Pramāṇa · Search · About · API

Shiva Purana 7.9

Śivapurāṇa (complete text) 7.9

Language
Sanskrit

7.9.1

jñānanirūpaṇa aura śiva-vijñāna śrūyatāmṛṣayaḥ sarve śivajñānaṃ tathā śrutam kathayāmi mahāguhyaṃ paramuktisvarūpakam

7.9.2

śrī nāradakumārāṇāṃ vyāsasya kapilasya ca eteṣāṃ ca samāje tairniścitya samudāhṛtam

7.9.3

iti jñānaṃ sadā jñeyaṃ sarvaṃ śivamaya jagat śivaḥ sarvamayo jñeyaḥ sarvajñena vipaścitā

7.9.4

ābrahmatṛṇaparyantaṃ yatkiṃcid dṛśyate jagad tatsarvaṃ śiva evāsti sa devaḥ śiva ucyate

7.9.5

yadecchā tasya jāyeta tadā ca kriyate tvidam sarvaṃ sa eva jānāti taṃ na jānāti kaścana

7.9.6

racayitvā svayaṃ tacca pratiśya dūrataḥ sthitaḥ na tatra ca praviṣṭo'sau nirliptaścitsvarūpavān

7.9.7

yathā ca jyotiṣaścaiva jalādau pratibimbatā vastuto na praveśo vai tathaiva ca śivaḥ svayam