[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [siva\_purana](https://indike.org/pramana/in.purana.siva*complete) › 1.2 # Shivapurana 1.2 Śivapurāṇa (complete text) 1.2 - **Language:** Sanskrit ## Contents - [1.2.64](https://indike.org/pramana/in.purana.siva*complete.1.2.64) — 2 parts - [1.2.66](https://indike.org/pramana/in.purana.siva*complete.1.2.66) — 1 part - [1.2.67](https://indike.org/pramana/in.purana.siva*complete.1.2.67) — 1 part ### [1.2.1](https://indike.org/pramana/in.purana.siva*complete.1.2.1) sūta uvāca sādhupṛṣṭaṃ sādhavo vastrailokyahitakārakam guruṃ smṛtvā bhavatsnehādvakṣye tacchṛṇutādarāt ### [1.2.2](https://indike.org/pramana/in.purana.siva*complete.1.2.2) vedāṃtasārasarvasvaṃ purāṇaṃ śaivamuttamam sarvāghaughoddhārakaraṃ paratra paramārthadam ### [1.2.3](https://indike.org/pramana/in.purana.siva*complete.1.2.3) kalikalmaṣavidhvaṃsi yasmiñchivayaśaḥ param vijṛmbhate sadā viprāścaturvargaphalapradam ### [1.2.4](https://indike.org/pramana/in.purana.siva*complete.1.2.4) tasyādhyayanamātreṇa purāṇasya dvijottamāḥ sarvottamasya śaivasya te yāsyaṃti susadgatim ### [1.2.5](https://indike.org/pramana/in.purana.siva*complete.1.2.5) tāvadvijṛṃbhate pāpaṃ brahmahatyāpurassaram yāvacchivapurāṇaṃ hi nodeṣyati jagatyaho ### [1.2.6](https://indike.org/pramana/in.purana.siva*complete.1.2.6) tāvatkalimahotpātāḥ saṃcariṣyaṃti nirbhayāḥ yāvacchivapurāṇaṃ hi nodeṣyati jagatyaho ### [1.2.7](https://indike.org/pramana/in.purana.siva*complete.1.2.7) tāvatsarvāṇi śāstrāṇi vivadaṃti parasparam yāvacchivapurāṇaṃ hi nodeṣyati jagatyaho ### [1.2.8](https://indike.org/pramana/in.purana.siva*complete.1.2.8) tāvatsvarūpaṃ durbodhaṃ śivasya mahatāmapi yāvacchivapurāṇaṃ hi no deṣyati jagatyaho ### [1.2.9](https://indike.org/pramana/in.purana.siva*complete.1.2.9) tāvadyamabhaṭāḥ krūrāḥ saṃcariṣyaṃti nirbhayāḥ yāvacchivapurāṇaṃ hi nodeṣyati jagatyaho ### [1.2.10](https://indike.org/pramana/in.purana.siva*complete.1.2.10) tāvatsarvapurāṇāni pragarjaṃti mahītale yāvacchivapurāṇaṃ hi nodeṣyati jagatyaho ### [1.2.11](https://indike.org/pramana/in.purana.siva*complete.1.2.11) tāvatsarvāṇi tīrthāni vivadaṃti mahītale yāvacchivapurāṇaṃ hi nodeṣyati jagatyaho ### [1.2.12](https://indike.org/pramana/in.purana.siva*complete.1.2.12) tāvatsarvāṇi maṃtrāṇi vivadaṃti mahītale yāvacchivapurāṇaṃ hi nodeṣyati mahītale ### [1.2.13](https://indike.org/pramana/in.purana.siva*complete.1.2.13) tāvatsarvāṇi kṣetrāṇi vivadaṃti mahītale yāvacchivapurāṇaṃ hi nodeṣyati mahītale ### [1.2.14](https://indike.org/pramana/in.purana.siva*complete.1.2.14) tāvatsarvāṇi pīṭhāni vivadaṃti mahītale yāvacchivapurāṇaṃ hi nodeṣyati mahītale ### [1.2.15](https://indike.org/pramana/in.purana.siva*complete.1.2.15) tāvatsarvāṇi dānāni vivadaṃti mahītale yāvacchivapurāṇaṃ hi nodeṣyati mahītale ### [1.2.16](https://indike.org/pramana/in.purana.siva*complete.1.2.16) tāvatsarve ca te devā vivadaṃti mahītale yāvacchivapurāṇaṃ hi nodeṣyati mahītale ### [1.2.17](https://indike.org/pramana/in.purana.siva*complete.1.2.17) tāvatsarve ca siddhāntā vivadaṃti mahītale yāvacchivapurāṇaṃ hi nodeṣyati mahītale ### [1.2.18](https://indike.org/pramana/in.purana.siva*complete.1.2.18) asya śaivapurāṇasya kīrtanaśravaṇāddvijāḥ phalaṃ vaktuṃ na śaknomi kārtsnyena munisattamāḥ ### [1.2.19](https://indike.org/pramana/in.purana.siva*complete.1.2.19) tathāpi tasya māhātmyaṃ vakṣye kiṃcittu vonaghāḥ cittamādhāya śṛṇuta vyāsenoktaṃ purā mama ### [1.2.20](https://indike.org/pramana/in.purana.siva*complete.1.2.20) etacchivapurāṇaṃ hi ślokaṃ ślokārddhameva ca yaḥ paṭhedbhaktisaṃyuktassa pāpānmucyate kṣaṇāt ### [1.2.21](https://indike.org/pramana/in.purana.siva*complete.1.2.21) etacchivapurāṇaṃ hi yaḥ pratyahamataṃdritaḥ yathāśakti paṭhedbhaktyā sa jīvanmukta ucyate ### [1.2.22](https://indike.org/pramana/in.purana.siva*complete.1.2.22) etacchivapurāṇaṃ hi yo bhaktyārcayate sadā dine dine'śvamedhasya phalaṃ prāpnotyasaṃśayam ### [1.2.23](https://indike.org/pramana/in.purana.siva*complete.1.2.23) etacchivapurāṇaṃ yassādhāraṇapadecchayā anyataḥ śṛṇuyātso'pi matto mucyeta pātakāt ### [1.2.24](https://indike.org/pramana/in.purana.siva*complete.1.2.24) etacchivapurāṇaṃ yo namaskuryādadūrataḥ sarvadevārcanaphalaṃ sa prāpnoti na saṃśayaḥ ### [1.2.25](https://indike.org/pramana/in.purana.siva*complete.1.2.25) etacchivapurāṇaṃ vai likhitvā pustakaṃ svayam yo dadyācchivabhaktebhyastasya puṇyaphalaṃ śṛṇu ### [1.2.26](https://indike.org/pramana/in.purana.siva*complete.1.2.26) adhīteṣu ca śāstreṣu vedeṣu vyākṛteṣu ca yatphalaṃ durlabhaṃ loke tatphalaṃ tasya saṃbhavet ### [1.2.27](https://indike.org/pramana/in.purana.siva*complete.1.2.27) etacchivapurāṇaṃ hi caturdaśyāmupoṣitaḥ śivabhaktasabhāyāṃ yo vyākaroti sa uttamaḥ ### [1.2.28](https://indike.org/pramana/in.purana.siva*complete.1.2.28) pratyakṣaraṃ tu gāyatrīpuraścaryyāphalaṃ labhet iha bhuktvākhilānkāmānaṃ te nirvāṇatāṃ vrajet ### [1.2.29](https://indike.org/pramana/in.purana.siva*complete.1.2.29) upoṣitaścaturdaśyāṃ rātrau jāgaraṇānvitaḥ yaḥ paṭhecchṛṇuyādvāpi tasya puṇyaṃ vadāmyaham ### [1.2.30](https://indike.org/pramana/in.purana.siva*complete.1.2.30) kurukṣetrādinikhilapuṇyatīrtheṣvanekaśaḥ ātmatulyadhanaṃ sūryyagrahaṇe sarvatomukhe ### [1.2.31](https://indike.org/pramana/in.purana.siva*complete.1.2.31) viprebhyo vyāsamukhyebhyo dattvāyatphalamaśnute tatphalaṃ saṃbhavettasya satyaṃ satyaṃ na saṃśayaḥ ### [1.2.32](https://indike.org/pramana/in.purana.siva*complete.1.2.32) etacchivapurāṇaṃ hi gāyate yopyaharniśam ājñāṃ tasya pratīkṣerandevā indrapuro gamāḥ ### [1.2.33](https://indike.org/pramana/in.purana.siva*complete.1.2.33) etacchivapurāṇaṃ yaḥ paṭhañchṛṇvanhi nityaśaḥ yadyatkaroti satkarma tatkoṭiguṇitaṃ bhavet ### [1.2.34](https://indike.org/pramana/in.purana.siva*complete.1.2.34) samāhitaḥ paṭhedyastu tatra śrīrudrasaṃhitām sa brahmaghno'pi pūtātmā tribhirevādinairbhavet ### [1.2.35](https://indike.org/pramana/in.purana.siva*complete.1.2.35) tāṃ rudrasaṃhitāṃ yastu bhairavapratimāṃtike triḥ paṭhetpratyahaṃ maunī sa kāmānakhilām̐llabhet ### [1.2.36](https://indike.org/pramana/in.purana.siva*complete.1.2.36) tāṃ rudrasaṃhitāṃ yastu sapaṭhedvaṭabilvayoḥ pradakṣiṇāṃ prakurvāṇo brahmahatyā nivartate ### [1.2.37](https://indike.org/pramana/in.purana.siva*complete.1.2.37) kailāsasaṃhitā tatra tato'pi paramasmṛtā brahmasvarūpiṇī sākṣātpraṇavārthaprakāśikā ### [1.2.38](https://indike.org/pramana/in.purana.siva*complete.1.2.38) kailāsasaṃhitāyāstu māhātmyaṃ vetti śaṃkaraḥ kṛtsnaṃ tadarddhaṃ vyāsaśca tadarddhaṃ vedmyahaṃ dvijāḥ ### [1.2.39](https://indike.org/pramana/in.purana.siva*complete.1.2.39) tatra kiṃcitpravakṣyāmi kṛtsnaṃ vaktuṃ na śakyate yajjñātvā tatkṣaṇāllokaścittaśuddhimavāpnuyāt ### [1.2.40](https://indike.org/pramana/in.purana.siva*complete.1.2.40) na nāśayati yatpāpaṃ sā raudrī saṃhitā dvijāḥ tanna paśyāmyahaṃ loke mārgamāṇo'pi sarvadā ### [1.2.41](https://indike.org/pramana/in.purana.siva*complete.1.2.41) śivenopaniṣatsiṃdhumanthanotpāditāṃ mudā kumārāyārpitāṃ tāṃ vai sudhāṃ pītvā'maro bhavet ### [1.2.42](https://indike.org/pramana/in.purana.siva*complete.1.2.42) brahmahatyādipāpānāṃ niṣkṛtiṃ kartumudyataḥ māsamātraṃ saṃhitāṃ tāṃ paṭhitvā mucyate tataḥ ### [1.2.43](https://indike.org/pramana/in.purana.siva*complete.1.2.43) duṣpratigrahadurbhojyadurālāpādisaṃbhavam pāpaṃ sakṛtkīrtanena saṃhitā sā vināśayet ### [1.2.44](https://indike.org/pramana/in.purana.siva*complete.1.2.44) śivālaye bilvavane saṃhitāṃ tāṃ paṭhettu yaḥ sa tatphalamavāpnoti yadvāco'pi na gocare ### [1.2.45](https://indike.org/pramana/in.purana.siva*complete.1.2.45) saṃhitāṃ tāṃ paṭhanbhaktyā yaḥ śrāddhe bhojayeddvijān tasya ye pitaraḥ sarve yāṃti śaṃbhoḥ paraṃ padam ### [1.2.46](https://indike.org/pramana/in.purana.siva*complete.1.2.46) caturdaśyāṃ nirāhāro yaḥ paṭhetsaṃhitāṃ ca tām bilvamūle śivaḥ sākṣātsa devaiśca prapūjyate ### [1.2.47](https://indike.org/pramana/in.purana.siva*complete.1.2.47) anyāpi saṃhitā tatra sarvakāmaphalapradā ubhe viśiṣṭe vijñeye līlāvijñānapūrite ### [1.2.48](https://indike.org/pramana/in.purana.siva*complete.1.2.48) tadidaṃ śaivamākhyātaṃ purāṇaṃ vedasaṃmitam nirmitaṃ tacchivenaiva prathamaṃ brahmasaṃmitam ### [1.2.49](https://indike.org/pramana/in.purana.siva*complete.1.2.49) vidyeśaṃca tathāraudraṃ vaināyakamathaumikam mātraṃ rudraikādaśakaṃ kailāsaṃ śatarudrakam ### [1.2.50](https://indike.org/pramana/in.purana.siva*complete.1.2.50) koṭirudrasahasrādyaṃ koṭirudraṃ tathaiva ca vāyavīyaṃ dharmasaṃjñaṃ purāṇamiti bhedataḥ ### [1.2.51](https://indike.org/pramana/in.purana.siva*complete.1.2.51) saṃhitā dvādaśamitā mahāpuṇyatarā matā tāsāṃ saṃkhyāṃ bruve viprāḥ śṛṇutādaratokhilam ### [1.2.52](https://indike.org/pramana/in.purana.siva*complete.1.2.52) vidyeśaṃ daśasāhasraṃ rudraṃ vaināyakaṃ tathā aumaṃ mātṛpurāṇākhyaṃ pratyekāṣṭasahasrakam ### [1.2.53](https://indike.org/pramana/in.purana.siva*complete.1.2.53) trayodaśasahasraṃ hi rudraikādaśakaṃ dvijāḥ ṣaṭsahasraṃ ca kailāsaṃ śatarudraṃ tadarddhakam ### [1.2.54](https://indike.org/pramana/in.purana.siva*complete.1.2.54) koṭirudraṃ triguṇitamekādaśasahasrakam sahasrakoṭirudrākhyamuditaṃ graṃthasaṃkhyayā ### [1.2.55](https://indike.org/pramana/in.purana.siva*complete.1.2.55) vāyavīyaṃ khābdhiśataṃ gharmaṃ ravisahasrakam tadevaṃ lakṣasaṃkhyākaṃ śaivasaṃkhyāvibhedataḥ ### [1.2.56](https://indike.org/pramana/in.purana.siva*complete.1.2.56) vyāsena tattu saṃkṣiptaṃ caturviṃśatsahasrakam śaivaṃ tatra caturthaṃ vai purāṇaṃ saptasaṃhitam ### [1.2.57](https://indike.org/pramana/in.purana.siva*complete.1.2.57) śive saṃkalpitaṃ pūrvaṃ purāṇaṃ granthasaṃkhyayā śatakoṭipramāṇaṃ hi purā sṛṣṭau suvismṛtam ### [1.2.58](https://indike.org/pramana/in.purana.siva*complete.1.2.58) vyasteṣṭādaśadhā caiva purāṇe dvāparādiṣu caturlakṣeṇa saṃkṣipte kṛte dvaipāyanādibhiḥ ### [1.2.59](https://indike.org/pramana/in.purana.siva*complete.1.2.59) proktaṃ śivapurāṇaṃ hi caturviṃśatsahasrakam ślokānāṃ saṃkhyayā saptasaṃhitaṃ brahmasaṃmitam ### [1.2.60](https://indike.org/pramana/in.purana.siva*complete.1.2.60) vidyeśvarākhyā tatrādyā raudrī jñeyā dvitīyikā tṛtīyā śatarudrākhyā koṭirudrā caturthikā ### [1.2.61](https://indike.org/pramana/in.purana.siva*complete.1.2.61) paṃcamī caiva maumākhyā ṣaṣṭhī kailāsasaṃjñikā saptamī vāyavīyākhyā saptaivaṃ saṃhitāmatāḥ ### [1.2.62](https://indike.org/pramana/in.purana.siva*complete.1.2.62) sasaptasaṃhitaṃ divyaṃ purāṇaṃ śivasaṃjñakam varīvarti brahmatulyaṃ sarvopari gatipradam ### [1.2.63](https://indike.org/pramana/in.purana.siva*complete.1.2.63) etacchivapurāṇaṃ hi saptasaṃhitamādarāt paripūrṇaṃ paṭhedyastu sa jīvanmukta ucyate ### [1.2.64](https://indike.org/pramana/in.purana.siva*complete.1.2.64) śrutismṛtipurāṇetihāsāgamaśatāni ca etacchivapurāṇasya nārhaṃtyalpāṃ kalāmapi ### [1.2.64.p1](https://indike.org/pramana/in.purana.siva*complete.1.2.64.p1) śaivaṃ purāṇamamalaṃ śivakīrtitaṃ tadvyāsena śaivapravaṇena na ### [1.2.64.p2](https://indike.org/pramana/in.purana.siva*complete.1.2.64.p2) saṃgṛhītam ### [1.2.65](https://indike.org/pramana/in.purana.siva*complete.1.2.65) saṃkṣepataḥ sakalajīvaguṇopakāre tāpatrayaghnamatulaṃ śivadaṃ satāṃ hi ### [1.2.66](https://indike.org/pramana/in.purana.siva*complete.1.2.66) vikaitavo dharma iha pragīto vedāṃtavijñānamayaḥ pradhānaḥ amatsarāṃtarbudhavedyavastu satkḷptamatraiva trivargayuktam ### [1.2.66.p1](https://indike.org/pramana/in.purana.siva*complete.1.2.66.p1) śaivaṃ purāṇatilakaṃ khalu satpurāṇaṃ vedāṃtavedavilasatparavastugītam ### [1.2.67](https://indike.org/pramana/in.purana.siva*complete.1.2.67) yo vai paṭhecca śṛṇuyātparamādareṇa śaṃbhupriyaḥ sa hi labhetparamāṃ gatiṃ vai ### [1.2.67.p1](https://indike.org/pramana/in.purana.siva*complete.1.2.67.p1) iti śrīśivamahāpurāṇe vidyeśvarasaṃhitāyāṃ dvitīyo'dhyāyaḥ ## Other recensions (2) - [Śivapurāṇa](https://indike.org/pramana/in.purana.siva.1.2.1) — Vyāsa, Sanskrit - [Śivapurāṇa (complete text)](https://indike.org/pramana/in.purana.siva*complete-2.1.2.1) — Sanskrit --- Source: [https://indike.org/pramana/in.purana.siva*complete.1.2](https://indike.org/pramana/in.purana.siva*complete.1.2) · Pramāṇa