrame || ### [7.2.2.4](https://indike.org/pramana/in.purana.siva*complete-2.7.2.2.4) vāyuruvāca | purā sākṣāt maheśena śrīkaṇṭhākhyena mandare | devyai devena kathitaṃ jñānaṃ pāśupataṃ param || ### [7.2.2.5](https://indike.org/pramana/in.purana.siva*complete-2.7.2.2.5) tadeva pṛṣṭaṃ kṛṣṇena viṣṇunā viśvayoninā | paśutvaṃ ca surādīnāṃ patitvaṃ ca śivasya ca || ### [7.2.2.6](https://indike.org/pramana/in.purana.siva*complete-2.7.2.2.6) yathopadiṣṭaṃ kṛṣṇāya muninā hyupamanyunā | tathā samāsato vakṣye tacchṛṇudhvamatandritāḥ || ### [7.2.2.7](https://indike.org/pramana/in.purana.siva*complete-2.7.2.2.7) puropamanyumāsīnaṃ viṣṇuḥkṛṣṇavapurdharaḥ | praṇipatya yathānyāyamidaṃ vacanamabravīt || ### [7.2.2.8](https://indike.org/pramana/in.purana.siva*complete-2.7.2.2.8) śrīkṛṣṇa uvāca | bhagavañchrotumicchāmi devyai devena bhāṣitam | divyaṃ pāśupataṃ jñānaṃ vibhūtiṃ vāsya kṛtsnaśaḥ || ### [7.2.2.9](https://indike.org/pramana/in.purana.siva*complete-2.7.2.2.9) kathaṃ paśupatirdevaḥ paśavaḥ ke prakīrtitāḥ | kaiḥ pāśaiste nibadhyante vimucyante ca te katham || ### [7.2.2.10](https://indike.org/pramana/in.purana.siva*complete-2.7.2.2.10) iti sañcoditaḥ śrīmānupamanyurmahātmanā | praṇamya devaṃ devīṃ ca prāha puṣṭo yathā tathā || ### [7.2.2.11](https://indike.org/pramana/in.purana.siva*complete-2.7.2.2.11) upamanyuruvāca | brahmādyāḥ sthāvarāntāśca devadevasya śūlinaḥ | paśavaḥ parikīrtyante saṃsāravaśavartinaḥ || ### [7.2.2.12](https://indike.org/pramana/in.purana.siva*complete-2.7.2.2.12) teṣāṃ patitvāddeveśaḥ śivaḥ paśupatiḥ smṛtaḥ | malamāyādibhiḥ pāśaiḥ sa badhnāti paśūn patiḥ || ### [7.2.2.13](https://indike.org/pramana/in.purana.siva*complete-2.7.2.2.13) sa eva mocakasteṣāṃ bhaktyā samyagupāsitaḥ | caturviṃśatitattvāni māyākarmaguṇā amī || ### [7.2.2.14](https://indike.org/pramana/in.purana.siva*complete-2.7.2.2.14) viṣayā iti kathyante pāśā jīvanibandhanāḥ | brahmādistambaparyantān paśūn baddhvā maheśvaraḥ || ### [7.2.2.15](https://indike.org/pramana/in.purana.siva*complete-2.7.2.2.15) pāśairetaiḥ patirdevaḥ kāryaṃ kārayati svakam | tasyājñayā maheśasya prakṛtiḥ puruṣocitām || ### [7.2.2.16](https://indike.org/pramana/in.purana.siva*complete-2.7.2.2.16) buddhiṃ prasūte sā buddhirahaṅkāramahaṅkṛtiḥ | indriyāṇi daśaikaṃ ca tanmātrāpañcakaṃ tathā || ### [7.2.2.17](https://indike.org/pramana/in.purana.siva*complete-2.7.2.2.17) śāsanāddevadevasya śivasya śivadāyinaḥ | tanmātrāṇyapi tasyaiva śāsanena mahīyasā || ### [7.2.2.18](https://indike.org/pramana/in.purana.siva*complete-2.7.2.2.18) mahābhūtānyaśeṣāṇi bhāvayantyanupūrvaśaḥ | brahmādīnāṃ tṛṇāntānāṃ dehināṃ dehasaṅgatim || ### [7.2.2.19](https://indike.org/pramana/in.purana.siva*complete-2.7.2.2.19) mahābhūtānyaśeṣāṇi janayanti śivājñayā | adhyavasyati vai buddhirahaṅkārobhimanyate || ### [7.2.2.20](https://indike.org/pramana/in.purana.siva*complete-2.7.2.2.20) cittaṃ cetayate cāpi manaḥ saṅkalpayatyapi | śrotrādīni ca gṛhṇanti śabdādīnviṣayān pṛthak || ### [7.2.2.21](https://indike.org/pramana/in.purana.siva*complete-2.7.2.2.21) svāneva nānyān devasya divyenājñābalena vai | vāgādīnyapi yānyāsaṃstāni karmendriyāṇi ca || ### [7.2.2.22](https://indike.org/pramana/in.purana.siva*complete-2.7.2.2.22) yathāsvaṃ karma kurvanti nānyatkiñcid śivājñayā | śabdādayo'pi gṛhyante kriyante vacanādayaḥ || ### [7.2.2.23](https://indike.org/pramana/in.purana.siva*complete-2.7.2.2.23) avilaṅghyā hi sarveṣāmājñā śambhorgarīyasī | avakāśamaśeṣāṇāṃ bhūtānāṃ samprayacchati || ### [7.2.2.24](https://indike.org/pramana/in.purana.siva*complete-2.7.2.2.24) ākāśaḥ parameśasya śāsanādeva sarvagaḥ | prāṇādyaiśca tathā nāmabhedairantarbahirjagat || ### [7.2.2.25](https://indike.org/pramana/in.purana.siva*complete-2.7.2.2.25) bibharti sarvaṃ śarvasya śāsanena prabhañjanaḥ | havyaṃ vahati devānāṃ kavyaṃ kavyāśināmapi || ### [7.2.2.26](https://indike.org/pramana/in.purana.siva*complete-2.7.2.2.26) pākādyaṃ ca karotyagniḥ parameśvaraśāsanāt | sañjīvanādyaṃ sarvasya kurvatyāpastadājñayā || ### [7.2.2.27](https://indike.org/pramana/in.purana.siva*complete-2.7.2.2.27) viśvambharā jagannityaṃ dhatte viśveśvarājñayā | devān yātyasurān hanti trilokamabhirakṣati || ### [7.2.2.28](https://indike.org/pramana/in.purana.siva*complete-2.7.2.2.28) ājñayā tasya devendraḥ sarvairdevairalaṅghyayā | ādhipatyamapāṃ nityaṃ kurute varuṇaḥ sadā || ### [7.2.2.29](https://indike.org/pramana/in.purana.siva*complete-2.7.2.2.29) pāśairbadhnāti ca yathā daṇḍyāṃstasyaiva śāsanāt | dadāti nityaṃ yakṣendro draviṇaṃ draviṇeśvaraḥ || ### [7.2.2.30](https://indike.org/pramana/in.purana.siva*complete-2.7.2.2.30) puṇyānurūpaṃ bhūtebhyaḥ puruṣasyānuśāsanāt | karoti sampadaḥ śaśvat jñānaṃ cāpi sumedhasām || ### [7.2.2.31](https://indike.org/pramana/in.purana.siva*complete-2.7.2.2.31) nigrahaṃ cāpyasādhūnāmīśānaḥ śivaśāsanāt | dhatte tu dharaṇīṃ mūrdhnā śeṣaḥ śivaniyogataḥ || ### [7.2.2.32](https://indike.org/pramana/in.purana.siva*complete-2.7.2.2.32) yāmāhustāmasīṃ raudrīṃ mūrtimantakarīṃ hareḥ | sṛjatyaśeṣamīśasya śāsanāccaturānanaḥ || ### [7.2.2.33](https://indike.org/pramana/in.purana.siva*complete-2.7.2.2.33) anyābhirmūrtibhiḥ svābhiḥ pāti cānte nihanti ca | viṣṇuḥ pālayate viśvaṃ kālakālasya śāsanāt || ### [7.2.2.34](https://indike.org/pramana/in.purana.siva*complete-2.7.2.2.34) sṛjate trasate cāpi svakābhistanubhistribhiḥ | haratyante jagatsarvaṃ harastasyaiva śāsanāt || ### [7.2.2.35](https://indike.org/pramana/in.purana.siva*complete-2.7.2.2.35) sṛjatyapi ca viśvātmā tridhā bhinnastu rakṣati | kālaḥ karoti sakalaṃ kālassaṃharati prajāḥ || ### [7.2.2.36](https://indike.org/pramana/in.purana.siva*complete-2.7.2.2.36) kālaḥ pālayate viśvaṃ kālakālasya śāsanāt | tribhiraṃśairjagadbibhrattejobhirvṛṣṭimādiśan || ### [7.2.2.37](https://indike.org/pramana/in.purana.siva*complete-2.7.2.2.37) divi varṣatyasau bhānurdevadevasya śāsanāt | puṣṇātyoṣadhijātāni bhūtānyāhlādayatyapi || ### [7.2.2.38](https://indike.org/pramana/in.purana.siva*complete-2.7.2.2.38) devaiśca pīyate candraścandrabhūṣaṇaśāsanāt | ādityā vasavo rudrā aśvinau marutastathā || ### [7.2.2.39](https://indike.org/pramana/in.purana.siva*complete-2.7.2.2.39) khecarā ṛṣayassiddhā bhogino manujā mṛgāḥ | paśavaḥ pakṣiṇaścaiva kīṭādyāḥ sthāvarāṇi ca || ### [7.2.2.40](https://indike.org/pramana/in.purana.siva*complete-2.7.2.2.40) nadyassamudrā girayaḥ kānanāni sarāṃsi ca | vedāḥ sāṅgāśca śāstrāṇi mantrastomamakhādayaḥ || ### [7.2.2.41](https://indike.org/pramana/in.purana.siva*complete-2.7.2.2.41) kālāgnyādiśivāntāni bhuvanāni sahādhipaiḥ | brahmāṇḍānyapyasaṅkhyāni teṣāmāvaraṇāni ca || ### [7.2.2.42](https://indike.org/pramana/in.purana.siva*complete-2.7.2.2.42) vartamānānyatītāni bhaviṣyantyapi kṛtsnaśaḥ | diśaśca vidiśaścaiva kālabhedāḥ kalādayaḥ || ### [7.2.2.43](https://indike.org/pramana/in.purana.siva*complete-2.7.2.2.43) yacca kiñcijjagatyasmin dṛśyate śrūyate'pi vā | tatsarvaṃ śaṅkarasyājñābalena samadhiṣṭhitam || ### [7.2.2.44](https://indike.org/pramana/in.purana.siva*complete-2.7.2.2.44) ājñābalāttasya dharā sthiteha dharādharā vāridharāḥ samudrāḥ | jyotirgaṇāḥ śakramukhāśca devāḥ sthiraṃ ciraṃ vā cidacidyadasti || ### [7.2.2.45](https://indike.org/pramana/in.purana.siva*complete-2.7.2.2.45) upamanyuruvāca | atyāścaryamidaṃ kṛṣṇa śambhoramitakarmaṇaḥ | ājñākṛtaṃ śṛṇuṣvaitacchrutaṃ śrutimukhe mayā || ### [7.2.2.46](https://indike.org/pramana/in.purana.siva*complete-2.7.2.2.46) purā kila surāḥ sendrā vivadantaḥ parasparam | asurānsamare jitvā jetāhamahamityuta || ### [7.2.2.47](https://indike.org/pramana/in.purana.siva*complete-2.7.2.2.47) tadā maheśvarasteṣāṃ madhyato varaveṣadhṛk | svalakṣaṇairvihīnāṅgaḥ svayaṃ yakṣa ivābhavat || ### [7.2.2.48](https://indike.org/pramana/in.purana.siva*complete-2.7.2.2.48) sa tānāha surānekaṃ tṛṇamādāya bhūtale | ya etadvikṛtaṃ kartuṃ kṣamate sa tu daityajit || ### [7.2.2.49](https://indike.org/pramana/in.purana.siva*complete-2.7.2.2.49) yakṣasya vacanaṃ śrutvā vajrapāṇiḥ śacīpatiḥ | kiñcit kruddho vihasyainaṃ tṛṇamādātumudyataḥ || ### [7.2.2.50](https://indike.org/pramana/in.purana.siva*complete-2.7.2.2.50) na tattṛṇamupadātuṃ manasāpi ca śakyate | yathā tathāpi tacchettuṃ vajraṃ vajradharo'sṛjat || ### [7.2.2.51](https://indike.org/pramana/in.purana.siva*complete-2.7.2.2.51) tadvajraṃ nijavajreṇa saṃsṛṣṭamiva sarvataḥ | tṛṇenābhihataṃ tena tiryagagraṃ papāta ha || ### [7.2.2.52](https://indike.org/pramana/in.purana.siva*complete-2.7.2.2.52) tataścānye susaṃrabdhā lokapālā mahābalāḥ | sasṛjustṛṇamuddiśya svāyudhāni sahasraśaḥ || ### [7.2.2.53](https://indike.org/pramana/in.purana.siva*complete-2.7.2.2.53) prajajjvāla mahāvahniḥ pracaṇḍaḥ pavano vavau | pravṛddho'pāmpatiryadvatpralaye samupasthite || ### [7.2.2.54](https://indike.org/pramana/in.purana.siva*complete-2.7.2.2.54) evaṃ devaiḥ samārabdhaṃ tṛṇamuddiśya yatnataḥ | vyarthamāsīdaho kṛṣṇa yakṣasyātmabalena vai || ### [7.2.2.55](https://indike.org/pramana/in.purana.siva*complete-2.7.2.2.55) tadāha yakṣaṃ devendraḥ ko bhavānityamarṣitaḥ | tataḥ sa paśyatāmeva teṣāmantaradhādatha || ### [7.2.2.56](https://indike.org/pramana/in.purana.siva*complete-2.7.2.2.56) tadantare haimavatī devī divyavibhūṣaṇā | āvirāsīnnabhoraṅge śobhamānā śucismitā || ### [7.2.2.57](https://indike.org/pramana/in.purana.siva*complete-2.7.2.2.57) tāṃ dṛṣṭvā vismayāviṣṭā devāḥ śakrapurogamāḥ | praṇamya yakṣaṃ papracchuḥ ko'sau yakṣo vilakṣaṇaḥ || ### [7.2.2.58](https://indike.org/pramana/in.purana.siva*complete-2.7.2.2.58) sā'bravītsasmitaṃ devī sa yuṣmākamagocaraḥ | tenedaṃ bhramyate cakraṃ saṃsārākhyaṃ carācaram || ### [7.2.2.59](https://indike.org/pramana/in.purana.siva*complete-2.7.2.2.59) tenādau kriyate viśvaṃ tena saṃhriyate punaḥ | na tanniyantā kaścit syāttena sarvaṃ niyamyate || ### [7.2.2.60](https://indike.org/pramana/in.purana.siva*complete-2.7.2.2.60) ityuktvā sā mahādevī tatraivāntaradhatta vai | devāśca vismitāḥ sarve tāṃ praṇamya divaṃ yayuḥ || ### [7.2.2.60.c1](https://indike.org/pramana/in.purana.siva*complete-2.7.2.2.60.c1) iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe śivamāhātmyavarṇanaṃ nāma dvitīyo'dhyāyaḥ || ### [7.2.2.60.p2](https://indike.org/pramana/in.purana.siva*complete-2.7.2.2.60.p2) śrīgaṇeśāya namaḥ || ### [7.2.2.60.p3](https://indike.org/pramana/in.purana.siva*complete-2.7.2.2.60.p3) śrīgaurīśaṅkarābhyāṃ namaḥ || ### [7.2.2.60.p4](https://indike.org/pramana/in.purana.siva*complete-2.7.2.2.60.p4) śrīśivamahāpurāṇam || ### tṛtīyo'dhyāyaḥ | ṛṣṇāyopamanyorupadeśavarṇanam ### [7.2.3.1](https://indike.org/pramana/in.purana.siva*complete-2.7.2.3.1) upamanyuruvāca | śṛṇu kṛṣṇa maheśasya śivasya paramātmanaḥ | mūrtyātmabhistataṃ kṛtsnaṃ jagadetaccarācaram || ### [7.2.3.2](https://indike.org/pramana/in.purana.siva*complete-2.7.2.3.2) sa śivaḥ sarvamevedaṃ svakīyābhiśca mūrtibhiḥ | adhitiṣṭhatyameyātmā hyetatsarvamanusmṛtam || ### [7.2.3.3](https://indike.org/pramana/in.purana.siva*complete-2.7.2.3.3) brahmā viṣṇustathā rudro maheśānaḥ sadāśivaḥ | mūrtayastasya vijñeyā yābhirviśvamidaṃ tatam || ### [7.2.3.4](https://indike.org/pramana/in.purana.siva*complete-2.7.2.3.4) athānyāścāpi tanavaḥ pañca brahmasamāhvayāḥ | tanūbhistābhirāvyāptamiha kiñcinna vidyate || ### [7.2.3.5](https://indike.org/pramana/in.purana.siva*complete-2.7.2.3.5) īśānaḥ puruṣo'ghoro vāmaḥ sadyastathaiva ca | brahmāṇyetāni devasya mūrtayaḥ pañca viśrutāḥ || ### [7.2.3.6](https://indike.org/pramana/in.purana.siva*complete-2.7.2.3.6) īśānākhyā tu yā tasya mūrtirādyā garīyasī | bhoktāraṃ prakṛteḥ sākṣāt kṣetrajñamadhitiṣṭhati || ### [7.2.3.7](https://indike.org/pramana/in.purana.siva*complete-2.7.2.3.7) sthāṇostatpuruṣākhyā yā mūrtirmūrtimataḥ prabhoḥ | guṇāśrayātmakaṃ bhogyamavyaktamadhitiṣṭhati || ### [7.2.3.8](https://indike.org/pramana/in.purana.siva*complete-2.7.2.3.8) dharmādyaṣṭāṅgasaṃyuktaṃ buddhitattvaṃ pinākinaḥ | adhitiṣṭhatyaghorākhyā mūrtiratyantapūjitā || ### [7.2.3.9](https://indike.org/pramana/in.purana.siva*complete-2.7.2.3.9) vāmadevāhvayāṃ mūrtiṃ mahādevasya vedhasaḥ | ahaṅkṛteradhiṣṭhātrīmāhurāgamavedinaḥ || ### [7.2.3.10](https://indike.org/pramana/in.purana.siva*complete-2.7.2.3.10) sadyo jātāhvayāṃ mūrtiṃ śambhoramitavarcasaḥ | mānasaḥ samadhiṣṭhātrīṃ matimantaḥ pracakṣate || ### [7.2.3.11](https://indike.org/pramana/in.purana.siva*complete-2.7.2.3.11) śrotrasya vācaḥ śabdasya vibhorvyomnastathaiva ca | īśvarīmīśvarasyemāmīśākhyāṃ hi vidurbudhāḥ || ### [7.2.3.12](https://indike.org/pramana/in.purana.siva*complete-2.7.2.3.12) tvakpāṇisparśavāyūnāmīśvarīṃ mūrtimaiśvarīm | puruṣākhyaṃ viduḥ sarve purāṇārthaviśāradāḥ || ### [7.2.3.13](https://indike.org/pramana/in.purana.siva*complete-2.7.2.3.13) cakṣuṣaścaraṇasyāpi rūpasyāgnestathaiva ca | aghorākhyāmadhiṣṭhātrīṃ mūrtimāhurmanīṣiṇaḥ || ### [7.2.3.14](https://indike.org/pramana/in.purana.siva*complete-2.7.2.3.14) ramanāyāśca pāyośca rasasyāpāṃ tathaiva ca | īśvarīṃ vāmadevākhyāṃ mūrtiṃ tanniratāṃ viduḥ || ### [7.2.3.15](https://indike.org/pramana/in.purana.siva*complete-2.7.2.3.15) ghrāṇasya caivopasthasya gandhasya ca bhuvastathā | sadyojñātāhvayāṃ mūrtimīśvarīṃ sampracakṣate || ### [7.2.3.16](https://indike.org/pramana/in.purana.siva*complete-2.7.2.3.16) mūrtayaḥ pañca devasya vandanīyāḥ prayatnataḥ | śreyo'rthibhirnarairnityaṃ śreyasāmekahetavaḥ || ### [7.2.3.17](https://indike.org/pramana/in.purana.siva*complete-2.7.2.3.17) tasya devādidevasya mūrtyaṣṭakamayaṃ jagat | tasmin vyāpya sthitaṃ viśvaṃ sūtre maṇigaṇā iva || ### [7.2.3.18](https://indike.org/pramana/in.purana.siva*complete-2.7.2.3.18) śarvo bhavastathā rudra ugro bhīmaḥ paśoḥ patiḥ | īśānaśca mahādevo mūrtayaścāṣṭa viśrutāḥ || ### [7.2.3.19](https://indike.org/pramana/in.purana.siva*complete-2.7.2.3.19) bhūmyambho'gnimarudvyomakṣetrajñārkaniśākarāḥ | adhiṣṭhitā maheśasya śarvādyairaṣṭamūrtibhiḥ || ### [7.2.3.20](https://indike.org/pramana/in.purana.siva*complete-2.7.2.3.20) carācarātmakaṃ viśvaṃ dhatte viśvambharātmikā | śārvī rśivāhvayā mūrtiriti śāstrasya niścayaḥ || ### [7.2.3.21](https://indike.org/pramana/in.purana.siva*complete-2.7.2.3.21) sañjīvanaṃ samastasya jagataḥ salilātmikāj | bhāvīti gīyate mūrtibhavasya paramātmanaḥ || ### [7.2.3.22](https://indike.org/pramana/in.purana.siva*complete-2.7.2.3.22) bahirantargatā viśvaṃ vyāpya tejomayī śubhā | raudrī rudrāvyayā mūrtirāsthitā ghorarūpiṇī || ### [7.2.3.23](https://indike.org/pramana/in.purana.siva*complete-2.7.2.3.23) spandayatyanilātmedaṃ bibharti spandate svayam | augrīti kathyate sadbhirmūrtirugrasya vedhasaḥ || ### [7.2.3.24](https://indike.org/pramana/in.purana.siva*complete-2.7.2.3.24) sarvāvakāśadā sarvavyāpikā gaganātmikā | mūrtirbhīmasya bhīmākhyā bhūtavṛndasya bhedikā || ### [7.2.3.25](https://indike.org/pramana/in.purana.siva*complete-2.7.2.3.25) sarvātmanāmadhiṣṭhātrī sarvakṣetranivāsinī | mūrtiḥ paśupaterjñeyā paśupāśanikṛntanī || ### [7.2.3.26](https://indike.org/pramana/in.purana.siva*complete-2.7.2.3.26) dīpayantī jagatsarvaṃ divākarasamāhvayā | īśānākhyā maheśasya mūrtirdivi visarpati || ### [7.2.3.27](https://indike.org/pramana/in.purana.siva*complete-2.7.2.3.27) āpyāyayati yo viśvamamṛtāṃśurniśākaraḥ | mahādevasya sā mūrtirmahādevasamāhvayā || ### [7.2.3.28](https://indike.org/pramana/in.purana.siva*complete-2.7.2.3.28) ātmā tasyāṣṭamī mūrtiḥ śivasya paramātmanaḥ | vyāpiketaramūrtīnāṃ viśvaṃ tasmāt śivātmakam || ### [7.2.3.29](https://indike.org/pramana/in.purana.siva*complete-2.7.2.3.29) vṛkṣasya mūlasekena śākhāḥ puṣyanti vai yathā | śivasya pūjayā tadvatpuṣyatyasya vapurjagat || ### [7.2.3.30](https://indike.org/pramana/in.purana.siva*complete-2.7.2.3.30) sarvābhayapradānaṃ ca sarvānugrahaṇaṃ tathā | sarvopakārakaraṇaṃ śivasyārādhanaṃ viduḥ || ### [7.2.3.31](https://indike.org/pramana/in.purana.siva*complete-2.7.2.3.31) yatheha putrapautrādeḥ prītyā prīto bhavetpitā | tathā sarvasya samprītyā prīto bhavati śaṅkaraḥ || ### [7.2.3.32](https://indike.org/pramana/in.purana.siva*complete-2.7.2.3.32) dehino yasya kasyāpi kriyate yadi nigrahaḥ | aniṣṭamaṣṭamūrtestatkṛtameva na saṃśayaḥ || ### [7.2.3.33](https://indike.org/pramana/in.purana.siva*complete-2.7.2.3.33) aṣṭamūrtyātmanā viśvamadhiṣṭhāya sthitaṃ śivam | bhajasva sarvabhāvena rudraṃ paramakāraṇam || ### [7.2.3.33.c1](https://indike.org/pramana/in.purana.siva*complete-2.7.2.3.33.c1) iti śrīśivamahāpurāṇe saptamyāṃ vāyavīyasaṃhitāyāmuttarakhaṇḍe kṛṣṇāyopamanyorupadeśavarṇanaṃ nāma tṛtīyo'dhyāyaḥ || ### [7.2.3.33.p2](https://indike.org/pramana/in.purana.siva*complete-2.7.2.3.33.p2) śrīgaṇeśāya namaḥ || ### [7.2.3.33.p3](https://indike.org/pramana/in.purana.siva*complete-2.7.2.3.33.p3) śrīgaurīśaṅkarābhyāṃ namaḥ || ### caturtho'dhyāyaḥ | gaurīśaṅkaravibhūtiyogaḥ ### [7.2.4.1](https://indike.org/pramana/in.purana.siva*complete-2.7.2.4.1) śrīkṛṣṇa uvāca | bhagavan parameśasya śarvasyāmitatejasaḥ | mūrtibhirviśvamevedaṃ yathā vyāptaṃ tathā śrutam || ### [7.2.4.2](https://indike.org/pramana/in.purana.siva*complete-2.7.2.4.2) athaitat jñātumicchāmi yāthātmyaṃ parameśayoḥ | strīpumbhāvātmakaṃ cedaṃ tābhyāṃ kathamadhiṣṭhitam || ### [7.2.4.3](https://indike.org/pramana/in.purana.siva*complete-2.7.2.4.3) upamanyuruvāca | śrīmadvibhūtiṃ śivayoryāthātmyaṃ ca samāsataḥ | vakṣye tadvistarādvaktuṃ bhavenāpi na śakyate || ### [7.2.4.4](https://indike.org/pramana/in.purana.siva*complete-2.7.2.4.4) śakti sākṣānmahādevī mahādevaśca śaktimān | tayorvibhūtileśo vai sarvametaccarācaram || ### [7.2.4.5](https://indike.org/pramana/in.purana.siva*complete-2.7.2.4.5) vastu kiñcidacidrūpaṃ kiñcidvastu cidātmakam | dvayaṃ śuddhamaśuddhaṃ ca paraṃ cāparameva ca || ### [7.2.4.6](https://indike.org/pramana/in.purana.siva*complete-2.7.2.4.6) yatsaṃsarati ciccakramaciccakrasamanvitam | tadevāśuddhamaparamitaraṃ tu paraṃ śubham || ### [7.2.4.7](https://indike.org/pramana/in.purana.siva*complete-2.7.2.4.7) aparaṃ ca paraṃ caiva dvayaṃ cidacidātmakam | śivasya ca śivāyāśca svāmyaṃ caitatsvabhāvataḥ || ### [7.2.4.8](https://indike.org/pramana/in.purana.siva*complete-2.7.2.4.8) śivayorvai vaśe viśvaṃ na viśvasya vaśe śivau | īśitavyamidaṃ yasmāttasmādviśveśvarau śivau || ### [7.2.4.9](https://indike.org/pramana/in.purana.siva*complete-2.7.2.4.9) yathā śivastathā devī yathā devī tathā śivaḥ | nānayorantaraṃ vidyāccandracandrikayoriva || ### [7.2.4.10](https://indike.org/pramana/in.purana.siva*complete-2.7.2.4.10) candro na khalu bhātyeṣa yathā candrikayā vinā | na bhāti vidyamāno'pi tathā śaktyā vinā śivaḥ || ### [7.2.4.11](https://indike.org/pramana/in.purana.siva*complete-2.7.2.4.11) prabhayā hi vinā yadvadbhānureṣa na vidyate | prabhā ca bhānunā tena sutarāṃ tadupāśrayā || ### [7.2.4.12](https://indike.org/pramana/in.purana.siva*complete-2.7.2.4.12) evaṃ parasparāpekṣā śaktiśaktimatoḥ sthitā | na śivena vinā śaktirna śaktyā ca vinā śivaḥ || ### [7.2.4.13](https://indike.org/pramana/in.purana.siva*complete-2.7.2.4.13) śaktau yayā śivo nityaṃ bhaktau muktau ca dehinām | ādyā saikā parā śaktiścinmayī śivasaṃśrayā || ### [7.2.4.14](https://indike.org/pramana/in.purana.siva*complete-2.7.2.4.14) yāmāhurakhileśasya taistairanuguṇairguṇaiḥ | samānadharmiṇīmeva śivasya paramātmanaḥ || ### [7.2.4.15](https://indike.org/pramana/in.purana.siva*complete-2.7.2.4.15) saikā parā ca cidrūpā śaktiḥ prasavadharmiṇī | vibhajya bahudhā viśvaṃ vidadhāti śivecchayā || ### [7.2.4.16](https://indike.org/pramana/in.purana.siva*complete-2.7.2.4.16) sā mūlaprakṛtirmāyā triguṇā ca tridhā smṛtā | śivayā ca viparyastaṃ yayā tatamidaṃ jagat || ### [7.2.4.17](https://indike.org/pramana/in.purana.siva*complete-2.7.2.4.17) ekadhā ca dvidhā caiva tathā śatasahasradhā | śaktayaḥ khalu bhidyante bahudhā vyavahārataḥ || ### [7.2.4.18](https://indike.org/pramana/in.purana.siva*complete-2.7.2.4.18) śivecchayā parāśaktiḥ śivatattvaikatāṃ gatā | tataḥ parisphuratyādau sarge tailaṃ tilādiva || ### [7.2.4.19](https://indike.org/pramana/in.purana.siva*complete-2.7.2.4.19) tataḥ kriyākhyayā śaktyā śaktau śaktimadutthayā | tasyāṃ vikṣobhyamāṇāyāmādau nādaḥ samudbabhau || ### [7.2.4.20](https://indike.org/pramana/in.purana.siva*complete-2.7.2.4.20) nādādviniḥsṛto bindurbindodevaḥ sadāśivaḥ | tasmān maheśvaro jātaḥ śuddhavidyā maheśvarāt || ### [7.2.4.21](https://indike.org/pramana/in.purana.siva*complete-2.7.2.4.21) sā vācāmīśvarī śaktirvāgīśākhyā hi śūlinaḥ | yā sā varṇasvarūpeṇa mātṛke'pi vijṛmbhate || ### [7.2.4.22](https://indike.org/pramana/in.purana.siva*complete-2.7.2.4.22) athānantasamāveśānmāyā kālamavāsṛjat | niyatiṃ ca kalāṃ vidyāṃ kalāto rāgapūruṣau || ### [7.2.4.23](https://indike.org/pramana/in.purana.siva*complete-2.7.2.4.23) māyātaḥ punarevābhūdavyaktaṃ triguṇātmakam | triguṇācca tato'vyaktādvibhaktāḥ syustrayo guṇāḥ || ### [7.2.4.24](https://indike.org/pramana/in.purana.siva*complete-2.7.2.4.24) sattvaṃ rajastamaśceti yairvyāptamakhilaṃ jagat | guṇebhyaḥ kṣobhyamāṇebhyo guṇeśākhyāstrimūrtayaḥ || ### [7.2.4.25](https://indike.org/pramana/in.purana.siva*complete-2.7.2.4.25) abhavan mahadādīni tattvāni ca yathākramam | tebhyaḥ syuraṇḍapiṇḍāni tvasaṅkhyāni śivājñayā | adhiṣṭhitānyanantādyairvidyeśaiścakravartibhiḥ || ### [7.2.4.26](https://indike.org/pramana/in.purana.siva*complete-2.7.2.4.26) śarīrāntarabhedena śakterbhedāḥ prakīrtitāḥ | nānārūpāstu vijñeyāḥ sthūlasūkṣmavibhedataḥ || ### [7.2.4.27](https://indike.org/pramana/in.purana.siva*complete-2.7.2.4.27) rudrasya raudrī sā śaktirviṣṇaurvai vaiṣṇavī matā | brahmāṇī brahmaṇaḥ proktā cendrasyaindrīti kathyate || ### [7.2.4.28](https://indike.org/pramana/in.purana.siva*complete-2.7.2.4.28) kimatra bahunoktena yadviśvamiti kīrtitam | śakyātmanaiva tadvyāptaṃ yathā dehe'ntarātmanā || ### [7.2.4.29](https://indike.org/pramana/in.purana.siva*complete-2.7.2.4.29) tasmācchaktimayaṃ sarvaṃ jagatsthāvarajaṅgamam | kalā yā paramā śaktiḥ kathitā paramātmanaḥ || ### [7.2.4.30](https://indike.org/pramana/in.purana.siva*complete-2.7.2.4.30) evameṣā parā śaktirīśvarecchānuyāyinī | sthiraṃ caraṃ ca yadviśvaṃ sṛjatīti viniścayaḥ || ### [7.2.4.31](https://indike.org/pramana/in.purana.siva*complete-2.7.2.4.31) jñānakriyā cikīrṣābhistisṛbhiḥ svātmaśaktibhiḥ | śaktimānīśvaraḥ śaśvat viśvaṃ vyāpyādhitiṣṭhati || ### [7.2.4.32](https://indike.org/pramana/in.purana.siva*complete-2.7.2.4.32) idamitthamidaṃ netthaṃ bhavedityevamātmikā | icchāśaktirmaheśasya nityā kāryaniyāmikā || ### [7.2.4.33](https://indike.org/pramana/in.purana.siva*complete-2.7.2.4.33) jñānaśaktistu tatkāryaṃ karaṇaṃ kāraṇaṃ tathā | prayojanaṃ ca tattvena buddhirūpādhyavasyati || ### [7.2.4.34](https://indike.org/pramana/in.purana.siva*complete-2.7.2.4.34) yathepsitaṃ kriyāśaktiryathādhyavasitaṃ jagat | kalpayatyakhilaṃ kāryaṃ kṣaṇātsaṅkalparūpiṇī || ### [7.2.4.35](https://indike.org/pramana/in.purana.siva*complete-2.7.2.4.35) yathāśakti trayotthānaṃ śaktiprasavadharmiṇī | śaktyā paramayā nunnā prasūte sakalaṃ jagat || ### [7.2.4.36](https://indike.org/pramana/in.purana.siva*complete-2.7.2.4.36) evaṃ śaktisamāyogāt śaktimānucyate śivaḥ | śaktiśaktimadutthaṃ tu śāktaṃ śaivamidaṃ jagat || ### [7.2.4.37](https://indike.org/pramana/in.purana.siva*complete-2.7.2.4.37) yathā na jāyate putraḥ pitaraṃ mātaraṃ vinā | tathā bhavaṃ bhavānīṃ ca vinā naitaccarācaram || ### [7.2.4.38](https://indike.org/pramana/in.purana.siva*complete-2.7.2.4.38) strīpuṃsaprabhavaṃ viśvaṃ strīpuṃsātmakameva ca strīpuṃsayorvibhūtiśca strīpuṃsābhyāmadhiṣṭhitam || ### [7.2.4.39](https://indike.org/pramana/in.purana.siva*complete-2.7.2.4.39) paramātmā śivaḥ proktaḥ śivā sā ca prakīrtitā śivaḥ sadāśivaḥ proktaḥ śivā sā ca manonmanī | śivo maheśvaro jñeyaḥ śivā māyeti kathyate || ### [7.2.4.40](https://indike.org/pramana/in.purana.siva*complete-2.7.2.4.40) puruṣaḥ parameśānaḥ prakṛtiḥ parameśvarī | rudro maheśvaraḥ sākṣād rudrāṇī rudravallabhā || ### [7.2.4.41](https://indike.org/pramana/in.purana.siva*complete-2.7.2.4.41) viṣṇurviśveśvaro devo lakṣmīrviśveśvarapriyā | brahmā śivo yadā sraṣṭā brahmāṇī brahmaṇaḥ priyā || ### [7.2.4.42](https://indike.org/pramana/in.purana.siva*complete-2.7.2.4.42) bhāskaro bhagavān śambhuḥ prabhā bhagavatī śivā | mahendro manmathārātiḥ śacī śailendrakanyakā || ### [7.2.4.43](https://indike.org/pramana/in.purana.siva*complete-2.7.2.4.43) jātavedā mahādevaḥ svāhā śarvārdhadehinī | yamastriyambako devastatpriyā girikanyakā || ### [7.2.4.44](https://indike.org/pramana/in.purana.siva*complete-2.7.2.4.44) nirṛtirbhagavānīśo nairṛtī naganandinī | varuṇo bhagavān rudro vāruṇī bhūdharātmajā || ### [7.2.4.45](https://indike.org/pramana/in.purana.siva*complete-2.7.2.4.45) bālenduśekharo vāyuḥ śivā śivamanoharā | yakṣo yajñaśirohartā ṛddhirhimagirīndrajā || ### [7.2.4.46](https://indike.org/pramana/in.purana.siva*complete-2.7.2.4.46) candrārdhaśekharaścandro rohiṇī rudravallabhā | īśānaḥ parameśānastadāryā parameśvarī || ### [7.2.4.47](https://indike.org/pramana/in.purana.siva*complete-2.7.2.4.47) anantavalayo'nanto hyanantānantavallabhā | kālāgnirudraḥ kālāriḥ kālī kālāntakapriyā || ### [7.2.4.48](https://indike.org/pramana/in.purana.siva*complete-2.7.2.4.48) puruṣākhyo manuḥ śambhuḥ śatarūpā śivapriyā | dakṣaḥ sākṣānmahādevaḥ prasūtiḥ parameśvarī || ### [7.2.4.49](https://indike.org/pramana/in.purana.siva*complete-2.7.2.4.49) rucirbhavo bhavānī ca budhairākūtirucyate | bhṛgurbhagākṣihā devaḥ khyātistrinayanapriyā || ### [7.2.4.50](https://indike.org/pramana/in.purana.siva*complete-2.7.2.4.50) marīcirbhagavān rudraḥ sambhūtiḥ śarvavallabhā | gaṅgādharo'ṅgirā jñeyaḥ smṛtiḥ sākṣādumā smṛtā || ### [7.2.4.51](https://indike.org/pramana/in.purana.siva*complete-2.7.2.4.51) pulastyaḥ śaśabhṛnmauliḥ prītiḥ kāntā pinākinaḥ | pulahastripuradhvaṃsī tatpriyā tu śivapriyā || ### [7.2.4.52](https://indike.org/pramana/in.purana.siva*complete-2.7.2.4.52) kratudhvaṃsī kratuḥ proktaḥ sannatirdayitā vibhoḥ | trinetro'trirumā sākṣādanasūyā smṛtā budhaiḥ || ### [7.2.4.53](https://indike.org/pramana/in.purana.siva*complete-2.7.2.4.53) kaśyapaḥ kālahā devo devamātā maheśvarī | vasiṣṭho manmathārātirdevī sākṣādarundhatī || ### [7.2.4.54](https://indike.org/pramana/in.purana.siva*complete-2.7.2.4.54) śaṅkaraḥ puruṣāḥ sarve striyaḥ sarvā maheśvarī | sarve strīpuruṣāstasmāttayoreva vibhūtayaḥ || ### [7.2.4.55](https://indike.org/pramana/in.purana.siva*complete-2.7.2.4.55) viṣayī bhagavānīśo viṣayaḥ parameśvarī | śrāvyaṃ sarvamumārūpaṃ śrotā śūlavarāyudhaḥ || ### [7.2.4.56](https://indike.org/pramana/in.purana.siva*complete-2.7.2.4.56) praṣṭavyaṃ vastujātaṃ tu dhatte śaṅkaravallabhā | praṣṭā sa eva viśvātmā bālacandrāvataṃsakaḥ || ### [7.2.4.57](https://indike.org/pramana/in.purana.siva*complete-2.7.2.4.57) draṣṭavyaṃ vasturūpaṃ tu bibharti bhavavallabhā | draṣṭā viśveśvaro devaḥ śaśikhaṇḍaśikhāmaṇiḥ || ### [7.2.4.58](https://indike.org/pramana/in.purana.siva*complete-2.7.2.4.58) rasajātaṃ mahādevī devo rasayitā śivaḥ | preyajātaṃ ca girijā preyāṃścaiva garāśanaḥ || ### [7.2.4.59](https://indike.org/pramana/in.purana.siva*complete-2.7.2.4.59) mantavyavastutāṃ dhatte sadā devī maheśvarī | mantā sa eva viśvātmā mahādevo maheśvaraḥ || ### [7.2.4.60](https://indike.org/pramana/in.purana.siva*complete-2.7.2.4.60) boddhavyavasturūpaṃ tu bibharti bhavavallabhā | devaḥ sa eva bhagavān boddhā mugdhenduśekharaḥ || ### [7.2.4.61](https://indike.org/pramana/in.purana.siva*complete-2.7.2.4.61) prāṇaḥ pinākī sarveṣāṃ prāṇināṃ bhagavān prabhuḥ | prāṇasthitistu sarveṣāmambikā cāmburūpiṇī || ### [7.2.4.62](https://indike.org/pramana/in.purana.siva*complete-2.7.2.4.62) bibharti kṣetratāṃ devī tripurāntakavallabhā | kṣetrajñatvaṃ tadā dhatte bhagavānantakāntakaḥ || ### [7.2.4.63](https://indike.org/pramana/in.purana.siva*complete-2.7.2.4.63) ahaḥ śūlāyudho devaḥ śūlapāṇipriyā niśā | ākāśaḥ śaṅkaro devaḥ pṛthivī śaṅkarapriyā || ### [7.2.4.64](https://indike.org/pramana/in.purana.siva*complete-2.7.2.4.64) samudro bhagavānīśo velā śailendrakanyakā | vṛkṣo vṛṣadhvajo devo latā viśveśvarapriyā || ### [7.2.4.65](https://indike.org/pramana/in.purana.siva*complete-2.7.2.4.65) pum̐lliṅgamakhilaṃ dhatte bhagavān puraśāsanaḥ | striliṅgaṃ cākhilaṃ dhatte devī devamanoramā || ### [7.2.4.66](https://indike.org/pramana/in.purana.siva*complete-2.7.2.4.66) śabdajālamaśeṣaṃ tu dhatte sarvasya vallabhā | arthasvarūpamakhilaṃ dhatte mugdhenduśekharaḥ || _First 200 of 2,567 passages. [Read on](https://indike.org/pramana/in.purana.siva*complete-2.7.2)_ ## Other recensions (1) - [Śivapurāṇa](https://indike.org/pramana/in.purana.siva.7.2.1.1) — Vyāsa, Sanskrit ## Linked texts (10) - [Liṅgapurāṇa](https://indike.org/pramana/in.purana.linga.1.108.1) — Vyāsa, Sanskrit - [Yogavāsiṣṭha (vulgate)](https://indike.org/pramana/in.lit.ramayana.upajivya.yogavasistha*vulgate.7.136.22) — Sanskrit - [Varāhapurāṇa](https://indike.org/pramana/in.purana.varaha.219.10) — Vyāsa, Sanskrit - [Śivārcanacandrikā (Appayya Dīkṣita)](https://indike.org/pramana/in.niti.dharma.pratistha.saiva.sivarcanacandrika.2.32) — Appayya Dīkṣita, Sanskrit - [Vīraśaivasiddhāntottarakaumudī](https://indike.org/pramana/in.sampradaya.saiva.virasaiva.virasaivasiddhantottarakaumudi.52) — Sanskrit - [Kriyāsāra (ed. Mallikārjuna Śāstrī)](https://indike.org/pramana/in.sampradaya.saiva.virasaiva.kriyasara*sastri1910.6.47) — Sanskrit - [Liṅgapurāṇa](https://indike.org/pramana/in.vernacular.tamil.kappiyam.lingapurana.130.1) — Ativīrarāma Pāṇṭiyar 1500, Sanskrit - [Siddhāntaśikhāmaṇi](https://indike.org/pramana/in.sampradaya.saiva.virasaiva.siddhantasikhamani.17.12) — Śivayogi Śivācārya, Sanskrit - [Śivatattvaratnakālikā](https://indike.org/pramana/in.darsana.advaita.sastra.sivatattvaratnakalika.7.123-2.2) — Kṛṣṇānanda Sarasvatī 1585, Sanskrit - [Skanda Purāṇa (Kumāra Kavi)](https://indike.org/pramana/in.purana.skandapurana.71.3) — Kumāra Kavi, Sanskrit --- Source: [https://indike.org/pramana/in.purana.siva*complete-2.7.2](https://indike.org/pramana/in.purana.siva*complete-2.7.2) · Pramāṇa