Shiva Purana 6.2-3
Śivapurāṇa (complete text) 6.2-3
- Language
- Sanskrit
6.2-3.1
koṭirudra saṃhitā dvādaśa jyotirliṃgoṃ kā māhātmya yo dhatte nijamāyayaiva bhuvanākāraṃ vikārojjhito yasyāhuḥ karuṇākaṭākṣavibhavau svargāpavargābhidhau pratyagbodhasukhādvayaṃ hṛdi sadā paśyanti yaṃ yoginaḥ tasmai śailasutāñcitārddhavapuṣe śaśvannamastejame
6.2-3.2
kṛpālalitavīkṣaṇaṃ smitamanojñavaktrāmbujaṃ— śaśāṃkakalayojjvalaṃ śamitaghoratāpannayam karotu kimapi sphuratparamasaukhyasaccidvapu— rdharādharasutābhujodvalayitamaho maṅgalam
6.2-3.3
samyaguktaṃ tvayā sūta lokānāṃ hitakāmyayā śivāvatāramāhātmyaṃ nānākhyānasamanvitam
6.2-3.4
punaśca kathyatāṃ tāta śivamāhātmyamuttamam liṃgasambandhiprītyā dhanyastvaṃ śaivasattamaḥ
6.2-3.5
śṛṇvantastvanmukhāmbhojānna tṛptāḥsmo vaya prabho śaiva yaśo'mṛtaṃ ramyaṃ tadeva punarucyatām
6.2-3.6
pṛthivyāṃ yāni liṅgāni tīrthe tīrthe śubhāni hi anyatra vā sthale yāni prasiddhāni sthitāni vai
6.2-3.7
tāni tāni ca divyāni liṅgāni parameśituḥ vyāsaśiṣya samācakṣva lokānāṃ hitakāmyayā