Shivapurana 3.17
Śivapurāṇa (complete text) 3.17
- Language
- Sanskrit
3.17.1
yajña sthala meṃ satī kā dehatyāga maunībhūtā yadā sā''sītsatī śaṃkaravallabhā caritraṃ kimabhūtattatra vidhe tadvada cādarāt
3.17.2
maunībhūtā satī devī smṛtvā svapatimādarāt kṣitāvudīcyāṃ sahasā niṣasāda praśāṃtadhīḥ
3.17.3
jalamācamya vidhivat saṃvṛtā vāsasā śuci dṛṅ nimīlya patiṃ smṛtvā yogamārgaṃ samāviśat
3.17.4
kṛtvā samānāvanilau prāṇāpānau sitānana utthāpyodānamatha ca yatnātsā nābhicakrataḥ
3.17.5
hṛdi sthāpyorasi dhiyā sthitaṃ kaṃṭhādbhruvoḥ satī aniṃditā'nayanmadhyaṃ śaṃkaraprāṇavallabhā
3.17.6
evaṃ svadehaṃ sahasā dakṣakopājjihāsatī dagdhe gātre vāyuśucidhāraṇaṃ yogamārgataḥ
3.17.7
tata sva bhartuścaraṇaṃ ciṃtayaṃtīṃ na cāparam apaśyatsā satī tatra yoga mārganiviṣṭadhīḥ
Other recensions (1)
- Śivapurāṇa (complete text) — Sanskrit