[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Śivapurāṇa](https://indike.org/pramana/in.purana.siva) › [siva\_purana](https://indike.org/pramana/in.purana.siva*complete) › 2.1 # Shivapurana 2.1 Śivapurāṇa (complete text) 2.1 - **Language:** Sanskrit ## Contents - [2.1.32](https://indike.org/pramana/in.purana.siva*complete.2.1.32) — 1 part ### [2.1.p1](https://indike.org/pramana/in.purana.siva*complete.2.1.p1) atha śivamahāpurāṇe dvitīyā rudrasaṃhitā prārabhyate ### [2.1.p2](https://indike.org/pramana/in.purana.siva*complete.2.1.p2) śrīgaṇeśāya namaḥ ### [2.1.p3](https://indike.org/pramana/in.purana.siva*complete.2.1.p3) śrīgaurīśaṃkarābhyāṃ namaḥ ### [2.1.p4](https://indike.org/pramana/in.purana.siva*complete.2.1.p4) viśvodbhavasthitilayādiṣu hetumekaṃ ### [2.1.p5](https://indike.org/pramana/in.purana.siva*complete.2.1.p5) gaurīpatiṃ viditatattvamanantakīrtim ### [2.1.1](https://indike.org/pramana/in.purana.siva*complete.2.1.1) māyāśrayamvigatamāyamaciṃtyarūpam bodhasvarūpamamalaṃ hi śivannamāmi ### [2.1.2](https://indike.org/pramana/in.purana.siva*complete.2.1.2) vande śivantamprakṛteranādimpraśāntamekampuruṣottamaṃ hi svamāyayā kṛtsnamidaṃ hi sṛṣṭvā nabhovadantarbahirāsthito yaḥ ### [2.1.3](https://indike.org/pramana/in.purana.siva*complete.2.1.3) vandetarasthaṃ nijagūḍharūpaṃ śivaṃsvatassraṣṭumidamvicaṣṭe jaganti nityamparito bhramaṃti yatsannidhau cumbakalohavattam ### [2.1.4](https://indike.org/pramana/in.purana.siva*complete.2.1.4) vyāsa uvāca jagataḥ pitaraṃ śambhuñjagato mātaraṃ śivām tatputrañca gaṇādhīśannatvaitadvarṇayāmahe ### [2.1.5](https://indike.org/pramana/in.purana.siva*complete.2.1.5) ekadā munayassarve naimiṣāraṇya vāsinaḥ papracchurvarayā bhaktyā sūtante śaunakādayaḥ ### [2.1.6](https://indike.org/pramana/in.purana.siva*complete.2.1.6) ṛṣaya ūcuḥ vidyeśvarasaṃhitāyāḥ śrutā sā satkathā śubhā sādhyasādhanakhaṃḍā khyāramyādyā bhaktavatsalā ### [2.1.7](https://indike.org/pramana/in.purana.siva*complete.2.1.7) sūta sūta mahābhāga cirañjīva sukhībhava yacchrāvayasi nastāta śāṃkarīṃ paramāṃ kathām ### [2.1.8](https://indike.org/pramana/in.purana.siva*complete.2.1.8) pibantastvanmukhāmbhojacyutaṃ jñānāmṛtamvayam avitṛptāḥ punaḥ kiṃcitpraṣṭumicchāmahe'nagha ### [2.1.9](https://indike.org/pramana/in.purana.siva*complete.2.1.9) vyāsaprasādātsarvajño prāpto'si kṛtakṛtyatām nājñātamvidyate kiṃcidbhūtaṃ bhavyaṃ bhavacca yat ### [2.1.10](https://indike.org/pramana/in.purana.siva*complete.2.1.10) gurorvyāsasya sadbhaktyā samāsādya kṛpāṃ parām sarvaṃ jñātaṃ viśeṣeṇa sarvaṃ sārthaṃ kṛtaṃ januḥ ### [2.1.11](https://indike.org/pramana/in.purana.siva*complete.2.1.11) idānīṃ kathaya prājña śivarūpamanuttamam divyāni vai caritrāṇi śivayorapyaśeṣataḥ ### [2.1.12](https://indike.org/pramana/in.purana.siva*complete.2.1.12) aguṇoguṇatāṃ yāti kathaṃ loke maheśvaraḥ śivatattvaṃ vayaṃ sarve na jānīmo vicārataḥ ### [2.1.13](https://indike.org/pramana/in.purana.siva*complete.2.1.13) sṛṣṭeḥ pūrvaṃ kathaṃ śaṃbhussvarūpeṇāvatiṣṭhate sṛṣṭimadhye sa hi kathaṃ krīḍansaṃvarttate prabhuḥ ### [2.1.14](https://indike.org/pramana/in.purana.siva*complete.2.1.14) tadante ca kathandevassa tiṣṭhati maheśvaraḥ kathamprasannatāṃ yāti śaṃkaro lokaśaṃkaraḥ ### [2.1.15](https://indike.org/pramana/in.purana.siva*complete.2.1.15) sa prasannomaheśānaḥ kiṃ prayacchati satphalam svabhaktebhyaḥ parebhyaśca tatsarvaṃ kathayasva naḥ ### [2.1.16](https://indike.org/pramana/in.purana.siva*complete.2.1.16) sadyaḥ prasanno bhagavānbhavatītyanuśuśruma bhaktaprayāsaṃ sa mahānna paśyati dayāparaḥ ### [2.1.17](https://indike.org/pramana/in.purana.siva*complete.2.1.17) brahmā viṣṇurmaheśaśca trayo devāśśivāṃgajāḥ maheśastatra pūrṇāṃśassvayameva śivo'paraḥ ### [2.1.18](https://indike.org/pramana/in.purana.siva*complete.2.1.18) tasyāvirbhāvamākhyāhi caritāni viśeṣataḥ umāvirbhāvamākhyāhi tadvivāhaṃ tathā prabho ### [2.1.19](https://indike.org/pramana/in.purana.siva*complete.2.1.19) tadgārhasthyaṃ viśeṣeṇa tathālīlāḥ parā api etatsarvaṃ tadanyacca kathanīyaṃ tvayā'nagha ### [2.1.20](https://indike.org/pramana/in.purana.siva*complete.2.1.20) vyāsa uvāca iti pṛṣṭastadā taistu sūto harṣasamanvitaḥ smṛtvā śaṃbhupadāṃ bhojampratyuvāca munīśvarān ### [2.1.21](https://indike.org/pramana/in.purana.siva*complete.2.1.21) sūta uvāca samyakpṛṣṭaṃ bhavadbhiśca dhanyā yūyaṃ munīśvarāḥ sadāśivakathāyāṃ vo yajjātā naiṣṭhikī matiḥ ### [2.1.22](https://indike.org/pramana/in.purana.siva*complete.2.1.22) sadāśivakathāpraśnaḥ puruṣāṃstrīnpunāti hi vaktāraṃ pṛcchakaṃ śrotṝñjāhnavīsalilaṃ yathā ### [2.1.23](https://indike.org/pramana/in.purana.siva*complete.2.1.23) śaṃbhorguṇānuvādātkovirajyeta pumāndvijāḥ vinā paśughnaṃ trividhajanānandakarātsadā ### [2.1.24](https://indike.org/pramana/in.purana.siva*complete.2.1.24) gīyamāno vitṛṣṇaiśca bhavarogauṣadho'pi hi manaḥśrotrābhirāmaśca yattassarvārthadassa vai ### [2.1.25](https://indike.org/pramana/in.purana.siva*complete.2.1.25) kathayāmi yathābuddhi bhavatpraśnānusārataḥ śivalīlāṃ prayatnena dvijāstāṃ śṛṇutādarāt ### [2.1.26](https://indike.org/pramana/in.purana.siva*complete.2.1.26) bhavadbhiḥ pṛcchyate yadvattattathā nāradena vai pṛṣṭaṃ pitre preritena hariṇā śivarūpiṇā ### [2.1.27](https://indike.org/pramana/in.purana.siva*complete.2.1.27) brahmā śrutvā sutavacaśśivabhaktaḥ prasannadhīḥ jagau śivayaśaḥ prītyā harṣayanmunisattamam ### [2.1.28](https://indike.org/pramana/in.purana.siva*complete.2.1.28) vyāsa sūtoktamiti tadvākyamākarṇya dvijasattamāḥ papracchustatsusaṃvādaṃ kutūhalasamanvitāḥ ### [2.1.29](https://indike.org/pramana/in.purana.siva*complete.2.1.29) ṛṣaya ūcuḥ sūta sūta mahābhāga śaivottama mahāmate śrutvā tava vaco ramyaṃ ceto nassakutūhalam ### [2.1.30](https://indike.org/pramana/in.purana.siva*complete.2.1.30) kadā babhūva sukhakṛdvidhināradayormahān saṃvādo yatra giriśasulīlā bhavamocinī ### [2.1.31](https://indike.org/pramana/in.purana.siva*complete.2.1.31) vidhināradasaṃvādapūrvakaṃ śāṃkaraṃ yaśaḥ brūhi nastāta tatprītyā tattatpraśnānusārataḥ ### [2.1.32](https://indike.org/pramana/in.purana.siva*complete.2.1.32) ityākarṇya vacasteṣāṃ munīnāṃ bhāvitātmanām sūtaḥ provāca suprītastatsaṃvādānusārataḥ ### [2.1.32.p1](https://indike.org/pramana/in.purana.siva*complete.2.1.32.p1) iti śrīśivamahāpurāṇe dvitīyāyāṃ rudrasaṃhitāyāṃ prathamakhaṃḍe sṛṣṭyupākhyāne munipraśnavarṇano nāma prathamo'dhyāyaḥ ## Other recensions (1) - [Śivapurāṇa (complete text)](https://indike.org/pramana/in.purana.siva*complete-2.2.1.1) — Sanskrit --- Source: [https://indike.org/pramana/in.purana.siva*complete.2.1](https://indike.org/pramana/in.purana.siva*complete.2.1) · Pramāṇa