Shivapurana 2.7
Śivapurāṇa (complete text) 2.7
- Language
- Sanskrit
Contents
2.7.1
brāhmovāca
supte nārāyaṇe deve nābhau paṃkajamuttamam
āvirbabhūva sahasā vṛhavai sakarecchayā
2.7.2
anaṃtayaṣṭikāyuktaṃ karṇikārasamaprabham
anaṃtayojanāyāmamanaṃtocchrāyasaṃyutam
2.7.3
koṭisūryapratīkāśaṃ suṃdara vacasayutam
atyadbhutaṃ mahāramyaṃ darśanīyamanuttamam
2.7.4
kṛtvā yatnaṃ pūrvavatsa śaṃkaraḥ parameśvaraḥ
dakṣiṇāṃgānnijānmāṃ kaisāśīśśaṃbhurajījanat
2.7.5
sa māyāmohitaṃ kṛtvā māṃ maheśo drutaṃ mune
tannābhipaṃkajādāvirbhā vayāmāsa līlayā
2.7.6
epamādmāttato jajñe putro'haṃ hemagarbhakaḥ
caturmukho raktavarṇastripuṃḍrāṃkitamastakaḥ
2.7.7
tanmāyāmohitaścāhaṃ nāvidaṃ kamalaṃ vinā
svadehajanakaṃ tāta pitaraṃ jñānadurbalaḥ
2.7.8
kohaṃ vā kuta āyātaḥ kiṃ kāryaṃ tu madīyakam
kasya putro'hamutpannaḥ kenaiva nirmito'dhunā
2.7.9
iti saṃśayamāpannaṃ buddhirmoṃ samapadyata
kimarthaṃ mohamāyāmi tajjñānaṃ sukaraṃ khalu
2.7.10
etatkamalapuṣpasya patrārohasthalaṃ hyadhaḥ
matkartā ca sa vai tatra bhaviṣyati na saṃśayaḥ
2.7.11
iti buddhiṃ samāsthāya kamalādavaro hayan
nāle nāle gatastatra varṣāṇāṃ śatakaṃ mune
2.7.12
na labdhaṃ tu mayā tatra kamalasthānamuttamam
saṃśayaṃ ca punaḥ prāptaḥ kamale gantumutsukaḥ
2.7.13
ārurohātha kamalaṃ nālamārgeṇa vai mune
kuḍmalaṃ kamalasyātha labdhavānna vimohitāḥ
2.7.14
nālamārgeṇa bhramato gataṃ varṣaśataṃ punaḥ
kṣaṇamātra tadā tatra tatastiṣṭhanvimohitaḥ
2.7.15
tadā vāṇī samutpannā tapeti paramā śubhā
śivecchayā parā vyomno mohavidhvaṃsinī mune
2.7.16
tacchrutvā vyomavacanaṃ dvādaśābdaṃ prayatnataḥ
punastaptaṃ tapo ghoraṃ draṣṭuṃ svajanakaṃ tadā
2.7.17
tadā hi bhagavānviṣṇuścaturbāhussulocanaḥ
mayyevānugrahaṃ kartuṃ drutamāvirbabhūva ha
2.7.18
śaṃkhacakrāyudhakaro gadāpadmadharaḥ paraḥ
ghanaśyāmalasarvāṃgaḥ pītāmbaradharaḥ paraḥ
2.7.19
mukuṭādimahābhūṣaḥ prasannamukhapaṃkajaḥ
koṭikaṃdarpasaṃkāśassandṛṣṭo mohitena saḥ
2.7.20
taddṛṣṭvā sundaraṃ rūpaṃ vismayaṃ paramaṃ gataḥ
kālābhaṃ kāṃcanābhaṃ ca sarvātmānaṃ caturbhujam
2.7.21
tathābhūtamahaṃ dṛṣṭvā sadasanmayamātmanā
nārāyaṇaṃ mahābāhu harṣito hyabhavaṃ tadā
2.7.22
māyayā mohitaśśambhostadā līlātmanaḥ prabhoḥ
avijñāya svajanakaṃ tamavocaṃ praharṣitaḥ
2.7.23
brahmovāca
kastvaṃ vadeti hastena samutthāpya sanātanam
tadā hastaprahāreṇa tīvreṇa sudṛḍhena tu
2.7.24
prabuddhyotthāya śayanātsamāsīnaḥ kṣaṇaṃ vaśī
dadarśa nidrāviklinnanīrajāmalalocanaḥ
2.7.25
māmatra sasthitaṃ bhāsādhyāsito bhagavānhariḥ
āha cotthāya brahmāṇaṃ hasanmāṃ madhuraṃ sakṛt
2.7.26
viṣṇuruvāca
svāgataṃ svāgataṃ vatsa pitāmaha mahādyute
nirbhayo bhava dāsye'haṃ sarvānkāmānna saṃśayaḥ
2.7.27
tasya tadvacanaṃ śrutvā smitapūrvaṃ surarṣabhaḥ
rajasā baddhavairaśca tamavocaṃ janārdanam
2.7.28
brahmovāca
bhāṣase vatsa vatseti sarvasaṃhārakāraṇam
māmihāti smitaṃ kṛtvā guruśśiṣyamivānagha
2.7.29
kartāraṃ jagatāṃ sākṣātprakṛteśca pravartakam
sanātanamajaṃ viṣṇuṃ viriṃciṃ viṣṇusaṃbhavam
2.7.30
viśvātmānaṃ vidhātāraṃ dhātārampaṃkajekṣaṇam
kimarthaṃ bhāṣase mohādvaktumarhasi satvaram
2.7.31
vedomāṃ vakti niyamātsvayaṃbhuvamajaṃ vibhum
pitāmahaṃ svarājaṃ ca parameṣṭhinamuttamam
2.7.32
ityākarṇya harirvākyaṃ mama kruddhoramāpatiḥ
so'pi māmāha jāne tvāṃ kartāramiti lokataḥ
2.7.33
viṣṇuruvāca
kartuṃ dharttuṃ bhavānaṃgādavatīrṇo mamāvyayāt
vismṛto'si jagannāthaṃ nārāyaṇamanāmayam
2.7.34
puruṣaṃ paramātmānaṃ puruhūtaṃ puruṣṭutam
viṣṇumacyutamīśānaṃ viśvasya prabhavodbhavam
2.7.35
nārāyaṇaṃ mahābāhue sarvavyāpakamīśvaram
mannābhipadmatastvaṃ hi prasūto nātra saṃśayaḥ
2.7.36
tavāparādho nāstyatra tvayimāyākṛtaṃ mama
śṛṇu satyaṃ caturvaktrasarvadeveśvaro hyaham
2.7.37
kartā hartā ca bhartā ca na mayāsti samo vibhuḥ
ahameva paraṃ brahmaparaṃ tattvaṃ pitāmaha
2.7.38
ahameva paraṃ jyotiḥ paramātmā tvahaṃ vibhuḥ
adya dṛṣṭaṃ śrutaṃ sarvaṃ jagatyasmim̐ścarācaram
2.7.39
tattadviddhicaturvaktra sarvaṃ manmayamityatha
mayā sṛṣṭaṃ purāvyaktaṃ caturviṃśatitattvakam
2.7.40
nityaṃ teṣvaṇavo baddhāssṛṣṭakrodhabhayādayaḥ
prabhāvāccabhavānaṃgānyanekānīha līlayā
2.7.41
sṛṣṭā buddhirmayā tasyāmahaṃkārastridhā tataḥ
tanmātraṃ paṃkajaṃ tasmānmanodehendriyāṇi ca
2.7.42
ākāśādīni bhūtāni bhautikāni ca līlayā
iti buddhvā prajānātha śaraṇaṃ vraja me vidhe
2.7.42.p1
ahaṃ tvāṃ sarvaduḥkhebhyo rakṣiṣyāmi na saṃśayaḥ
2.7.42.p2
brahmovāca
2.7.43
iti śrutvā vacastasya brahmā krodhasamanvitaḥ
ko vā tvamiti saṃbhartsmābruvaṃ māyāvimohitaḥ
2.7.44
kimarthaṃ bhāṣase bhūri bahvanarthakaraṃ vacaḥ
neśvarastvaṃ parabrahma kaścitkartā bhavettava
2.7.45
māyayā mohitaścāhaṃ yuddhaṃ cakre sudāruṇam
hariṇā tena vai sārddhaṃ śaṃkarasya mahāprabhoḥ
2.7.46
evaṃ mama hareścāsītsaṃgaro romaharṣaṇaḥ
pralayārṇavamadhye tu rajasā baddhavairayoḥ
2.7.47
etasminnaṃtare liṃgamabhavaccāvayoḥ puraḥ
vivādaśamanārthaṃ hi prabodhārthaṃ tathā''vayoḥ
2.7.48
jvālāmālāsahasrāḍhyaṃ kālāna laśatopamam
kṣayavṛddhivinirmuktamādimadhyāṃtavarjitam
2.7.49
anaupamyamanirdeśyamavyaktaṃ viśvasaṃbhavam
tasya jvālāsahasreṇamohito bhagavānhariḥ
2.7.50
mohitaṃ cāha māmatra kimarthaṃ sparddhase'dhunā
āgatastu tṛtīyo'tra tiṣṭhatāṃ yuddhamāvayoḥ
2.7.51
kuta evātra saṃbhūtaḥ parīkṣāvo'gnisaṃbhavam
adho gamiṣyāmyanalastaṃbhasyānupamasya ca
2.7.52
parīkṣārthaṃ prajānātha tasya vai vāyuvegataḥ
bhavānūrddhvaṃ prayatnena gaṃtumarhatisatvaram
2.7.53
brahmovāca
evaṃ vyāhṛtya viśvātmā svarūpamakarottadā
vārāhamahamapyāśu haṃsatvaṃ prāptavānmune
2.7.54
tadā prabhṛti māmāhurhaṃsahaṃso virāḍiti
haṃsahaṃseti yo brūyātsa haṃso'tha bhaviṣyati
2.7.55
suśve hyanalaprakhyo viśvataḥ pakṣasaṃyutaḥ
mano nilajavo bhūtvā gatvorddhva corddhvataḥ purā
2.7.56
nārāyaṇo'pi viśvātmā suśveto hyabhavattadā
daśayojanavistīrṇaṃ śatayojanamāyatam
2.7.57
merupartavavarṣmāṇaṃ gauratīkṣṇogradaṃṣṭriṇam
kālādityasamābhāsaṃ dīrghaghoṇaṃ mahāsvanam
2.7.58
hrasvapādaṃ vicitrāṃgaṃjaitraṃ dṛḍhamanaupamam
vārāhākāramāsthāya gatavāṃstadadhau javāt
2.7.59
evamvarṣasahasraṃ caranviṣṇuradho gataḥ
tathāprabhṛti lokeṣu śvetavārāhasaṃjñakaḥ
2.7.60
kalpo babhūva devarṣe narāṇāṃ kālasaṃjñakaḥ
babhrāma bahudhā viṣṇuḥ prabhaviṣṇuradhogataḥ
2.7.61
nāpaśyadalpamapyasya mūlaṃ liṃgasya sūkaraḥ
tāvatkālaṃ gataścorddhvamahamapyarisūdana
2.7.62
satvaraṃ sarvayatnena tasyāntaṃ jñātumicchayā
śrānto na dṛṣṭvā tasyāṃtamahaṃ kālādadhogataḥ
2.7.63
tathaiva bhagavānviṣṇuścāṃtaṃ kamalalocanaḥ
sarvadevanibhastūrṇamutthitassamahāvapuḥ
2.7.64
samāgato mayā sārddhaṃ praṇipatya bhavaṃ muhuḥ
māyayā mohitaśśaṃbhostasthau saṃvignamānasaḥ
2.7.65
pṛṣṭhataḥ pārśvataścaiva hyagrataḥ parameśvaram
praṇipatya mayā sārdhaṃ sasmāra kimidaṃ tviti
2.7.66
anirdeśyaṃ ca tadrūpamanāma karmavarjitam
aliṃgaṃ liṃgatāṃ prāptaṃ dhyānamārgepyagocaram
2.7.67
svasthaṃ cittaṃ tadākṛtvā namaskāra parāyaṇo
babhūvaturubhāvāvāmahaṃ harirapi dhruvam
2.7.68
jānīvo na hi te rūpaṃ yo'siyo'si mahāprabho
namo'stute maheśāna rūpaṃ darśayanautvaran
2.7.69
evaṃ śaracchatānyāsannamaskāraṃ prakurvatoḥ
āvayormuniśārdūlamadamāsthitayostadā
2.7.69.p1
iti śrīśivamahāpurāṇe dvitīyāyāṃ rudrasaṃhitāyāṃ prathamakhaṃḍe viṣṇubrahmavivādavarṇano nāma saptamo'dhyāyaḥ
Linked texts (2)
- Liṅga — Sanskrit
- Liṅgapurāṇa — Ativīrarāma Pāṇṭiyar 1500, Sanskrit