Pramāṇa · Search · About · API

Shiva Purana 4.10

Śivapurāṇa (complete text) 4.10

Language
Sanskrit

4.10.1

indra dvārā kāmadeva ko śiva ke pāsa bhejanā gateṣu teṣu deveṣu śakraḥ sasmāra vai smaram pīḍitastārakenāti daityena ca durātmanā

4.10.2

āgatastatkṣaṇātkāmaḥ savasaṃto ratipriyaḥ sāvalepo yuto ratyā trailokyavijayī prabhuḥ

4.10.3

praṇāmaṃ ca tataḥ kṛtvā sthitvā tatpurataḥ smaraḥ mahonnatamanāstāta sāṃjaliḥ śakramabravīt

4.10.4

kiṃ kāryaṃ te samutpannaṃ smṛto'haṃ kena hetunā tattvaṃ kathaya deveśa tatkartuṃ samupāgataḥ

4.10.5

tacchrutvā vacanaṃ tasya kaṃdarpasya sureśvaraḥ uvāca vacanaṃ prītyā yuktaṃ yuktamiti stuvan

4.10.6

kāmadeva ko śiva ke pāsa bhejanā tava sādhu samāraṃbho yanme kāryamupasthitam tatkartu mudyato'si tvaṃ dhanyo'si makaradhvaja

4.10.7

na kevalaṃ madīyaṃ ca kāryamasti sukhāvaham kiṃ tu sarvasurādīnāṃ kāryametanna saṃśayaḥ