[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.14 # Shivapurana 1.14 Śivapurāṇa 1.14 - **Language:** Sanskrit ## Contents - [1.14.46](https://indike.org/pramana/in.purana.siva.1.14.46) — 2 parts ### [1.14.1](https://indike.org/pramana/in.purana.siva.1.14.1) / gurupūjāṃ brahmatṛptiṃ krameṇa brūhi naḥ prabho // / sūta uvāca agnau juhoti yaddravyamagniyajñaḥ sa ucyate // ### [1.14.2](https://indike.org/pramana/in.purana.siva.1.14.2) / brahmacaryāśramasthānāṃ samidādhānameva hi // / samidagrau vratādyaṃ ca viśeṣayajanādikam // ### [1.14.3](https://indike.org/pramana/in.purana.siva.1.14.3) / prathamāśramiṇāmevaṃ yāvadaupāsanaṃ dvijāḥ // / ātmanyāropitāgnīnāṃ vanināṃ yatināṃ dvijāḥ // ### [1.14.4](https://indike.org/pramana/in.purana.siva.1.14.4) / hitaṃ ca mitamedhyānnaṃ svakāle bhojanaṃ hutiḥ // / aupāsanāgnisaṃdhānaṃ samārabhya surakṣitam // ### [1.14.5](https://indike.org/pramana/in.purana.siva.1.14.5) / kuṃḍe vāpyatha bhāṃḍe vā tadajasraṃ samīritam // / agnimātmanyaraṇyāṃ vā rājadaivavaśāddhruvam // ### [1.14.6](https://indike.org/pramana/in.purana.siva.1.14.6) / agnityāgabhayāduktaṃ samāropitamucyate // / saṃpatkarī tathā jñeyā sāyamagnyāhutirdvijāḥ // ### [1.14.7](https://indike.org/pramana/in.purana.siva.1.14.7) / āyuṣkarīti vijñeyā prātaḥ sūryāhutistathā // / agniyajño hyayaṃ prokto divā sūryaniveśanāt // ### [1.14.8](https://indike.org/pramana/in.purana.siva.1.14.8) / iṃdrādīnsakalāndevānuddiśyāgnau juhotiyat // / devayajñaṃ hi taṃ vidyātsthālīpākādikānkratūn // ### [1.14.9](https://indike.org/pramana/in.purana.siva.1.14.9) / caulādikaṃ tathā jñeyaṃ laukikāgnau pratiṣṭhitam // / brahmayajñaṃ dvijaḥ kuryāddevānāṃ tṛptaye sakṛt // ### [1.14.10](https://indike.org/pramana/in.purana.siva.1.14.10) / brahmayajña iti prokto vedasyā 'dhyayanaṃ bhavet // / nityānaṃtaramāsoyaṃ tatastu na vidhīyate // ### [1.14.11](https://indike.org/pramana/in.purana.siva.1.14.11) / anagnau devayajanaṃ śṛṇuta śraddhayādarāt // / ādisṛṣṭau mahādevaḥ sarvajñaḥ karuṇākaraḥ // ### [1.14.12](https://indike.org/pramana/in.purana.siva.1.14.12) / sarvalokopakārārthaṃ vārānkalpitavānprabhuḥ // / saṃsāravaidyaḥ sarvajñaḥ sarvabheṣajabheṣajam // ### [1.14.13](https://indike.org/pramana/in.purana.siva.1.14.13) / ādāvārogyadaṃ vāraṃ svavāraṃ kṛtavānprabhuḥ // / saṃpatkāraṃ svamāyāyā varaṃ ca kṛtavāṃstataḥ // ### [1.14.14](https://indike.org/pramana/in.purana.siva.1.14.14) / janane durgatikrāṃte kumārasya tataḥ param // / ālasyaduritakrāṃtyai vāraṃ kalpitavānprabhuḥ // ### [1.14.15](https://indike.org/pramana/in.purana.siva.1.14.15) / rakṣakasya tathā viṣṇorlokānāṃ hitakāmyayā // / puṣṭyarthaṃ caiva rakṣārthaṃ vāraṃ kalpitavānprabhuḥ // ### [1.14.16](https://indike.org/pramana/in.purana.siva.1.14.16) / āyuṣkaraṃ tato vāramāyuṣāṃ kartureva hi // / trailokyasṛṣṭikarturhi brahmaṇaḥ parameṣṭhinaḥ // ### [1.14.17](https://indike.org/pramana/in.purana.siva.1.14.17) / jagadāyuṣyasiddhyarthaṃ vāraṃ kalpitavānprabhuḥ // / ādau trailokyavṛddhyarthaṃ puṇyapāpe prakalpite // ### [1.14.18](https://indike.org/pramana/in.purana.siva.1.14.18) / tayoḥ kartrostato vāramiṃdrasya ca yamasya ca // / bhogapradaṃ mṛtyuharaṃ lokānāṃ ca prakalpitam // ### [1.14.19](https://indike.org/pramana/in.purana.siva.1.14.19) / ādityādīnsvasvarūpānsukhaduḥkhasya sūcakān // / vāreśānkalpayitvādau jyotiścakrepratiṣṭhitān // ### [1.14.20](https://indike.org/pramana/in.purana.siva.1.14.20) / svasvavāre tu teṣāṃ tu pūjā svasvaphalapradā // / ārogyaṃ saṃpadaścaiva vyādhīnāṃ śāṃtireva ca // ### [1.14.21](https://indike.org/pramana/in.purana.siva.1.14.21) / puṣṭirāyustathā bhogo mṛterhāniryathākramam // / vārakramaphalaṃ prāhurdevaprītipuraḥsaram // ### [1.14.22](https://indike.org/pramana/in.purana.siva.1.14.22) / anyeṣāmapi devānāṃ pūjāyāḥ phaladaḥ śivaḥ // / devānāṃ prītaye pūjāpañcadhaiva prakalpitā // ### [1.14.23](https://indike.org/pramana/in.purana.siva.1.14.23) / tattanmaṃtrajapo homo dānaṃ caiva tapastathā // / sthaṃḍile pratimāyāṃ ca hyagnau brāhmaṇavigrahe // ### [1.14.24](https://indike.org/pramana/in.purana.siva.1.14.24) / samārādhanamityevaṃ ṣoḍaśairupacārakaiḥ // / uttarottaravaiśiṣṭyātpūrvābhāve tathottaram // ### [1.14.25](https://indike.org/pramana/in.purana.siva.1.14.25) / netrayoḥ śiraso roge tathā kuṣṭhasya śāṃtaye // / ādityaṃ pūjayitvā tu brāhmaṇānbhojayettataḥ // ### [1.14.26](https://indike.org/pramana/in.purana.siva.1.14.26) / dinaṃ māsaṃ tathā varṣaṃ varṣatrayamathavāpi vā // / prārabdhaṃ prabalaṃ cetsyānnaśyedrogajarādikam // ### [1.14.27](https://indike.org/pramana/in.purana.siva.1.14.27) / japādyamiṣṭadevasya vārādīnāṃ phalaṃ viduḥ // / pāpaśāṃtirviśeṣeṇa hyādivāre nivedayet // ### [1.14.28](https://indike.org/pramana/in.purana.siva.1.14.28) / ādityasyaiva devānāṃ brāhmaṇānāṃ viśiṣṭadam // / somavāre ca lakṣmyādīnsaṃpadarthaṃ yajedbudhaḥ // ### [1.14.29](https://indike.org/pramana/in.purana.siva.1.14.29) / ājyānnena tathā viprānsapatnīkāṃśca bhojayet // / kālyādīnbhauma vāre tu yajedrogapraśāṃtaye // ### [1.14.30](https://indike.org/pramana/in.purana.siva.1.14.30) / māṣamudgāḍhakānnena brahmaṇāṃścaiva bhojayet // / saumyavāre tathā viṣṇuṃ dadhyannena yajedbudhaḥ // ### [1.14.31](https://indike.org/pramana/in.purana.siva.1.14.31) / putramitrakalatrādipuṣṭirbhavati sarvadā // / āyuṣkāmo gurorvāre devānāṃ puṣṭisiddhaye // ### [1.14.32](https://indike.org/pramana/in.purana.siva.1.14.32) / upavītena vastreṇa kṣīrājyena yajedbudhaḥ // / bhogārthaṃ bhṛgavāre tu yajeddevānsamāhitaḥ // ### [1.14.33](https://indike.org/pramana/in.purana.siva.1.14.33) / ṣaḍrasopetamannaṃ ca dadyādbrāhmaṇatṛptaye // / strīṇāṃ ca tṛptaye tadvaddeyaṃ vastrādikaṃ śubham // ### [1.14.34](https://indike.org/pramana/in.purana.siva.1.14.34) / apamṛtyuhare maṃde rudrādrīṃśca yajedbudhaḥ // / tilahomena dānena tilānnena ca bhojayet // ### [1.14.35](https://indike.org/pramana/in.purana.siva.1.14.35) / itthaṃ yajecca vibudhānārogyādiphalaṃ labhet // / devānāṃ nityayajane viśeṣayajanepi ca // ### [1.14.36](https://indike.org/pramana/in.purana.siva.1.14.36) / snāne dāne jape home brāhmaṇānāṃ ca tarpaṇe // / tithinakṣatrayoge ca tattaddevaprapūjane // ### [1.14.37](https://indike.org/pramana/in.purana.siva.1.14.37) / ādivārādivāreṣu sarvajño jagadīśvaraḥ // / tatadrūpeṇa sarveṣāmārogyādiphalapradaḥ // ### [1.14.38](https://indike.org/pramana/in.purana.siva.1.14.38) / deśakālānusāreṇa tathā pātrānusārataḥ // / dravyaśraddhānusāreṇa tathā lokānusārataḥ // ### [1.14.39](https://indike.org/pramana/in.purana.siva.1.14.39) / tāratamyakramāddevastvārogyādīnprayacchati // / śubhādāvaśubhāṃte ca janmarkṣeṣu gṛhe gṛhī // ### [1.14.40](https://indike.org/pramana/in.purana.siva.1.14.40) / ārogyādisamṛddhyarthamādityādīngrahānyajet // / tasmādvai devayajanaṃ sarvābhīṣṭaphalapradam // ### [1.14.41](https://indike.org/pramana/in.purana.siva.1.14.41) / samaṃtrakaṃ brāhmaṇānāmanyeṣāṃ caiva tāṃtrikam // / yathāśaktyānurūpeṇa kartavyaṃ sarvadā naraiḥ // ### [1.14.42](https://indike.org/pramana/in.purana.siva.1.14.42) / saptasvapi ca vāreṣu naraiḥ śubhaphalepsubhiḥ // / daridrastapasā devānyajedāḍhyo dhanena hi // ### [1.14.43](https://indike.org/pramana/in.purana.siva.1.14.43) / punaścaivaṃvidhaṃ dharmaṃ kurute śraddhayā saha // / punaśca bhogānvividhānbhuktvā bhūmau prajāyate // ### [1.14.44](https://indike.org/pramana/in.purana.siva.1.14.44) / chāyāṃ jalāśayaṃ brahmapratiṣṭhāṃ dharmasaṃcayam // / sarvaṃ ca vittavānkuryātsadā bhogaprasiddhaye // ### [1.14.45](https://indike.org/pramana/in.purana.siva.1.14.45) / kālācca puṇyapākena jñānasiddhiḥ prajāyate // / ya imaṃ śṛṇute 'dhyāyaṃ paṭhate vā naro dvijāḥ // ### [1.14.46](https://indike.org/pramana/in.purana.siva.1.14.46) / śravaṇasyopakartā ca devayajñaphalaṃ labhet // ### [1.14.46.p1](https://indike.org/pramana/in.purana.siva.1.14.46.p1) iti śrīśivamahāpurāṇe vidyeśvarasaṃhitāyāṃ caturdaśo 'dhyāyaḥ ### [1.14.46.p2](https://indike.org/pramana/in.purana.siva.1.14.46.p2) Chapter 15 ṛṣaya ūcuḥ deśādīnkramaśo brūhi sūta sarvārthavittam // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.14.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.14.1) — Sanskrit --- Source: [https://indike.org/pramana/in.purana.siva.1.14](https://indike.org/pramana/in.purana.siva.1.14) · Pramāṇa