[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.16 # Shivapurana 1.16 Śivapurāṇa 1.16 - **Language:** Sanskrit ## Contents - [1.16.117](https://indike.org/pramana/in.purana.siva.1.16.117) — 1 part ### [1.16.1](https://indike.org/pramana/in.purana.siva.1.16.1) / yena pūjāvidhānena sarvābhiṣṭamavāpyate // / sūta uvāca susādhupṛṣṭaṃ yuṣmābhiḥ sadā sarvārthadāyakam // ### [1.16.2](https://indike.org/pramana/in.purana.siva.1.16.2) / sadyo duḥkhasya śamanaṃ śṛṇuta prabravīmi vaḥ // / apamṛtyuharaṃ kālamṛtyoścāpi vināśanam // ### [1.16.3](https://indike.org/pramana/in.purana.siva.1.16.3) / sadyaḥ kalatraputrādidhanadhānyapradaṃ dvijāḥ // / annādibhojyaṃ vastrādisarvamutpadyate yataḥ // ### [1.16.4](https://indike.org/pramana/in.purana.siva.1.16.4) / tato mṛdādipratimāpūjābhīṣṭapradā bhuvi // / puruṣāṇāṃ ca nārīṇāmadhikārotra niścitam // ### [1.16.5](https://indike.org/pramana/in.purana.siva.1.16.5) / nadyāṃ taḍāge kūpe vā jalāṃtarmṛdamāharet // / saṃśodhya gaṃdhacūrṇena peṣayitvā sumaṃḍape // ### [1.16.6](https://indike.org/pramana/in.purana.siva.1.16.6) / hastena pratimāṃ kuryātkṣīreṇa ca susaṃskṛtām // / aṃgapratyaṃgakopetāmāyudhaiśca samanvitām // ### [1.16.7](https://indike.org/pramana/in.purana.siva.1.16.7) / padmāsanasthitāṃ kṛtvā pūjayedādareṇa hi // / vighneśādityaviṣṇūnāmaṃbāyāśca śivasya ca // ### [1.16.8](https://indike.org/pramana/in.purana.siva.1.16.8) / śivasyaśivaliṃgaṃ ca sarvadā pūjayeddvija // / ṣoḍaśairupacāraiśca kuryāttatphalasiddhaye // ### [1.16.9](https://indike.org/pramana/in.purana.siva.1.16.9) / puṣpeṇa prokṣaṇaṃ kuryādabhiṣekaṃ samaṃtrakam // / śālyannenaiva naivedyaṃ sarvaṃ kuḍavamānataḥ // ### [1.16.10](https://indike.org/pramana/in.purana.siva.1.16.10) / gṛhe tu kuḍavaṃ jñeyaṃ mānuṣe prasthamiṣyate // / daive prasthatrayaṃ yogyaṃ svayaṃbhoḥ prasthapañcakam // ### [1.16.11](https://indike.org/pramana/in.purana.siva.1.16.11) / evaṃ pūrṇaphalaṃ vidyādadhikaṃ vai dvayaṃ trayam // / sahasrapūjayā satyaṃ satyalokaṃ labheddvijaḥ // ### [1.16.12](https://indike.org/pramana/in.purana.siva.1.16.12) / dvādaśāṃgulamāyāmaṃ dviguṇaṃ ca tato 'dhikam // / pramāṇamaṃgulasyaikaṃ tadūrdhvaṃ pañcakatrayam // ### [1.16.13](https://indike.org/pramana/in.purana.siva.1.16.13) / ayodārukṛtaṃ pātraṃ śivamityucyate budhaiḥ // / tadaṣṭabhāgaḥ prasthaḥ syāttaccatuḥkuḍavaṃ matam // ### [1.16.14](https://indike.org/pramana/in.purana.siva.1.16.14) / daśaprasthaṃ śataprasthaṃ sahasraprasthameva ca // / jalatailādigaṃdhānāṃ yathāyogyaṃ ca mānataḥ // ### [1.16.15](https://indike.org/pramana/in.purana.siva.1.16.15) / mānuṣārṣasvayaṃbhūnāṃ mahāpūjeti kathyate // / abhiṣekādātmaśuddhirgaṃdhātpuṇyamavāpyate // ### [1.16.16](https://indike.org/pramana/in.purana.siva.1.16.16) / āyustṛptiśca naivedyāddhūpādarthamavāpyate // / dīpājjñānamavāpnoti tāṃbūlādbhogamāpnuyāt // ### [1.16.17](https://indike.org/pramana/in.purana.siva.1.16.17) / tasmātsnānādikaṃ ṣaṭkaṃ prayatnena prasādhayet // / namaskāro japaścaiva sarvābhīṣṭapradāvubhau // ### [1.16.18](https://indike.org/pramana/in.purana.siva.1.16.18) / pūjānte ca sadākāryau bhogamokṣārthibhirnaraiḥ // / saṃpūjya manasā pūrvaṃ kuryāttattatsadā naraḥ // ### [1.16.19](https://indike.org/pramana/in.purana.siva.1.16.19) / devānāṃ pūjayā caiva tattallokamavāpnuyāt // / tadavāṃtaraloke ca yatheṣṭaṃ bhogyamāpyate // ### [1.16.20](https://indike.org/pramana/in.purana.siva.1.16.20) / tadviśeṣānpravakṣyāmi śṛṇuta śraddhayā dvijāḥ // / vighneśapūjayā samyagbhūrloke 'bhīṣṭamāpnuyāt // ### [1.16.21](https://indike.org/pramana/in.purana.siva.1.16.21) / śukravāre caturthyāṃ ca site śrāvaṇabhādrake // / bhiṣagṛkṣe dhanurmāse vighneśaṃ vidhivadyajet // ### [1.16.22](https://indike.org/pramana/in.purana.siva.1.16.22) / śataṃ pūjāsahasraṃ vā tatsaṃkhyākadinairvrajet // / devāgniśraddhayā nityaṃ putradaṃ ceṣṭadaṃ nṛṇām // ### [1.16.23](https://indike.org/pramana/in.purana.siva.1.16.23) / sarvapāpapraśamanaṃ tattadduritanāśanam // / vārapūjāṃśivādīnāmātmaśuddhipradāṃ viduḥ // ### [1.16.24](https://indike.org/pramana/in.purana.siva.1.16.24) / tīthinakṣatrayogānāmādhāraṃ sārvakāmikam // / tathā bṛddhikṣayābhāvātpūrṇabrahmātmakaṃ viduḥ // ### [1.16.25](https://indike.org/pramana/in.purana.siva.1.16.25) / udayādudayaṃ vāro brahmaprabhṛti karmaṇām // / tithyādau devapūjā hi pūrṇabhogapradā nṛṇām // ### [1.16.26](https://indike.org/pramana/in.purana.siva.1.16.26) / pūrvabhāgaḥ pitḥṇāṃ tu niśi yuktaḥ praśasyate // / parabhāgastu devānāṃ divā yuktaḥ praśāsyate // ### [1.16.27](https://indike.org/pramana/in.purana.siva.1.16.27) / udayavyāpinī grāhyā madhyāhne yadi sā tithiḥ // / devakārye tathā grāhyāsthiti ṛkṣādikāḥ śubhāḥ // ### [1.16.28](https://indike.org/pramana/in.purana.siva.1.16.28) / samyagvicārya vārādīnkuryātpūjājapādikam // / pūjāryate hyaneneti vedeṣvarthasya yojanā // ### [1.16.29](https://indike.org/pramana/in.purana.siva.1.16.29) / pūrṇabhogaphalasiddhiśca jāyate tena karmaṇā // / manobhāvāṃstathā jñānamiṣṭabhogārthayojanāt // ### [1.16.30](https://indike.org/pramana/in.purana.siva.1.16.30) / pūjāśabdartha evaṃ hi viśruto lokavedayoḥ // / nityanaimittikaṃ kālātsadyaḥ kāmye svanuṣṭhite // ### [1.16.31](https://indike.org/pramana/in.purana.siva.1.16.31) / nityaṃ māsaṃ ca pakṣaṃ ca varṣaṃ caiva yathākramam // / tattatkarmaphalaprāptistādṛkpāpakṣayaḥ kramāt // ### [1.16.32](https://indike.org/pramana/in.purana.siva.1.16.32) / mahāgaṇapateḥ pūjā caturthyāṃ kṛṣṇapakṣake // / pakṣapāpakṣayakarī pakṣabhogaphalapradā // ### [1.16.33](https://indike.org/pramana/in.purana.siva.1.16.33) / caitre caturthyāṃ pūjā ca kṛtā māsaphalapradā // / varṣabhogapradā jñeyā kṛtā vai siṃhabhādrake // ### [1.16.34](https://indike.org/pramana/in.purana.siva.1.16.34) / śravaṇyādityavāre ca saptamyāṃ hastabhe dine // / māghaśukle ca saptamyāmādityayajanaṃ caret // ### [1.16.35](https://indike.org/pramana/in.purana.siva.1.16.35) / jyeṣṭhabhādrakasaumye ca dvādaśyāṃ śravarṇakṣake // / dvādaśyāṃ viṣṇuyajanamiṣṭaṃsaṃpatkaraṃ viduḥ // ### [1.16.36](https://indike.org/pramana/in.purana.siva.1.16.36) / śrāvaṇe viṣṇuyajanamiṣṭārogyapradaṃ bhavet // / gavādīndvādaśānarthānsāṃgāndatvā tu yatphalam // ### [1.16.37](https://indike.org/pramana/in.purana.siva.1.16.37) / tatphalaṃ samavāpnoti dvādaśyāṃ viṣṇutarpaṇāt // / dvādaśyāṃ dvādaśānviprānviṣṇordvādaśanāmataḥ // ### [1.16.38](https://indike.org/pramana/in.purana.siva.1.16.38) / ṣoḍaśairupacāraiśca yajettatprītimāpnuyāt // / evaṃ ca sarvadevānāṃ tattaddvādaśanāmakaiḥ // ### [1.16.39](https://indike.org/pramana/in.purana.siva.1.16.39) / dvādaśabrahmayajanaṃ tattatprītikaraṃ bhavet // / karkaṭe somavāre ca navamyāṃ mṛgaśīrṣake // ### [1.16.40](https://indike.org/pramana/in.purana.siva.1.16.40) / aṃbāṃ yajedbhūtikāmaḥ sarvabhogaphalapradām // / āśvayukchuklanavamī sarvābhīṣṭaphalapradā // ### [1.16.41](https://indike.org/pramana/in.purana.siva.1.16.41) / ādivāre caturdaśyāṃ kṛṣṇapakṣe viśeṣataḥ // / ārdrāyāṃ ca mahārdrāyāṃ śivapūjā viśiṣyate // ### [1.16.42](https://indike.org/pramana/in.purana.siva.1.16.42) / māghakṛṣṇacaturdaśyāṃ sarvābhīṣṭaphalapradā // / āyuṣkarī mṛtyuharā sarvasiddhikarī nṛṇām // ### [1.16.43](https://indike.org/pramana/in.purana.siva.1.16.43) / jyeṣṭhamāse mahārdrāyāṃ caturdaśīdinepi ca // / mārgaśīrṣārdrakāyāṃ vā ṣoḍaśairupacārakaiḥ // ### [1.16.44](https://indike.org/pramana/in.purana.siva.1.16.44) / tattanmūrtiśivaṃ pūjya tasya vai pādadarśanam // / śivasya yajanaṃ jñeyaṃ bhogamokṣapradaṃ nṛṇām // ### [1.16.45](https://indike.org/pramana/in.purana.siva.1.16.45) / vārādidevayajanaṃ kārtike hi viśiṣyate // / kārtike māsi saṃprāpte sarvāndevānyajedbudhaḥ // ### [1.16.46](https://indike.org/pramana/in.purana.siva.1.16.46) / dānena tapasā homairjapena niyamena ca // / ṣoḍaśairupacāraiśca pratimā vipramaṃtrakaiḥ // ### [1.16.47](https://indike.org/pramana/in.purana.siva.1.16.47) / brāhmaṇānāṃ bhojanena niṣkāmārtikaro bhavet // / kārtike devayajanaṃ sarvabhogapradaṃ bhavet // ### [1.16.48](https://indike.org/pramana/in.purana.siva.1.16.48) / vyādhīnāṃ haraṇaṃ caiva bhavedbhūtagrahakṣayaḥ // / kārtikādityavāreṣu nṛṇāmādityapūjanāt // ### [1.16.49](https://indike.org/pramana/in.purana.siva.1.16.49) / tailakārpāsadānāttu bhavetkuṣṭhādisaṃkṣayaḥ // / harītakīmarīcīnāṃ vastrakṣīrādidānataḥ // ### [1.16.50](https://indike.org/pramana/in.purana.siva.1.16.50) / brahmapratiṣṭhayā caiva kṣayarogakṣayo bhavet // / dīpasarṣapadānācca apasmārakṣayo bhavet // ### [1.16.51](https://indike.org/pramana/in.purana.siva.1.16.51) / kṛttikāsomavāreṣu śivasya yajanaṃ nṛṇām // / mahādāridryaśamanaṃ sarvasaṃpatkaraṃ bhavet // ### [1.16.52](https://indike.org/pramana/in.purana.siva.1.16.52) / gṛhakṣetrādidānācca gṛhopakaraṇādinā // / kṛttikābhaumavāreṣu skaṃdasya yajanānnṛṇām // ### [1.16.53](https://indike.org/pramana/in.purana.siva.1.16.53) / dīpaghaṃṭādidānādvai vāksiddhiracirādbhavet // / kṛttikāsaumyavāreṣu viṣṇorvai yajanaṃ nṛṇām // ### [1.16.54](https://indike.org/pramana/in.purana.siva.1.16.54) / dadhyodanasya dānaṃ ca satsaṃtānakaraṃ bhavet // / kṛtikāguruvāreṣu brahmaṇo yajanāddhanaiḥ // ### [1.16.55](https://indike.org/pramana/in.purana.siva.1.16.55) / madhusvarṇājyadānena bhogavṛddhirbhavennṛṇām // / kṛttikāśukravāreṣu gajakomeḍayājanāt 1 // ### [1.16.56](https://indike.org/pramana/in.purana.siva.1.16.56) / gaṃdhapuṣpānnadānena bhogyavṛddhirbhavennṛṇām // / vaṃdhyā suputraṃ labhate svarṇaraupyādidānataḥ // ### [1.16.57](https://indike.org/pramana/in.purana.siva.1.16.57) / kṛttikāśanivāreṣu dikpālānāṃ ca vaṃdanam // / diggajānāṃ ca nāgānāṃ setupānāṃ ca pūjanam // ### [1.16.58](https://indike.org/pramana/in.purana.siva.1.16.58) / gajakomeḍo gajavaktraḥ tryaṃbakasya ca rudrasya viṣṇoḥ pāpaharasya ca // / jñānadaṃ brahmaṇaścaiva dhanvaṃtaryaśvinostathā // ### [1.16.59](https://indike.org/pramana/in.purana.siva.1.16.59) / rogāpamṛtyuharaṇaṃ tatkālavyādhiśāṃtidam // / lavaṇāyasatailānāṃ māṣādīnāṃ ca dānataḥ // ### [1.16.60](https://indike.org/pramana/in.purana.siva.1.16.60) / trikaṭuphalagaṃdhānāṃ jalādīnāṃ ca dānataḥ // / dravāṇāṃ kaṭhinānāṃ ca prasthena palamānataḥ // ### [1.16.61](https://indike.org/pramana/in.purana.siva.1.16.61) / svargaprāptirdhanurmāse hyuṣaḥkāle ca pūjanam // / śivādīnāṃ ca sarveṣāṃ kramādvai sarvasiddhaye // ### [1.16.62](https://indike.org/pramana/in.purana.siva.1.16.62) / śālyannasya haviṣyasya naivedyaṃ śastamucyate // / vividhānnasya naivedyaṃ dhanurmāse viśiṣyate // ### [1.16.63](https://indike.org/pramana/in.purana.siva.1.16.63) / mārgaśīrṣe 'nnadasyaiva sarvamiṣṭaphalaṃ bhavet // / pāpakṣayaṃ ceṣṭasiddhiṃ cārogyaṃ dharmameva ca // ### [1.16.64](https://indike.org/pramana/in.purana.siva.1.16.64) / samyagvedaparijñānaṃ sadanuṣṭhānameva ca // / ihāmutra mahābhogānaṃte yogaṃ ca śāśvatam // ### [1.16.65](https://indike.org/pramana/in.purana.siva.1.16.65) / vedāṃtajñānasiddhiṃ ca mārgaśīrṣānnado labhet // / mārgaśīrṣe hyuṣaḥkāle dinatrayamathāpi vā // ### [1.16.66](https://indike.org/pramana/in.purana.siva.1.16.66) / yajeddevānbhogakāmo nādhanurmāsiko bhavet // / yāvatsaṃgavakālaṃ tu dhanurmāso vidhīyate // ### [1.16.67](https://indike.org/pramana/in.purana.siva.1.16.67) / dhanurmāse nirāhāro māsamātraṃ jiteṃdriyaḥ // / āmadhyāhnajapedvipro gāyatrīṃ vedamātaram // ### [1.16.68](https://indike.org/pramana/in.purana.siva.1.16.68) / pañcākṣarādikānmaṃtrānpaścādāsaptikaṃ japet // / jñānaṃ labdhvā ca dehāṃte vipro muktimavāpnuyāt // ### [1.16.69](https://indike.org/pramana/in.purana.siva.1.16.69) / anyeṣāṃ naranārīṇāṃ triḥsnānena japena ca // / sadā pañcākṣarasyaiva viśuddhaṃ jñānamāpyate // ### [1.16.70](https://indike.org/pramana/in.purana.siva.1.16.70) / iṣṭamantrānsadājaptvā mahāpāpakṣayaṃ labhet // / dhanurmāse viśeṣeṇa mahānaivedyamācaret // ### [1.16.71](https://indike.org/pramana/in.purana.siva.1.16.71) / śālitaṃḍulabhāreṇa marīcaprasthakena ca // / gaṇanāddvādaśaṃ sarvaṃ madhvājyakuḍavena hi // ### [1.16.72](https://indike.org/pramana/in.purana.siva.1.16.72) / droṇayuktena mudgena dvādaśavyaṃjanena ca // / ghṛtapakvairapūpaiśca modakaiḥ śālikādibhiḥ // ### [1.16.73](https://indike.org/pramana/in.purana.siva.1.16.73) / dvādaśaiśca dadhikṣīrairdvādaśaprasthakena ca // / nārikelaphalādīnāṃ tathā gaṇanayā saha // ### [1.16.74](https://indike.org/pramana/in.purana.siva.1.16.74) / dvādaśakramukairyuktaṃ ṣaṭtriṃśatpatrakairyutam // / karpūrakhuracūrṇena pañcasaugaṃdhikairyutam // ### [1.16.75](https://indike.org/pramana/in.purana.siva.1.16.75) / tāṃbūlayuktaṃ tu yadā mahānaivedyalakṣaṇam // / mahānaivedyametadvai devatārpaṇapūrvakam // ### [1.16.76](https://indike.org/pramana/in.purana.siva.1.16.76) / varṇānukramapūrveṇa tadbhaktebhyaḥ pradāpayet // / evaṃ caudananaivedyādbhūmau rāṣṭrapatirbhavet // ### [1.16.77](https://indike.org/pramana/in.purana.siva.1.16.77) / mahānaivedyadānena naraḥ svargamavāpnuyāt // / mahānaivedyadānena sahasreṇa dvijarṣabhāḥ // ### [1.16.78](https://indike.org/pramana/in.purana.siva.1.16.78) / satyaloke ca talloke pūrṇamāyuravāpnuyāt // / sahasrāṇāṃ ca triṃśatyā mahānaivedyadānataḥ // ### [1.16.79](https://indike.org/pramana/in.purana.siva.1.16.79) / tadūrdhvalokamāpyaiva na punarjanmabhāgbhavet // / sahasrāṇāṃ ca ṣaṭtriṃśajjanma naivedyamīritam // ### [1.16.80](https://indike.org/pramana/in.purana.siva.1.16.80) / tāvannaivedyadānaṃ tu mahāpūrṇaṃ taducyate // / mahāpūrṇasya naivedyaṃ janmanaivedyamiṣyate // ### [1.16.81](https://indike.org/pramana/in.purana.siva.1.16.81) / janmanaivedyadānena punarjanma na vidyate // / ūrje māsi dine puṇye janma naivedyamācaret // ### [1.16.82](https://indike.org/pramana/in.purana.siva.1.16.82) / saṃkrāṃtipātajanmarkṣapaurṇamāsyādisaṃyute // / abdajanmadine kuryājjanmanaivedyamuttamam // ### [1.16.83](https://indike.org/pramana/in.purana.siva.1.16.83) / māsāṃtareṣu janmarkṣapūrṇayogadinepi ca // / melanecaśanervāpitāvatsāhasramācaret // ### [1.16.84](https://indike.org/pramana/in.purana.siva.1.16.84) / janmanaivedyadānenajanmārpaṇaphalaṃlabhet // / janmārpaṇācchivaḥ prītiḥsvasāyujyaṃdadātihi // ### [1.16.85](https://indike.org/pramana/in.purana.siva.1.16.85) / idaṃtajjanmanaivedyaṃśivasyaivapradāpayet // / yoniliṃgasvarūpeṇaśivojanmānirūpakaḥ // ### [1.16.86](https://indike.org/pramana/in.purana.siva.1.16.86) / tasmājjanmanivṛttyarthaṃjanma pūjā śivasya hi // / biṃdunādātmakaṃsarvaṃjagatsthāvarajaṃgamam // ### [1.16.87](https://indike.org/pramana/in.purana.siva.1.16.87) / biṃduḥśaktiḥśivonādaḥśivaśaktyātmakaṃjagat // / nādādhāramidaṃbiṃdurbiṃdvādhāramidaṃ jagat // ### [1.16.88](https://indike.org/pramana/in.purana.siva.1.16.88) / jagadādhārabhūtauhibiṃdunādau vyavasthitau // / vindunādayutaṃsarvaṃsakalīkaraṇaṃbhavet // ### [1.16.89](https://indike.org/pramana/in.purana.siva.1.16.89) / sakalīkaraṇājjanmajagatprāpnotyasaṃśayaḥ // / biṃdunādātmakaṃliṃgaṃjagatkāraṇamucyate // ### [1.16.90](https://indike.org/pramana/in.purana.siva.1.16.90) / biṃdurdervīśivonādaḥśivaliṃgaṃtukathyate // / tasmājjanmanivṛttyarthaṃśivaliṃgaṃprapūjayet // ### [1.16.91](https://indike.org/pramana/in.purana.siva.1.16.91) / mātādevībiṃdurūpānādarūpaḥ śivaḥ pitā // / pūjitābhyāṃpitṛbhyāṃtuparamānaṃda eva hi // ### [1.16.92](https://indike.org/pramana/in.purana.siva.1.16.92) / paramānaṃdalābhārthaṃśivaliṃgaṃprapūjayet // / sādevījagatāṃmātāsaśivojagataḥ pitā // ### [1.16.93](https://indike.org/pramana/in.purana.siva.1.16.93) / pitroḥ śuśrūṣakenityaṃkṛpādhikyaṃ hi vardhate // / kṛpayāṃtargataiśvaryaṃpūjakasyadadātihi // ### [1.16.94](https://indike.org/pramana/in.purana.siva.1.16.94) / tasmādaṃtargatānaṃdalābhārthaṃmunipuṃgavāḥ // / pitṛmātṛsvarūpeṇaśivaliṃgaṃprapūjayet // ### [1.16.95](https://indike.org/pramana/in.purana.siva.1.16.95) / bhargaḥ puruṣarūpo hi bhargāprakṛtirucyate // / avyaktāṃtaradhiṣṭhānaṃ garbhaḥ puruṣa ucyate // ### [1.16.96](https://indike.org/pramana/in.purana.siva.1.16.96) / suvyaktāṃtaradhiṣṭhānaṃgarbhaḥ prakṛtirucyate // / puruṣatvādigarbhohigarbhavāñjanakoyataḥ // ### [1.16.97](https://indike.org/pramana/in.purana.siva.1.16.97) / puruṣātprakṛtoyuktaṃprathamaṃjanmakathyate // / prakṛtervyaktatāṃyātaṃdvitīyaṃ janma kathyate // ### [1.16.98](https://indike.org/pramana/in.purana.siva.1.16.98) / janmajaṃturmṛtyujanma puruṣātpratipadyate // / anyatobhāvyate 'vaśyaṃmāyayājanmakathyate // ### [1.16.99](https://indike.org/pramana/in.purana.siva.1.16.99) / jīryatejanmakālādyattasmājjīva iti smṛtaḥ // / janmatetanyate pāśairjīvaśabdārtha eva hi // ### [1.16.100](https://indike.org/pramana/in.purana.siva.1.16.100) / janmapāśanivṛttyarthaṃjanmaliṃgaṃprapūjayet // / bhaṃ vṛddhiṃ gacchatītyarthādbhagaḥprakṛtirucyate // ### [1.16.101](https://indike.org/pramana/in.purana.siva.1.16.101) / prākṛtaiḥ śabdamātrādyaiḥ prākṛteṃdriyabhojanāt // / bhagasyedaṃ bhogamiti śabdārtho mukhyataḥ śrutaḥ // ### [1.16.102](https://indike.org/pramana/in.purana.siva.1.16.102) / mukhyo bhagastu prakṛtirbhagavāñchiva ucyate // / bhagavānbhogadātāhinā 'nyobhogapradāyakaḥ // ### [1.16.103](https://indike.org/pramana/in.purana.siva.1.16.103) / bhagasvāmīcabhagavānbharga ityucyatebudhaiḥ // / bhagenasahitaṃliṃgaṃ bhagaṃliṃgenasaṃyutam // ### [1.16.104](https://indike.org/pramana/in.purana.siva.1.16.104) / ihāmutracabhogārthaṃnityabhogārthameva ca // / bhagavaṃtaṃmahādevaṃ śivaliṃgaṃprapūjayet // ### [1.16.105](https://indike.org/pramana/in.purana.siva.1.16.105) / lokaprasavitāsūryastaccihnaṃ prasavādbhavet // / liṃgeprasūtikartāraṃliṃginaṃpuruṣoyajet // ### [1.16\_2](https://indike.org/pramana/in.purana.siva.1.16_2) 106ab/ liṃgārthagamakaṃcihnaṃliṃgamityabhidhīyate // ### [1.16.106](https://indike.org/pramana/in.purana.siva.1.16.106) / liṃgamarthaṃhipuruṣaṃ śivaṃgamayatītyadaḥ // ### [1.16.107](https://indike.org/pramana/in.purana.siva.1.16.107) / śivaśaktyoścacihnasyamelanaṃliṃgamucyate // / svacihnapūjanātprītaścihnakāryaṃ na vīyate // ### [1.16.108](https://indike.org/pramana/in.purana.siva.1.16.108) / cihnakāryaṃtujanmādijanmādyaṃvinivartate // / prākṛtaiḥ puruṣaiścāpibāhyābhyaṃtarasaṃbhavaiḥ // ### [1.16.109](https://indike.org/pramana/in.purana.siva.1.16.109) / ṣoḍaśairupacāraiśca śivaliṃgaṃprapūjayet // / evamādityavārehipūjājanmanivartikā // ### [1.16.110](https://indike.org/pramana/in.purana.siva.1.16.110) / ādivāremahāliṃgaṃpraṇavenaivapūjayet // / ādivāre pañcagavyairabhiṣeko viśiṣyate // ### [1.16.111](https://indike.org/pramana/in.purana.siva.1.16.111) / gomayaṃgojalaṃkṣīraṃdadhyājyaṃ pañcagavyakam // / kṣīrādyaṃcapṛthakccaivamadhunācekṣusārakaiḥ // ### [1.16.112](https://indike.org/pramana/in.purana.siva.1.16.112) / gavyakṣīrānnanaivedyaṃpraṇavenaivakārayet // / praṇavaṃdhvaniliṃgaṃtunādaliṃgaṃsvayaṃbhuvaḥ // ### [1.16.113](https://indike.org/pramana/in.purana.siva.1.16.113) / biṃduliṃgaṃ tu yaṃtraṃsyānmakāraṃtupratiṣṭhitam // / ukāraṃcaraliṃgaṃsyādakāraṃguruvigraham // ### [1.16.114](https://indike.org/pramana/in.purana.siva.1.16.114) / ṣaḍliṃgapūjayānityaṃjīvanmuktonasaṃśayaḥ // / śivasyabhaktyāpūjā hi janmamuktikarīnṛṇām // ### [1.16.115](https://indike.org/pramana/in.purana.siva.1.16.115) / rudrākṣadhāraṇātpādamardhaṃ vaibhūtidhāraṇāt // / tripādaṃ maṃtrajāpyācca pūjayā pūrṇabhaktimān // ### [1.16.116](https://indike.org/pramana/in.purana.siva.1.16.116) / śivaliṃgaṃ ca bhaktaṃ ca pūjya mokṣaṃ labhennaraḥ // / ya imaṃ paṭhate 'dhyāyaṃ śṛṇuyādvā samāhitaḥ // ### [1.16.117](https://indike.org/pramana/in.purana.siva.1.16.117) / tasyaiva śivabhaktiśca vardhatesudṛḍhā dvijāḥ // / iti śrīśivamahāpurāṇe vidyeśvarasaṃhitāyāṃ ṣoḍaśo 'dhyāyaḥ ### [1.16.117.p1](https://indike.org/pramana/in.purana.siva.1.16.117.p1) Chapter 17 ṛṣaya ūcuḥ praṇavasyacamāhātmyaṃṣaḍliṃgasyamahāmune // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.16.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.16.56) — Sanskrit --- Source: [https://indike.org/pramana/in.purana.siva.1.16](https://indike.org/pramana/in.purana.siva.1.16) · Pramāṇa