Shiva Purana 8.26
Śivapurāṇa (complete text) 8.26
- Language
- Sanskrit
8.26.1
nāndo śrāddha, brahmayajñādi vidhi sādhu sādhu mahābhāga vāmadeva munīśvara tvamatīva śive bhaktaḥ śivajñānavatāṃ varaḥ
8.26.2
tvayā tvaviditaṃ kiṃcinnāsti lokeṣu kutracit tathāpi tava vakṣyāmi lokānugrahakāriṇaḥ
8.26.3
lokesminpaśavaḥ sarve nānāśastravimohitāḥ vañcitāḥ parameśasya māyayā'tivicitrayā
8.26.4
na jānanti paraṃ sākṣātpraṇavārtha maheśvaram saguṇa nirguṇaṃ brahma tridevajanaka param
8.26.5
dakṣiṇaṃ bāhumuddhṛtya śapathaṃ prabravīmi te satya satya punaḥ satyaṃ satyaṃ satyaṃ punaḥ punaḥ
8.26.6
praṇavārthaḥ śivaḥ sākṣātprādhānyena prakīrtitaḥ śrutiṣu smṛtiśāstreṣu purāṇeṣvagameṣu ca
8.26.7
yato vāco nivarttante aprāpya manasā saha ānanda yasya vai vidvanna bibheti kutaścana