Shivapurana 7.5
Śivapurāṇa (complete text) 7.5
- Language
- Sanskrit
7.5.1
mukti nirūpaṇa muktirnāma tvayā proktā tasyāṃ kiṃ nu bhavediha avasthā kīdṛśī bhavediti sarvaṃ vadasva naḥ
7.5.2
muktiścaturvidhā proktā śrūyatāṃ kathayāmi vaḥ saṃsārakleśasaṃhartrī paramānandadāyinī
7.5.3
sārūpyā caiva sālokyā sānnidhyā ca tathā parā sāyujyā ca caturthī sā vratenānena yā bhavet
7.5.4
mukterdātā muniśreṣṭhā kevalaṃ śiva ucyate brahmādyā na hi te jñeyāḥ kevalaṃ ca trivargadāḥ
7.5.5
brahmādyāstriguṇādhīśāḥ śivastriguṇataḥ paraḥ nirvikārī parabrahma turyaḥ prakṛtitaḥ paraḥ
7.5.6
jñānarūpo'vyayaḥ sākṣī jñānagamyo'dvayaḥ svayam kaivalyamuktidaḥ so'tra trivargasya prado'pi hi
7.5.7
kaivalyākhyā pañcamī ca durlabhā sarvathā nṛṇām tallakṣaṇaṃ pravakṣyāmi śrūyatāmṛṣisattamāḥ