Shivapurana 9.12
Śivapurāṇa (complete text) 9.12
- Language
- Sanskrit
Contents
- 9.12.77 — 1 part
9.12.1
pataṃ cāśvānsamātaṃgān śarabhān gavayān mṛgān
uṣṭrānaśvatarāṃścaiva nyaṃkūnanyāśca jātayaḥ
9.12.58
auṣadhyaḥ phalamūlāni romabhyastasya jajñire
gāyatrīṃ ca ṛcaṃ caiva trivṛtsāma rathaṃtaram
9.12.59
agniṣṭomaṃ ca yajñānāṃ nirmame prathamānmukhāt
yajūṃṣi traiṣṭubhaṃ chedaḥstomaṃ paṃcadaśaṃ tathā
9.12.60
bṛhatsāma tathokthaṃ ca dakṣiṇādasṛjanmukhāt
sāmāni jagatīchedaḥ stomaṃ saptadaśaṃ tathā
9.12.61
vairūpyamatirātraṃ ca paścimādasṛjan mukhāt
ekaviṃśamatharvāṇamāptoryāmāṇameva ca
9.12.62
anuṣṭubhaṃ sa vairājamuttarādasṛjanmukhāt
uccāvacāni bhūtāni gātrebhyastasya jajñire
9.12.63
yakṣāḥ piśācā gaṃdharvāstathaivāpsarasāṃ gaṇāḥ
narakinnararakṣāṃsi vayaḥpaśumṛgoragāḥ
9.12.64
avyayaṃ caiva yadidaṃ sthāṇusthāvarajaṃgamam
teṣāṃ vai yāni karmāṇi prāksṛṣṭāni prapedire
9.12.65
tānyeva te prapadyaṃte sṛjyamānāḥ punaḥ punaḥ
hiṃsrāhiṃsre mṛdukrūre dharmādharmāvṛtānṛte
9.12.66
tadbhāvitāḥ prapadyaṃte tasmāttattasya rocate
mahābhūteṣu nānātvamiṃdriyārtheṣu muktiṣu
9.12.67
viniyogaṃ ca bhūtānāṃ dhātaiva vyadadhatsvayam
nāma rūpaṃ ca bhūtānāṃ prākṛtānāṃ prapaṃcanam
9.12.68
vedaśabdebhya evādau nirmame'sau pitāmahaḥ
ārṣāṇi caiva nāmāni yāśca vedeṣu vṛttayaḥ
9.12.69
śarvaryyaṃte prasūtānāṃ tānyevaibhyo dadāvajaḥ
yathartāvṛtuliṃgāni nānārūpāṇi paryyaye
9.12.70
dṛśyaṃte tāni tānyeva tathā bhāvā yugādiṣu
ityeṣa karaṇodbhūto lokasargassvayaṃbhuvaḥ
9.12.71
mahadādyoviśeṣāṃto vikāraḥ prakṛteḥ svayam
caṃdrasūryaprabhājuṣṭo grahanakṣatramaṃḍitaḥ
9.12.72
nadībhiśca samudraiśca parvataiśca sa maṃḍitaḥ
paraiśca vividhairamyaissphītairjanapadaistathā
9.12.73
tasmin brahmavane'vyakto brahmā carati sarvavit
avyaktabījaprabhava īśvarānugrahe sthitaḥ
9.12.74
buddhiskaṃdhamahāśākha indriyāṃtarakoṭaraḥ
mahābhūtapramāṇaśca viśeṣāmalapallavaḥ
9.12.75
dharmādharmasupuṣpāḍhyaḥ sukhaduḥkhaphalodayaḥ
ājīvyaḥ sarvabhūtānāṃ brahmavṛkṣaḥ sanātanaḥ
9.12.76
dyāṃ mūrddhānaṃ tasya viprā vadaṃti khaṃ vai nābhiṃ caṃdrasūryau ca netre
diśaḥ śrotre caraṇau ca kṣitiṃ ca so'cintyātmā sarvabhūtapraṇetā
9.12.77
vaktrāttasya brahmaṇāssaṃprasūtāstadvakṣasaḥ kṣatriyāḥ pūrvabhāgāt
vaiśyā urubhyāṃ tasya pataṃ ca śūdrāḥ sarve varṇā gātrataḥ saṃprasūtāḥ
9.12.77.p1
iti śrīśivamahāpurāṇe saptamyāṃ vāyavīyasaṃhitāyāṃ pūrvakhaṇḍe sṛṣṭivarṇanaṃ nāma dvādaśo'dhyāyaḥ
Linked texts (2)
- Kūrmapurāṇa (Ananta Gokhale) — Ananta Gokhale, Sanskrit
- Kūrmapurāṇa — Ativīrarāma Pāṇṭiyar, Sanskrit