Shivapurana 1.25
Śivapurāṇa 1.25
- Language
- Sanskrit
Contents
1.25.1
/
śṛṇurudrākṣamāhātmyaṃ samāsātkathayāmyaham //
/
śivapriyatamojñeyo rudrākṣaḥ parapāvanaḥ //
1.25.2
/
darśanātsparśanājjāpyātsarvapāpaharaḥsmṛtaḥ //
/
purārudrākṣamahimādevyagrekathitomune //
1.25.3
/
lokopakaraṇārthāyaśivena paramātmanā //
/
śiva uvāca
śṛṇudevimaheśānirudrākṣamahimāśive //
1.25.4
/
kathayāmitavaprītyābhaktānāṃhitakāmyayā //
/
divyavarṣasahasrāṇi maheśānipunaḥpurā //
1.25.5
/
tapaḥprakurvatastrastaṃmanaḥ saṃyamyavai mama //
/
svataṃtreṇa pareśena lokopakṛtikāriṇā //
1.25.6
/
līlayāparameśāni cakṣurunmīlitaṃmayā //
/
puṭābhyāṃcārucakṣurbhyāṃpatitājalabiṃdavaḥ //
1.25.7
/
tatrāśrubindavojātāvṛkṣārudrākṣasaṃjñakāḥ //
/
sthāvaratvamanuprāpyabhaktānugrahakāraṇāt //
1.25.8
/
te dattāviṣṇubhaktebhyaścaturvarṇebhya eva ca //
/
bhūmaugauṃḍodbhavāṃścakrerudrākṣāñchivavallabhān //
1.25.9
/
mathurāyāmayodhyāyālaṃkāyāṃmalaye tathā //
/
sahyādraucatathākāśyāṃdaśeṣvanyeṣuvātathā //
1.25.10
/
parānasahyapāpaughabhedanāñchrutinodanāt //
/
brāhmaṇāḥkṣatriyāvaiśyāḥśūdrājātāmamājñayā //
1.25.11
/
rudrākṣāstepṛthivyāṃtutajjātīyāḥ śubhākṣakāḥ //
/
śvetaraktāḥ pītakṛṣṇāvarṇājñeyāḥ kramādbudhaiḥ //
1.25.12
/
svajātīyaṃnṛbhirdhāryaṃ rudrākṣaṃvarṇataḥ kramāt //
/
varṇaistutatphalaṃdhāryaṃbhuktimuktiphalepsubhiḥ //
1.25.13
/
śivabhaktairviśeṣeṇaśivayoḥ prītayesadā //
/
dhātrīphalapramāṇaṃyacchreṣṭhametadudāhṛtam //
1.25.14
/
badarīphalamātraṃtumadhyamaṃsaṃprakīrtitam //
/
adhamaṃcaṇamātraṃsyātprakriyaiṣāparocyate //
1.25.15
/
śṛṇupārvatisuprītyābhaktānāṃhitakāmyayā //
/
badarīphalamātraṃcayatsyātkilamaheśvari //
1.25.16
/
tathāpiphaladaṃlokesukhasaubhāgyavardhanam //
/
dhātrīphalasamaṃyatsyātsarvāriṣṭavināśanam //
1.25.17
/
guṃjayāsadṛśaṃyatsyātsarvārthaphalasādhanam //
/
yathāyathālaghuḥsyādvaitathādhikaphalapradam //
1.25.18
/
ekaikataḥphalaṃproktaṃdaśāṃśairadhikaṃbudhaiḥ //
/
rudrākṣadhāraṇaṃproktaṃpāpanāśanahetave //
1.25.19
/
tasmāccadhāraṇīyovaisarvārthasādhanodhruvam //
/
yathācadṛśyatelokerudrākṣaphaladaḥ śubhaḥ //
1.25.20
/
natathādṛśyate 'nyācamālikāparameśvari //
/
samāḥsnigdhādṛḍhāḥsthūlāḥkaṃṭakaiḥsaṃyutāḥśubhāḥ //
1.25.21
/
rudrākṣāḥkāmadādevibhuktimuktipradāḥ sadā //
/
krimiduṣṭaṃchinnabhinnaṃkaṃṭakairhīnamevaca //
1.25.22
/
vraṇayuktamavṛttaṃcarudrākṣānṣaḍvivarjayet //
/
svayamevakṛtadvāraṃrudrākṣaṃsyadihottamam //
1.25.23
/
yattupauruṣayatnenakṛtaṃtanmadhyamaṃbhavet //
/
rudrākṣadhāraṇaṃprāptaṃmahāpātakanāśanam //
1.25.24
/
rudrasaṃkhyāśataṃdhṛtvarudrarūpobhavennaraḥ //
/
ekādaśaśatānīhadhṛtvāyatphalamāpyate //
1.25.25
/
tatphalaṃśakyatenaiva vaktuṃ varṣaśatairapi //
/
śatārdhenayuteḥ pañcaśatairvai mukuṭaṃ matam //
1.25.26
/
rudrākṣairviracetsamyagbhaktimānpuruṣo varaḥ //
/
tribhiḥ śataiḥ ṣaṣṭiyuktaistrirāvṛttyā tathā punaḥ //
1.25.27
/
rudrākṣairupavītaṃ va nirmīyādbhaktitatparaḥ //
/
śikhāyāṃcatrayaṃproktaṃrudrakṣāṇāṃ maheśvari //
1.25.28
/
karṇayoḥ ṣaṭ ca ṣaṭcaivavāmadakṣiṇayostathā //
/
śatamekottaraṃkaṃṭhebāhvorvairudrasaṃkhyayā //
1.25.29
/
kūrparadvārayostatramaṇibaṃdhetathāpunaḥ //
/
upavītetrayaṃdhāryaṃśivabhaktiratairnaraiḥ //
1.25.30
/
śeṣānurvaritānpañcasammitāndhārayetkaṭau //
/
etatsaṃkhyādhṛtāyenarudrākṣāḥ parameśvari //
1.25.31
/
tadrūpaṃ tu praṇamyaṃhistutyaṃsarvairmaheśavat //
/
evaṃbhūtaṃsthitaṃdhyāneyadākṛtvāsanairjanam //
1.25.32
/
śivetivyāharaṃścaivadṛṣṭvāpāpaiḥ pramucyate //
/
śatādikasahasrasyavidhireṣaprakīrtitaḥ //
1.25.33
/
tadabhāveprakāronyaḥ śubhaḥ saṃprocyatemayā //
/
śikhāyāmekarudrākṣaṃśirasātriṃśataṃvahet //
1.25.34
/
pañcāśaccagaledadhyādbāhvoḥ ṣoḍaśaṣoḍaśa //
/
maṇibaṃdhe dvādaśadviskaṃdhe pañcaśataṃvahet //
1.25.35
/
aṣṭottaraśatairmālyamupavītaṃprakalpayet //
/
evaṃsahasrarudrākṣāndhārayedyodṛḍhavrataḥ //
1.25.36
/
taṃnamaṃtisurāḥsarveyathārudrastathaiva saḥ //
/
ekaṃśikhāyāṃrudrākṣaṃcatvāriṃśattumastake //
1.25.37
/
dvātriṃśatkaṇṭhadeśetuvakṣasyaṣṭottaraṃśatam //
/
ekaikaṃkarṇayoḥ ṣaṭṣaḍbāhvoḥṣoḍaśaṣoḍaśa //
1.25.38
/
karayoravimānenadviguṇenamunīśvara //
/
saṃkhyāprītirdhṛyāyenasopiśaivajanaḥparaḥ //
1.25.39
/
śivavatpūjanīyohivaṃdyassarvairabhīkṣṇaśaḥ //
/
śirasīśānamaṃtreṇakarṇetatpuruṣeṇa ca //
1.25.40
/
aghoreṇagaledhāryaṃtenaivahṛdayepi ca //
/
aghorabījamaṃtreṇa karayordhārayetsudhīḥ //
1.25.41
/
pañcadaśākṣagrathitāṃvāmadevenacodare //
/
pañcabrahmabhiraṃgaścatrimālāṃ pañcasapta ca //
1.25.42
/
athavāmūlamaṃtreṇa sarvānakṣāṃstudhārayet //
/
madyaṃmāṃsaṃtulaśunaṃpalāṇḍuṃśigrumeva ca //
1.25.43
/
śleṣmāṃtakaṃ viḍvarāhaṃbhakṣaṇe varjayettataḥ //
/
valakṣaṃrudrākṣaṃdvijatanubhirevehavihitaṃsuraktaṃkṣatrāṇāṃpramuditamumepītamasakṛt //
1.25.43.p1
chinnaṃ khaṃḍitaṃ bhinnaṃ vidīrṇa
1.25.43.p2
tatovaiśyairdhāyapratidivasabhāvaśyakamahotathākṛṣṇaṃśūdraiḥśrutigaditamārgoyamagaje //
1.25.43.p3
varṇīvanīgṛhayatīrniyamenadadhyādetadrahasyaparamonahijātutiṣṭhet //
1.25.43.p4
rudrākṣadhāraṇamidaṃsukṛtaiścalabhyaṃtyaktvedametadakhilānnarakānprayāṃti //
1.25.43.p5
ādāvāmalakātsvato laghutarā rugṇāstataḥkaṃṭakaiḥsaṃdaṣṭāḥkrimibhistanūpakaraṇacchidreṇa hīnāstathā //
1.25.43.p6
dhāryānaiva śubhepsubhiścaṇakavadrudrākṣamapyaṃtatorudrākṣomamaliṃgamaṃgalamumesūkṣmaṃpraśastaṃsadā //
1.25.43.p7
sarvāśramāṇāṃvarṇānāṃstrīśūdraṇāṃśivājñayā //
1.25.43.p8
dhāryāḥ sadaivarudrākṣāyatīnāṃ praṇavena hi //
1.25.43.p9
divābibhradrātrikṛtairātrauvibhraddivākṛtaiḥ //
1.25.43.p10
prātarmadhyāhnasāyāhnemucyatesarvapātakaiḥ //
1.25.43.p11
ye tripuṇḍra dharāloke jaṭādhāriṇa eva ye //
1.25.43.p12
ye rudrākṣadharāstevaiyamalokaṃprayāṃtina //
1.25.43.p13
rudrākṣamekaṃśirasābibhartitathātripuṇḍraṃcalalāṭamadhye //
1.25.43.p14
pañcākṣaraṃyehijapaṃtimaṃtraṃpūjyābhavadbhiḥ khalutehisādhavaḥ //
1.25.43.p15
yasyāṅgenāstirudrākṣastripuṇḍraṃbhālapaṭṭake //
1.25.43.p16
mukhepañcākṣaraṃnāstitamānayayamālayam //
1.25.43.p17
jñātvājñātvātatprabhāvaṃbhasmarudrākṣadhāriṇaḥ //
1.25.43.p18
tepūjyāḥ sarvadāsmākaṃnonetavyāḥ kadācana //
1.25.43.p19
evamājñāpayāmāsakālopinijakiṅkarān //
1.25.43.p20
tathetimattvātesarvetūṣṇīmāsansuvismitāḥ //
1.25.43.p21
ata evamahādevirudrākṣotyaghanāśanaḥ //
1.25.43.p22
taddharomatpriyaḥ śuddho 'tyaghavānapipārvati //
1.25.43.p23
hastebāhautathāmūrdhnirudrākṣaṃdhārayettuyaḥ //
1.25.43.p24
avadhyaḥsarvabhūtānāṃrudrarūpīcaredbhuvi //
1.25.43.p25
surāsurāṇāṃsarveṣāṃ vaṃdanīyaḥsadāsavai //
1.25.43.p26
pūjanīyo hi dṛṣṭasyapāpahācayathāśivaḥ //
1.25.43.p27
dhyānajñānāvamuktopirudrākṣaṃdhārayettuyaḥ //
1.25.43.p28
sarvapāpavinirmuktaḥsayātiparamāṃgatim //
1.25.43.p29
rudrākṣeṇajapanmantraṃ puṇyaṃkoṭi guṇaṃ bhavet //
1.25.43.p30
daśakoṭiguṇaṃpuṇyaṃdhāraṇāllabhate naraḥ //
1.25.43.p31
yāvatkālaṃhijīvasyaśarīrasthobhavetsavai //
1.25.43.p32
tāvatkālaṃsvalpamṛtyurnataṃdevibādhate //
1.25.43.p33
tripuṃḍreṇacasaṃyuktaṃrudrākṣāvilasāṃgakam //
1.25.43.p34
mṛtyuṃjayaṃjapaṃtaṃcadṛṣṭvārudraphalaṃlabhet //
1.25.43.p35
pañcadevapriyaścaivasarvadevapriyastathā //
1.25.43.p36
sarvamantrāñjapedbhaktorudrākṣamālayāpriye //
1.25.43.p37
viṣṇvādidevabhaktāścadhārayeyurnasaṃśayaḥ //
1.25.43.p38
rudrabhakto viśeṣeṇarudrākṣāndhārayetsadā //
1.25.43.p39
rudrākṣāvividhāḥproktāsteṣāṃ bhedānvadāmyaham //
1.25.43.p40
śṛṇupārvati sadbhaktyā bhuktimuktiphalapradān //
1.25.43.p41
ekavaktraḥ śivaḥ sākṣādbhuktimuktiphalapradaḥ //
1.25.43.p42
tasyadarśanamātreṇabrahmahatyāvyapohati //
1.25.43.p43
yatrasaṃpūjitastatralakṣmīrdūratarā nahi //
1.25.43.p44
naśyaṃtyupadravāḥsarvesarvakāmābhavaṃtihi //
1.25.43.p45
dvivaktrodevadeveśassarvakāmaphalapradaḥ //
1.25.43.p46
viśeṣataḥ sarudrākṣogovadhaṃnāśayeddrutam //
1.25.43.p47
trivaktroyohirudrākṣaḥ sākṣātsādhanadassadā //
1.25.43.p48
tatprabhāvādbhaveyurvaividyāḥ sarvāḥ pratiṣṭhitāḥ //
1.25.43.p49
caturvaktraḥ svayaṃbrahmānarahatyāṃvyapohati //
1.25.43.p50
darśanātsparśanātsadyaścaturvargaphalapradaḥ //
1.25.43.p51
pañcavaktraḥ svayaṃrudraḥ kālāgnirnāmataḥ prabhuḥ //
1.25.43.p52
sarvamuktipradaścaivasarvakāmaphalapradaḥ //
1.25.43.p53
agamyāgamanaṃpāpamabhakṣyasya ca bhakṣaṇam //
1.25.43.p54
ityādi sarvapāpāni pañcavaktrovyapohati //
1.25.43.p55
ṣaḍvaktraḥkārtikeyastudhāraṇāddakṣiṇebhuje //
1.25.43.p56
brahmahatyādikaiḥ pāpairmucyatenātra saṃśayaḥ //
1.25.43.p57
saptavaktromaheśāni hyanaṃgonāmanāmataḥ //
1.25.43.p58
dhāraṇāttasya deveśidaridropīśvarobhavet //
1.25.43.p59
rudrākṣaścāṣṭavaktraśca vasumūrtiśca bhairavaḥ //
1.25.43.p60
dhāraṇāttasya pūrṇāyurmṛto bhavati śūlabhṛt //
1.25.43.p61
bhairavonavavaktraśca kapilaścamuniḥsmṛtaḥ //
1.25.43.p62
durgāvātadadhiṣṭhātrī navarūpāmaheśvarī //
1.25.43.p63
taṃ dhārayedvāmahaste rudrākṣaṃbhaktitatparaḥ //
1.25.43.p64
sarveśvarobhavennūnaṃmama tulyo na saṃśayaḥ //
1.25.43.p65
daśavaktro maheśāni svayaṃ devo janārdanaḥ //
1.25.43.p66
dhāraṇāttasya deveśi sarvānkāmānavāpnuyāt //
1.25.43.p67
ekādaśamukhoyasturudrākṣaḥparameśvari //
1.25.43.p68
sarudrodhāraṇāttasyasarvatravijayībhavet //
1.25.43.p69
dvādaśāsyaṃ tu rudrākṣaṃ dhārayetkeśadeśake //
1.25.43.p70
ādityāścaiva te sarvedvādaśaiva sthitāstathā //
1.25.43.p71
trayodaśamukho viśvedevastaddhāraṇānnaraḥ //
1.25.43.p72
sarvānkāmānavāpnoti saubhāgyaṃ maṃgalaṃlabhet //
1.25.43.p73
caturdaśamukho yo hi rudrākṣaḥ paramaḥśivaḥ //
1.25.43.p74
dhārayenmūrdhni taṃ bhaktyāsarvapāpaṃ praṇaśyati //
1.25.43.p75
itirudrākṣabhedā hi proktāvaimukhabhedataḥ //
1.25.43.p76
tattanmaṃtrāñchṛṇu prītyā kramācchailleśvarātmaje //
1.25_2
81cd/
1.25.p1
aṃ hrīnamaḥ 1 aṃnamaḥ 2 aṃklīṃnamaḥ 3 aṃhrīṃnamaḥ 4 aṃhrīṃnamaḥ 5 aṃhrīṃ huṃ namaḥ 6 aṃhuṃnamaḥ 7 aṃhuṃnamaḥ 8 aṃhrīṃhuṃnamaḥ 9 aṃhrīṃnamaḥ namaḥ 10 aṃhrīṃhuṃnamaḥ 11 aṃkroṃ kṣauṃ rauṃ namaḥ 12 aṃhrīṃnamaḥ 13 aṃnama 14
bhaktiśraddhāyutaścaiva sarvakāmārthasiddhaye //
1.25.82
/
rudrākṣāndhārayenmaṃtrairdevanālasya varjitaḥ //
/
vinā maṃtreṇa ho dhatte rudrākṣaṃ bhuvimānavaḥ //
1.25.83
/
sa yāti narakaṃ ghoraṃ yāvadindrāścaturdaśa //
/
rudrākṣamālinaṃdṛṣṭvā bhūtapretapiśācakāḥ //
1.25.84
/
ḍākinīśākinī caiva ye cānye drohakārakāḥ //
/
kṛtrimaṃ caiva yatkiṃcidabhicārādikaṃcayāt //
1.25.85
/
tatsarvaṃdūratoyātidṛṣṭvā śaṃkitavigraham //
/
rudrākṣamālinaṃ dṛṣṭvā śivo viṣṇuḥ prasīdati //
1.25.86
/
devīgaṇapatissūryaḥsurāścānyepipārvati //
/
evaṃjñātvātumāhātmyaṃrudrākṣasyamaheśvari //
1.25.87
/
samyagdhāryāssamaṃtrāścabhaktyādharmavivṛddhaye //
/
ityuktaṃgirijāgrehiśivenaparamātmanā //
1.25.88
/
bhasmarūdrākṣamāhātmyaṃ bhuktimuktiphalapradam //
/
śivasyātipriyaujñeyau bhasmarudrākṣadhāriṇau //
1.25.89
/
taddhāraṇaprabhāvaddhi bhuktirmuktirna saṃśayaḥ //
/
bhasmarudrākṣadhārī yaḥ śivabhaktassa ucyate //
1.25.90
/
pañcākṣarajapāsaktaḥ paripūrṇaścasanmukhe //
/
vinābhasmatripuṃḍreṇavinārudrākṣamālayā //
1.25.91
/
pūjitopimahādevonābhīṣṭaphaladāyakaḥ //
/
tatsarvaṃ ca samākhyātaṃ yatpṛṣṭaṃhimunīśvara //
1.25.92
/
bhasmarudrākṣamāhātmyaṃ sarvakāmasamṛddhidam //
/
etadyaḥśṛṇuyānnityaṃmāhātmyaparamaṃśubham //
1.25.93
/
rudrākṣabhasmanorbhaktyāsarvānkāmānavāpnuyāt //
/
iha sarvasukhaṃ bhuktvā putrapautrādisaṃyutaḥ //
1.25.94
/
labhetparatra sanmokṣaṃ śivasyātipriyo bhavet //
/
vidyeśvarasaṃhiteyaṃ kathitā vo munīśvarāḥ //
1.25.95
/
sarvasiddhipradā nityaṃmuktidā śivaśāsanāt //
1.25.95.p1
iti śrīśivamahāpurāṇe prathamāyāṃ vidyeśvarasaṃhitāyāṃ sādhyasādhanakhaṇḍe rudrākṣamahātmyavarṇanonāma pañcaviṃśo 'dhyāyaḥ
1.25.95.p2
vāyavīyasaṃhitā
1.25.95.p3
atha śrīśivamahāpurāṇe saptamī vāyavīyasaṃhitā prārabhyate ||
1.25.95.p4
śrīgaṇeśāya namaḥ ||
1.25.95.p5
śrīgaurīśaṃkarābhyāṃ namaḥ ||
1.25.95.p6
atha saptamī vāyavīyasaṃhitā prārabhyate ||
1.25.95.p7
Chapter 1
vyāsa uvāca
namaśśivāya somāya sagaṇāya sasūnave //
Other recensions (2)
- Śivapurāṇa (complete text) — Sanskrit
- Śivapurāṇa (complete text) — Sanskrit
Linked texts (1)
- Mudgalapurāṇa — Sanskrit