[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.13 # Shivapurana 1.13 Śivapurāṇa 1.13 - **Language:** Sanskrit ## Contents - [1.13.85](https://indike.org/pramana/in.purana.siva.1.13.85) — 2 parts ### [1.13.1](https://indike.org/pramana/in.purana.siva.1.13.1) / dharmādharmamayānbrūhi svarganārakadāṃstathā // / sūta uvāca sadācārayuto vidvānbrāhmaṇo nāma nāmataḥ // ### [1.13.2](https://indike.org/pramana/in.purana.siva.1.13.2) / vedācārayuto vipro hyetairekaikavāndvijaḥ // / alpācārolpavedaśca kṣatriyo rājasevakaḥ // ### [1.13.3](https://indike.org/pramana/in.purana.siva.1.13.3) / kiṃcidācāravānvaiśyaḥ kṛṣivāṇijyakṛttayā // / śūdrabrāhmaṇa ityuktaḥ svayameva hi karṣakaḥ // ### [1.13.4](https://indike.org/pramana/in.purana.siva.1.13.4) / asūyāluḥ paradrohī caṃḍāladvija ucyate // / pṛthivīpālako rājā itarekṣatriyā matāḥ // ### [1.13.5](https://indike.org/pramana/in.purana.siva.1.13.5) / dhānyādikrayavānvaiśya itaro vaṇigucyate // / brahmakṣatriyavaiśyānāṃ śuśrūṣuḥ śūdra ucyate // ### [1.13.6](https://indike.org/pramana/in.purana.siva.1.13.6) / karṣako vṛṣalo jñeya itare caiva dasyavaḥ // / sarvo hyuṣaḥprācīmukhaścintayeddevapūrvakān // ### [1.13.7](https://indike.org/pramana/in.purana.siva.1.13.7) / dharmānarthāṃśca tatkleśānāyaṃ ca vyayameva ca // / āyurdveṣaśca maraṇaṃ pāpaṃ bhāgyaṃ tathaiva ca // ### [1.13.8](https://indike.org/pramana/in.purana.siva.1.13.8) / vyādhiḥ puṣṭistathā śaktiḥ prātarutthānadikphalam // / niśāṃtyāyāmoṣā jñeyā yāmārdhaṃ saṃdhirucyate // ### [1.13.9](https://indike.org/pramana/in.purana.siva.1.13.9) / tatkāle tu samutthāya viṇmūtre visṛjeddvijaḥ // / gṛhāddūraṃ tato gatvā bāhyataḥ pravṛtastathā // ### [1.13.10](https://indike.org/pramana/in.purana.siva.1.13.10) / udaṅmukhaḥ samāviśya pratibaṃdhe 'nyadiṅmukhaḥ // / jalāgnibrāhmaṇādīnāṃ devānāṃ nābhimukhyataḥ // ### [1.13.11](https://indike.org/pramana/in.purana.siva.1.13.11) / liṃgaṃ pidhāya vāmena mukhamanyena pāṇinā // / malamutsṛjya cotthāya na paśyeccaiva tanmalam // ### [1.13.12](https://indike.org/pramana/in.purana.siva.1.13.12) / uddhṛtena jalenaiva śaucaṃ kuryājjalādbahiḥ // / athavā devapitrārṣatīrthāvataraṇaṃ vinā // ### [1.13.13](https://indike.org/pramana/in.purana.siva.1.13.13) / sapta vā pañca vā trīnvā gudaṃ saṃśodhayenmṛdā // / liṃge karkoṭamātraṃ tu gude prasṛtiriṣyate // ### [1.13.14](https://indike.org/pramana/in.purana.siva.1.13.14) / tata utthāya paddhastaśaucaṃ gaṇḍūṣamaṣṭakam // / yena kena ca patreṇa kāṣṭhena ca jalādbahiḥ // ### [1.13.15](https://indike.org/pramana/in.purana.siva.1.13.15) / kāryaṃ saṃtyajya tarjanīṃ daṃtadhāvanamīritam // / jaladevānnamaskṛtya maṃtreṇa snānamācaret // ### [1.13.16](https://indike.org/pramana/in.purana.siva.1.13.16) / aśaktaḥ kaṃṭhadaghnaṃ vā kaṭidaghnamathāpi vā // / ājānu jalamāviśya maṃtrasnānaṃ samācaret // ### [1.13.17](https://indike.org/pramana/in.purana.siva.1.13.17) / devādīṃstarpayedvidvāṃstatra tīrthajalena ca // / dhautavastraṃ samādāya pañcakacchena dhārayet // ### [1.13.18](https://indike.org/pramana/in.purana.siva.1.13.18) / uttarīyaṃ ca kiṃ caiva dhāryaṃ sarveṣu karmasu // / nadyāditīrthasnāne tu snānavastraṃ na śodhayet // ### [1.13.19](https://indike.org/pramana/in.purana.siva.1.13.19) / vāpīkūpagṛhādau tu snānādūrdhvaṃ nayedbudhaḥ // / śilādārvādike vāpi jale vāpi sthalepi vā // ### [1.13.20](https://indike.org/pramana/in.purana.siva.1.13.20) / saṃśodhya pīḍayedvastraṃ pitḥṇāṃ tṛptaye dvijāḥ // / jābālakoktamaṃtreṇa bhasmanā ca tripuṃḍrakam // ### [1.13.21](https://indike.org/pramana/in.purana.siva.1.13.21) / anyathā cejjale pāta itastannarakamṛcchati // / āpohiṣṭheti śirasi prokṣayetpāpaśāṃtaye // ### [1.13.22](https://indike.org/pramana/in.purana.siva.1.13.22) / yasyeti maṃtraṃ pāde tu saṃdhiprokṣaṇamucyate // / pāde mūrdhni hṛdi caiva mūrdhni hṛtpāda eva ca // ### [1.13.23](https://indike.org/pramana/in.purana.siva.1.13.23) / hṛtpādamūrdhni saṃprokṣya maṃtrasnānaṃ vidurbudhāḥ // / īṣatsparśe ca dauḥ svāsthye rājarāṣṭrabhaye 'pi ca // ### [1.13.24](https://indike.org/pramana/in.purana.siva.1.13.24) / atyāgatikāle ca maṃtrasnānaṃ samācaret // / prātaḥ sūryānuvākena sāyamagnyanuvākataḥ // ### [1.13.25](https://indike.org/pramana/in.purana.siva.1.13.25) / apaḥ pītvā tathāmadhye punaḥ prokṣaṇamācaret // / gāyatryā japamaṃtrāṃte vīrūrdhvaṃ prāgvinikṣipet // ### [1.13.26](https://indike.org/pramana/in.purana.siva.1.13.26) / maṃtreṇa saha caikaṃ vai madhye 'rghyaṃ tu raverdvijā // / atha jāte ca sāyāhne bhuvi paścimadiṅmukhaḥ // ### [1.13.27](https://indike.org/pramana/in.purana.siva.1.13.27) / uddhṛtya dadyātprātastu madhyāhneṃgulibhistathā // / aṃgulīnāṃ ca raṃdhreṇa laṃbaṃ paśyeddivākaram // ### [1.13.28](https://indike.org/pramana/in.purana.siva.1.13.28) / ātmapradakṣiṇaṃ kṛtvā śuddhācamanamācaret // / sāyaṃ muhūrtādarvāktu kṛtā saṃdhyā vṛthā bhavet // ### [1.13.29](https://indike.org/pramana/in.purana.siva.1.13.29) / akālātkāla ityukto dine 'tīte yathākramam // / divā 'tīte ca gāyatrīṃ śataṃ nitye kramājjapet // ### [1.13.30](https://indike.org/pramana/in.purana.siva.1.13.30) / ādarśāhātparā 'tīte gāyatrīṃ lakṣamabhyaset // / māsātīte tu nitye hi punaścopanayaṃ caret // ### [1.13.31](https://indike.org/pramana/in.purana.siva.1.13.31) / īśo gaurīguho viṣṇurbrahmā ceṃdraśca vai yamaḥ // / evaṃ rūpāṃśca vai devāṃstarpayedarthasiddhaye // ### [1.13.32](https://indike.org/pramana/in.purana.siva.1.13.32) / brahmārpaṇaṃ tataḥ kṛtvā śuddhācamanamācaret // / tīrthadakṣiṇataḥ śaste maṭhe maṃtrālaye budhaḥ // ### [1.13.33](https://indike.org/pramana/in.purana.siva.1.13.33) / tatra devālaye vāpi gṛhe vā niyatasthale // / sarvāndevānnamaskṛtya sthirabuddhiḥ sthirāsanaḥ // ### [1.13.34](https://indike.org/pramana/in.purana.siva.1.13.34) / praṇavaṃ pūrvamabhyasya gāyatrīmabhyasettataḥ // / jīvabrahmaikyaviṣayaṃ buddhvā praṇavamabhyaset // ### [1.13.35](https://indike.org/pramana/in.purana.siva.1.13.35) / trailokyasṛṣṭikartāraṃ sthitikartāramacyutam // / saṃhartāraṃ tathā rudraṃ svaprakāśamupāsmahe // ### [1.13.36](https://indike.org/pramana/in.purana.siva.1.13.36) / jñānakarmeṃdriyāṇāṃ ca manovṛttīrdhiyastathā // / bhogamokṣaprade dharme jñāne ca prerayetsadā // ### [1.13.37](https://indike.org/pramana/in.purana.siva.1.13.37) / itthamarthaṃ dhiyādhyāyanbrahmaprāpnoti niścayaḥ // / kevalaṃ vā japennityaṃ brāhmaṇyasya ca pūrtaye // ### [1.13.38](https://indike.org/pramana/in.purana.siva.1.13.38) / sahasramabhyasennityaṃ prātarbrāhmaṇapuṃgavaḥ // / anyeṣāṃ ca yathā śaktim adhyāhne ca śataṃ japet // ### [1.13.39](https://indike.org/pramana/in.purana.siva.1.13.39) / sāyaṃ dvidaśakaṃ jñeyaṃ śikhāṣṭakasamanvitam // / mūlādhāraṃ samārabhya dvādaśāṃtasthitāṃstathā // ### [1.13.40](https://indike.org/pramana/in.purana.siva.1.13.40) / vidyeśabrahmaviṣṇvīśajīvātmaparameśvarān // / brahmabuddhyā tadaikyaṃ ca sohaṃ bhāvanayā japet // ### [1.13.41](https://indike.org/pramana/in.purana.siva.1.13.41) / tāneva brahmaraṃdhrādau kāyādbāhye ca bhāvayet // / mahattattvaṃ samārabhya śarīraṃ tu sahasrakam // ### [1.13.42](https://indike.org/pramana/in.purana.siva.1.13.42) / ekaikasmājjapādekamatikramya śanaiḥ śanaiḥ // / parasminyojayejjīvaṃ japatattvamudāhṛtam // ### [1.13.43](https://indike.org/pramana/in.purana.siva.1.13.43) / śatadvidaśakaṃ dehaṃ śikhāṣṭakasamanvitam // / maṃtrāṇāṃ japa evaṃ hi japamādikramādviduḥ // ### [1.13.44](https://indike.org/pramana/in.purana.siva.1.13.44) / sahasraṃ brāhmadaṃ vidyācchatamaiṃdrapradaṃ viduḥ // / itarattvātmarakṣārthaṃ brahmayoniṣu jāyate // ### [1.13.45](https://indike.org/pramana/in.purana.siva.1.13.45) / divākaramupasthāya nityamitthaṃ samācaret // / lakṣadvādaśayuktastu pūrṇabrāhmaṇa īritaḥ // ### [1.13.46](https://indike.org/pramana/in.purana.siva.1.13.46) / gāyatryā lakṣahīnaṃ tu vedakāryena yojayet // / āsaptatestu niyamaṃ paścātpravrājanaṃ caret // ### [1.13.47](https://indike.org/pramana/in.purana.siva.1.13.47) / prātardvādaśasāhasraṃ pravrājīpraṇavaṃ japet // / dine dine tvatikrāṃte nityamevaṃ kramājjapet // ### [1.13.48](https://indike.org/pramana/in.purana.siva.1.13.48) / māsādau kramaśo 'tīte sārdhalakṣajapena hi // / ata ūrdhvamatikrāṃte punaḥ praiṣaṃ samācaret // ### [1.13.49](https://indike.org/pramana/in.purana.siva.1.13.49) / evaṃ kṛtvā doṣaśāṃtiranyathā rauravaṃ vrajet // / dharmārthayostato yatnaṃ kuryātkāmī na cetaraḥ // ### [1.13.50](https://indike.org/pramana/in.purana.siva.1.13.50) / brāhmaṇo muktikāmaḥ syādbrahmajñānaṃ sadābhyaset // / dharmādartho 'rthato bhogo bhogādvairāgyasaṃbhavaḥ // ### [1.13.51](https://indike.org/pramana/in.purana.siva.1.13.51) / dharmārjitārthabhogena vairāgyamupajāyate // / viparītārthabhogena rāga eva prajāyate // ### [1.13.52](https://indike.org/pramana/in.purana.siva.1.13.52) / dharmaśca dvividhaḥ prokto dravyadehadvayena ca // / dravyamijyādirūpaṃ syāttīrthasnānādi daihikam // ### [1.13.53](https://indike.org/pramana/in.purana.siva.1.13.53) / dhanena dhanamāpnoti tapasā divyarūpatām // / niṣkāmaḥ śuddhimāpnoti śuddhyā jñānaṃ na saṃśayaḥ // ### [1.13.54](https://indike.org/pramana/in.purana.siva.1.13.54) / kṛtādau hi tapaḥśloghyaṃ dravyadharmaḥ kalau yuge // / kṛtedhyānājjñānasiddhistretāyāṃ tapasā tathā // ### [1.13.55](https://indike.org/pramana/in.purana.siva.1.13.55) / dvāpare yajanājjñānaṃ pratimāpūjayā kalau // / yādṛśaṃ puṇyaṃ pāpaṃ vā tādṛśaṃ phalameva hi // ### [1.13.56](https://indike.org/pramana/in.purana.siva.1.13.56) / dravyadehāṃgabhedena nyūnavṛddhikṣayādikam // / adharmo hiṃsikārūpo dharmastu sukharūpakaḥ // ### [1.13.57](https://indike.org/pramana/in.purana.siva.1.13.57) / adharmādduḥkhamāpnoti dharmādvai sukhamedhate // / vidyādurvṛttito duḥkhaṃ sukhaṃ vidyātsuvṛttitaḥ // ### [1.13.58](https://indike.org/pramana/in.purana.siva.1.13.58) / dharmārjanamataḥ kuryādbhogamokṣaprasiddhaye // / sakuṭuṃbasya viprasya caturjanayutasya ca // ### [1.13.59](https://indike.org/pramana/in.purana.siva.1.13.59) / śatavarṣasya vṛttiṃ tu dadyāttadbrahmalokadam // / cāṃdrāyaṇasahasraṃ tu brahmalokapradaṃ viduḥ // ### [1.13.60](https://indike.org/pramana/in.purana.siva.1.13.60) / sahasrasya kuṭuṃbasya pratiṣṭhāṃ kṣatriyaścaret // / iṃdralokapradaṃ vidyādayutaṃ brahmalokadam // ### [1.13.61](https://indike.org/pramana/in.purana.siva.1.13.61) / yāṃ devatāṃ puraskṛtya dānamācarate naraḥ // / tattallokamavāpnoti iti vedavido viduḥ // ### [1.13.62](https://indike.org/pramana/in.purana.siva.1.13.62) / arthahīnaḥ sadā kuryāttapasā mārjanaṃ tathā // / tīrthācca tapasā prāpyaṃ sukhamakṣayyamaśnute // ### [1.13.63](https://indike.org/pramana/in.purana.siva.1.13.63) / arthārjanamatho vakṣye nyāyataḥ susamāhitaḥ // / kṛtātpratigrahāccaiva yājanācca viśuddhitaḥ // ### [1.13.64](https://indike.org/pramana/in.purana.siva.1.13.64) / adainyādanatikleśādbrāhmaṇo dhanamarjayet // / kṣatriyo bāhuvīryeṇa kṛṣigorakṣaṇādviśaḥ // ### [1.13.65](https://indike.org/pramana/in.purana.siva.1.13.65) / nyāyārjitasya vittasya dānātsiddhiṃ samaśnute // / jñānasiddhyā mokṣasiddhiḥ sarveṣāṃ gurvanugrahāt // ### [1.13.66](https://indike.org/pramana/in.purana.siva.1.13.66) / mokṣātsvarūpasiddhiḥ syātparānandaṃ samaśnute // / satsaṃgātsarvametadvai narāṇāṃ jāyate dvijāḥ // ### [1.13.67](https://indike.org/pramana/in.purana.siva.1.13.67) / dhanadhānyādikaṃ sarvaṃ deyaṃ vai gṛhamedhinā // / yadyatkāle vastujātaṃ phalaṃ vā dhānyameva ca // ### [1.13.68](https://indike.org/pramana/in.purana.siva.1.13.68) / tattatsarvaṃ brāhmaṇebhyo deyaṃ vai hitamicchatā // / jalaṃ caiva sadā deyamannaṃ kṣudvyādhiśāṃtaye // ### [1.13.69](https://indike.org/pramana/in.purana.siva.1.13.69) / kṣetraṃ dhānyaṃ tathā ' 'mānnamannamevaṃ caturvidham // / yāvatkālaṃ yadannaṃ vai bhuktvā śravaṇamedhate // ### [1.13.70](https://indike.org/pramana/in.purana.siva.1.13.70) / tāvatkṛtasya puṇyasya tvardhaṃ dāturna saṃśayaḥ // / grahītāhigṛhītasya dānādvai tapasā tathā // ### [1.13.71](https://indike.org/pramana/in.purana.siva.1.13.71) / pāpasaṃśodhanaṃ kuryādanyathā rauravaṃ vrajet // / ātmavittaṃ tridhā kuryāddharmavṛddhyātmabhogataḥ // ### [1.13.72](https://indike.org/pramana/in.purana.siva.1.13.72) / nityaṃ naimittakaṃ kāmyaṃ karma kuryāttu dharmataḥ // / vittasya vardhanaṃ kuryādvṛddhyaṃśena hi sādhakaḥ // ### [1.13.73](https://indike.org/pramana/in.purana.siva.1.13.73) / hitena mitame dhyena bhogaṃ bhogāṃśataścaret // / kṛṣyarjite daśāṃśaṃ hi deyaṃ pāpasya śuddhaye // ### [1.13.74](https://indike.org/pramana/in.purana.siva.1.13.74) / śeṣeṇa kuryāddharmādi anyathā rauravaṃ vrajet // / athavā pāpabuddhiḥ syātkṣayaṃ vā satyameṣyati // ### [1.13.75](https://indike.org/pramana/in.purana.siva.1.13.75) / vṛddhivāṇijyake deyaṣṣaḍaṃśo hi vicakṣaṇaiḥ // / śuddhapratigrahe deyaścaturthāṃśo dvijottamaiḥ // ### [1.13.76](https://indike.org/pramana/in.purana.siva.1.13.76) / akasmādutthite 'rthe hi deyamardhaṃ dvijottamaiḥ // / asatpratigrahasarvaṃ durdānaṃ sāgare kṣipet // ### [1.13.77](https://indike.org/pramana/in.purana.siva.1.13.77) / āhūya dānaṃ kartavyamātmabhogasamṛddhaye // / pṛṣṭaṃ sarvaṃ sadā deyamātmaśaktyanusārataḥ // ### [1.13.78](https://indike.org/pramana/in.purana.siva.1.13.78) / janmāṃtare ṛṇī hi syādadatte pṛṣṭavastuni // / pareṣāṃ ca tathā doṣaṃ na praśaṃsedvicakṣaṇaḥ // ### [1.13.79](https://indike.org/pramana/in.purana.siva.1.13.79) / viśeṣeṇa tathābrahmañchrutaṃ dṛṣṭaṃ ca no vadet // / na vadetsarvajaṃtūnāṃ hṛdi roṣakaraṃ budhaḥ // ### [1.13.80](https://indike.org/pramana/in.purana.siva.1.13.80) / saṃdhyayoragnikāryaṃ ca kuryādaiśvaryasiddhaye // / aśaktastvekakāle vā sūryāgnī ca yathāvidhi // ### [1.13.81](https://indike.org/pramana/in.purana.siva.1.13.81) / taṃḍulaṃ dhānyamājyaṃ vā phalaṃ kaṃdaṃ havistathā // / sthālīpākaṃ tathā kuryādyathānyāyaṃ yathāvidhi // ### [1.13.82](https://indike.org/pramana/in.purana.siva.1.13.82) / pradhānahomamātraṃ vā havyābhāve samācaret // / nityasaṃdhānamityuktaṃ tamajasraṃ vidurbudhāḥ // ### [1.13.83](https://indike.org/pramana/in.purana.siva.1.13.83) / athavā japamātraṃ vā sūryavaṃdanameva ca // / evamātmārthinaḥ kuryurarthārthī ca yathāvidhi // ### [1.13.84](https://indike.org/pramana/in.purana.siva.1.13.84) / brahmayajñaratā nityaṃ devapūjāratāstathā // / agnipūjāparā nityaṃ gurupūjāratāstathā // ### [1.13.85](https://indike.org/pramana/in.purana.siva.1.13.85) / brāhmaṇānāṃ tṛptikarāḥ sarve svargasya bhāginaḥ // ### [1.13.85.p1](https://indike.org/pramana/in.purana.siva.1.13.85.p1) iti śrīśivamahāpurāṇe vidyeśvarasaṃhitāyāṃ trayodaśo 'dhyāyaḥ ### [1.13.85.p2](https://indike.org/pramana/in.purana.siva.1.13.85.p2) Chapter 14 ṛṣaya ūcuḥ agniyajñadevayajñaṃ brahmayajñaṃ tathaiva ca // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.13.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.13.1) — Sanskrit ## Linked texts (1) - [Jayasīṃhakalpadruma](https://indike.org/pramana/in.niti.dharma.nibandha.mahanibandha.jayasimhakalpadruma.9.p3.2) — Ratnākara 1688, Sanskrit --- Source: [https://indike.org/pramana/in.purana.siva.1.13](https://indike.org/pramana/in.purana.siva.1.13) · Pramāṇa