Shivapurana 8.8
Śivapurāṇa (complete text) 8.8
- Language
- Sanskrit
8.8.1
mṛtyu kāla kā jñāna bhagavaṃstvaprasādena jñātaṃ me sakalaṃ matam yathācaina tu te deva yo mantraśca yathāvidhi
8.8.2
adyāpi saṃśayastvekaḥ kālacakra prati prabho mṛtyucihnaṃ yathā deva kiṃ pramāṇaṃ tathāyuṣaḥ
8.8.3
sarvaṃ kathaya me nātha yadyahaṃ vallabhā iti pṛṣṭastayā devyā pratyuvāca maheśvaraḥ
8.8.4
satyaṃ te kathayiṣyāmi śāstraṃ sarvottamaṃ priye ye na śāstreṇa deveśinaraiḥ kālaḥ prabudhyate
8.8.5
ahaḥ pakṣaṃ tathā māsamṛtuṃ cāyanavatsarau sthūlasūkṣmagataiścihnarbāharaṃtargataistathā
8.8.6
tatte'haṃ sampravakṣyāmi śṛṇu tatvena sundari lokānāmupakārārthaṃ vairāgyārthamume'dhunā
8.8.7
akasmātpāṃḍuraṃ dehamūrdhvarāgaṃ samaṃtataḥ tadā mṛtyuṃ vijānīyātṣaṇmāsābhyantare priye