[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.24 # Shivapurana 1.24 Śivapurāṇa 1.24 - **Language:** Sanskrit ## Contents - [1.24.116](https://indike.org/pramana/in.purana.siva.1.24.116) — 2 parts ### [1.24.1](https://indike.org/pramana/in.purana.siva.1.24.1) / tatprakāramahaṃvakṣyesāvadhānatayāśṛṇu // / ekaṃjñeyaṃ mahābhasmadvitīyaṃsvalpasaṃjñakam // ### [1.24.2](https://indike.org/pramana/in.purana.siva.1.24.2) / mahābhasma itiproktaṃbhasmanānāvidhaṃparam // / tadbhasmatrividhaṃproktaṃśrotaṃsmārtaṃcalaukikam // ### [1.24.3](https://indike.org/pramana/in.purana.siva.1.24.3) / bhasmaiva svalpasajñāhibahudhāparikīrtitam // / śrautaṃbhasmatathāsmārtaṃdvijānāmevakīrtitam // ### [1.24.4](https://indike.org/pramana/in.purana.siva.1.24.4) / anyeṣāmapisarveṣāmaparaṃbhasmalaukikam // / dhāraṇaṃmaṃtrataḥ proktaṃdvijānāṃmunipuṃgavaiḥ // ### [1.24.5](https://indike.org/pramana/in.purana.siva.1.24.5) / kevalaṃdhāraṇaṃjñeyamanyeṣāṃmaṃtravarjitam // / āgneyamucyatebhasmadagdhagomayasaṃbhavam // ### [1.24.6](https://indike.org/pramana/in.purana.siva.1.24.6) / tadāpidravyamityuktaṃtripuṃḍrasyamahāmune // / agnihotrotthitaṃbhasmasaṃgrāhyaṃvāmanīṣibhiḥ // ### [1.24.7](https://indike.org/pramana/in.purana.siva.1.24.7) / anyayajñotthitaṃvāpitripuṇḍrasyacadhāraṇe // / agnirityādibhirmaṃtrairjābālopaniṣadgateḥ // ### [1.24.8](https://indike.org/pramana/in.purana.siva.1.24.8) / saptabhidhūlanaṃkāryaṃbhasmanāsajalenaca // / varṇānāmāśramāṇāṃcamaṃtratomaṃtratopi ca // ### [1.24.9](https://indike.org/pramana/in.purana.siva.1.24.9) / tripuṃḍroddhūlanaṃproktajābālairādareṇaca // / bhasmanoddhūlanaṃcaivayathātiryaktripuṃḍrakam // ### [1.24.10](https://indike.org/pramana/in.purana.siva.1.24.10) / pramādādapimokṣārthīnatyajeditiviśrutiḥ // / śivenaviṣṇunācaivatathātiryaktripuṃḍrakam // ### [1.24.11](https://indike.org/pramana/in.purana.siva.1.24.11) / umādevīcalakṣmīṃścavācānyābhiścanityaśaḥ // / brāhmaṇaiḥ kṣatriyairvaiśyaiḥ śūdrairapicasaṃskaraiḥ // ### [1.24.12](https://indike.org/pramana/in.purana.siva.1.24.12) / apabhraṃśairdhṛtaṃbhasmatripuṃḍroddhūlanātmanā // / uddhūlanaṃtripuṃḍraṃcaśraddhayānācaraṃtiye // ### [1.24.13](https://indike.org/pramana/in.purana.siva.1.24.13) / teṣāṃnāstisamācārovarṇāśramasamanvitaḥ // / uddhūlanaṃtripuṃḍraṃcaśraddhayānācaraṃtiye // ### [1.24.14](https://indike.org/pramana/in.purana.siva.1.24.14) / teṣāṃnāstivinimuṃktissaṃsārājjanmakoṭibhiḥ // / uddhūlanaṃtripuṃḍraṃcaśraddhayānācarantiye // ### [1.24.15](https://indike.org/pramana/in.purana.siva.1.24.15) / teṣāṃnāstiśivajñānaṃkalpakoṭiśatairapi // / uddhūlanaṃtripuṃḍraṃ ca śraddhayānācarantiye // ### [1.24.16](https://indike.org/pramana/in.purana.siva.1.24.16) / temahāpātakairyuktā itiśāstrīyanirṇayaḥ // / uddhūlanaṃtripuṃḍraṃcaśraddhayānācaranti ye // ### [1.24.17](https://indike.org/pramana/in.purana.siva.1.24.17) / teṣāmācaritaṃ sarvaṃviparītaphalāya hi // / mahāpātakayuktānāṃ jaṃtūnāṃśarvavidviṣām // ### [1.24.18](https://indike.org/pramana/in.purana.siva.1.24.18) / tripuṃḍroddhūlanadveṣojāyatesudṛḍhaṃ mune // / śivāgnikāryaṃ yaḥ kṛtvākuryāttriyāyuṣātmavit // ### [1.24.19](https://indike.org/pramana/in.purana.siva.1.24.19) / mucyatesarvapāpaistuspṛṣṭenabhasmanānaraḥ // / sitenabhasmanākuryāttrisandhyaṃyastripuṇḍrakam // ### [1.24.20](https://indike.org/pramana/in.purana.siva.1.24.20) / sarvapāpavinirmuktaḥ śivenasahamodate // / sitenabhasmanā kuryālāṭe tu tripuṇḍrakam // ### [1.24.21](https://indike.org/pramana/in.purana.siva.1.24.21) / yosāvanādibhūtānhilokānāpto mṛtobhavet // / akṛtvā bhasmanāsnānaṃ na japedvaiṣaḍakṣaram // ### [1.24.22](https://indike.org/pramana/in.purana.siva.1.24.22) / tripuṃḍraṃ ca racitvā tu vidhinābhasmanājapet // / adayo vādhamo vāpi sarvapāpānvitopi vā // ### [1.24.23](https://indike.org/pramana/in.purana.siva.1.24.23) / uṣaḥpāpānvito vāpimūrkho vā patitopi vā // / yasmindeśevasennityaṃbhūtiśāsanasaṃyutaḥ // ### [1.24.24](https://indike.org/pramana/in.purana.siva.1.24.24) / sarvatīrthaiścakratubhiḥsāṃnidhyaṃkriyatesadā // / tripuṃḍrasahito jīvaḥ pūjyaḥ sarvaiḥ surāsuraiḥ // ### [1.24.25](https://indike.org/pramana/in.purana.siva.1.24.25) / pāpānvitopi śuddhātmā kiṃ punaḥ śraddhayā yutaḥ // / yasmindeśe śivajñānī bhūtiśāsanasaṃyutaḥ // ### [1.24.26](https://indike.org/pramana/in.purana.siva.1.24.26) / gato yadṛcchayādyāpi tasmistīrthāḥ samāgatāḥ // / bahunātrakimuktenadhāryaṃbhasmasadā budhaiḥ // ### [1.24.27](https://indike.org/pramana/in.purana.siva.1.24.27) / liṃgārcanaṃsadākāryaṃjapyomaṃtraḥṣaḍakṣaraḥ // / brahmaṇāviṣṇunāvāpi rudreṇamunibhiḥ suraiḥ // ### [1.24.28](https://indike.org/pramana/in.purana.siva.1.24.28) / bhasmadhāraṇamāhātmyaṃnaśakyaṃparibhāṣitum // / iti varṇāśramācāroluptavarṇakriyopi ca // ### [1.24.29](https://indike.org/pramana/in.purana.siva.1.24.29) / pāpātsakṛttripuṃḍrasyadhāraṇātsopimucyate // / yebhasmadhāriṇaṃtyaktvākarmakurvaṃtimānavāḥ // ### [1.24.30](https://indike.org/pramana/in.purana.siva.1.24.30) / teṣāṃ nāstivinirmokṣaḥ saṃsārājjanmakoṭibhiḥ // / te nādhītaṃguroḥsarvaṃtenasarvamanuṣṭhitam // ### [1.24.31](https://indike.org/pramana/in.purana.siva.1.24.31) / yenavipreṇaśirasitripuṃḍraṃbhasmanākṛtam // / ye bhasmadhāriṇaṃ dṛṣṭvānarāḥ kurvaṃtitāḍanam // ### [1.24.32](https://indike.org/pramana/in.purana.siva.1.24.32) / teṣāṃcaṃḍālatojanmabrahmannūhyaṃvipaścitā // / mānastokenamaṃtreṇamaṃtritaṃbhasmadhārayet // ### [1.24.33](https://indike.org/pramana/in.purana.siva.1.24.33) / brāhmaṇaḥkṣatriyaścaiva prokteṣvaṃgeṣubhaktimān // / vaiśyastriyaṃbakenaivaśūdraḥpañcākṣareṇatu // ### [1.24.34](https://indike.org/pramana/in.purana.siva.1.24.34) / anyeṣāṃ vidhavāstrīṇāṃ vidhiḥ proktaścaśūdravat // / pañcabrahmādimanubhirgṛhasthasyavidhīyate // ### [1.24.35](https://indike.org/pramana/in.purana.siva.1.24.35) / triyaṃbakenamanunāvidhirvaibrahmacāriṇaḥ // / aghoreṇāthamanunāvipinasthavidhiḥsmṛtaḥ // ### [1.24.36](https://indike.org/pramana/in.purana.siva.1.24.36) / yatistupraṇavenaiva tripuṃḍrādīnikārayet // / ativarṇāśramīnityaṃśivohaṃbhāvanātparāt // ### [1.24.37](https://indike.org/pramana/in.purana.siva.1.24.37) / śivayogī ca niyatamīśānenāpi dhārayet // / na tyājyaṃ sarvavarṇaiśca bhasmadhāraṇamuttamam // ### [1.24.38](https://indike.org/pramana/in.purana.siva.1.24.38) / anyairapi yathājīvaissadeti śivaśāsanam // / bhasmasnānenayāvaṃtaḥ kaṇāḥ svāṅgepratiṣṭhitāḥ // ### [1.24.39](https://indike.org/pramana/in.purana.siva.1.24.39) / tāvaṃti śivaliṃgāni tanaudhattehidhārakaḥ // / brāhmaṇāḥ kṣatriyāvaiśyāḥ śūdrāścāpi ca saṃkarāḥ // ### [1.24.40](https://indike.org/pramana/in.purana.siva.1.24.40) / striyothavidhavābālāḥ prāptāḥ pākhaṃḍikāstathā // / brahmacārīgṛhīvanyaḥsaṃnyāsīvāvratītathā // ### [1.24.41](https://indike.org/pramana/in.purana.siva.1.24.41) / nāryobhasmatripuṃḍrāṃkāmuktā evanasaṃśayaḥ // / jñānadhṛjñānatovāpivahnidāhasamoyathā // ### [1.24.42](https://indike.org/pramana/in.purana.siva.1.24.42) / jñānājñānadhṛtaṃbhasmapāvayetsakalaṃnaram // / nāśnīyājjalamannamalpamapivā bhasmākṣadhṛtyāvinā bhuktvāvāthagṛhīvanīpatiyatirvarṇītathāsaṃkaraḥ // ### [1.24.43](https://indike.org/pramana/in.purana.siva.1.24.43) / enobhuṅnarakaṃprayātisatadāgāyatrijāpenatadvarṇānāṃ tu yatestu mukhyapraṇavājapena muktaṃbhavet // / tripuṃḍraṃ ye viniṃdaṃti nindantiśivamevate // ### [1.24.44](https://indike.org/pramana/in.purana.siva.1.24.44) / dhārayaṃticayebhaktyā dhārayanti tamevate // / dhigbhasmarahitaṃ bhālaṃdhiggrāmamaśivālayam // ### [1.24.45](https://indike.org/pramana/in.purana.siva.1.24.45) / dhiganīśārcanaṃ janmadhigvidyāmaśivāśrayām // / yeniṃdaṃtimaheśvaraṃtrijagatāmādhārabhūtaṃharaṃ ye nindaṃtitripuṃḍradhāraṇakaraṃ doṣastu taddarśane // ### [1.24.46](https://indike.org/pramana/in.purana.siva.1.24.46) / tevaisaṃkarasūkarāsurakharaśvakroṣṭukīṭopamājātā eva bhavaṃtipāpaparamāstenārakāḥ kevalam // / tedṛṣṭvā śaśibhāskarauniśi dinesvapnepinokevalaṃpaśyaṃtuśrutirudrasūktajapatomucyetatenādṛtāḥ // ### [1.24.47](https://indike.org/pramana/in.purana.siva.1.24.47) / satsaṃbhāṣaṇatobhaveddhinarakaṃnistāravānāsthitaṃyebhasmādividhāraṇaṃhipuruṣaṃniṃdaṃtimaṃdāhite // / natāṃtrikastvadhikṛtonordhvapuṃḍradharomune // ### [1.24.48](https://indike.org/pramana/in.purana.siva.1.24.48) / saṃtaptacakracihnotraśivayajñebahiṣkṛtaḥ // / tatraitebahavolokābṛhajjābālacoditāḥ // ### [1.24.49](https://indike.org/pramana/in.purana.siva.1.24.49) / tevicāryāḥprayatnenatatobhasmaratobhavet // / yaccaṃdanaiścaṃdanakepimiśraṃdhāryaṃhibhasmaivatripuṃḍrabhasmanā // ### [1.24.50](https://indike.org/pramana/in.purana.siva.1.24.50) / vibhūtibhāloparikiṃcanāpidhāryaṃsadānoyadisaṃtibuddhayaḥ // / strībhistripuṇḍramalakāvadhi dhāraṇīyaṃ bhasmadvijādibhiratho vidhavābhirevam // ### [1.24.51](https://indike.org/pramana/in.purana.siva.1.24.51) / tadvatsadāśramavatāṃ viśadāvibhūtirdhāryāpavargaphaladāsakalāghahantrī // / tripuṇḍraṃkuruteyastu bhasmanā vidhipūrvakam // ### [1.24.52](https://indike.org/pramana/in.purana.siva.1.24.52) / mahāpātakasaṃghātairmucyate copapātakaiḥ // / brahmacārīgṛhasthovāvānaprasthothavāyatiḥ // ### [1.24.53](https://indike.org/pramana/in.purana.siva.1.24.53) / brahmakṣattrāścaviṭśūdrāstathānye patitādhamāḥ // / uddhūlanaṃtripuṃḍraṃ ca dhṛtvāśuddhābhavaṃtica // ### [1.24.54](https://indike.org/pramana/in.purana.siva.1.24.54) / bhasmanovidhinā samyakpāparāśiṃvihāya ca // / bhasmadhārī viśeṣeṇa strīgohatyādipātakaiḥ // ### [1.24.55](https://indike.org/pramana/in.purana.siva.1.24.55) / vīrahatyāśvahatyābhyāṃ mucyatenātra saṃśayaḥ // / paradravyāpaharaṇaṃ paradārābhimarśanam // ### [1.24.56](https://indike.org/pramana/in.purana.siva.1.24.56) / paranindā parakṣetraharaṇaṃ parapīḍanam // / sasyārāmādiharaṇaṃ gṛhadāhādikarma ca // ### [1.24.57](https://indike.org/pramana/in.purana.siva.1.24.57) / gohiraṇyamahiṣyāditilakambalavāsasām // / annadhānyajalādīnāṃ nīcebhyaścaparigrahaḥ // ### [1.24.58](https://indike.org/pramana/in.purana.siva.1.24.58) / daśaveśyāmataṃgīṣu vṛṣalīṣu naṭīṣu ca // / rajasvalāsu kanyāsu vidhavāsu ca maithunam // ### [1.24.59](https://indike.org/pramana/in.purana.siva.1.24.59) / māṃsacarmarasādīnāṃ lavaṇasya ca vikrayaḥ // / paiśunyaṃ kūṭavādaśca sākṣimithyābhilāṣiṇām // ### [1.24.60](https://indike.org/pramana/in.purana.siva.1.24.60) / evamādīnyasaṃkhyāni pāpāni vidhāni ca // / sadya eva vinaśyaṃti tripuṃḍrasya ca dhāraṇāt // / śivadravyāpaharaṇaṃśivaniṃdācakutracit // ### [1.24.61](https://indike.org/pramana/in.purana.siva.1.24.61) / niṃdācaśivabhaktānāṃprāyaścittairnaśuddhyati // / rudrākṣaṃ yasya gātreṣu lalāṭe tu tripaṃḍrakam // ### [1.24.62](https://indike.org/pramana/in.purana.siva.1.24.62) / sacāṃḍālopisaṃpūjyassarvavarṇottamottamaḥ // / yānitīrthānilokesmingaṃgādyāssaritaścayoḥ // ### [1.24.63](https://indike.org/pramana/in.purana.siva.1.24.63) / snātobhavatisarvatralalāṭeyastripuṃḍrakam // / saptakoṭi mahāmaṃtrāḥ pañcākṣarapurassarāḥ // ### [1.24.64](https://indike.org/pramana/in.purana.siva.1.24.64) / tathānye koṭiśo maṃtrāḥ śaivakaivalyahetavaḥ // / anye maṃtrāśca devānāṃ sarvasaukhyakarāmune // ### [1.24.65](https://indike.org/pramana/in.purana.siva.1.24.65) / te sarve tasya vaśyāḥ syuryo bibharti tripuṃḍrakam // / sahasraṃ pūrvajātānāṃ sahasraṃ janayiṣyatām // ### [1.24.66](https://indike.org/pramana/in.purana.siva.1.24.66) / svavaṃśajānāṃ jñātīnāmuddharedyastripuṇḍrakṛt // / iha bhuktvākhilānbhogāndīrghāyurvyādhivarjitaḥ // ### [1.24.67](https://indike.org/pramana/in.purana.siva.1.24.67) / jīvitāṃte ca maraṇaṃ sukhenaiva prapadyate // / aṣṭaiśvaryaguṇopetaṃprāpyadivyavapuḥ śivam // ### [1.24.68](https://indike.org/pramana/in.purana.siva.1.24.68) / divyaṃvimānamāruhyadivyatridaśasevitam // / vidyādharāṇāṃsarveṣāṃgaṃdharvāṇāṃmahaujasām // ### [1.24.69](https://indike.org/pramana/in.purana.siva.1.24.69) / iṃdrādilokapālānāṃlokeṣucayathākramam // / bhuktvā bhogānsuvipulānprajeśānāṃ padeṣu ca // ### [1.24.70](https://indike.org/pramana/in.purana.siva.1.24.70) / brahmaṇaḥ padamāsādyatatrakanyāśataṃlamet // / tatra brahmāyuṣomānaṃbhuktvābhogānanekaśaḥ // ### [1.24.71](https://indike.org/pramana/in.purana.siva.1.24.71) / viṣṇorlokelabhedbhogaṃyāvadbrahmaśatātyayaḥ // / śivalokaṃ tataḥ prāpya labdhveṣṭaṃ kāmamakṣayam // ### [1.24.72](https://indike.org/pramana/in.purana.siva.1.24.72) / śivasāyujyamāpnotisaṃśayonātrajāyate // / sarvopaniṣadāṃsāraṃsamālokyamuhurmuhuḥ // ### [1.24.73](https://indike.org/pramana/in.purana.siva.1.24.73) / idameva hi nirṇītaṃ paraṃ śreyastripuṃḍrakam // / vibhūtiṃniṃdateyovaibrāhmaṇaḥ sonyajātakaḥ // ### [1.24.74](https://indike.org/pramana/in.purana.siva.1.24.74) / yāticanarakeghoreyāvadbrahmā caturmukhaḥ // / śrāddheyajñejapehomevaiśvadevesurārcane // ### [1.24.75](https://indike.org/pramana/in.purana.siva.1.24.75) / dhṛtatripuṃḍraḥpūtātmāmṛtyuṃjayatimānavaḥ // / jalasnānaṃ malatyāgebhasmasnānaṃsadāśuci // ### [1.24.76](https://indike.org/pramana/in.purana.siva.1.24.76) / maṃtrasnānaṃharetpāpaṃjñānasnāneparaṃpadam // / sarvatīrtheṣuyatpuṇyaṃsarvatīrtheṣuyatphalam // ### [1.24.77](https://indike.org/pramana/in.purana.siva.1.24.77) / tatphalaṃsamavāpnotibhasmasnānakaronaraḥ // / bhasmasnānaṃ paraṃ tīrthaṃgaṃgāsnānaṃdinedine // ### [1.24.78](https://indike.org/pramana/in.purana.siva.1.24.78) / bhasmarūpīśivaḥsākṣādbhasma trailokyapāvanam // / natadūnaṃnataddhyānaṃnataddānaṃjaponasaḥ // ### [1.24.79](https://indike.org/pramana/in.purana.siva.1.24.79) / tripuṃḍreṇavināyena vipreṇa yadanuṣṭhitam // / vānaprasthasyakanyānāṃdīkṣāhīnanṛṇāṃ tathā // ### [1.24.80](https://indike.org/pramana/in.purana.siva.1.24.80) / madhyāhnātprāgjalairyuktaṃparatojalavarjitam // / evaṃ tripuṃḍraṃ yaḥ kuryānnityaṃniyatamānasaḥ // ### [1.24.81](https://indike.org/pramana/in.purana.siva.1.24.81) / śivabhaktaḥ savijñeyo bhuktimuktiṃ ca viṃdati // / yasyāṃgenaivarudrākṣa ekopibahupuṇyadaḥ // ### [1.24.82](https://indike.org/pramana/in.purana.siva.1.24.82) / tasyajanmanirarthaṃsyāttripuṃḍrarahito yadi // / evaṃtripuṃḍramāhātmyaṃsamāsātkathitaṃmayā // ### [1.24.83](https://indike.org/pramana/in.purana.siva.1.24.83) / rahasyaṃsarvajaṃtūnāṃ gopanīyamidaṃ tvayā // / tisrorekhābhavaṃtyevasthāneṣumunipuṃgavāḥ // ### [1.24.84](https://indike.org/pramana/in.purana.siva.1.24.84) / lalāṭādiṣusarveṣuyathokteṣubudhairmune // / bhruvormadhyaṃsamārabhyayāvadaṃtobhavedbhruvoḥ // ### [1.24.85](https://indike.org/pramana/in.purana.siva.1.24.85) / tāvatpramāṇaṃsaṃdhāryaṃ lalāṭe ca tripuṃḍrakam // / madhyamānāmikāṃgulyāmadhyetupratilomataḥ // ### [1.24.86](https://indike.org/pramana/in.purana.siva.1.24.86) / aṃguṣṭhena kṛtārekhā tripuṃḍrākhyā bhidhīyate // / madhyeṃgulibhirādāya tisṛbhirbhasmayatnataḥ // ### [1.24.87](https://indike.org/pramana/in.purana.siva.1.24.87) / tripuṇḍradhārayedbhaktyābhuktimuktipradaṃparam // / tisṛṇāmapi rekhānāṃ pratyekaṃnavadevatāḥ // ### [1.24.88](https://indike.org/pramana/in.purana.siva.1.24.88) / sarvatrāṃgeṣutāvakṣyesāvadhānatayā śṛṇu // / akāro gārhapatyāgnirbhūdharmaśca rajoguṇaḥ // ### [1.24.89](https://indike.org/pramana/in.purana.siva.1.24.89) / ṛgvedaśca kriyāśaktiḥ prātaḥsavanameva ca // / mahadevaśca rekhāyāḥ prathamāyāśca devatā // ### [1.24.90](https://indike.org/pramana/in.purana.siva.1.24.90) / vijñeyā muniśārdūlāḥ śivadīkṣāparāyaṇaiḥ // / ukāro dakṣiṇāgniśca nabhastattvaṃ yajustathā // ### [1.24.91](https://indike.org/pramana/in.purana.siva.1.24.91) / madhyaṃdinaṃ ca savanamicchāśaktyaṃtarātmakau // / maheśvaraśca rekhāyā dvitīyāyāśca devatā // ### [1.24.92](https://indike.org/pramana/in.purana.siva.1.24.92) / vijñeyāmuniśārdūla śivadīkṣāparāyaṇaiḥ // / makārāhavanīyau ca paramātmā tamodivau // ### [1.24.93](https://indike.org/pramana/in.purana.siva.1.24.93) / jñānaśaktiḥ sāmavedastṛtīyaṃ savanaṃ tathā // / śivaścaiva ca rekhāyāstṛtiyāyāśca devatā // ### [1.24.94](https://indike.org/pramana/in.purana.siva.1.24.94) / vijñeyāmuniśārdūla śivadīkṣāparāyaṇau // / evaṃ nityaṃ namaskṛtya sadbhaktyā sthānadevatāḥ // ### [1.24.95](https://indike.org/pramana/in.purana.siva.1.24.95) / tripuṃḍraṃ dhārayecchuddho bhuktiṃmuktiṃ ca viṃdati // / ityuktāḥsthānadevāścasarvāṃgeṣumuniśvara // ### [1.24.96](https://indike.org/pramana/in.purana.siva.1.24.96) / teṣāṃ saṃbaṃdhinobhaktyāsthānāniśṛṇusāṃpratam // / dvātriṃśatsthānake vārdhaṣoḍaśasthānakepi ca // ### [1.24.97](https://indike.org/pramana/in.purana.siva.1.24.97) / aṣṭasthāne tathā caiva pañcasthānepi nānyaset // / uttamāṃge lalāṭe ca karṇayornetrayostathā // ### [1.24.98](https://indike.org/pramana/in.purana.siva.1.24.98) / nāsāvaktragaleṣvevaṃhastadvaya ataḥparam // / kūrpare maṇibaṃdhecahṛdayepārśvayordvayoḥ // ### [1.24.99](https://indike.org/pramana/in.purana.siva.1.24.99) / nābhaumuṣkadvayecaivamūrvorgulphecajānuni // / jaṃghādvayepadadvandvedvātriṃśatsthānamuttamam // ### [1.24.100](https://indike.org/pramana/in.purana.siva.1.24.100) / agnyabbhūvāyudigdeśadikpālānvasubhiḥ saha // / dharādhruvaścasomaśca apaścevānilonalaḥ // ### [1.24.101](https://indike.org/pramana/in.purana.siva.1.24.101) / pratyūṣaśca prabhāsaścavasavoṣṭaprakīrtitāḥ // / eteṣāṃnāmamātreṇatripuṃḍraṃdhārayedbudhāḥ // ### [1.24.102](https://indike.org/pramana/in.purana.siva.1.24.102) / kuryādvāṣoḍaśasthānetripuṇḍraṃtusamāhitaḥ // / śīrṣakecalalāṭecakaṃṭhecāṃsadvayebhuje // ### [1.24.103](https://indike.org/pramana/in.purana.siva.1.24.103) / kūrparemaṇibaṃdhecahṛdayenābhipārśvake // / pṛṣṭhecaivaṃpratiṣṭhāyayajettatrāśvidaivate // ### [1.24.104](https://indike.org/pramana/in.purana.siva.1.24.104) / śivaśaktiṃtathārudramīśaṃnāradamevaca // / vāmādinavaśaktīśca etāḥ ṣoḍaśadevatāḥ // ### [1.24.105](https://indike.org/pramana/in.purana.siva.1.24.105) / nāsatyodasrakaścaiva aśvinaudvauprakīrtitau // / athavāmūrdhnikeśecakarmayorvadanetathā // ### [1.24.106](https://indike.org/pramana/in.purana.siva.1.24.106) / bāhudvaye ca hṛdayenābhyāmūruyugetathā // / jānudvayecapadayoḥ pṛṣṭhabhāge ca ṣoḍaśa // ### [1.24.107](https://indike.org/pramana/in.purana.siva.1.24.107) / śivaścandraśca rudraḥko vighneśoviṣṇureva vā // / śrīścaivahṛdayeśambhustathānābhauprajāpatiḥ // ### [1.24.108](https://indike.org/pramana/in.purana.siva.1.24.108) / nāgaścanāgakanyāśca ubhayorṛṣikanyakāḥ // / pādayoścasamudrāścatīrthāḥ pṛṣṭhe viśālataḥ // ### [1.24.109](https://indike.org/pramana/in.purana.siva.1.24.109) / ityeva ṣoḍaśa sthānamathocyate // / guhyasthānaṃ lalāṭaśca karṇadvayamanuttamam // ### [1.24.110](https://indike.org/pramana/in.purana.siva.1.24.110) / aṃsayugmaṃ ca hṛdayaṃ nābhirityevamaṣṭakam // / brahmā ca ṛṣayaḥ saptadevatāścaprakīrtitāḥ // ### [1.24.111](https://indike.org/pramana/in.purana.siva.1.24.111) / ityevaṃ tu samuddiṣṭaṃ bhasmavidbhirmunīśvarāḥ // / atha vā mastakaṃ bāhūhṛdayaṃ nābhireva ca // ### [1.24.112](https://indike.org/pramana/in.purana.siva.1.24.112) / pañcasthānānyamūnyāhurdhāraṇe bhasmavijjanāḥ // / yathāsaṃbhavanaṃ kuryāddeśakālādyapekṣayā // ### [1.24.113](https://indike.org/pramana/in.purana.siva.1.24.113) / uddhūlanepyaśaktiścettripuṇḍrādīni kārayet // / trinetraṃtriguṇādhāraṃtrivedajanakaṃśivam // ### [1.24.114](https://indike.org/pramana/in.purana.siva.1.24.114) / smarannamaḥ śivāyeti lalāṭe tu tripuṇḍrakam // / īśābhyāṃnama ityuktvāpārśvayośca tripuṇḍrakam // ### [1.24.115](https://indike.org/pramana/in.purana.siva.1.24.115) / bījābhyāṃ nama ityuktvādhārayettuprakoṣṭhayoḥ // / kuryādadhaḥ pitṛbhyāṃ ca umeśābhyāṃtathopari // ### [1.24.116](https://indike.org/pramana/in.purana.siva.1.24.116) / bhīmāyetitataḥpṛṣṭheśirasaḥpaścimetathā // ### [1.24.116.p1](https://indike.org/pramana/in.purana.siva.1.24.116.p1) iti śrīśivamahāpurāṇe vidyeśvarasaṃhitāyāṃ bhasmadhāraṇavarṇanonāma caturviṃśo 'dhyāyaḥ ### [1.24.116.p2](https://indike.org/pramana/in.purana.siva.1.24.116.p2) Chapter 25 sūta uvāca śainakarṣe mahāprājñaśivarūpamahāpate // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.24.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.24.17) — Sanskrit ## Linked texts (3) - [Acintyaviśvasādākhyatantra](https://indike.org/pramana/in.sampradaya.saiva.agama.siva.acintyavisvasadakhyatantra.5.112) — Sanskrit - [Vāruṇapaddhati](https://indike.org/pramana/in.sampradaya.saiva.siddhanta.paddhati.varunapaddhati.1.604) — Sanskrit - [Nityācārapaddhati (Vidyākara vājapeyin)](https://indike.org/pramana/in.niti.dharma.acara.ahnika.nityacarapaddhati-vidyakara-vajapeyin.1.p241) — Vidyākara vājapeyin, Sanskrit --- Source: [https://indike.org/pramana/in.purana.siva.1.24](https://indike.org/pramana/in.purana.siva.1.24) · Pramāṇa