[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Shivapurana](https://indike.org/pramana/in.purana.siva) › 1.6 # Shivapurana 1.6 Śivapurāṇa 1.6 - **Language:** Sanskrit ## Contents - [1.6.28](https://indike.org/pramana/in.purana.siva.1.6.28) — 2 parts ### [1.6.1](https://indike.org/pramana/in.purana.siva.1.6.1) / suṣvāpa parayā bhūtyā svānugairapi saṃvṛtaḥ // / yadṛcchayā gatastatra brahmā brahmavidāṃvaraḥ // ### [1.6.2](https://indike.org/pramana/in.purana.siva.1.6.2) / apṛcchatpuṃḍarīkākṣaṃ śayanaṃ sarvasundaram // / kastvaṃ puruṣavaccheṣe dṛṣṭvā māmapi dṛptavat // ### [1.6.3](https://indike.org/pramana/in.purana.siva.1.6.3) / uttiṣṭha vatsa māṃ paśya tava nāthamihāgatam // / āgataṃ gurumārādhyaṃ dṛṣṭvā yo dṛptavaccaret // ### [1.6.4](https://indike.org/pramana/in.purana.siva.1.6.4) / drohiṇastasya mūḍhasya prāyaścittaṃ vidhīyate // / iti śrutvā vacaḥ kruddho bahiḥ śāṃtavadācarat // ### [1.6.5](https://indike.org/pramana/in.purana.siva.1.6.5) / svasti te svāgataṃ vatsa tiṣṭha pīṭhamito viśa // / kimu te vyāgravadvaktraṃ vibhāti viṣamekṣaṇam // ### [1.6.6](https://indike.org/pramana/in.purana.siva.1.6.6) / brahmovāca vatsa viṣṇo mahāmānamāgataṃ kālavegataḥ // / pitāmahaśca jagataḥ pātā ca tava vatsaka // ### [1.6.7](https://indike.org/pramana/in.purana.siva.1.6.7) / viṣṇuruvāca matsthaṃ jagadidaṃ vatsa manuṣe tvaṃ hi coravat // / mannābhikamalājjātaḥ putrastvaṃ bhāṣase vṛthā // ### [1.6.8](https://indike.org/pramana/in.purana.siva.1.6.8) / nandikeśvara uvāca evaṃ hi vadatostatra mugdhayorajayostadā // / ahameva baro na tvamahaṃ prabhurahaṃ prabhuḥ // ### [1.6.9](https://indike.org/pramana/in.purana.siva.1.6.9) / parasparaṃ haṃtukāmau cakratuḥ samarodyamam // / yuyudhāte 'marau vīrau haṃsapakṣīṃdravāhanau // ### [1.6.10](https://indike.org/pramana/in.purana.siva.1.6.10) / vairaṃcyā vaiṣṇavāścaivaṃ mitho yuyudhire tadā // / tāvadvimānagatayaḥ sarvā vai devajātayaḥ // ### [1.6.11](https://indike.org/pramana/in.purana.siva.1.6.11) / didṛkṣavaḥ samājagmuḥ samaraṃ taṃ mahādbhutam // / kṣipaṃtaḥ puṣpavarṣāṇi paśyaṃtaḥ svairamaṃbare // ### [1.6.12](https://indike.org/pramana/in.purana.siva.1.6.12) / suparṇavāhanastatra kruddho vai brahmavakṣasi // / mumoca bāṇānasahānastrāṃśca vividhānbahūn // ### [1.6.13](https://indike.org/pramana/in.purana.siva.1.6.13) / mumocā 'tha vidhiḥ kruddho viṣṇorurasi duḥsahān // / bāṇānanalasaṃkāśānastrāṃśca bahuśastadā // ### [1.6.14](https://indike.org/pramana/in.purana.siva.1.6.14) / tadāścaryamiti spaṣṭaṃ tayoḥ samaragocaram // / samīkṣya daivatagaṇāḥ śaśaṃsurbhṛśamākulāḥ // ### [1.6.15](https://indike.org/pramana/in.purana.siva.1.6.15) / tato viṣṇuḥ susaṃkruddhaḥ śvasanvyasanakarśitaḥ // / māheśvarāstraṃ matimān saṃdadhe brahmaṇopari // ### [1.6.16](https://indike.org/pramana/in.purana.siva.1.6.16) / tato brahmā bhṛśaṃ kruddhaḥ kaṃpayanviśvameva hi // / astraṃ pāśupataṃ ghoraṃ saṃdadhe viṣṇuvakṣasi // ### [1.6.17](https://indike.org/pramana/in.purana.siva.1.6.17) / tatastadutthitaṃ vyomni tapanāyutasannibham // / sahasramukhamatyugraṃ caṃḍavātabhayaṃkaram // ### [1.6.18](https://indike.org/pramana/in.purana.siva.1.6.18) / astradvayamidaṃ tatra brahmaviṣṇvorbhayaṃkaram // / itthaṃ babhūva samaro brahmaviṣṇvoḥ parasparam // ### [1.6.19](https://indike.org/pramana/in.purana.siva.1.6.19) / tato devagaṇāḥ sarve viṣaṇṇā bhṛśamākulāḥ // / ūcuḥ parasparaṃ tāta rājakṣobhe yathā dvijāḥ // / sṛṣṭiḥ sthitiśca saṃhārastiro bhāvopyanugrahaḥ // ### [1.6.20](https://indike.org/pramana/in.purana.siva.1.6.20) / yasmātpravartate tasmai brahmaṇe ca triśūline // / aśakyamanyairyadanugrahaṃ vinā tṛṇakṣayopyatra yadṛcchayā kvacit // ### [1.6.21](https://indike.org/pramana/in.purana.siva.1.6.21) / iti devābhayaṃ kṛtvā vicinvaṃtaḥ śivakṣayam // ### [1.6.22](https://indike.org/pramana/in.purana.siva.1.6.22) / jagmuḥ kailāsaśikharaṃ yatrāste caṃdraśekharaḥ // / dṛṣṭvaivamamarā hṛṣṭāḥ padaṃtatpārameśvaram // ### [1.6.23](https://indike.org/pramana/in.purana.siva.1.6.23) / praṇemuḥ praṇavākāraṃ praviṣṭāstatra sadmani // / tepi tatra sabhāmadhye maṃḍape maṇiviṣṭare // ### [1.6.24](https://indike.org/pramana/in.purana.siva.1.6.24) / virājamānamumayā dadṛśurdevapuṃgavam // / savyottaretarapadaṃ tadarhitakarāṃ bujam // ### [1.6.25](https://indike.org/pramana/in.purana.siva.1.6.25) / svagaṇaiḥ sarvato juṣṭaṃ sarvalakṣaṇalakṣitam // / vījyamānaṃ viśoṣajaiḥ strījanaistīvrabhāvanaiḥ // ### [1.6.26](https://indike.org/pramana/in.purana.siva.1.6.26) / śasyamānaṃ sadāvedairanugṛhṇaṃtamīśvaram // / dṛṣṭvaivamīśamamarāḥ saṃtoṣasalilekṣaṇāḥ // ### [1.6.27](https://indike.org/pramana/in.purana.siva.1.6.27) / daṃḍavaddūrato vatsa namaścakrurmahāgaṇāḥ // / tānavekṣya patirdevānsamīpe cāhvayadgaṇaiḥ // ### [1.6.28](https://indike.org/pramana/in.purana.siva.1.6.28) / atha saṃhlādayandevāndevo devaśikhāmaṇiḥ // / avocadarthagaṃbhīraṃ vacanaṃ madhumaṃgalam // ### [1.6.28.p1](https://indike.org/pramana/in.purana.siva.1.6.28.p1) iti śrīśivamahāpurāṇe vidyeśvarasaṃhitāyāṃ ṣaṣṭho 'dhyāyaḥ ### [1.6.28.p2](https://indike.org/pramana/in.purana.siva.1.6.28.p2) Chapter 7 īśvara uvāca vatsakāḥ svastivaḥ kaccidvartate mama śāsanāt // ## Other recensions (2) - [Śivapurāṇa (complete text)](https://indike.org/pramana/in.purana.siva*complete-2.1.6.1) — Sanskrit - [Śivapurāṇa (complete text)](https://indike.org/pramana/in.purana.siva*complete.1.6.1) — Sanskrit --- Source: [https://indike.org/pramana/in.purana.siva.1.6](https://indike.org/pramana/in.purana.siva.1.6) · Pramāṇa